استراتيجيات الاستثمار الناجح في سوق الأسهم
كتير مننا بيدخلوا السوق عشان يزودوا فلوسهم أو يجيبوا عوائد أكتر على فلوسهم، بس في طريقتين نقدر نشتغل بيهم في السوق: إما نستثمر أو نضارب، وفي كتير من الاوقات المبتدئين بيخلطوا بين الكلمتين دول، لإنهم بيتبادلوهم في لغة الفلوس، بس زي ما هنشوف في تدوينة استراتيجيات الاستثمار الناجح في سوق الأسهم فالكلمتين دول مختلفين ومش بيان أو بمعني واحد لنفس الحاجة.
إقرأ المزيد: بتخسر في البورصة؟ اعرف ازاي تستفيد من الخسارة وتحقق الأرباح
ايه هو الفرق بين الاستثمار والمضاربة؟
الاستثمار والمضاربة دول عبارة عن طريقتين في التعامل في السوق، بس الاتنين مختلفين في طبيعتهم وهدفهم.
الاستثمار هو لما بنحلل وندرس بتمعن الفرص الاستثمارية، زي الأسهم والشركات والقطاعات الاقتصادية، عشان نحقق ربح مرضي ونقدر نخفف المخاطر.
لكن المضاربة هي اللي بتم على أساس البحث عن الربح السريع من خلال شراء وبيع الأصول المالية بفارق السعر في فترة قصيرة، وده بيزود المخاطر.
بطريقة تانية، الاستثمار والمضاربة مختلفين في الطريقة اللي بيتعاملوا بيها
- المستثمر الذكي مش بيركز على حركات السوق قصيرة مدى ولا التحليل الأساسي، بس بيشوف الربح اللي بيقدر يحققه على المدى الطويل.
- أما المضارب بيسعى لتحقيق الربح قصير الأجل في تداولات الصعود والهبوط من خلال الشراء والبيع بفارق السعر، وبيحاولوا ينفذوا قراراتهم على أساس تحليل لأسعار معينة وحجم التداولات التاريخية والأخبار الحديثة.
- المستثمر بيسعى للربح على المدى الطويل، فبيكون عنده استراتيجية استثمارية متينة ومستمر في محاولة شراء أسهم “الشركات الكويسة بأسعار كويسة”، ودي الفلسفة الشائعة عند المستثمر.
–> في الحقيقة، الذكاء في الاستثمار هو انك تشتري أسهم الشركات الأفضل على الإطلاق، بمعنى الأغلى من حيث السعر، وتستمر في الاستثمار فيها لفترة طويلة، لان أصحاب الشركات دي مبسوطين وراضيين عن الأداء اللي بتحققه الشركات دي.
–> عشان كده، دايما بننصح بالبحث عن الأفضل في كل قطاع وبأغلى سعر ليها، لازم تعمل تحليل للشركات دي ببساطة وتحسب مقدار المخاطرة في حال فشلت التحليلات دي، لو عملت كده فالخسارة مش هتكون كبيرة من إجمالي رأس المال اللي بتخصصه للاستثمار والفائض عن حاجتك في المدى القصير والمتوسط.
الفرق بين المستثمر والمضارب في الربح
عايزك تسأل نفسك وكمان اسأل الناس الخبراء اللي تعرفهم في مجال التداول “أي واحد حقق نتايج في الربح افضل المستثمر ولا المضارب” وخليك في جانب الأفضل.
- لو اتكلمنا عن الاستثمار لفترة طويلة ومتوسطة، بيبان من الإحصائيات إنه أغلب الوقت بيديك ربح أكبر من المضاربة.
- بس في حاجات لازم نعترف بيها، وحدة منها إن محدش قادر يتوقع نتيجة أي استثمار أو مضاربة.
- بصراحة، في بعض الأوقات المضاربة بتديك أرباح كويسة، بس في أوقات تانية بتديك خساير كبيرة، وفي العادة ده بيكون بسبب التحكمات العاطفية اللي بتأثر في قراراتنا كبشر.
- المشكلة إن في ناس كتير بتتعامل مع المضاربة من غير ما تفهم مفهوم الاستثمار، وبتعاملها زي المقامرة على الصفر والواحد.
- المضاربة مش بتديك فرصة كبيرة إنك تكسب أكتر من الاستثمار الحقيقي، لأن الدخول والخروج من السوق بشكل متكرر بيأدي لدفع عمولات للوسطاء، وده بيخلي الربحية اللي بتجيبها قليلة في النهاية.
دلوقتي هنعمل تمرين عقلي ونفسي عشان تفهم أهمية التركيز على الاستثمار للمدى المتوسط والطويل.
اسأل نفسك بصراحة، عايز تبقى مضارب ولا مستثمر؟ وايه هو الهدف اللي عايز توصله من السوق؟
خلينا أجاوبك بإن هدفك سواء كان من الاستثمار أو المضاربة هو (الربح طبعا).
أحسن طريقة للاستثمار هي إنك تعمل استراتيجية منطقية وسهلة، بتستخدم أدوات بسيطة ومنظمة وفقًا لاحتياجاتك وخططك، ومش تعتمد في أخد قراراتك على العواطف وتتوقف عن الرهان على ان السهم ده هيصعد والسهم التاني هينزل، محدش عارف كمان هيكسب كام بالظبط، فمش هو ده الحل، الحل هو إنك تدير المخاطر بشكل كويس وتحدد كمية الخسارة المقبولة بكل وضوح، خليك انت مستشار مالي لنفسك وجنبك الأدوات اللي بتساعدك تاخد قرارات استثمارية.
أمثلة توضيحية
خلينا نعمل تمرين بسيط على تحليل أسهم الشركات وإزاي تدور عليها، النصيحة اللي عندي إنك تدور على الأداء الجيد للشركات، مش مؤشرات بس، فمثلا لو سعر سهم شركة كان 5 دولار في السنة اللي فاتت ودلوقتي سعرها 10 دولار، خليك منطقي واستنتج لو كنت مبسوط بالنتيجة دي في حال كنت صاحب الشركة.
لو شركتك حققت أرباح 100% من 5 لـ 10 دولار، ده معناه ارتفاع بنسبة 100%.
1- بالنسبة للسنة اللي فات، هل انت راضي عن أداء الشركة؟
2- هل الناس اللي استثمرت في السنة دي تقدر تقول عليهم كسبانين ولا خسرانين؟
3- لو كنت اشتريت 1000 سهم بـ 5 دولار ودلوقتي قيمتهم 10 دولار، ده بيبان إنك كسبت 5000 دولار، هل هتكون مبسوط وراضي بالربح ده؟
–> التحليل الفني والمالي لأي سهم مش بيقتصر على الجوانب التقنية والمالية بس، لازم ناخد بالنا من التحليل النفسي والمنطقي للناس اللي بتشتري وتبيع في السوق، العوامل النفسية والعقلية بتأثر على قراراتهم في الخروج من صفقة أو الدخول في صفقة أو ‘القيام إنهم يستثمروا أو لا.
–> التحليل لازم يبقى سهل ومنطقي ونشوف الرسم البياني ونحلله بحيادية عشان نقدر ناخد قرارات صح، وبننصح دايمًا إنك تكون مستشار مالي لنفسك وتدير فلوسك بنفسك، وأي حد ممكن يكون متداول محترف زي محترفي البورصات العالمية.
تمرين عملي للاستثمار الناجح في البورصة
خلينا نفكر سوا إنه من الأهمية الكبيرة إننا نستثمر في الشركات اللي بيتميزوا بأداء ممتاز على المدى الطويل، ونحط فالبال دايمًا إننا نستثمر في الأفضل، عشان كده بننصح إنك تركز على الشركات اللي بيحققوا أفضل أداء، عشان تضمن ربحية كويسة في الاستثمار.
شركة RINGCENTRAL
حققت نمو بنسبة 770%، وده يٌعتبر مؤشر على نجاحها واستمراريتها في تحقيق الأرباح في المستقبل.
الربج الاجمالي في أخر 36 شهر كان نسبته 772% خلال السنة من 2017 لـ 2020.
- 140% في 2017-2018
- 96% في 2018-2019
- 168% في 2019-2020
1- قولي رأيك بقي هل انت راضي عن أداء الشركة في السنة اللي فاتت أو السنين اللي فاتت ؟
2- هل الناس اللي استثمرت في السنين دي تفتكر هم كسبانين ولا خسرانين؟
3- طب لو انت مكانهم واستثمرت مع الناس دي هل كنت هتكون راضي ومبسوط ؟
شركة Megaport الاسترالية
خلال الـ 3 شهور اللي فاتوا الشركة حققت أداء كويس 160% بس أرباح كويسة في ظل الظروف الإقتصادية خلال المدة دي.
1- ايه رأيك هل انت مبسوط بالاداء الخاص بالشركة دي خلال السنين اللي فاتت؟
2- قولي تفتكر الناس اللي استثمروا كانوا كسبانين ولا خسرانين؟
3- طب لو أنت اللي استثمرت هل كنت هتكون سعيد بالربح ولا لأ؟
شركة PALOMAR
دي لسه شركة ناشئة بتشتغل في التأمين عمرها بس مش عدي 14 شهر في سوق التداول، خلينا كده نشوف الاداء بتاعها عامل ازاي، وبعدها ياريت تجاوب مع نفسك بردو علي نفس الاسئلة اللي كتبنا عنها فوق في كل شركة.
شركة Inphi Corporation
الشركة دي عملت أداء مميز السنة اللي فاتت ربح بنسبة 204% وخلال الـ 3 شهور الاخيرة عملت ربح 140%.
شركة COUPA
وصلت أرباح الشركة دي في الـ 36 شهر اللي فاتوا 716% خلال الفترة من 2017 لـ 2020.
- 132% ربح في الفترة من 2017-2018
- 109% في سنة 2018-2019
- 165% أرباح خلال المدة 2019-2020
نتمني نكون قدمنا ليكوا تقرير مميز يقدر يساعدكوا لما تبدأوا الاستثمار في البورصة.
بجد الاستثمار والتداول ده أسلوب حياة ولازم نلتزم بالشروط والقواعد ونطبق الاستراتيجية الصح عشان نقدر نحقق نجاح في البورصة، ومش لازم نكون أذكي من اللي حولينا، بس لازم نشوف الواقع بعين متخصصة شوية ونحلل الأمور قبل ما ناخد أي قرار.
مهم: الفوركس للمبتدئين: ازاي تدخل السوق وتفهمه بطريقة سهلة
نصيحة أخيرة
لو عايز تستثمر في بورصة الأسهم وتجيب فلوس، لازم تفهم تحليل الشركات اللي هتشتري فيها وتعرف ايه هي خطتهم للمستقبل، بس متلعبش بالمضاربة والتداول اليومي لأنه دا ممكن يخسرك فلوس كتير، وبدل كده استثمر في شركات موثوق فيها وتوزع فلوسك على شركات مختلفة عشان تقلل المخاطرة.
والأهم من كده، إنك تتابع الأخبار والمستجدات في السوق، وتستنتج منها حاجات تفيدك في أخد القرارات، وأهم حاجة إنك تكون صبور وتستنى فترة مناسبة عشان تحقق الأرباح.