هامش الربح التشغيلي – البوصلة المالية لأي شركة
![هامش الربح التشغيلي – البوصلة المالية لأي شركة](https://bashmohasb.com/wp-content/uploads/2023/10/هامش-الربح-التشغيلي-–-البوصلة-المالية-لأي-شركة.jpg)
هامش الربح التشغيلي “Operating Profit Margin” هو نسبة الربحية المستخدمة لتحديد النسبة المئوية للربح اللي بتحققة الشركة من عملياتها قبل خصم الضرائب والفوائد، ولحسابها بنقسم الربح التشغيلي للشركة على إجمالي المبيعات الصافية، النسبة دي بتختلف من شركة لشركة ومن قطاع لقطاع، وبتستخدم كمقياس جيد لمقارنة الأداء المالي لشركة مع منافسيها، بناءًا على المؤشر ده بنقدر نحلل ربحية الشغل الحالي للشركة والإمكانيات المستقبلية.
هامش الربح التشغيلي هو مؤشر على كفاءة إدارة الشركة في تحقيق الأرباح من عملياتها الأساسية.
بيتر دراكر
إقرأ المزيد: صافي الربح التشغيلي بعد الضرائب (NOPAT) – خطوات حسابه وأهميته
النقاط الأساسية
- نسبة الربح التشغيلي هي مؤشر لمصداقية الشركة بيساعد في قياس الربح المحقق من العمليات التشغيلية للشركة.
- الشركة بتعمل خصومات معينة قبل ما يتمكنوا من الوصول للنسبة، زي الضرائب وأسعار الفائدة.
- بيتم حساب نسبة الربح التشغيلي عن طريق قسمة الربح التشغيلي على الإجمالي الصافي للمبيعات وضربها في 100 عشان تطلعلنا النسبة المئوية.
- المستثمرين بيبحثوا عن نسبة الربح التشغيلي لتقييم الكفاءة التشغيلية الفعلية للشركة وفهم ربحيتها.
شرح هامش الربح التشغيلي
نسبة الربح التشغيلي الجيدة هي نسبة بتُستخدم عشان نقيس قدرة الشركة على تحقيق الربح، النسبة بتبين قد ايه من الإيرادات بتتبقى للبيزنس بعد خصم كل المصروفات. المحللين والدائنين والمستثمرين بيستخدموا المقياس ده طول الوقت عشان يفهموا أداء البيزنس، وبتساعدهم يفسروا القيمة اللي الشركة ممكن تضيفها للفلوس اللي المستثمرين حاطينها، النسبة دي بتديهم فكرة إذا كان الاستثمار في الشركات دي هيكون فيه عوائد أو لأ.
كمان الموضوع ده مفيد للبنوك والمقرضين عشان الربحية هي أهم معيار لتقييم قدرة الشركة على سداد القروض، المقرضين هيمنحوا القروض بناءًا على قوة الجهة وقدرتها على السداد. المستثمرين بيستخدموه كتير عشان بيعرفوا قد إيه الشركة بتكسب من الربح التشغيلي.
معادلة هامش الربح التشغيلي Operating Profit Margin
المعادلة = الربح التشغيلي / صافي المبيعات * 100
في المعادلة عندنا عنصرين مهمين.
العنصر الأول هو الربح التشغيلي
بنوصل لربح التشغيل بخصم تكلفة بيع البضاع والمصروفات من إجمالي المبيعات، لو شوفت قائمة الدخل للشركة هتقدر تعرف الربح التشغيلي بشكل كويس، الحاجة الخاصة في الربح التشغيلي إنه مش بيشمل الدخل والمصروفات غير المتعلقة بالربح التشغيلي.
العنصر التاني هو صافي المبيعات
بنبدأ قائمة الدخل بإجمالي المبيعات، وهي إجمالي الإيرادات اللي الشركة حققتها، بس عشان نعرف صافي المبيعات، لازم نخصم أي مردودات مبيعات أو خصم على المبيعات من إجمالي المبيعات، وفي معادلة نسبة الربح التشغيلي اللي فوق، بنقارن بين الربح التشغيلي وصافي المبيعات عشان نحدد النسبة.
أمثلة عملية علي هامش الربح التشغيلي
هناخد بعض الأمثلة البسيطة لتوضيح المعادلة:
مثال رقم 1
معانا بعض التفاصيل المرتبطة بقائمة الدخل لشركة “YOU Matter”
- إجمالي المبيعات – 564000 دولار.
- مردودات المبيعات – 54000 دولار.
- تكلفة البضاعة المباعة – 2،40،000 دولار.
- تكلفة العمالة – 43000 دولار.
- مصاريف إدارية وعمومية – 57000 دولار.
اكتشف هامش الربح التشغيلي لشركة “YOU Matter”
هنحتاج لإيجاد صافي مبيعات الشركة:
- إجمالي المبيعات 564000 دولار، ومردودات المبيعات 54000 دولار.
- صافي المبيعات = (إجمالي المبيعات – مردودات المبيعات) = (564000 دولار – 54000 دولار).
- = 510 ألف دولار.
هنحتاج لخصم تكلفة البضاعة المباعة من صافي المبيعات لمعرفة إجمالي الربح:
- إجمالي الربح = (صافي المبيعات – تكلفة البضاعة المباعة).
- = (510.000 دولار – 240.000 دولار).
- = 270.000 دولار.
هنخصم مصاريف التشغيل من إجمالي الربح لتحديد الربح التشغيلي:
- الربح التشغيلي = (إجمالي الربح – تكلفة العمالة – المصروفات الإدارية والعمومية).
- = (270،000 دولار – 43،000 دولار – 57،000 دولار).
- = 170،000 دولار.
باستخدام معادلة هامش الربح التشغيلي هيطلعلنا:
- معادلة هامش ربح التشغيل = الربح التشغيلي / صافي المبيعات * 100
- الهامش التشغيلي = 170،000 دولار / 510،000 دولار * 100
- = 1 / 3 * 100
- = %33.33
مثال رقم 2 – شركة Colgate
معانا قائمة الدخل الخاصة بشركة “Colgate” من 2007 لـ 2015، بكدا نقدر نحسب نسبة هامش الربح التشغيلي.
![هامش الربح التشغيلي – البوصلة المالية لأي شركة](https://www.bashmohasb.com/wp-content/uploads/2023/10/مثال-رقم-2-شركة-Colgate-1024x338.png)
- الربح التشغيلي لشركة كولجت = EBIT / صافي المبيعات.
- تاريخيًا، وفقًا لتحليل هامش الربح التشغيلي، فضل الربح التشغيلي لشركة “كولجيت” في نطاق 20% – 23%
![هامش الربح التشغيلي – البوصلة المالية لأي شركة](https://www.bashmohasb.com/wp-content/uploads/2023/10/مثال-2-شركة-Colgate.png)
سنة 2015 انخفض هامش الأرباح قبل الفوائد والضرائب لشركة “كولجيت” بشكل ملحوظ لـ 17.4% ده كان بسبب تغيير في الشروط المحاسبية (زي ما هو واضح تحت).
![هامش الربح التشغيلي – البوصلة المالية لأي شركة](https://www.bashmohasb.com/wp-content/uploads/2023/10/مثال-رقم-2-شركة-كولجيت-1024x244.png)
أهمية هامش الربح التشغيلي
كتير من الشركات بتهتم بصافي الربح، الربح الصافي ده بيجي من الايرادات والنفقات اللي الشركة بتقدمها، بس لو كانت نسبة الربح الصافي عالية، ده مش ضمان إن الشركة تكون فعالة وجيدة، بالعكس ممكن تخفي الربح الحقيقي اللي بيتحقق من جهود التشغيل للشركة.
عشان كده، المستثمرين لازم يعرفوا الربح التشغيلي، عشان نسبة الربح التشغيلي الجيدة بتساعد في تحديد الربح اللي بتحققه الشركات من عملياتها وبيضمن الكفاءة والربحية، وده السبب إنها واحدة من أهم مؤشرات الربحية كلها. وفي وقت البحث عن نسبة الربح، المستثمرين لازم يفحصوا نسبة الربح الإجمالية ونسبة الربح الصافية، بالإضافة كمان لازم يفحصوا تحليل نسبة الربح التشغيلي، اللي أكيد هيعرفنا ازاي الشركة بتشتغل بشكل عملي.
حساب هامش الربح التشغيلي بالاكسل
هنعمل نفس المثال دلوقتي لطريقة حساب هامش الربح التشغيلي في اكسل، ده سهل جدًا. أول حاجة, لازم تعرف الإيرادات الصافية والربح الإجمالي, وبعدين هتحتاج تطرح من الربح الإجمالي النفقات التشغيلية عشان تعرف الربح التشغيلي، بعد كدة باستخدام معادلة هامش الربح التشغيلي هنحسب نسبة الربح التشغيلي.
أول حاجة, لازم نحدد الإيرادات الصافية لشركة “YOU Matter”.
![هامش الربح التشغيلي – البوصلة المالية لأي شركة](https://www.bashmohasb.com/wp-content/uploads/2023/10/إيرادات-الصافية-لشركة-YOU-Matter.png)
لحساب الربح الإجمالي، هنحتاج لخصم تكلفة البضاعة المباعة من صافي المبيعات.
![هامش الربح التشغيلي – البوصلة المالية لأي شركة](https://www.bashmohasb.com/wp-content/uploads/2023/10/حساب-قيمة-الربح-الإجمالي.png)
هنخصم مصاريف التشغيل من إجمالي الربح لتحديد الربح التشغيلي.
![هامش الربح التشغيلي – البوصلة المالية لأي شركة](https://www.bashmohasb.com/wp-content/uploads/2023/10/حساب-قيمة-الربح-التشغيلي.png)
دلوقتي باستخدام معادلة هامش الربح التشغيلي هنعرف:
![هامش الربح التشغيلي – البوصلة المالية لأي شركة](https://www.bashmohasb.com/wp-content/uploads/2023/10/صيغة-معادلة-هامش-الربح-التشغيلي.png)
![هامش الربح التشغيلي – البوصلة المالية لأي شركة](https://www.bashmohasb.com/wp-content/uploads/2023/10/حساب-الربح-التشغيلي.png)
هامش الربح التشغيلي مقابل هامش الربح الإجمالي
نسبة الربح التشغيلي بتشمل مصاريف التشغيل للشركة، ونسبة الربح الإجمالي بتشمل المصاريف المباشرة، بس الفرق الأساسي هو اللي في جدول المقارنة ده:
هامش الربح التشغيلي | هامش الربح الإجمالي |
هي الإيرادات مطروح منها المصاريف العامة. | يخصم بس التكاليف المرتبطة مباشرة بالإنتاج. |
هو الربح قبل الفوائد والضرائب. | هوالربح بعد خصم تكلفة البضاعة المباعة. |
بيدي للمستثمرين رؤية مالية أفضل من الهامش الإجمالي. | أقل موثوقية كمقياس للوضع المالي من هامش التشغيل. |
هو دائما أقل من الهامش الإجمالي. | أكتر من هامش التشغيل لإن مبلغ الربح أكبر. |
لو عايز تزود الأرباح، فابدأ بزيادة هامش الربح التشغيلي. ممكن تحقق ده من خلال زيادة الإيرادات أو تقليل التكاليف التشغيلية.
وارن بافيت
ازاي بنفسر هوامش التشغيل؟
يُعتبر أي هامش تشغيلي مرتفع للأعمال بيكون معناه ببساطة وظائف تشغيلية أفضل للأعمال التجارية وبيجذب المستثمرين ومديرين الصناديق.
هل هامش الربح التشغيلي هو نفسه هامش الربح؟
لا، هامش الربح التشغيلي بيختلف عن هامش الربح عشان هامش الربح بياخد في الاعتبار التكاليف المباشرة بس، في المقابل يشمل هامش الربح التشغيلي كل المصروفات، زي المصروفات العامة.
مهم: نسبة التدفق النقدي التشغيلي – مؤشر حيوي لنجاح العمليات المالية
ايه هو الفرق بين EBITDA وهامش الربح التشغيلي؟
الأرباح قبل الفوائد والضرائب والإهلاك وإطفاء الدين (EBITDA) وهامش الربح التشغيلي هي أسماء مختلفة لنفس المفاهيم، وبيشيروا لربح الشركة، ولكن بتشمل الـ EBITDA على الضرائب والإهلاك وإطفاء الدين والفائدة.