ليه التداول في البورصة بيجيب فلوس أكتر من أي شغل تاني؟

التداول في البورصة هو الحاجة الوحيدة اللي بتسمحلك تتحكم في المخاطر بنسبة أكتر من 90%، لما تفكر تعمل أي نوع من التجارة أو مشروع، دايما هتلاقي مخاطر كتير ومشاكل ممكن تواجهك، زي مثلا لو فكرت في مشروع زراعي زي مزرعة أبقار، فممكن تواجه مشاكل زي نقص العلف والأمراض الفيروسية والبكتيرية، وده غير المجهود اللي هتبذله، وممكن في النهاية مش تحقق أرباح كفاية بسبب المنافسة والكساد.

وحتى لو فكرت في مشروع شكله مضمون زي كافتيريا أو صيدلية، ممكن تواجه مشاكل كتيرة وصعوبات برضو، واللي ممكن تخلي الخساير بتاعتك تعدى قيمة الاستثمار الأصلي، لكن في البورصة، بتحدد حجم الخسارة المقبولة في الصفقة الواحدة من قبل ما تشتري أو تبيع، فبكدا لو حصلت خسارة بتكون دي بالظبط اللي حددتها من البداية، ولو كسبت بتكسب اللي حددته من البداية برضو، يعني النتايج بتبقى متوقعة، فمش هتفرح كتير لما تكسب، ولا تزعل كتير لما تخسر، وده بيخليك دايما متوازن نفسيًا.

إقرأ المزيد: أسرار تداول البورصة من خبير السوق مارك دوجلاس

إزاي أعرف الخسائر اللي ممكن تحصل قبل ما أدخل أي صفقة؟

قبل ما تشتري أو تبيع في البورصة، استخدم حاجة اسمها “وقف الخسارة“، ده مستوى سعر معين بتحدده قبل ما تدخل الصفقة، لو وصل السعر للمستوى ده، الصفقة بتتقفل تلقائي وبتخسر فلوس أقل، وعشان تفهم أكتر تعالي ناخد مثال علي كده.

مثال عملي علي وقف الخسارة أثناء التداول

لو عندك 100 ألف جنيه ومش عايز تخسر أكتر من 5% منهم يعني 5000 جنيه.، ولو كنت ناوي تشتري سهم بسعر 20 جنيه، وبتفكر إن وقف الخسارة اللي هتحدده هيكون عند سعر 18 جنيه، يبقى هنا قيمة الخسارة لو اشتريت سهم واحد هتكون 2 جنيه، وعشان تحسب الخسارة اللي ممكن تتحملها بالنسبة لكل سهم، بتقسم المبلغ اللي بتقدر تخاطر بيه على الخسارة اللي بتتحملها لكل سهم، يعني هنا بتقسم 5000 جنيه على 2 جنيه، يعني 2500 سهم هتشتريهم.

بمعني لو سعر السهم نزل لوقف الخسارة اللي حددتها، مش هتخسر غير اللي حددته من الأول، يعني 5000 جنيه، وعلشان كدة انت اللي بتحدد مقدار الخسارة قبل الدخول في الصفقة، مش السوق اللي بيحدده ليك.

هل هتفكر تجرب حاجة غير التداول في البورصة والفوركس؟

الحاجة اللي بتخليني أقول إن التداول في البورصة والفوركس هي أحسن مهنة في العالم، هي إنها بتحتاج صراحة شديدة، وخصوصا مع نفسك، طب ليه؟

علشان هي شغلانة بتقوم على العلاقة بين المضارب وسعر السوق، وده هو الفرق اللي بيميزها عن باقي الشغلانات التانية، إنها مش بتحتاج تتعامل مع بشر، ولا فيها أي تفاهمات أو أي حاجة زي كدة، لأنك بتشتغل مع الشاشة، بتشتري منها وتبيع ليها، وعلاقتك بيها بتكون أساسية، والشاشة دي بتعتمد على أرقام وإحصائيات مفيهاش مشاعر زي الطمع أو الخوف أو الغضب، وده اللي بيخلي الصراحة والنزاهة أساسية لنجاحك في المجال ده.

علي عكس مهن تانية كتير بتقدر تنجح فيها بالكذب والتزوير وزيادة الكلام والأفعال.

البورصة أحسن مهنة بتجيب فلوس لسببين:

• لما تتداول في البورصة لازم تكون صريح مع نفسك ومع العالم، وده اللي بيخليها أصدق مهنة موجودة.
• البورصة كمان بتسمحلك بتحكم شبه كامل في المخاطر اللي ممكن تواجها.

مهم: أفضل الشركات للاستثمار: كيفية تحليل Market Share و Industry Trends

في الختام

التداول في البورصة أه بيجيب فلوس أكتر من أي شغل تاني لأنه بيعتمد على الذكاء والخبرة في اتخاذ القرارات المناسبة في الوقت المناسب، وده بيخلي الناس اللي بتداول تقدر تكسب أرباح كبيرة في وقت قصير، بالإضافة ان البورصة بتتيح فرصة للمستثمرين يستثمروا في الشركات المختلفة وتحقيق أرباح مجزية على المدى الطويل، بس طبعا لازم الواحد يكون عنده خبرة ومعرفة كويسة في السوق ويتعلم بش كل مستمر عشان يقدر يحقق نجاح في التداول.