ملخص كتاب The 100-Year Life – ليندا غراتون
![ملخص كتاب The 100-Year Life - ليندا غراتون](https://bashmohasb.com/wp-content/uploads/2023/07/ملخص-كتاب-The-100-Year-Life-ليندا-غراتون.jpg)
كتاب “The 100-Year Life” بيعلمك ازاي تكون مبدع وتجهز نفسك لعالم بيعيش فيه الناس لفترة طويلة ممكن توصل لـ100 سنة، وبيتكلم الكتاب عن اللي لازم تعمله دلوقتي عشان تتأكد إن عندك فلوس كافية للتقاعد، هنتكلم اكتر عن الكتاب وايه اللي ممكن تستفاده وازاي تقدر تبني قوتك المالية من خلال تجاربك الحياتية.
إنك تحقق استقرارك المالي حاجة أساسية في الحياة اللي ممكن توصل لسن الـ 100، بس الفلوس مش المورد الأهم للمستقبل، الأسرة والصداقات والصحة العقلية والسعادة هي دي المكونات المهمة.
ليندا غراتون
إقرأ المزيد: ملخص كتاب Pioneering Portfolio Management – ديفيد إف سوينسن
بداية الملخص
محدش عارف هيعيش قد ايه بالظبط، عدد كبير من العلماء اتفقوا على مصطلح غريب اسمه “سرعة الهروب من الطول الزمني للحياة” في 2030، الناس بصفة عامة ممكن تعيش فوق الـ 100 سنة. لو الحاجات دي صح، يبقى إنك تعيش لحد الـ90 سنة وحتى لـ100 سنة ممكن يكون حاجة متوقعة للكل.
وعشان كدا كتاب “The 100-Year Life” للكاتبة “ليندا غراتون” بيدخل في فكرة التمديد الطويل للعمر وبيعلمك ازاي تستخدم مواردك بطريقة ذكية من دلوقتي عشان تتأهل للعمر الكبير ده.
أهم 3 دروس من كتاب The 100-Year Life
- التغذية السليمة والتطورات الطبية هي اللي بتساعدنا نعيش حياة أطول.
- الطريقة الأفضل عشان تجهز نفسك لمرحلة الشيخوخة هي إنك تتعلم مهارات جديدة وتتكيف مع الظروف الاقتصادية.
- بناء القوة المالية بيجيلك من التجربة والفشل والاستكشاف.
الدرس الأول: التغذية السليمة والتطورات الطبية هي اللي بتساعدنا نعيش حياة أطول
لو شوفنا العالم زمان، كان مختلف جدًا عن اللي نعرفه النهاردة، من غير ما ندرس الظروف الاقتصادية السيئة والحروب، التطورات الطبية والتكنولوجية كانت بعيدة جدًا عن المعايير اللي اتعرفنا عليها النهاردة. والناس كان عندهم وعي ضعيف اتجاه التغذية والحالات الطبية والعمر الكبير وغيرها من جوانب الحياة اللي بتميز الناس بعد ما يوصلوا سن معينة.
كان التدخين حاجة عادية جدًا، والسكر كان في كل مكان، وكل الكلام عن التغذية كان مرتبط بفقدان الوزن بس. يعني كل حاجة كانت مختلفة عن الحالة اللي احنا فيها دلوقتي، وده ظهر في متوسط العمر اللي كان بيعشه الناس في الوقت ده، دلوقتي كل زمن بيكون فيه اكتشافات جديدة في كل المجالات، ومن خلالها بيزودوا عدد السنين اللي ممكن نعيشها.
فيه أمراض كتير اختفت واللي كانت بتقتل الناس قبل كده، والناس بقوا بيهتموا بصحتهم أكتر، واحنا بنتقدم في كل المجالات المختلفة، وبنزود عمرنا بشكل كبير. الحقيقة دي بتطرح مشكلة جديدة على البشر: هنعمل إيه لما نوصل لسن الـ100 مثلا؟ هل هتكفينا مواردنا؟ وحياتنا الاجتماعية هتكون ازاي؟ وحياتنا المهنية هل هتنتهي لما نوصل لسن الستين؟
الدرس التاني: جهز نفسك لمرحلة الشيخوخة واتعلم مهارات جديدة
![ملخص كتاب The 100-Year Life - ليندا غراتون](https://www.bashmohasb.com/wp-content/uploads/2023/07/جهز-نفسك-لمرحلة-الشيخوخة-واتعلم-مهارات-جديدة-1024x683.jpeg)
أكيد شفتوا فيلم خيال علمي واحد على الأقل في حياتكم والشخصيات فيه بيسافروا للمستقبل واللي مسيطر عليه الروبوتات والعربيات اللي بتطير والبشر الميكانيكيين والمباني الديناميكية، وعلى الرغم من عدم وجود عربيات بتطير لحد دلوقتي، بس أكيد بنلاحظ الدور المتزايد للذكاء الاصطناعي (AI) في حياتنا اليومية.
الماكينات اللي بتشتغل عن طريق الذكاء الصناعي (AI) بتاخد مكان العمليات الفكرية والجسدية المتكررة وبتوصل لنتائج مفيهاش أخطاء، قريب الناس هتضطر تتكيف مع التغيرات دي وتتعلم مهارات مطلوبة، وده معناه إنهم هيشتغلوا جنب الروبوتات. الأعمال الإبداعية ووظائف مش متوقعة هتسيطر على بيئة العمل.
عشان كده لازم لازم نركز على مهارات الكمبيوتر والتفكير المبتكر والمهارات الاجتماعية وحاجات تانية مهمة. مجالات تانية هتستحق تحسينها في حياتنا زي الوعي الذاتي والصحة، والتركيز على التغذية واللياقة البدنية كل ده هيكون مهم على المدى البعيد، والتركيز على الصحة العقلية والقدرة على التعلم السريع.
الدرس التالت: بناء القوة المالية بيجيلك من التجربة والفشل والاستكشاف
- العالم اتغير للأحسن ودلوقتي عندك المرونة إنك تعيش حياة مختلفة عن أي حد قبلك، مفيش حد بيتوقع دلوقتي إنه هيروح الكلية، ويلاقي شغل في سن 22 سنة، ويبقى في الشركة لحد ما يتقاعد وبعدين يموت، بصراحة الناس مبتحبش تقضي حياتها شغل في الشركات زي ما كان قبل كده.
- يعني الأجيال الجديدة هدفها دلوقتي الاستقلالية والعمل عن بعد والشغل الحر، وتوفير سنين عشان تستكشف ثقافات وبلدان جديدة، دي حاجة كويسة عشان بتسمح للناس إنهم يكتشفوا نفسهم أكتر ويتعلموا عن الحياة بشكل أعمق ويعرفوا العالم.
- لما بنكون عندنا وقت أكتر عشان نعيش ومفيش ضغط علينا إننا نشتغل، الناس بتكتشف إن الحياة بتكون أفضل من الشغل، الحقيقة الصح إنك تاخد وقت في العشرينات وفي الأربعينات، وفي السبعينات للتجربة، دي مراحل في الحياة في الأغلب بتتميز بتغيرات كبيرة.
- الاستقلال المالي بيبقى ناتج من مراحل الاستكشاف دي ومن عملية التجربة والخطأ المستمرة، ولما تتعلم المهارات الجديدة المطلوبة، من المهم إنك تجربها وتشوف ازاي تقدر تحقق منها ربح، ده بياخد سنين عشان يتحقق، بس كله للأفضل عشان نعيش حياة مستقرة في سن الشيخوخة.
في نهاية كتاب The 100-Year Life
لو كنت بتفكر في التقاعد حيات وعايز تأمن حياتك المالية بعد التقاعد، فالكتاب ده هو الكتاب المناسب ليك. الكتاب بيتكلم أكتر عن التفكير في التقاعد من الأساس، كمجتمع تعريفنا للتقاعد لسه قديم، ولازم نفكر في حاجات جديدة لمستقبل المتقاعدين. لما عُمر الإنسان يزيد وناس تعيش لفترات طويلة، لازم تعمل تغييرات في حياتك دلوقتي، عشان لما تتقاعد ميكونش عليك ضغط كتير.
الكتاب بشكل عام قراءة ممتعة جدًا، مكتوب بشكل جيد وشامل، وبيقدم نظرة مقنعة على إيه اللي ممكن يحصل في الحياة خلال الـ 100 سنة اللي جاية، والتحدّيات اللي هتواجها مع زيادة عدد المسنين.
مهم: ملخص كتاب Get Good With Money – تيفاني أليش
الكتاب مناسب للشخص اللي بدأ يفكر في التقاعد وبيخططله، أو اللي في الخمسينات وفقد الثقة في نظام الضمان الاجتماعي وعايز يلاقي طريقة تأمين لمستقبله، أو اللي مهتم بتأثير العمر الطويل على التقاعد و مستقبل عالمنا.