معادلة دوبونت DuPont – أداة رؤية المستثمر الذكية للتقييم المالي وتحقيق العائد المربح

معادلة دوبونت “DuPont Formula” اللي اخترعتها شركة دوبونت سنة 1920، بتحسب ربحية ملكية المساهمين (ROE) وبتقسمها لـ 3 أجزاء: الربح و معدل دوران الأصول و درجة الرافعة المالية، وده بيساعد المستثمرين والمحللين الماليين عشان يفهموا ازاي الشركة بتولد عائد لمساهميها، وكمان بتساعد على فهم قابلية الشركة للربح وكيفية توزيع الموارد بكفاءة ومدي استقرارها.

لما تستخدم معادلة دوبونت بشكل صحيح، هتفهم كيفية تحقيق أقصى عائد على رأس المال وتحسين أداء عملك.

إقرأ المزيد: تحليل Dupont: نموذج تحليل بيانات باستخدام العائد على حقوق الملكية ROE

ايه هي معادلة دوبونت DuPont؟

دي معادلة العائد على حقوق الملكية وفقًا لشركة “DuPont Corporation”:

العائد على حقوق الملكية (ROE) = هامش الربح * معدل دوران الأصول * عامل الرافعة المالية

مثال تطبيقي علي معادلة دوبونت

شركة “سوترا” عندها المعلومات التالية:

• صافي الدخل للسنة – 50,000 دولار.
• إيرادات السنة – 300,000 دولار.
• إجمالي أصول الشركة – 900 ألف دولار.
• حقوق المساهمين – 150,000 دولار.

باستخدام معادلة “DuPont ROE” هيطلعلنا:

• العائد على حقوق الملكية = هامش الربح * معدل دوران الأصول * عامل الرافعة المالية.
• يعني: دوبونت = (صافي الدخل / الإيرادات) * (الإيرادات / إجمالي الأصول) * (إجمالي الأصول / حقوق المساهمين).
• يعني: دوبونت = (50,000 دولار / 300,000 دولار)*(300,000 دولار / 900,000 دولار)*(900,000 دولار / 150 ألف دولار).
• يعني: دوبونت = 1 / 6 * 1 / 3 * 6 = 1 / 3 = 33.33%.

ممكن كمان نعرف العائد على حقوق الملكية بطريقة مباشرة:

• العائد على حقوق الملكية = صافي الدخل / حقوق الملكية.
• العائد على حقوق الملكية = 50،000 دولار / 150،000 دولار.
• = 1 / 3
• = %33.33.

معادلة دوبونت – شركة كولجيت

في مثال معادلة “DuPont” اللي تحت، هنقوم بحساب “Dupont ROE” الخاص بـ “Colgate”.

• هناخد صافي الدخل بعد دفع مساهمي الأقلية، بكدا هتتكون حقوق المساهمين من المساهمين العاديين بس في “كولجيت”.
• انخفض معدل دوران الأصول خلال 7-8 سنوات الأخيرة، كمان انخفضت هوامش ربح “كولجيت” خلال 5-6 سنوات اللي فاتت.
• العائد على حقوق الملكية مش مبين اتجاه هبوطي، بالعكس بيتزايد بشكل عام.
• بسبب عامل الرافعة المالية أو مضاعف حقوق الملكية (إجمالي الأصول / إجمالي حقوق الملكية)، هنلاحظ إن مضاعف حقوق الملكية أظهر زيادة مضاعفة خلال الخمس سنين اللي فاتوا، ووصل لـ 30 ضعف.

شرح معادلة دوبونت DuPont

خلينا نقسم المعادلة عشان نقدر نفهم طريقة عملها بالشكل ده:

• المكون الأول من المعادلة هو صافي هامش الربح، لو شوفنا هامش الربح هيكون – صافي الدخل / الإيرادات.
• المكون التاني من المعادلة هو إجمالي معدل دوران الأصول، لو شوفنا إجمالي دوران الأصول هيكون – الإيرادات / إجمالي الأصول.
• المكون التالت في المعادلة هو مضاعف حقوق الملكية، لو شوفنا عامل الرافعة المالية هيكون – إجمالي الأصول / حقوق الملكية.

دلوقتي لو حطينا المكونات التلاتة دي زي ما قررت شركة “DuPont”، هيطلع:

• العائد على حقوق الملكية = هامش الربح * معدل دوران الأصول * عامل الرافعة المالية.
• العائد على حقوق الملكية = (صافي الدخل / الإيرادات)*(الإيرادات / إجمالي الأصول)*(إجمالي الأصول / حقوق الملكية).
• سحر المعادلة دي بالذات هو إن لما نضرب التلات معادلات دول هيطلع في النهاية – صافي الدخل / حقوق الملكية.

بس لو شوفنا كل معادلة هنكون قادرين نفهم النسب الأربعة مع بعض:

1. هنتعرف على ربحية الشركة.
2. هنفهم مدى كفاءة الشركة في استخدام أصولها.
3. مقدار النفوذ اللي حصلت عليه الشركة.
4. هنفهم كمان العائد على حقوق الملكية بشكل عام.

في معادلة العائد على حقوق الملكية، مش بنحط بس الأسهم العادية، بناخد في الاعتبار كمان الأسهم الممتازة والأرباح الموزعة. أما حقوق المساهمين يعني هناخد الرقم الإجمالي في النهاية.

استخدام معادلة دوبونت

كل مستثمر لازم يكون عنده علم كويس بالنسب المالية قبل ما يستثمر في أي شركة.

• معادلة DuPont بتساعد المستثمرين يوفروا وقت ومجهود، وفي نفس الوقت هيفهموا ازاي الشركة بتستخدم مواردها بشكل كويس وقد ايه الشركة مديونة.
• عائد ملكية المساهمين لوحده بيدينا فكرة عن النسبة بين صافي الدخل وملكية المساهمين، بس مش بيساعدنا نفهم قد ايه الشركة مربحة، وازاي الشركة بتستخدم أصولها وغيرها.
• بالمعادلة دي تقدر تحسب كل حاجة، كل اللي لازم تعمله هو تشوف قائمة الدخل والميزانية العمومية وقائمة حقوق الملكية.

معادلة DuPont في Excel

هنعمل نفس مثال معادلة “DuPont” اللي فوق في “Excel”، هنحتاج لتوفير صافي الدخل وإجمالي الأصول والإيرادات وحقوق المساهمين، وممكن بسهولة ساعتها نحسب معادلة “DuPont” بالشكل ده:

لو عايزين الـ”ROE” مباشرة، هيكون بالشكل ده:

معادلة دوبونت بتعلمنا إن أقصى عائد للمساهمين بييجي من مزيج مثالي بين الربحية، وإدارة رأس المال، والكفاءة في استخدام الأصول.

نموذج دوبونت بنستخدمه لإيه؟

نموذج “دوبونت” هو إطار عمل موثق ابتكرته شركة “دوبونت” لحساب عائد ملكية المساهمين للشركات، بيحاول يقارن أداء العمليات للشركات في نفس الصناعة.

ايه هو الرسم البياني دوبونت؟

الرسم البياني “دوبونت” هو تمثيل بياني بيساعد الشركة وإدارتها على فهم هيكل الربح في الشركة والمناطق اللي فيها عيوب وبتحتاج للتحسين والمناطق اللي بتحتاج لمزيد من التحليل.

مهم: شرح معادلة درجة الرافعة المالية – طريقة حسابها مع أمثلة عملية

ايه معنى عائد ملكية المساهمين 10%؟

عائد ملكية المساهمين 10% يعني إنه على كل 100 دولار من حقوق المساهمين في الشركة، بيتم توليد ربح بمبلغ 10 دولار للمساهمين، فبيعرف المستثمر الربح اللي تم توليده على حقوق الملكية في الشركة.