ملخص كتاب Disney U – دوغ ليب
![ملخص كتاب Disney U - دوغ ليب](https://bashmohasb.com/wp-content/uploads/2023/05/ملخص-كتاب-Disney-U-دوغ-ليب.jpg)
كتاب “Disney U” بيشرح المبادئ اللي بتشكل فلسفة شركة ديزني الموجهة ناحية العملاء واللي بتساعد في نجاح الشركة بشكل كبير، وفي نفس الوقت بيعرض جوانب من ثقافة المنظمة اللي بتساهم في تحقيق نجاح الشركة، زي الاهتمام بالعاملين وتوفير تدريبات عالية الجودة ليهم، وكمان الاهتمام برضا العملاء.
الصفات والقيم اللي لازم كل قائد يسعى يحققها: اتجاه واضح مع التزام وشغف ثابت ميتهزش.
دوغ ليب
إقرأ المزيد: ملخص كتاب Small Giants – للكاتب بو بورلينغهام
بداية كتاب Disney U
![ملخص كتاب Disney U - دوغ ليب](https://www.bashmohasb.com/wp-content/uploads/2023/05/بداية-كتاب-Disney-U.jpg)
نجاح شركة ديزني واضح جدًا، سواء كنت من عشاق شخصياتهم، اللي ده محتمل جدًا، أو لأ، مسمعتش عن الشركة دي في حياتك؟ ديزني عارفة كده، فعملت حدايق ترفيهية عشان الناس يقابلوا شخصياتهم المفضلة في الحقيقة، واتخيل معايا، حققوا نجاح كبير في الحدايق دي كمان، فازاي ديزني عملت كل ده؟ الحقيقة الإجابة هتفاجئك: وده عن طريق ثقافة موجهة ناحية العملاء وعقلية مبنية على الموظفين، لو مش عارف إيه المقصود بالمصطلحات دي، متقلقش، هنوضحها دلوقتي.
–> ديزني بدأت صح، من خلال تبنيها للعقلية الصحيحة، أول حاجة عملتها هي:
إنها قدمت أفضل تدريبات للعاملين في حدايق الترفيه الخاصة بيها، وده كان عندهم استثمار مش مصاريف، فنتيجة لكده العاملين عندهم بيقدموا تمثيلات حية لشخصيات كل الناس اللي بيحبوها، ونتيجة لكده، الزباين بيحسوا بالسحر لما يزوروا المكان ده، فبيرجعوا ليه من جيل لجيل، وعشان كده الشركة بتبيع بشكل كبير، ده مثال مثالي لموقف رابح للكل، وده اللي بيحاول “دوغ ليب” في كتابه “Disney U” يشرحه بالتفصيل، ويحاول يعلم القراء أفضل طريقة لتحقيقه في شركاتهم.
تلات دروس مهمة في كتاب Disney U
- أنجح الشركات بتحط فريق العمل بتاعها في المقام الأول.
- نموذج العمل الصحيح بيبقى تركيبة بين العلم والفن.
- اتعلم من أخطائك وخطط للمستقبل.
هنشوف دلوقتي كل درس، ونشوف إيه المقصود بيه!
الدرس الأول: استثمر في فريقك وخليهم دايمًا مبسوطين عشان تحقق النجاح
–> لو عاوز تتفوق علي منافسيك وتطور نظام أعمال دايم، لازم تركز في شغلك على العملاء، طب ازاي اعمل كده؟
عشان تقدر تعمل كده، لازم تهتم بفريق العمل بشكل أساسي، طب ليه؟ عشان هما اللي مسئولين عن إستمرارية شغلك، العامل اللي مبسوط بيكون متحمس، بس ازاي تحفز الناس اللي شغالين معاك؟ طبعًا المكافآت المادية زي الفلوس، بس بعد كده هتحتاج أكتر من كده عشان تقدر تحافظ على ولاء فريقك ويقدروا يضيفوا قيمة، الموضوع كله بيدور حوالين القيم الأخلاقية والهدف المشترك للفريق.
لما الموظفين يحسوا إنهم بيشتغلوا لهدف مشترك، بيبقوا أكتر وفاء وحماس، شركة “ديزني” مثال كويس على ازاي الشركة بدّخل موظفينها في ثقافتها الأساسية، وبتعمل كدا عن طريق التدريب المستمر اللي بيخليهم يتعلموا فلسفة الشركة، ونقل القيم دي بيخليهم يحسوا إنهم جزء من كيان أكبر، وبيخليهم يفكروا فوق حاجاتهم المادية، وبعد كدا عشان نرضيهم، الإدارة لازم تكون شفافة وتتبنى سياسة الـ “الباب المفتوح” عشان تشجع الموظفين إنهم يتكلموا عن أي مشاكل أو تحديات ممكن تواجهم.
الدرس التاني: إدارة الأعمال هي علم وفن، والتنفيذي الجيد بيعرف يجمع بين الاتنين
إدارة الأعمال المستدامة معناها إن التنفيذي اللي بيدير الشركة يفهمها كويس، وكمان بيعرف يوفر التوازن بين الجانب العلمي والفني في الشغل، وشركة ديزني أفضل مثال على إدارة ممتازة وتوازن متناسق بين الاتنين، بمعنى تاني، الشركة بتتكون من جانبين، الجانب العلمي بيشمل البنية التحتية والخدمات والمنتجات اللي بتقدمها، ده مرتبط بالعمليات والأصول المادية، ديزني عندها حدايق ملاهي وكتير من الأماكن السياحية جواها، واللي بتستغلها لأغراض تجارية مربحة.
أما الجانب الفني في الشركة بيكمل الجانب العلمي وده بتوفير إدارة الموظفين وخلق ثقافة داخلية، ده بيخلي الشركة تكون بارزة أكتر، وفي حالة ديزني، الجانب الفني ليه علاقة بتدريب الموظفين على المهارات الشخصية وإنهم يتواصلوا ويشكلوا رابطة مع العملاء ويقدموا ليهم تجارب مميزة، ديزني مثال كويس كمان في فكرة إزاي الموظفين المُدربين والمبسوطين في شغلهم بيقدروا يحددوا نجاح الشركة، الموظفين بيتعلموا كويس ازاي يقدموا تجربة عملاء متميزة عن طريق تمثيل شخصيات مشهورة، وبسبب ده، المتفرجين بيكملوا يروحوا لحدايق ديزني من أكتر من خمسين سنة.
الدرس التالت: لازم تتكيف مع التغييرات، وتستفيد من اللي فات، وتتوقع المستقبل
- الشركات لازم تكون دايمًا قادرة تتكيف مع البيئة اللي بتتغير بسرعة، لإنها مش متوقعة وشديدة المنافسة، واللي مبيعرفش يتكيف هيلاقي نفسه في خطر كبير إنه يفلس، المدير الجيد لازم يحلل استراتيجية الشركة كتير ويعدلها، تعالي ناخذ مثال الشركات الكبيرة زي “نوكيا”، اللي كانت في الأول بين الشركات اللي قادت صناعتها، بس محدش سمع عنها من سنين، ده بسبب إدارة ضعيفة مش عارفة تتعلم من الأخطاء اللي حصلت في الماضي، وتتوقع اتجاهات واستراتيجيات المستقبل، وفي المقابل ديزني اللي بيعملوا حاجات بشكل مختلف شوية تخليهم لسه موجودين في الصورة.
- نماذج الأعمال التقليدية ممكن تكون قديمة أوي في السوق دلوقتي، اللي بيعتمد على بيئة رقمية، عشان كدا المديرين لازم يتعلموا ازاي يتابعوا التغييرات وميكونوش متشددين في التغيير في ممارسات العمل اللي بتبقى مش ناجحة أو بتقدم نتائج سلبية، كمان المدير الجيد بيحاول يتوقع المستقبل عشان يقدر يخلق استراتيجيات محتملة وميتفاجئش في النهاية.
- “ديزني” بيعملوا كدا عن طريق متابعة أحدث اتجاهات الرسوم المتحركة الرقمية في الحدائق الذكية، بكدا بيحافظوا على جمهورهم المتكرر معاهم وبيقدروا كمان يجذبوا الأجيال الجديدة والمغمورة في الثقافة الرقمية، جانب مهم مرتبط بخلق أو المحافظة على ممارسات العمل هو جمع الملاحظات، كرئيس تنفيذي، محتاج آراء بأكبر قدر ممكن عشان تعرف التفسيرات الجديدة، بتعمل كدا عن طريق سؤال الموظفين والجدد والمساهمين عن النقط الحاسمة في الشركة، وفي النهاية بترتب المعلومات دي عشان تسفيد منها في تطوير شركتك.
في ختام ملخص كتاب Disney U – دوغ ليب
–> الكتاب بيركز على الجوانب الأساسية اللي بتحتاجها أي شركة ناجحة زي “ديزني”، اللي عايشة على السوق لمدة عقود وبتكسب جماهير جديدة باستمرار، قوة المثال اللي بيقدمه الكتاب هو اللي بيخليه قيمته عالية، عشان الشركات ممكن يتعلموا من كتير من الممارسات الكويسة، اللي ممكن تقرأ عنها في الشركة دي، الكاتب بيقدم نصايح عن ازاي تحافظ على سعادة الموظفين، وازاي تحتفظ بالتقاليد من غير ما تغير مستقبل الشركة، ونصايح عملية تانية.
مهم: ازاي تكون غني: ملخص كتاب I Will Teach You To Be Rich
ممكن ترشح الملخص ده لحد عنده 40 سنة وهو رائد أعمال عايز يتعلم أكتر عن الممارسات الناجحة في الشغل، أو حد عنده 35 سنة وهو قائد عايز يفهم ازاي يحافظ على رضا واهتمام الأعضاء في الفريق، أو حد عنده 23 سنة ومهتم بشخصيات “ديزني” وحدائقهم اللي عشقها من طفولته.