ملخص كتاب The Automatic Millionaire – ديفيد باش
كتاب The Automatic Millionaire هو خطة قابلة للتنفيذ بالخطوات، عشان تبني ثروتك من غير الحاجة للانضباط، وده من خلال الاعتماد على نسب ثابتة ومدفوعات صغيرة ومعاملات آلية، كتير من اكبر المستثمرين فى العالم بيبقى عندهم ميزة واحدة عن العاديين إنهم اتعرضوا للاستثمار من صغرهم و اهتموا بيه، “وارين بافت” مثلا اشترى أول سهم ليه و هو عنده 11 سنة، “راى داليو” اشترى سهم شركة “Northeast Airlines” وهو عنده 12 سنة، وحاجة شبيهة حصلت مع “ديفيد باش”.
الحقيقة إننا كلنا بنلعب لعبة الفلوس، سواء عايزين أو مش عايزين. السؤال الوحيد إننا بنفوز ولا لأ؟
ديفيد باش
إقرأ المزيد: إزاي تستثمر في سوق المال – أفكار وارن بافيت
في البداية
“ديفيد باش” لما كان عنده سبع سنين، خدته جدته لمطعم “ماكدونالدز”، ولما بدأوا ياكلوا، قالتله إن في 3 أنواع من الناس في الدنيا اللي بياكلوا في ماكدونالدز، اللي بيشتغلوا في ماكدونالدز، واللي بيستثمروا في ماكدونالدز، وبعدها ساعدته يشتري أول سهم ليه في ماكدونالدز، اللي ديفيد استفاد منه إن الاستثمار هو الطريق الأفضل للنجاح في الحياة.
قصة قوية، وديفيد بقى مستثمر كويس، قبل ما يبدأ شركته الاستشارية المالية، كان شغال في “مورجان ستانلي” كنائب رئيس، لحد دلوقتي نشر 12 كتاب، 9 منهم أكتر الكتب مبيع في “نيويورك تايمز”، وعددهم أكتر من 7 مليون نسخة، “The Automatic Millionaire” هو الكتاب اللي بيقدم لينا نظام بسيط و فعال لبناء الثروة.
3 دروس هتساعدك تبقى مليونير في كتاب The Automatic Millionaire
- إنك لو كنت بتوفر شوية كل يوم، هتوصل لأماكن بعيدة.
- لازم تدفع لنفسك الاول، عشان تأمن مستقبلك المالي، انت أول شخص يستحق فلوسك.
- الدفعات التلقائية بتسمحلك تستثمر بطريقة منتظمة من غير ما تكون انت محتاج تركز فيها.
يلا نتعلم ازاي نبقى Automatic Millionaire!
الدرس الأول: إنك لو كنت بتوفر شوية كل يوم، هتوصل لأماكن بعيدة
- فيه مليون طريقة تخليك تجيب مليون دولار، وفي ناس بتقول إنك لازم تركز على حاجات معينة زي زيادة دخلك، وسداد ديونك، واستثمار أكبر كمية ممكنة من فلوسك، بس في ناس تانية بتستغل القليل وتقدر توفر كتير.
- مثلا، افتكر إن “راميت سيثي” كان بيتمرد على فكرة إنك تحرم نفسك من “لاتيه” الصباح في كتاب “I Will Teach You To Be Rich”، و”ديفيد باش” بيقول إن فلوس اللاتيه دي هي الحاجة اللي ممكن تخليك تكون مليونير.
- هو بيسميه “فكرة اللاتيه”، الفكرة إنك لو حافظت على كمية صغيرة كل يوم من الفلوس، ممكن تتقاعد مبكرا وتبقى غني، مثلا لو دخلت 10 دولار كل يوم، اللي هو نفس قيمة اللاتيه بـ $3.50 وعلبة سجاير بـ $7، وخزنتهم في حساب وساطة بيديك نسبة ربح 10% في السنة، هيكون عندك 700,000 بعد 30 سنة و2 مليون بعد 40 سنة.
- “ديفيد” عرف مجموعة من العملاء والأسر خلال السنين، بس محدش غير أسرة “ماكنتاير” عرفته الفايدة اللي بتيجي من التوفير ولو حتى قليل، الأسرة دي بدأوا خطة التقاعد بدري، ورفعوا نسبة التوفير من 4% من دخلهم لـ15%، ونتيجة لكدة، عملوا مجموعة من الأصول بـ 2 مليون دولار في أوائل الخمسينات، وده مع ان دخلهم مكانش يتعدى 40,000 دولار في السنة.
الدرس التاني: أول شخص يستحق أموالك هو نفسك
“ماكنتاير” حققوا الكتير بالقليل عن طريق فكرة إنه محدش يستحق ياخد جزء من دخلهم أكتر من نفسهم، ده معناه إننا كلنا عندنا مصاريف ملزمة زي الفواتير والضرائب وغيرها، بس لو احنا بندي فلوسنا للناس دي قبل ما نشوف حلمنا بنضطر نخلص كل اللي عندنا ومش بيبقى عندنا حاجة، فالحل هو إنك تستثمر جزء محدد من دخلك في حلمك الاول، ولو كان حتى صغير، هيبقى عندك دايمًا فلوس كفاية عشان تدفع كل المصاريف التانية.
في أمريكا وغيرها من الدول، ممكن تستخدم حسابات التقاعد قبل الضرائب، دي بتخليك تسحب فلوس من دخلك الإجمالي، مش الصافي، بالطريقة دي ممكن يكون عندك فلوس أكتر تصرفها بعد الضرايب من اللي هتاخدهم لو ما استخدمتش الحساب ده، وحتى لو مش موجود في بلدك، حاول تعمل نظام بيخلص نفسه ويخلص جزء محدد من كل فلوسك اللي بتاخدها، ديفيد بيقول إن لو قدرت تدخر وتستثمر 10% من دخلك الإجمالي، يعني تقريبًا فلوس ساعة واحدة في اليوم، هتكون أفضل حالًا!
الدرس التالت: استخدم الدفعات الآلية للاستثمار المنتظم من غير ما تحتاج تركيز كتير
الكويس في كل دولار ميتحولش لحسابك الشخصي، إنك مش هتحس بضياعة ومش هتصرفه، بس ليه نقف عند كده؟ متقولش كام هيوصل توفيرك؟، بس ابعت الفلوس مباشرة للأماكن الصحيحة، مثلا دي طريقة تقدر تخصص 10% من دخلك الشهري:
- 5% لصندوق الطوارئ عشان توفر اللي يكفي المصاريف الشهرية لمدة 6-18 شهر في شكل نقدي.
- 2.5% لسداد أي ديون موجودة.
- 2.5% للاستثمار في الأسهم والاستثمارات التانية.
الجمال في الدفعات الآلية دي إن لازم تعدل النظام بس مرة واحدة لما تحقق هدف معين، مثلا لما تكمل صندوق الطوارئ، تقدر تسدد الديون بسرعة أكبر، تصرف 1% على الأعمال الخيرية أو لما تشتري بيت أو أرض، البشر غالبا عندهم نفسية الميل والعادة، لو في حاجة بتحتاج انضباط، أسهل طريقة عشان تحققها هي إنك تشيل نفسك من المعادلة وتخلي الحاجة للتركيز الكلي، لو قدرت تعمل كده مع فلوسك، ده ممكن يخليك تكون غني.
في نهاية كلامنا
كنت بتضايق جدًا من كل النصائح المتناقضة في موضوع الشؤون المالية الشخصية، بس دلوقتي مبقتش كده، أنا فاهم إن في طرق كتيرة عشان تدير فلوسك، والطريقة اللي بتختارها مش محددة بأهدافك بس، دي كمان محددة بطريقة الوصول ليها اللي تريحك أكتر، في ناس تقدر توفر، وفي ناس بتقدر تزود دخلها أكتر، لو كنت دايمًا مرتاح مع التوفير أو مفيش مشكلة عندك تعمل تضحيات صغيرة، “The Automatic Millionaire” ممكن يكون نظام كويس أوي ليك.
مهم: قواعد الفقر الـ 15 التي ضروري تتجنبها | واللي مش يعرفها كتير
اللي ممكن يستفاد من الملخص ده الولد اللي عنده 15 سنة وبيوزع الجرايد وممكن يبدأ يستثمر من زمان، الشخص اللي عنده 33 سنة وبيفكر إن التوفير مش بيفرق، وأي حد عاوز يبقى مليونير بس مش عاوز يتحمل ضغط ريادة الأعمال، دول كلهم ممكن يستفيدوا من نظام “The Automatic Millionaire”.