عندك مشكلة في تحديد وقف الخسارة؟ اتعرف على الطرق المثلى
![عندك مشكلة في تحديد وقف الخسارة؟ اتعرف على الطرق المثلى](https://bashmohasb.com/wp-content/uploads/2023/04/عندك-مشكلة-في-تحديد-وقف-الخسارة؟-اتعرف-على-الطرق-المثلى.jpg)
تحديد وقف الخسارة المناسب بيعتمد على عدة عوامل لازم تاخد بالك منهم وتراعيهم زي الإستراتيجية المستخدمة، والفترة الزمنية المحددة للصفقة، ونوع الأداة المالية اللي بيتم التداول بيها، كل ده هكلمك عنه بالتفصيل، وبعد ما تقرأ التدوينة دي للاخر، مش هيكون عندك أي مشكلة في تحديد وقف الخسارة، وهتبدأ بعدها تحقق ارباح كويسة جدًا من التداول.
إقرأ المزيد: نقاط ضعف لازم تتخلص منها وقت التداول
أفضل الحيل والتكتيكات لتحديد وقف الخسارة
أولا: القمة والقاع
الأكتر تكتيكاً بين الناس اللي بيدرسوا الفنيات، هو إنهم يستخدموا أقرب قمة في حالة البيع ويحطوا وقف الخسارة فوقها بنقاط بسيطة بيتراوحوا من 5 لحد 20 نقطة، بناءً على الإطار الزمني اللي بيتم استخدامه، والعكس صحيح في حالة الشراء، بيتم استخدام أقرب قاع وبنطبق نفس المبدأ، وفي ناس بتفضل تستخدم انهيار القاع/القمة بشكل واضح من خلال تقفيل شمعة من نفس الإطار الزمني خارج القمة/القاع.
ثانيا: مؤشر Average true range المعروف بــ ATR
هو المؤشر اللي بيساعدك تحدد وقف الخسارة بالظبط، مؤشر الـ ATR موجود في منصة ميتاتريدر، واللي ابتكره اسمه J.welles Wilder، سنة 1978، وكتب عنه في كتابه New Concepts in Technical Trading Systems.
- دور المؤشر: إنه يقيس درجة نشاط السوق وقوة تقلبات الأسعار.
- ومن أهم استخداماته: إنه بيساعد في تحديد حجم وقف الخسارة المناسب لأي صفقة.
- الطريقة اللي بنستخدم بيها الـATR: تحديد وقف الخسارة بتكون باستخدام الإعدادات الافتراضية بتاعته بدون تغيير، في بداية الصفقة الجديدة بيتم تحديد قيمة المؤشر بناءً على النقاط.
![عندك مشكلة في تحديد وقف الخسارة؟ اتعرف على الطرق المثلى](https://www.bashmohasb.com/wp-content/uploads/2023/04/مؤشر-Average-true-range-المعروف-بــ-ATR-1024x429.jpg)
ثالثا: فن الشموع اليابانية في تحديد وقف الخسارة
الشموع اللي بتقلب السوق، زي الهامر والشوتينج ستار والبن بار: في بداية الصفقة، لما يكون علامة على إنعكاس الاتجاه من خلال الشمعة المشتعلة، هيتم تحديد وقف الخسارة أسفل أو فوق الشمعة بفارق من 5-15 نقطة، بناءً على الإطار الزمني.
طريقة تقاطع المتوسطات المتحركة: بتعتمد على إشارات المتوسطات الحسابية، لو الصفقة بتتفتح بناءً على تقاطع المتوسطات، فتاني مرة لما يحصل تقاطع عكسي، دي بتعتبر إشارة لتغيير الاتجاه اللي دخلت بيه في الصفقة، أو للدخول في صفقة تانية باتجاه الاتجاه الجديد.
في النهاية
خلاصة الكلام إن لازم نحط في بالنا إننا مش هنكسب في كل الصفقات، وفي بنفس الوقت لازم نتحمل المخاطرة اللي اخترناها.
فطرق وقف الخسارة دي مش بتضمن إننا نقفل كل الصفقات في ربح ولا إننا نخسر أقل، بس هي بتساعدنا نحدد المستويات اللي بنقفل فيها الصفقات في السوق، ونكون حددناها بناءً على خطة مدروسة وعقلانية.
مهم: التركيز على الخروج في التداول، السر لتحقيق الأرباح وتفادي الخساير
واختيار الطريقة اللي تناسبك بيعتمد على نوعية التداول اللي بتمارسها وشخصيتك الاستثمارية، الأهم في الموضوع ده إنك تحدد وقف الخسارة قبل فتح الصفقة وتلتزم بالقرار اللي انت اخدته، وكمان متنساش إن الخسارة جزء من التداول في البورصة.
لو حبيت تستفسر أكتر عن موضوع وقف الخسارة وتعرف موضوعات أكتر عن التداول في الفوركس تابع صفحتنا باش محاسب.