ملخص كتاب Masters of Scale – ريد هوفمان
![](https://bashmohasb.com/wp-content/uploads/2023/05/ملخص-كتاب-Masters-of-Scale-ريد-هوفمان.jpeg)
كتاب “Masters of Scale” بيعلم رواد الأعمال طرق تأسيس شركة ناجحة وتطويرها من الصفر، وبيتكلم بالتفصيل عن الممارسات الصحيحة في الأعمال التجارية، وازاي تستغل الفرص وتدعم ثقافة المنظمة اللي بتشجع على الابتكار ورضا العملاء. الكتاب ده حقيقي بيقدملنا معلومات قيّمة عشان نتعلم من تجارب الناجحين ونحقق من خلالها النجاح في مشاريعنا الخاصة.
متدورش على الفرصة المثالية، ابتكر انت الفرصة المثالية اللي تناسبك.
ريتشارد برانسون
إقرأ المزيد: ملخص كتاب What I Learned Losing A Million Dollars – جيم بول، بريندان موينيهان
في البداية
لو كان تأسيس شركة ناجحة تحدي، فتطويرها وتوسّعها هو التحدي الحقيقي، لازم تفكر في استراتيجية ممكنة وتقدر تطبقها بشكل دايم عشان تقدر توسّع الشركة، مش بس كدا لازم تفكر في أهمية العملاء والموظفين وكل العوامل اللي بتأثر على البيئة المنظمة. بتبدأ بخطة العمل اللي هتقدمها لمستثمرين كتير قبل ما يقولولك “تمام”، وبعد كدا لازم تحدد اتجاه أوضح وتتعلم تتحكم في العوامل الداخلية والخارجية اللي بتأثر على الشركة، بعد كدا بتوصل لأهم حاجة، العملاء والتوسع.
من خلال كتاب “Masters of Scale” لـ “ريد هوفمان” هتلاقي كل الإجابات اللي محتاجها عشان تتفوق في سوق الاعمال كرائد أعمال.
![](https://www.bashmohasb.com/wp-content/uploads/2023/05/ملخص-كتاب-Masters-of-Scale-ريد-هوفمان-1-679x1024.jpg)
3 دروس مهمين من كتاب Masters of Scale
- أوقات الرفض بيديك نظرة أحسن لفكرة شغلك.
- اسمع لاحتياجات السوق والعملاء ودور على حلول عشان تنفذها.
- الشركة العظيمة تستحق قائد كويس يعرف ازاي يتعامل مع تقلبات السوق.
الدرس الأول: أوقات الرفض بيديك نظرة أحسن لفكرة شغلك
هنفرض إنك انتهيت من عرض فكرتك لمستثمر، بعد العرض قالولك “لأ”، يعني خلاص محدش حتى فكر في خيار تاني، أو ممكن قيّموا فكرتك بالتفصيل، وبعدها قالوا “لأ”، وفي حالة تانية إنهم ممكن مش فهموا كويس، بس على طول ردوا عليك بإجابة سلبية، انت شايف الـ “لأ” اللي بتسمعها بيكون ليها معنى مختلف.
أكيد أي رفض سلبي زي ده ممكن يساعدك تعيد تقييم شغلك وتجيب أفكار أحسن، أيًا كان اللي حصل متخليش الرفض يمنعك توصل لهدفك، بالعكس ممكن يساعدك تفكر تاني وتعدي. اطلب من العملاء يشرحولك ليه مش عجبتهم الفكرة، ولو مبيعرفوش يوضحوا ليك بالتفصيل، معناها رأيهم مبني على المشاعر، لو المستثمرين رفضوا فكرتك بسرعة، ممكن يكونوا بيحاولوا يتجنبوا العرض الممل، إدي نفسك فرصة عشان تعيد تقييم فكرتك وتغير الضعيف فيها، ولو جاوبوك بـ “لأ” بس بشكل مُفصّل، استفسر واطلب نصائح.
أوقات الرفض بيديك فرصة تحسّن فكرتك وتقويها قبل ما تدخل السوق، ممكن ما تنجحش من البداية، بس بعد فترة ولو قررت وصبرت، فكرتك هتقوى أكتر من أي وقت تاني، الدرس هنا هو إنك تتعلم الفرق بين الرفض الكسول والرفض الحقيقي، واستفيد من الحالتين بعد كدا.
الدرس التاني: اسمع لاحتياجات السوق والعملاء ودور على حلول عشان تنفذها
![اسمع لاحتياجات السوق والعملاء ودور على حلول عشان تنفذها](https://www.bashmohasb.com/wp-content/uploads/2023/05/اسمع-لاحتياجات-السوق-والعملاء-ودور-على-حلول-عشان-تنفذها.jpeg)
تكبير وتطوير الشغل بيكون مشكلة لو كنت مش عارف تظبط الخطوات الصح، كل المعلومات اللي هتساعدك في الخطوة دي موجودة في السوق، فاللي عليك بس هو تدور عليها، وتوسيع الشغل بالاضافة إنك تستعين بعروض ترويجية كبيرة بتسّرع العملية، بس مهم تعرف إنك تقدر تتحملها وتتعامل معاها.
اتوقع دايمًا المفاجآت اللي ممكن تحصل، وإيه اللي هتعمله لو إن أكتر ناس من اللي فكرت فيهم سجلوا في قائمتك اللي بتعرض فيها منتجاتك؟ وفي المقابل الخوف من السوق بيبقي عقبة كبيرة لرجال الأعمال، مفيش حاجة اسمها الوقت المثالي، بس ممكن تكون قريب منه لو سمعت لاحتياجات ومتطلبات العملاء.إنك تقدم الحلول المناسبة في الوقت المناسب بدل من الانتظار اللي ممكن يوصّل لموت شركتك، فيه طريقة كويسة عشان تعرف احتياجات العملاء وهي الاستماع لأفعالهم بدل من كلامهم.
الدرس التالت: الشركة العظيمة تستحق قائد كويس يعرف ازاي يتعامل مع تقلبات السوق
رحلة البيزنس مان مليانة بالتقلبات والحركة والمخاطر، دي ببساطة طبيعة الشغل نفسه، والقائد الجيد بيعرف ده، القائد الممتاز بيعرف إنه لازم يكون دايمًا مستعد للمفاجآت وإن الديناميكية الأساسية لشغله ممكن تتغير في يوم واحد. خد شركة “Airbnb” كمثال، في فترة الجائحة مكانش عندهم قدرة يستضيفوا ناس في المقر زي قبل كدا، فاتجهوا للترويج لأماكن العمل البعيدة والجولات الافتراضية والأماكن السياحية المحلية، وحتى دروس الرقص السالسا الافتراضية.
“Airbnb “مشتغلوش في نوع الشغل ده قبل كده، بس كان لازم يتكيفوا مع البيئة الجديدة، وكمان قدروا يعملوها وينجحوا، القائد الكويس بيعرف إن المصاعب بتحتاج طريقة جديدة عشان تعدي المشكلة ويحاول يطلع بحل أفضل عشان يتغلب عليها، الاستعراض والتكيف من أهم الصفات اللي بتميز أي رائد أعمال ناجح.
نهاية كتاب Masters of Scale
الكتاب بيعلمك طرق تكبير الشركة، وتجاوز العقبات في عملية إنشاء الشركة أو حتى في وضع التشغيل الكامل، وتعزيز المؤسسة التعليمية للموظفين، وغيرها من الممارسات التجارية. الكتاب بيقدم نصايح مهمة زي كيفية توسيع الشركة واختيار التوقيت المناسب، كمان هيعلمك جوانب مهمة في الأعمال التجارية، زي إنك تكون قائد مميز، مع رعاية المسؤولية الاجتماعية للشركة في نفس الوقت.
مهم: ملخص كتاب The Intelligent Investor
الكتاب ده للقائد اللي عايز يتعلم أكتر عن إجراءات التوسّع، ومؤسس الـ “ستارت أب” اللي عايز ينجح في إنشاء شركة ناجحة، أو مدير المشروع اللي محتاج يعرف تفاصيل أكتر عن الممارسات التجارية والتوسّع.