20 سؤال في Excel للمحللين الماليين لأي Interview
لو كنت محلل مالي، هيكون شغلك مساعدة الشركة وتزويدهم بالمعلومات والتحليلات اللازمة بتقييم السوق المالية الحالية، ومتابعة الاتجاهات الحالية وتوقع المواقف المحتملة، رأيك مهم جداً لمستقبل الشركة المالي، كلمتك هتساعد الشركة في الاستثمار في أعمال أفضل وتقييم قراراتهم المالية.
أهمية مهارات برنامج Excel في العمل المالي
الشركات لما بيوظفوا محلل مالي، بيسألوا أسئلة مهمة في الانترفيو، واحد من الموضوعات اللي هيسألوك عنها لشغل محلل مالي هو برنامج Excel، بسبب إنه أكتر أداة مستخدمة بين المحللين الماليين والشركات اللي هما بيشتغلوا ليها، لازم تركز على مهارتك في الـ Excel.
طبعاً، الانترفيو هيكون فيه أسئلة شائعة عن نفسك، ومعرفتك المالية ورغبتك في العمل في الشركة بشكل عام.
أسئلة زي “ليه عايز تكون محلل مالي؟” أو “ليه عايز تشتغل في الشركة دي ومش في شركة تانية؟”.
في التدوينة دي، هنركز على أسئلة مرتبطة بمهارات المحلل المالي في Excel ومعرفته العامة.
إقرأ المزيد: المحلل المالي الفاهم مين هو والهدف منه
1) ايه هي الأداة اللي هتستخدمها عشان تعمل الرسوم البيانية والمخططات وجداول البيانات المرئية؟
الانترفيو ممكن يبدأ بسؤال عن Excel جواه سؤال تاني، كمحلل مالي، Excel هو واحد من أهم الأدوات اللي هتستخدمها، ولو شوفت الأدوات اللي مُمكن تستخدمها عشان تعمل رسوم بيانية وخرايط مُصورة، مفيش منافسة حقيقية هنا.
إجابة مثالية للسؤال ده هيكون: “ان Excel دايمًا كان وهيفضل أداتي الأساسية اللي بستخدمها عشان أعمل رسوم بيانية وخرايط مُصورة، وده عشان كُل الخبراء في العالم بيستخدموه، وفيه مميزات كتير مع سهولة استخدامه في الشغل.”
2) أهمية استخدام المحلل المالي الـVBA؟
قبل الـInterview، لازم تمارس وتدرس معلوماتك عن Visual Basic for Applications (VBA)، احتمالية ظهورها في المقابلة كبيرة، وفي الشغل نفسه بعد كده، بتعتمد على نوع الوظيفة اللي قدمت عليها بالتحديد، بس في الحالتين، ممكن يكون استخدام VBA أداة مفيدة جدًا، ومش هيضر تدرسها وتتعلمها عشان تستخدمها في الانترفيو وبعد كده في شغلك.
إجابة للسؤال ده هتكون: “بغض النظر عن نوع الشركة أو الوظيفة اللي بقدم عليها، المحلل المالي لازم يكون عارف كل الأدوات المُستخدمة الحديثة والمُفيدة، و VBA من بينهم، عشان بتدعم macros، ودي أداة مفيدة جدًا في الشغل.”
3) ايه هو الجدول المحوري؟ امتى تستخدمه؟
Pivot Table أو Pivot Chart، واحد من أكتر الأدوات اللي بيتم استخدامها في Excel وفي وظيفة المحلل المالي.
إجابة عن سؤال عن Pivot Table هتبقى: “Pivot Table هو ميزة في Excel بنستخدمها عشان نعمل فرز وتلخيص وتصفية البيانات، بيتم استخدامها لما نتعامل مع كمية كبيرة من البيانات.”
4) ايه هي دالة LOOKUP في Excel؟
مش ممكن تحفظ وتدرس كل الدوال في برنامج Excel علشان في أكتر من ٤٠٠ دالة، بس اللي ممكن تعرفه هو أكتر الدوال اللي الناس بتستخدمها وتشتغل عليهم قبل أي انترفيو عشان تقوي معلوماتك فيهم، الـLOOKUP واحدة من الدوال دي.
مثال للإجابة: “الـLOOKUP في إكسيل بيتم استخدامها عشان تدور على مطابقات دقيقة أو جزئية في البيانات، موجود فيه VLOOKUP للبحث الرأسي و HLOOKUP للبحث الأفقي.”
5) بتفضّل استخدام Excel بالماوس أو لوحة المفاتيح؟
ده سؤال محير شوية. عشان الإجابة الواضحة والبسيطة هي “الاتنين”، بس بيكون مهم للمديرين وقسم المالية بشكل عام انهم يعرفوا لو كان الشخص اللي هيتعين بيعرف يستخدم اختصارات لوحة المفاتيح ولا لأ، لان الاختصارات بتوفر وقت كبير.
ودي اجابة ممكن تقولها لو اتسألت: “استخدام الاتنين مهم، بس بفضّل استخدام الاختصارات على لوحة المفاتيح بشكل أساسي لأني بكدا مش هضطر أروح للماوس وأضيع وقتي.”
6) إزاي تحمي ملف Excel الخاص بيك؟
اكسل بيوفر وظيفة تقدر تستخدمها عشان تحمي ملفك بكلمة سر قبل ما تفتحه، ومع إنها حماية أمان مش قوية، بس ممكن تحجب الوصول لأي حد غيرك لملف Excel اللي فيه كلمة سر.
مثال لإجابة عن الأمان في Excel: “ممكن تحمي أوراق العمل في Excel بكلمة مرور من خلال شريط الأدوات اللي فوق في قسم المراجعة.”
7) ايه هي تنسيقات البيانات المستخدمة في Excel؟
يوجد مجموعة من 11 أداة عشان تنسق البيانات ممكن تستخدمها في اكسل، لكن فيه تنسيقات مهمة جدا لما تشتغل بالاكسل تكون عارفها.
مثال للإجابة: “Excel فيه تنسيقات بيانات كتير، بس التنسيقات اللي بستخدمها بشكل أساسي هي الأرقام والتواريخ والنسب المئوية والعملات.”
8) ايه هو جدول البيانات؟
ده سؤال بسيط محتاج إجابة بسيطة، مش محتاج تفسيرات معقدة للسؤال، جملتين كفاية بس للرد عشان يشوف إنك عارف بتتكلم عن ايه.
مثال للإجابة: “جدول البيانات هو جوهر برامج زي Excel، وهو ورقة دفترية رقمية.”
9) بيتكون من ايه Excel؟
ممكن تكون متوقع إنهم عاوزين منك تتكلم وتحكي كل جزء في Excel، بس اللي هما عايزينه إنهم يعرفوا إنك فاهم العناصر الرئيسية في البرنامج اللي هتستخدمه وأنت بتشتغل معاهم.
مثال للإجابة: “عناصر Excel الرئيسية بتتكون من الأعمدة والصفوف، وكمان المربعات الصغيرة اللي بتحط فيها بياناتك واسمها الخلايا (Cells).”
10) ايه هي دالة SUM؟
الأسئلة عن Excel ممكن تكون بين سؤال عام وبسيط لاستخدام وظيفة أو أداة محددة بشكل كبير، وظيفة SUM، زي وظيفة LOOKUP، من الحاجات اللي بنستخدمها كتير في المالية والمحاسبة، من الأفضل إنك تتعلم استخدامها قبل ما تروح الانترفيو.
مثال للإجابة: “وظيفة SUM بتساعد في جمع البيانات لكل الصفوف والأعمدة اللي بتختارها، وبتوفر وقت كبير بغض النظر عن حجم البيانات اللي بتتعامل معاها.”
11) ايه هي دالة IF؟
مثال للإجابة: “وظيفة IF بتدي نتايج ممكنة وبتشيك على شروط معينة، لو الشروط صح أو غلط، الوظيفة بتظهر نتايج بناءً علي الشروط دي.”
12) تعرف تخصص شريط أدوات الوصول السريع؟
مثال للإجابة: “شريط الأدوات السريعة في Excel بيساعد على توفير الوقت، ومش بيضيع تركيزك في البحث عن الاختصارات المفيدة، بس لو عايز تغير الاختصارات دي عشان تناسب استخدامك الخاص، ممكن.”
13) إزاي تعمل “wrap ” دوران للنص؟
على الرغم إنك ممكن تكون متعود على الكلام يتعمله دوران لوحدة في برامج تانية زي مثلًا الوورد، في إكسيل لازم تعمل دوران الكلام بنفسك، مش بس كده، لازم تعرف تبين إنك بتعرف الطريقة دي.
ممكن تعمل دوران النص بتاعك بالطريقة دي: “اختار النص كله أو الخلية واضغط على زرار ” Wrap Text” اللي موجود في الشريط الرئيسي، ولو عايز تغير حجم الخلية، ممكن تحرك الخطوط العمودية والأفقية اللي في الخلية.”
14) ايه هي تنسيقات التقارير في Excel؟
ممكن تقول إن “في 3 أنواع لتقارير البيانات: النموذج المضغوط، النموذج المُفصّل و النموذج الجدولي.”
15) لو ضغطت على الزرار اللي موضح بيه السهم، هتحصل على ايه؟
في وقت انتشار فيروس كورونا، قلّت بشكل كبير عدد المقابلات اللي بتقدم علي الوظايف، بس مش معنى كدا انك مش تقدر تستخدم برامج زي Zoom و Google Meet و Skype عشان تعمل انترفيو مع أي حد، يعني ممكن تسأل أسئلة بصرية زي ” لو ضغطت على الزرار اللي موضح بيه السهم، هيحصل ايه؟”.
والإجابة ممكن تكون كدا: “كل الخلايا في الورقة هتتحدد.”
16) ايه هو الغرض من إضافة التعليقات؟ وإزاي أضيفها في إكسيل؟
ممكن الإجابة تكون كدا: “الهدف من إضافة التعليقات هو توضيح البيانات أو المعلومات في الخلية أو وضع ملاحظات إضافية للناس اللي هتشوف الورقة في المرة اللي جاية، إضافة التعليقات بيتعمل بإختيار الخلية وعمل كليك يمين وإختيار ‘Insert Comment'”.
17) ايه هو ترتيب تسلسل الوظايف الرياضية؟
الترتيب في العمليات الرياضية مهم جدا، خصوصا للمحللين الماليين اللي بيشتغلوا في المالية، تقدر تفتكر الترتيب بالكلمة دي “BEDMAS”.
وممكن الإجابة تكون كدا: “الترتيب في العمليات الرياضية هو القوس، الأس، القسمة، الضرب، الجمع والطرح.”
18) ايه هو التنسيق الشرطي؟
مش لازم توصف التفاصيل زي ما تكون حافظ مش فاهم، عشان ده ممكن يضر فرصتك في الوظيفة، وضح المعنى بمثال بسيط هيخلي الشخص اللي قدامك يعرف إنك عارف وفاهم اللي بتتكلم عنه.
ممكن الإجابة تكون كدا: “التنسيق الشرطي بيساعدك تغير شكل أي خلية في الإكسل بناءً على قيمتها، مثال عليه، لو عايز تظلل كل الخلايا اللي فيها الرقم ٥ وتخلي الخط فيها مايل، بإستخدام التنسيق الشرطي الإكسيل هيعمل الخطوات دي بسرعة.”
19) الفرق بين الدالة والمعادلة في إكسيل؟
الفرق بين الدالة والمعادلة: “الدالة هي أداة مدمجة في الإكسيل، فيه أكتر من ٤٠٠ دالة، والمعادلة هي اللي بيعملها الشخص اللي بيستخدم البرنامج، وبتوجه البرنامج يعمل المهام المطلوبة منه، المعادلة فيها دوال كتير، بس الدالة ممكن مش تحتاج معادلة عشان تتعمل.”
20) ايه رأيك في إكسيل وايه اللي ناقصة؟
الصراحة هي الحاجة الأهم في الإجابة دي، انه مش مهم إنك تحب الإكسيل وبتستخدمه في كل حاجة، لو كنت صريح وقلت عن أي عيوب في البرنامج، هتقدر تلاقي حلول وأدوات تساعدك في الشغل.
مثلا، “عيب الإكسل إنه مش بيدعم التعاون بين فريق من الموظفين.”
الغرض من أسئلة Excel
طالما إنت بتتقدم لوظيفة محلل مالي، مهما كان حجم الشركة أو المؤسسة اللي انت بتقدم ليها، تقريبًا كل وظايف المحلل المالي بيستخدموا Excel، ده واحد من أهم الأدوات اللي لازم تفكر فيها في بيئة العمل، وبسبب كدا، بتتسأل أسئلة عنه في الانترفيو.
لو بتحضر انترفيو، الأفضل إنك تراجع وتدرس أي أسئلة محتملة، وتحضّر إجابات عليها، المقابلين والموظفين اللي بيعملوا المقابلات بيدوروا على ناس تنفذ احتياجات الشركة ومتطلباتهم، فمهم أوي إنك تعرف تشتغل على Excel، عشان انت الركيزة الأساسية في كل القرارات المالية اللي الشركة بتاخدها.
إزاي ممكن للمحلل المالي الإستفادة من إكسيل؟
عمل جداول البيانات الأساسية:
كل محلل مالي أو أي شخص بيشتغل في القطاع المالي بيتعامل مع الأرقام، الأرقام بتتحول لبيانات والبيانات بتتحول لمخططات ورسوم بيانية، ممكن تستخدم جداول البيانات في أي وقت في مرحلة معالجة البيانات وبيتم استخدامها دايمًا، هي أداة أساسية لأي محلل مالي عشان يقدر يجمع البيانات ويدوينها ويعالجها.
التنسيق المخصص:
حتى لو انت محلل مالي، انك شايف الأرقام طول اليوم كل يوم بيكون مرهق، عشان كدا، مجموعة Excel الواسعة من الدوال والتنسيق المخصص على كل حاجة بيساعدك تلوّن وتنسق بياناتك المعالجة، بتصميم مخططات ورسوم بيانية، وبتخصيص كل تفاصيل صغيرة زي اللون والحجم والشكل، هتكون جاهزة للعروض.
تخزين البيانات:
اكسل بيعمل زي المُحافِظ على بياناتك، لما بتخزن البيانات، بيسمحلك كمان بالانتقال السلس على طولها بغض النظر عن حجمها، بعض الدوال اللي زي LOOKUP وSUM وIF هي العناصر الأساسية للتنقل في البيانات في Excel.
النموذج المالي:
عملية بناء نموذج مالي فيها إيه؟
- تقدير قيمة شركتك وتوقع النتايج المحتملة للقرارات المالية.
- مقارنة صافي قيمة الشركات وأسعار البيع للشركات التانية.
- اختبار سيناريوهات “what if”.
- التخطيط وتوزيع الميزانية.
كل الخطوات دي ضرورية عشان تعمل النموذج المالي كمحلل مالي، والأداة الضرورية لكل ده هي Excel.
ايه هي المهارات اللي تحتاجها عشان تكون محلل مالي؟
المهارات اللي لازم تكون عندك عشان تبقى محلل مالي بتختلف من شركة للتانية، بس بشكل عام، لازم تكون عندك مهارات تقنية وكمان “مهارات شخصية” زي التواصل الاجتماعي.
التعليم:
قبل ما نتكلم عن المهارات المطلوبة، لازم نتكلم عن التعليم، عشان مهما كانت خبرتك، الشركات بتطلب في الغالب إنك تكون خريج كلية تجارة ودارس ماليات.
كمان لو كان معاك ماستر في مجالات مشابهة، هيبقى أفضل ليك وهتبقى ليك ميزة عن المتنافسين، بس زي ما بيحصل في كل المجالات، التعليم مش هو اللي مهم، لو مش عندك المهارات المطلوبة ومش عارف توظفها في الشغل اللي بتقدم عليه، التعليم مش هيفيدك كتير.
المهارات:
المهارات التقنية
لازم يبقى عندك فهم كويس لبرنامج إكسيل، وكمان تكون حريص على انك تتعلم أدوات وبرامج جديدة في المجال المالي والمحاسبي، عشان تقدر تتابع التطورات اللي بتحصل في السوق، وبكدا، لو اتعلمت برامج زي مايكروسوفت أكسس و SQL، هتقدر تتقدم في مجال الشغل بشكل كبير.
المهارات المحاسبية
مش هتتفاجأ لما تسمع إن المحلل المالي لازم يكون خبير في مهارات المحاسبة، المحاسبة هي أساس قطاع المال، عمليات حساب الأرقام، وإدارتها، وتخطيطها، وإجراء الأبحاث ومعالجة البيانات هي العمليات الأساسية فيه، إعداد التقارير وتحليل الميزانيات وتتبع التدفق النقدي وعمل جداول الأرباح والخساير هي بعض المهام اللي بيطلب منك إتقانها في إستخدام مهارات المحاسبة في Excel، وأكيد مش هيتقدم محلل مالي لمناصب أعلى في مسيرته الوظيفية لو كان ضعيف في استخدام المحاسبة في اكسل.
مهارات التواصل الاجتماعي
كمحلل مالي، انت جزء من فريق، التواصل الفعال مع أعضاء الفريق والمشرفين والمديرين ورؤسائك هيساعدك في انك تتقدم على سلم النجاح.
مهارات القيادة
انت عضو في الفريق، صح، بس عايز تترقى وتوصل للقمة، لازم تبين قدراتك كقائد كمان، متترددش تطلب مهام أكتر وأصعب، وتقدم لوظايف مدير أو مدير مشروع، اثبت إنك عندك مهارات في حل المشاكل والتفكير النقدي عشان تقدر تاخد خطوة لقدام، بس خد الخطوات دي وقبل الترقيات دي، لو وفرت على نفسك إنك تكون متأكد إنك هتقدر تنجز المهمة.
مهارات التحليل
معرفة المشاكل، وتوقع النتايج الإيجابية والسلبية، وتحديد الأهداف المالية، ممكن تكون زيها زي أي مسؤول مالي، بس الصعوبة بتظهر لو مش عندك مهارات التحليل اللي محتاجينها في الشغل.
مهم: التحليل المالي بإستخدام النسب المالية
دوال ومعادلات Excel اللي محتاج تعرفها كمحلل مالي
- LOOKUP (VLOOKUP و HLOOKUP) : بتُستخدم عشان تدور على قيم معينة في الجدول وترجعهم بناءً على معايير محددة.
- IF (مع AND/OR) : دي عشان تفحص قيم معينة وترجّع قيم مختلفة بناءً على الشرط اللي اخترته.
- SUM : عشان تجمع قيم معينة في الجدول.
- INDEX (وكمان بتستخدم كـ INDEX MATCH) : بيجيب قيمة خلايا معينة بناءً على رقم الصف والعمود اللي حددتهم.
- XNVP : بيحلل قيمة الشركة بناءً على الدخل النقدي والتواريخ.
- XIRR : بيحسب معدل العائد الداخلي للشركة بناءً على الدخل النقدي والتواريخ.
- CONCATENATE : بتجمع بيانات من خلايا مختلفة في خلية واحدة، وكمان النصوص والتواريخ والأرقام.
- RANK : بيحدد ترتيب القيم في الجدول بناءً على الحجم بترتيب تصاعدي أو تنازلي.
- INDIRECT : بيخليك تحول بيانات من النصوص لمراجع خلايا، وتقدر تستخدمها في نفس الورقة أو في ورقة إكسيل تانية.
لو كنت عايز تعرف أكتر عن شغل المحلل المالي وتعلم برنامج الاكسل تابع صفحتنا.