معادلة (DSCR): تفسير نسبة تغطية خدمة الديون وأثرها في القروض والعمليات التجارية

معادلة نسبة تغطية خدمة الديون “Debt service coverage ratio” بتديك فكرة عن قدرة الشركة على تسديد ديونها، بتتحسب عن طريق قسمة الدخل التشغيلي على خدمة الديون الكلية، الدخل التشغيلي هو فلوس الشركة اللي بتحصلها من المبيعات وبتطرح منها مصروفات التشغيل، وعادةً بتتحسب بناءًا على صافي الربح التشغيلي، خدمة الديون الكلية هي الديون الحالية اللي لازم تتسدد في السنة الجاية، زي القروض وصناديق الغرق.

كل ما ارتفعت قيمة DSCR، كل ما زادت ثقة المستثمرين والمقرضين فيك.

النقاط الرئيسية

الـ”DSCR” بتساعد المستثمر يفهم لأي درجة الشركة قادرة تسدد ديونها، بتساعده كمان يفهم الوضع المالي للشركة ويتأكد إنها شركة موثوقة ومستقرة.
بعد ما تحسب الـ”DSCR” ، القيمة الناتجة بتتفسر بطريقتين، لو النسبة أكبر من واحد يبقى النسبة كويسة وبتشير إن الشركة قادرة تسدد ديونها من خلال دخلها.
نسبة الـ”DSCR” أقل من واحد معناها إن الشركة مش قادرة تسدد ديونها بإستخدام أرباحها الحالية ومعناها إنها مش شركة قوية.
النسبة العالية من الـ”DSCR” معناها إن الشركة عندها فرصة أعلى إنها تقدر تاخد قرض وفرصة أعلى تاخده بسعر فائدة أقل وإن الشركة ناجحة ومتقدمة.

شرح معادلة الـ DSCR

معادلة (DSCR): تفسير نسبة تغطية خدمة الديون وأثرها في القروض والعمليات التجارية — شرح معادلة الـ DSCR

معادلة نسبة تغطية خدمة الديون “DSCR” بتاخد صافي الدخل التشغيلي وبتقسمه على خدمة الديون (الفوائد، صناديق الغرق، الضرائب). المعدل لازم يشمل كل الديون اللي الشركة ملتزمة بيها زي:

قروض البنوك.
قروض قصيرة الأجل.
عقود الإيجار.
المدفوعات الشهرية لخدمة الديون.

أغلب المقرضين بيستخدموا الربح التشغيلي، اللي هو نفسه الأرباح قبل الفوائد والضرائب، عشان يحسبوا النسبة، بس في ناس بتستخدم كمان الربح التشغيلي قبل الفوائد والضرائب والإهلاكات (EBITDA) لحساب النسبة.

أمثلة علي معادلة DSCR في برنامج Excel

هنعرض ليك شوية أمثلة عملية علي معادلة نسبة تغطية خدمة الديون.

مثال رقم 1

بفرض إن مطور عقاري عايز ياخد قرض من بنك، المقرض عايز الأول يحسب الـ “DSCR” عشان يحدد قدرة المقترض على سداد قرضه، بيكشف المطور العقاري إن دخله التشغيلي 200 ألف دولار سنويًا والمفروض يدفع فائدة سنوية 70 ألف دولار على القرض اللي هياخده، بكدا هيحسب المقرض “DSCR” عشان يحدد إذا كان هيتم منح القرض للمطور العقاري ولا لأ.

DSCR = 200000 / 70000
DSCR = 2.857
DSCR هو 2.857 بكدا يكون كويس لو المطور العقاري أخد القرض.

دلوقتي لو كان المطور عنده مصاريف ايجار لدفع 5000 دولار، بكدا خدمة الدين هتوصل لـ 75,000 دولار، وهيكون “DSCR” الجديد:

DSCR = 200,000 / 75,000
DSCR = 2.66
بكدا انخفض “DSCR” مع زيادة مدفوعات خدمة الدين.

مثال رقم 2

احسب “DSCR” للشركة “X” اللي عندها قائمة الدخل دي:

بيتم حساب الدخل التشغيلي بطرح المصروفات من إجمالي الربح، وخدمات الديون هتتحسب بمصاريف الفائدة ونفقات ضريبة الدخل

بكدا صافي الدخل التشغيلي = 13,000 دولار.
خدمة الدين = 5000 دولار.

هيكون حساب “DSCR”:

DSCR = 13,000 / 5000

الـ”DSCR” هيكون:

DSCR = 2.6

بيشير “DSCR” البالغ 2.6 إن الشركة عندها فلوس كفاية لتغطية التزامات ديونها.

مثال رقم 3

في المثال ده هنحسب نسبة تغطية خدمة الديون لشركة “ILandFS “، متاح ليك بيانات أرباح التشغيل وخدمة الدين من بيان الربح والخسارة المتاح في مراقبة الأموال.

وصل صافي الربح التشغيلي 160.92 دولار في سنة 2018، وبالنسبة لخدمة الدين ممكن نشوف إنها محتاجة لدفع فوائد بمبلغ 396.03 دولار.

بكدا هيكون حساب معادلة الـ”DSCR”:

DSCR = 160.92 / 396.03

الـ”DSCR” هيكون:

DSCR = 0.406

بيشير “DSCR” البالغ 0.406 إن الشركة معندهاش فلوس كفاية لتغطية التزامات ديونها.

مثال رقم 4

هنحسب نسبة تغطية خدمة الديون لمطوري البنية التحتية الكهربائية والميكانيكية، موجود بيانات أرباح التشغيل وخدمة الدين من بيان الأرباح والخسائر، والمتوفر في مراقبة الأموال.

وصل صافي الربح التشغيلي 218.26 دولار في سنة 2018، وبالنسبة لخدمة الدين محتاجة لدفع الفوائد والضرائب وهي 50.04 دولار.

هيكون “DSCR” حسابه:

DSCR = 218.26 / 50.04

الـ”DSCR” هيكون:

DSCR = 4.361
“DSCR” البالغ 4.361 بيوضح إن الشركة عندها فلوس كافية لتغطية التزامات ديونها.

أهمية الـ DSCR

نسبة تغطية خدمة الديون “DSCR” مهمة للدائنين والمستثمرين، بس الدائنين بيحللوها أكتر عشان يحددوا قدرة المقترض على سداد الديون الحالية.
نسبة “DSCR” بتحدد إذا كان المقترض هياخد الموافقة على قرضه وشروط وأحكام القرض.

ازاي تفسر معادلة DSCR؟

النسبة دي ليها علاقة بقدرة الشركة على تسديد ديونها، والنسبة لازم تكون 1 أو أعلى عشان تكون كويسة، وكل ما النسبة تكون أعلى، كل ما يكون أحسن.

لو النسبة أكبر من واحد، ده معناه إن الشركة بتولّد تدفقات نقدية كافية عشان تسدد ديونها.
لو النسبة أقل من واحد، ده معناه إن الفلوس مش كافية عشان تغطي التزامات الديون، مثلاً إذا كانت النسبة 0.85 ده معناه إن في تدفق نقدي بنسبة 85% بس من الديون.

أغلب المقرضين بيدوروا علي نسبة “DSCR” تكون 1.15 أو أكتر بناءًا على ظروف الشركة الاقتصادية، المقرض مش هيكون عايز يخسر بسبب تقديم قرض لمقترض واللي ممكن ميقدرش يسدد، النسبة بتدي فكرة عن تدفقات النقدية في الشركة وكمية الفلوس المتاحة عندها لسداد القرض.

النسبة دي مهمة جدًا في التمويل العقاري والتجاري، لإنها بتدي فكرة عن أقصى مبلغ قرض ممكن للمقرض ياخده.

فوائد الـDSCR العالية

فرص أعلى في التأهل عشان تاخد قرض.
فرص أفضل عشان يكون القرض بسعر فائدة أقل.
ممكن للشركات إدارة التزامات الديون بطريقة أفضل.

عشان كدا لو كانت النسبة أعلى، فده هيكون أفضل.

الـ DSCR هي مقياس القوة المالية الحقيقية لأي مشروع أو شركة.

كيفية حساب نسبة تغطية الديون في برنامج إكسل؟

عشان المفهوم دي بيضم معادلة واضحة ممكن للمحللين استخدامها عشان يفهموا النتيجة، ممكن حسابه بسهولة في برنامج إكسل عن طريق قسمة صافي الدخل التشغيلي للشركة على إجمالي خدمة الديون.

ايه هو معدل تغطية الديون المناسب لإيجار عقار؟

معادلة حساب نسبة تغطية الديون للعقارات المؤجرة هي عن طريق قسمة “PITIA” واللي بتشمل الأقساط الشهرية لرأس المال والفائدة والضرائب والتأمين ورسوم الجمعية على إجمالي الإيجار الشهري، بكدا تعتبر النسبة اللي بتزيد عن 1.2 جيدة ومناسبة لاتخاذ قرار المستثمر.

مهم: نسبة الدين للربح التشغيلي (Debt-to-EBITDA) وأهميتها في تحليل الأداء المالي