أي واحد تختار؟ جوجل شيتس ولا مايكروسوفت اكسل؟

جوجل شيتس اتطورت، وحاولت الشركة تحديث رسوماتها وتحسين قدرتها على معالجة البيانات، هل قدرت تشتغل علي نفسها كفاية عشان تتفوق على إكسل، الملك الأبدي للجداول الإلكترونية؟ في التدوينة دي، جمعنا كل الاختلافات بين جوجل شيتس وبرنامج إكسل!

إقرأ المزيد: طريقة تسوية البيانات في برنامج الاكسل

مميزات جوجل شيتس Google Sheets

• أول ميزة ممكن تعرفها هي ان جوجل شيتس مجانية الاستخدام!
• تقدر تتعاون مع أي حد حتى لو كنت مش موجود معاه في نفس المكان، أول بس لما تشارك الملف مع مجموعة، تقدر تعلق وتعدّل على المحتوى في نفس الوقت.
• ملكية جوجل، بمعني إنها تقدر تاخد بيانات من أي خدمة من خدمات جوجل أو من الإنترنت، فيها دالة اسمها “GOOGLETRANSLATE” بترجم محتوى الخلية، ودالة “GOOGLEFINANCE” تجيبلك معلومات مالية حالية أو تاريخية من Google Finance، وتقدر تجيب بيانات مباشرة من الإنترنت باستخدام دوال زي “IMPORTFEED” و “IMPORTDATA”.
• فيها تاريخ لكل التعديلات اللي حصلت في الملف، تقدر توصله بالضغط على “ملف”، ويظهرلك امتي تمّ التعديل ومين اللي عدّله، ومش زي برنامج اكسل اللي محتاج لإصدارات كتيرة للملف عشان تحافظ على السجل.
• فيها قايمة بدوال جدول البيانات اللي بتقدمها جوجل هنا، وكمان فيها اختصارات لوحة المفاتيح.

مهم: بجانب كل المزايا اللي قلناها، جوجل شيتس بتقدم فرص كويسة عشان تدمج بيانات من جهات خارجية، فيه تطبيقات “سايد بار” تقدر تستخدمها عشان تربط جداول البيانات ببرامج المبيعات الخاصة بيك وتحافظ على تحديث البيانات بشكل دايم.

مايكروسوفت اكسل Microsoft Excel

• اتصمم عشان تحليل البيانات والكميات الضخمة، فبتتقدم فيها في الجانب ده على جوجل شيتس، جوجل شيتس بتبقي بطيئة لو حاولت تعالج كمية بيانات كبيرة، بس اكسل اتصمم عشان يقدر يتعامل مع كميات كبيرة.
• في اكسل، بتقدر تخلي المهام اللي بتتكرر كتير تتسهل باستخدام الأتمتة، وده بيخلي العملية سهلة وسريعة، وبيبقى فيها حيل زي إنك تقدر تعمل قوايم “auto fill” خاصة بيك، وده بيوفرلك وقت وجهد مش هتحتاج تستخدمهم كل مرة.
• جوجل شيتس اتطورت، بس لو كان يومك كله بيدور حوالين تحليل الأرقام فأنت بتحتاج اكسل بسبب وظايفها المتقدمة. هتحتاج في الاغلب تصميم نماذج بيانات، تحليل إحصائيات، وخلق ماكروز معقدة بردو.
• موجود صيغ لكل حاجة، إحصائياً، رياضياً، مالياً، مجرد نظرة سريعة على القايمة دي من الدوال، حسب الفئات، بتديك كل حاجة إنت بتدور عليها. وعشان تسّهل الحياة، شوف الاختصارات على لوحة المفاتيح.
• اكسل مرن جدًا، وده مثال على الفن المدهش اللي تم إنشاؤه باستخدام اكسل!

وبونص: لو كنت مطور، فممكن تستخدم لغة Python عشان تكتب إضافات كاملة المزايا لبرنامج اكسل!

جدول مقارنة بين جوجل شيتس واكسل

عشان نلخص كل حاجة في جدول مقارنة بين الاتنين، في عندك 13 معيار بنقارن علي أساسهم:

المعايير	جوجل شيتس	اكسل
السعر	5/5 مجاني! (لغاية حد معين)	2/5 ببساطة: غير مجاني!
التعاون	5/5 تحرير ملف متزامن مع زملائك أو أصدقائك	2/5 مش متاح التحرير المتزامن. مايكروسوفت بتحاول تحسين OneDrive لأغراض التعاون.
قابلية الاستخدام عبر الأجهزة	5/5 اعمل ملف من جهاز الكمبيوتر اللابتوب بيك ، وافتحه على الايباد بتاعك ، واتحقق منه في وقت تاني من على موبايلك.	2/5 بالرغم من وجود تطبيقات Excel للموبايلات ، إلا انها بتُستخدم أساسًا للاستخدام على سطح المكتب.
التحكم في النسخ:	4/5 بيتم تسجيل السجل تلقائي	1/5 لازم أنت تعمل كده بنفسك.
VBA / Apps Script	3/5 Apps Script مش سيئة	4/5 VBA قوي
قوة المعالجة الخام	2/5 ضعيف جدًا في GS لما الموضوع يكون مرتبط بمعالجة البيانات الخام	4/5 هنا بقي بيتألق Excel.
تنسيق المخططات	2/5 مخططات في GS؟ ماشوفتش حاجة كويسة.	4/5 كويس جدًا
جداول البيانات المحورية	3/5 متاحة	5/5 أداة أساسية خاصة بالمستخدمين المتقدمين
تحليل البيانات	1/5 تحليل البيانات مع GS؟ مش فكرة كويسة.	4/5 ربما ليس بقوة R ، لكن بيقوم بالمهمة بشكل كويس.
القوالب	2/5 محدودة جدًا	4/5 تم عمل قوالب كتير جاهزة للاستخدام في Excel
السرعة	2/5 موجود في متصفحك في النهاية	4/5 بيأدي شغله بشكل كويس لغاية مئات من السجلات.
العروض التقديمية	2/5 متوافق مع Google Slides ، لكن المشكلة هيا: أنه مش بيتم استخدام Slides كتير.	4/5 بيعتمد عالم الأعمال على برنامج PowerPoint و Excel عنده توافق قوي (على الرغم من عدم الكمال لسه).
أمان البيانات	3/5 مش سيئ لكن محتاج لتشفير أقوى	3/5 ملفات Excel مش مميزة في الحفاظ على المعلومات الحساسة. (وأه! قفل كلمة المرور سهل جدًا للقراصنة)

الخلاصة

جوجل شيتس واكسل، الاتنين برامج جداول بيانات مشهورين، جوجل شيتس بيكون أونلاين وممكن تتعاون مع أكتر من حد، بس اكسل بيكون أوفلاين وأكتر تخصيص وأمان، فالاختيار بيعتمد على احتياجات وظروف الشغل.

مهم: إزاي ممكن تستخدم Excel في المحاسبة

في الاخر أحب أقولك القرار بإيدك انت بس، لو بتشتغل على كميات كبيرة من البيانات، فمفيش حل غير Excel، بس لو احتياجاتك متواضعة، يبقى مفيش سبب مقنع إنك مش تجرب Sheets، خصوصاً إنه مجاني.