شرح نسبة الاحتفاظ – نسبة الأرباح المحتجزة في الشركات

شرح نسبة الاحتفاظ “Retention Ratio” واللي ببتسمى بنسبة الاستبقاء وبتبين النسبة المئوية لأرباح الشركة الغير موزعة على المساهمين كأرباح نقدية وبيتم الاحتفاظ بيها كأرباح محتجزة، النسبة دي بتظهر قد ايه من الربح بيتم احتجازه عشان تطوير الشركة وقد ايه بيتم توزيع أرباح نقدية للمساهمين.

إدارة نسبة الاحتفاظ مش مجرد تحقيق أرباح فورية، لكن هي استثمار في المستقبل.

إقرأ المزيد: أنواع تحليل النسب المالية – أهم 5 أدوات للتحليل المالي

ايه هي معادلة نسبة الاحتفاظ؟

نسبة الاحتفاظ = الأرباح المحتجزة / صافي الدخل
أو
نسبة الاحتفاظ = 1- نسبة توزيع الأرباح

حجم نسبة الاحتفاظ هيكون ليه تأثير على أنواع مختلفة من المستثمرين:

• المستثمرين المهتمين بالحصول على دخل من الأرباح هيفضلوا نسبة احتفاظ منخفضة واللي معناها احتمالات عالية لتوزيع أرباح نقدية للمساهمين.
• المستثمرين المهتمين بالنمو هيفضلوا نسبة احتفاظ مرتفعة واللي معناها إن الشركة بتستخدم أرباحها الداخلية بشكل مربح، وده بيزود سعر السهم.

لو كانت نسبة الاحتفاظ قريبة من 0% فمعنى كدا إن الشركة أكتر احتمالية لعدم القدرة على الحفاظ على مستويات الأرباح الموجودة حاليًا، لإنها بتوزع كل العوائد للمستثمرين، وبكدا مش بتتوفر سيولة كافية لدعم احتياجات رأس المال للشركة. في الصورة تحت بنشوف إن شركة “أمازون” وشركة “جوجل” عندهم نسبة الاحتفاظ 100% (بيحتفظوا بكل الأرباح لإعادة الاستثمار) بس نسبة الاحتفاظ عند “كولجيت” 38.22% في سنة 2016.

أمثلة عامة علي نسبة الاحتفاظ

يلا نشوف بعض الأمثلة لتسهيل الفهم:

بافتراض إن الشركة “Z” سجلت أرباح للسهم 100 دولار وقررت دفع 5 دولار كأرباح، باستخدام المعادلة، هتكون نسبة توزيع الأرباح هي: 5 دولار / 100 دولار = 20%

نسبة الاحتفاظ = 1 – (2 دولار / 10 دولار) = 1 – 0.20 = 0.80 = 80%

وده معناه ان شركة “Z” وزعت 20% من دخلها على شكل أرباح واستثمرت الباقي، يعني 80% من الفلوس تم إعادة استثمارها في الشركة.

معانا مثال كمان لمقارنة شركتين:

	شركة X	شركة Y
ربحية السهم للعام السابق	$8.5	$10.5
توزيعات الأرباح المدفوعة في العام السابق لكل سهم	$4.0	$3.0
نوع صناعة	خدمات	تكنولوجيا
صافي التدفق النقدي من الأنشطة الاستثمارية	إيجابي	سلبي

نسبة الاحتفاظ لشركة “X” بتقول إنهم عانوا في إيجاد فرصة كويسة تكون مربحة، وعشان كده هيوزعوا جزء كبير من الأرباح كأرباح نقدية، ممكن يكون دي حاجة مؤقتة عشان ترضي عدد كبير من المساهمين وتزود سعر السهم في الوقت الحالي. بالنسبة لشركة “Y” النسبة المنخفضة للإحتفاظ والتدفق النقدي السلبي بيظهر إنهم استثمروا بقوة في مشروعات مستقبلية وكمان احتفظوا بجزء من الأرباح عشان يستخدموها في فرص مستقبلية.

استخدامات نسبة الاحتفاظ

بعض استخدامات النسبة دي هي:

• النسبة سهلة في الحساب ومناسبة للمقارنة بين الشركات والقطاعات المختلفة.
• النسبة بتتعاون مع نسبة توزيع الأرباح لتخطيط أفكار مستقبلية للشركة.

حساب نسبة الاحتفاظ في Excel

هنعمل نفس المثال في “Excel” هنحتاج ندخل رقمين: الأرباح الموزعة “Dividend” والربح للسهم “EPS” بعد كدا هنقدر نعمل حساب نسبة الاحتفاظ.

معانا مثال كمان لمقارنة شركتين بالاكسل:

مهم: نسبة الاحتياطي – السيطرة على التضخم وتعزيز الاستقرار

الخلاصة

من الضروري فهم إن توقعات المستثمرين واحتياجات رأس المال بتختلف من صناعة للتانية، ومقارنة نسب الاحتفاظ بيكون ليها معنى لما بتتم في نفس الصناعة ونفس الشركات، يعني مفيش نطاق محدد لازم تكون فيه نسبة الاحتفاظ، ولازم ناخد في الاعتبار عوامل تانية كتير قبل الاستنتاج بخصوص الفرص المستقبلية للشركة، نسبة الاحتفاظ لازم تكون مؤشر على النوايا المحتملة اللي بتاخدها الشركة.