عشان تبقى مستثمر ناجح، اتعلم إزاي تحمي رأس مالك
![عشان تبقى مستثمر ناجح، اتعلم إزاي تحمي رأس مالك](https://bashmohasb.com/wp-content/uploads/2023/04/عشان-تبقى-مستثمر-ناجح،-اتعلم-إزاي-تحمي-رأس-مالك.jpg)
لو عاوز تكسب فلوس من التداول، لازم تتعلم إزاي تحمي رأس مالك وتتجنب المخاطر الزيادة.
في التدوينة دي، هنتكلم عن أساليب مختلفة iتساعدك تلتزم بالأهداف اللي حددتها وتبعد عن الخسارة المفاجئة، عشان كده لو كنت مهتم بالتداول وعاوز تكون متداول ناجح تابع معايا للاخر.
إقرأ المزيد: أسرار التداول الناجح في سوق الفوركس
إدارة رأس المال هي العامل الرئيسي في تحقيق النجاح
لما تتعلم إزاي تحلل حركة البورصة وتتوقع إتجاهات الأسواق، ممكن تفكر إن ده كل اللي مهم وكفاية، بس في حاجة أهم من كده، وهي إدارة رأس المال اللي بتستخدمه في التداول ده هو اللي بيحدد لو كنت هتكسب أو تخسر، وهو اللي بيفرق بين المتداول الناجح والفاشل.
الإدارة اللي بتتعامل مع المال اللي المتداول بيستخدمه في الاستثمار، بتقدر تحدد حجم الاستثمار وحجم المخاطر اللي المتداول قادر يتحملها في كل صفقة، عشان يحقق ربح ويحمي رأس المال بتاعه ويقلل تأثير الخسارة عليه، وده بيضمن استمراره في السوق وتحقيق نتايج متوازنة.
استمرار المتداول في السوق
ده بيكون لما المتداول يحدد اقصى خسارة يقدر يتحملها وحجم التداول اللي بيعتمد عليه، بيبقى مستعد لأي مفاجأة وبيتحمل الخسارة براحته، عشان بيعرف إن في فرص تانية جاية إنه يحقق فيها ربح في المستقبل.
بس المستثمر اللي مش بيحدد حجم مخاطرته وحجم التداول، بيتعرض لخسارة كبيرة في رأس ماله أو بيخسر رأس ماله كله بسبب سلسلة من الخساير، وده بيمنعه من التعويض ويجبره إنه يخرج من السوق بدري.
أهمية ادارة رأس المال في التداول في سوق العملات
عشان نفهم أهمية إدارة راس المال في التداول في سوق العملات، هنفترض ان حد قرر يتداول في زوج من العملات بعدد كبير من العقود، بس السعر راح في الاتجاه العكسي لتوقعاته.
أكيد دي معناه خسارة جزء كبير من رأس المال، ممكن يكون 30% من راس ماله، يبقى لازم يعمل كام صفقة ناجحة عشان يعوض، ده بيخليه يدخل في عدد كبير من العقود التانية عشان يعوض، بس دي بتعمل خساير تانية وتالته ويبدأ حسابه ينقص تدريجيًا لحد ما يخسر كل حاجة.
هل هو ده الهدف اللي إحنا عاوزينه؟
لا طبعا، الهدف اللي إحنا عاوزينه إن أي حد يتداول براحته وهو مستريح، فبكده هيكون قادر يستمر في السوق ويحقق نتايج متوازنة
يعني لو حد عنده فلوس وعاوز يستثمرها، لازم يكون عنده خطة واضحة إزاي يدير رأس المال بتاعه ويحدد كمية الخسارة اللي هو ممكن يتحملها، مثلاً 3%، لو حصلت الخسارة دي، مش هيبقى فيه مشكلة لو حصلت تاني مرة، وده لأنه مستعد لكده وعارف إنه ممكن الخسارة دي تتعوض في المستقبل، بشرط إنه يلتزم بالخطة اللي حددها.
اللي بنلاحظه إن غياب عنصر إدارة الرأس المال هو السبب الرئيسي في خسارة الناس اللي بتستثمر أو بتتداول في البورصة، مش بس في سوق العملات بس، في كل الأسواق المالية، وده اللي بيفسر إزاي بعض المحللين المميزين اللي بيحللوا الأسهم والشركات والعملات بيتعرضوا للخسارة، على الرغم من إنهم كويسين في التحليل، عشان كدا لازم تكون عارف إنه ممكن تبعد عنك أي أخطاء، لو كان عندك خطة كويسة لإدارة رأس المال.
إزاي تدير راس مالك في البورصة وتحقق أرباح؟
تحديد نسبة الخسارة في التداول بالبورصة هي أول خطوة لإدارة رأس مالك:
المهم في التداول في البورصة إنك تحدد نسبة الخسارة اللي تقدر تتحملها في كل صفقة، وده معناه إنك تعرف إن في حالة الخسارة هتخسر فلوس قد ايه، وده اللي بيساعدك تتحمل الخسارة وتكمل في التداول براحتك، وعشان تعرف تحدد النسبة دي، لازم تكون عارف قد إيه ممكن تخسر في صفقة واحدة، وده بيختلف من شخص لتاني.
والخبراء بينصحوا إن النسبة تبدأ من 1% لـ 5% من رأس المال اللي عندك، وبعد ما تحدد النسبة، هتقدر تحسب حجم الفلوس اللي ممكن تخسرها في كل صفقة بمعادلة بسيطة: (حجم الحساب x نسبة الخسارة = المبلغ اللي ممكن تخسره)، هنفترض مثلاً ان عندك 10000 دولار ونسبة الخسارة عندك 5%، يبقى المبلغ اللي ممكن تخسره في كل صفقة هو 500 دولار.
حماية راس مالك باستخدام أوامر وقف الخسارة:
![عشان تبقى مستثمر ناجح، اتعلم إزاي تحمي رأس مالك](https://www.bashmohasb.com/wp-content/uploads/2023/04/حماية-راس-مالك-باستخدام-أوامر-وقف-الخسارة.jpg)
حتى لو كنت بتتداول بشكل كويس، ممكن تخسر بعض الصفقات، بس بإستخدام أوامر وقف الخسارة، ممكن تحمي رأس المال الخاص بيك وتتحكم في الخسارة.
الفكرة في تحديد حد للخسارة اللي مش ممكن انك تتجاوزه، لازم يكون الموضوع جادي علشان مش تخسر أكتر من اللي حددته، ولو محددتش أمر وقف الخسارة، اعتبر نفسك هتخسر كتير، ولازم الموضوع يكون عن دراسة مش بطريقة عشوائية.
حجم العقد في التداول:
العنصر رقم 3 في التداول هو “حجم العقد”، وقبل ما تحدد حجم العقد لازم تحدد عدد نقاط وقف الخسارة، بعدها تقدر تحسب حجم العقد بالمعادلة دي:
“حجم الفلوس المستثمرة ÷ عدد نقاط وقف الخسارة = حجم العقد.
مثلًا لو كان حجم الفلوس المستثمرة 500 دولار ونقاط وقف الخسارة 50 نقطة، ساعها حجم العقود المتداولة هيساوي (500 دولار ÷ 50 نقطة) = 10 دولار، وده اللي نسميه بـ “عقد استاندر واحد”.
نسبة الربح للخسارة في التداول:
نسبة الربح للخسارة بتاعتنا بتقول إيه هي الفلوس اللي هناخدها بالمقارنة مع الفلوس اللي هنخسرها في كل صفقة، وعادةً بتبقى النسبة (2:1) يعني الأرباح المتوقعة ضعف الخساير المتوقعة، والنسبة الأفضل (3:1) عشان المستثمر يزيد فرصة نجاحه وأرباحه، وده حتى لو كانت توقعاته للسوق غلط.
يعني مثلاً لو المستثمر اشترى عقد على زوج عملات واتبع النسبة الأفضل (3:1)، هيبقى الهدف بعد 60 نقطة ووقف الخسارة بعد 20 نقطة.
وفي حالة النسبة المتوسطة (2:1)، لو المستثمر اشترى عقد على زوج عملات، الهدف هيبقى 40 نقطة ووقف الخسارة بعد 20 نقطة.
مهم: ازاي تتغلب علي الخسارة في سوق التداول
في النهاية
المهم إن المستثمر يدير فلوسه بطريقة صح، ويحدد نسبة الربح والخسارة المتوقعين بشكل مظبوط، وده بيتحقق لما المستثمر يعمل خطة واضحة لإدارة رأس المال، واللي تكون فيها العناصر الأساسية اللي اتكلمنا عنها قبل كده، المهم إن المستثمر يلتزم بالخطة دي ومش يغيرها، وكده هيضمن فرصة نجاح أكبر ويقلل من فرص الخسارة.
لو عندك أي استفسار حابب تبعتهلونا ممكن تتواصل معانا علي صفحتنا باش محاسب.