التحليل المالي: تحليل القوائم المالية باستخدام السيولة المحاسبية

السيولة المحاسبية مهمة جدًا في تقييم وضع الشركة المالي، وبتعرفنا القدرة الحقيقية للشركة على سداد التزاماتها المالية في الوقت الحالي والمستقبل، ومقاييس السيولة الهدف منها إنك تعرف إذا كانت الشركة قادرة تسدد ديونها ولا لأ، وعشان كده السيولة المحاسبية مهمة في حسابات أي شركة لإنها كمان بتساعدنا إننا ناخد القرارات المناسبة اللي بتساهم في تحسين وضع الشركة المالي، وكمان هنعرفك تفاصيل تحليل القوائم المالية باستخدام السيولة المحاسبية.

السيولة المحاسبية هي النبض الحقيقي للشركة.

إقرأ المزيد: التحليل المالي: كل اللي يهمك عن متوسط فترة التحصيل

ايه هي السيولة في المحاسبة؟

السيولة المحاسبية بتقيس قدرة الشركة على سداد ديونها، عادةً بنعبر عنها بنسبة من الخصوم المتداولة للشركة، فمثلا بتقدر تحسب نسبة السيولة المتداولة بقسمة الأصول المتداولة على الالتزامات المتداولة، واللي بيساعد الشركة تعرف سيولتها عشان ما تواجهش أي مشاكل مالية في المستقبل.

معادلات السيولة المحاسبية

في تحليل السيولة المحاسبية، في مجموعة من النسب المستخدمة، وهي كالتالي:

1) النسبة الحالية (Current Ratio)

النسبة الحالية بتحسب قدرة الشركة على سداد التزاماتها المتداولة، واللي لازم تتسدد خلال السنة الجايه، بالنسبة للأصول المتداولة المتاحة زي النقدية والبضاعة والحسابات المدينة. يعني لو النسبة المتدولة عالية، ده معناه إن وضعية الشركة وسيولتها أفضل.

وبتحسب النسبة الحالية بالمعادلة دي:

نسبة السيولة الحالية = الأصول المتداولة/ الخصوم المتداولة.

2) النسبة السريعة / اختبار الحمض (Acid-Test / Quick Ratio)

النسبة السريعة بتحسب قدرة الشركة على سداد التزاماتها المتداولة، وده بقي بالنسبة لأكتر الأصول السائلة، والأصول المتاحة والمصروفات المدفوعة مقدمًا بيتحذفوا من الأصول الحالية في حساب الـQuick Ratio عشان يتم حساب الأصول السائلة بشكل صحيح.

بتحسب السيولة السريعة بطريقتين:

نسبة السيولة السريعة = (النقدية وما يعادلها + الحسابات المستحقة + الاستثمارات قصيرة الأجل) / الخصوم المتداولة.

أو

نسبة السيولة السريعة = (الأصول المتداولة – المخزون ) / الخصوم المتداول.

3) النسبة النقدية (Cash Ratio)

النسبة النقدية بتقيس قدرة الشركة على سداد الالتزامات المتداولة، واللي مرتبط بالنقدية وما يعادلها، النسبة النقدية بتحدد الأصول السائلة بالظبط من خلال الفلوس النقدية وما يعادلها بتقييم قدرة الشركة على البقاء دايما لو حصلت أي حالة طارئة، عشان حتى الشركة اللي ربحها عالي أوقات ممكن تواجه مشاكل لو ما كانش فيها سيولة عشان تواجه الأحداث الغير متوقعة.

المعادلة اللي بنستخدمها عشان نحسب النسبة النقدية هي:

النسبة النقدية = (النقدية وما يعادلها + الاستثمارات قصيرة الأجل) / الخصوم المتداولة.

مثال على السيولة المحاسبية

معانا في المثال شركتين، شركة X وشركة Y، بيشتغلوا في نفس الصناعة:

بالنسبة لشركة X:

• الأصول المتداولة: 35 دولار.
• الخصوم المتداولة: 10 دولار.
• المخزون: 10 دولار.

بالنسبة لشركة Y:

• الأصول المتداولة: 12 دولار.
• الخصوم المتداولة: 20 دولار.
• المخزون: 6 دولار.

تحليل السيولة المحاسبية للشركتين

• النسبة الحالية = الأصول المتداولة / الخصوم المتداولة.
• النسبة السريعة = (الأصول المتداولة – المخزون) / الخصوم المتداولة.

تحليل السيولة المحاسبية للشركة X

النسبة الحالية لشركة (X) = 3.5 = 10 / 35

النسبة السريعة لشركة (X) = 2.5 = 10 / (10 – 35)

تحليل السيولة المحاسبية للشركة Y

النسبة الحالية لشركة (Y) = 0.6 = 20 / 12

النسبة السريعة لشركة (Y) = 0.3 = 20 / (6 – 12)

النسبة الحالية لشركة X أعلى من شركة Y، واللي بيوضح إن X عندها نسبة عالية من السيولة، وكمان النسبة السريعة لشركة X برضو بتدل على إن موجود مستوى كافي من السيولة حتى بعد استبعاد المخزون اللي قيمته 2 دولار من الأصول الحالية، ده عشان عندهم 2.5 دولار نقدا لكل دولار من الخصوم المتداولة.

مميزات السيولة المحاسبية

فيه فوايد كتير للسيولة المحاسبية للشركة أو الفرد منها:

• بتساعد في تحديد اذا كانت الشركة عندها السيولة الكافية عشان تلبي التزاماتها قصيرة الأجل وتساعد في وضع خطة عملها في المستقبل.
• سهلة القياس والحساب ومن السهل تقدير السيولة المحاسبية.
• بتساعد إدارة الشركة في تقييم أداء الشركة.
• البنوك والمستثمرين والدائنين وأصحاب المصلحة ممكن يستخدموها كجزء من تحليلهم قبل تقديم الائتمان أو استثمار فلوسهم في الشركة.

سلبيات السيولة المحاسبية

ودي بعض السلبيات اللي ممكن تلاقيها في السيولة المحاسبية:

• سيولة المحاسبة بتتحسب على أساس الأرقام، وفي فرص إن الشركة تلعب في الأرقام دي، في الحالة دي السيولة المحاسبية مش هتبين الصورة الصحيحة لحالة السيولة في الشركة.
• سيولة المحاسبة بتساعد على معرفة إذا كان في سيولة كافية عشان تلبي الالتزامات قصيرة الأجل للشركة، بس مش بتقارن مع الأرقام الصناعية أو المنافسين عشان النسب دي ممكن تكون ليها تفسيرات مختلفة في مجالات تانية مختلفة.
• فيه نسب كتير بتقيس سيولة المحاسبة وبتختلف في اختيار الأصول السريعة اللي هيتم استخدامها في النسبة، كل نسبة بتعرف الأصول السريعة بشكل مختلف، فمفيش استنتاج قاطع على أي نسبة بتقيس سيولة المحاسبة بشكل أدق.

الخلاصة

• محاسبة السيولة هي قاعدة بنعرف بيها ازاي الشركة أو الشخص بيقدروا يسددوا الديون اللي عندهم باستخدام الفلوس المتاحة.
• كمان بتبين قدرة الشركة أو الفرد على تسديد الديون المستحقة في وقتها باستخدام النقدية اللي عندهم.
• ممكن نحسب محاسبة السيولة بالمقارنة بين النقدية المتاحة وبين الديون المستحقة.
• محاسبة السيولة هي واحدة من الحاجات اللي بنشوف بيها قدرة الشخص أو الشركة علي سداد الديون الحالية اللي عليهم في السنة الجايه من غير ما يحتاجوا يجيبوا فلوس من بره.
• فيه نسب كتيرة بنستخدمها عشان نحسب محاسبة السيولة زي نسبة النقدية الحالية والسريعة ونسبة الفلوس الجاهزة.
• لو الشخص عنده الفلوس الجاهزة أكتر من من الديون الحالية، ده معناه إن محاسبة السيولة عنده كويسة، وإلا مش هيقدر يسدد الديون في الوقت المناسب.

مهم: تحليل القوائم المالية باستخدام النسب المحاسبية

باختصار انت بنشوف إزاي الشركة بتدير فلوسها وعملياتها المالية بطريقة منظمة، وإزاي بتتعامل مع المصاريف والإيرادات والديون والمخزون والنقدية. لما تفهم السيولة المحاسبية هتقدر ساعتها تتعرف على صحة الشركة وقوتها المالية، وكمان هتقدر تتوقع مستقبلها المالي وتاخد القرارات المهمة في الوقت المناسب. وفهمك للسيولة المحاسبية بيساعدك تعمل خطة مالية مناسبة وتبني مستقبل ناجح للشركة.