5 عادات مشتركة لكل الأغنياء فى العالم ! حسب مجلة فوربس
بيقولك يا سيدي رجال الأعمال الأغنياء ليهم عادات ثابته , بغض النظر عن اختلافهم في تفاصيل كتيرة , وده حسب تقرير أعدته مجلة فوربس الرائدة في مجال الأعمال , اللي لقت صفات شخصية مشتركة في كل رجال الأعمال الأغنياء علي مستوي العالم و منها الـ 5 عادات مشتركة لكل الأغنياء فى العالم ! واللي هنكلمكم عنها في مقالنا النهاردة.
5 عادات مشتركة لكل الأغنياء فى العالم !
هنتعرف دلوقتي علي العادات المشتركة اللي أعلنت عنها مجلة فوريس كالتالي:
- القراءة باستمرار.
- السوشيال ميديا مش في جدول أعمالهم.
- بيحسبوها بالمليم.
- ليهم مثل أعلي.
- لا تراجع ولا استسلام.
5 عادات مشتركة لكل الأغنياء فى العالم منها القراءة
- 63٪ منهم بيسمعوا كتب مسموعة أثناء القيادة.
- 79٪ منهم بيقرأوا كتب تتعلق بتخصصهم المهني.
- 55٪ منهم بيقرأوا كتب عن التطوير الذاتي.
- 58٪ منهم بيقرأوا سير ذاتية لنجاح رجال أعمال آخرين.
- 94٪ منهم بيقرأوا عن الأحداث اليومية.
- 51٪ منهم بيقرأوا عن التاريخ.
- فقط 11٪ منهم بيقرأوا بهدف الترفيه زي الروايات.
5 عادات مشتركة لكل الأغنياء فى العالم منها السوشيال ميديا
2- السوشيال ميديا مش في جدول أعمالهم
63٪ من الأغنياء في العالم بيقضوا أقل من ساعة يوميًا على الإنترنت إلا إذا كان استخدامهم للإنترنت له علاقة بالعمل، وبيقضوا وقت فراغهم في تطوير نفسهم، وصناعة العلاقات، والعمل التطوعي .
5 صفات مشتركة لكل الأغنياء فى العالم منها بيحسبوها بالمليم
3- بيحسبوها بالمليم
ناس كتير بتتخيل ان رجال الأعمال بيصرفوا من غير حساب . بالعكس , نصائح الأغنياء في عادات الإنفاق بتقول أن على الشخص العادي أنه مايصرفش أكترمن 25٪ من دخله على السكن سواء كان إيجار أو تمليك ومش أكتر من 15٪ من دخله على الطعام والشراب و 10٪ على المرح والرحلات والسفر ولازم يستثمر يستثمر من دخله ما لا يقل عن 15٪ في مشاريع ربحية.
5 صفات مشتركة لكل الأغنياء فى العالم منها ان ليهم مثل أعلي
4- ليهم مثل أعلي
معظم الأغنياء عندهم شخص بيمثلهم القدوة والمثل الأعلى في حياتهم المهنية، بيكونوا على تواصل معاه باستمرار وبيستشيروه في أمورهم الشخصية والمهنية دايما، الفكرة دي مش سهلة وبتاخد وقت و مجهود لأن الأشخاص اللي بيقدموا مساعدة لغيرهم بصدق مش كتير، من فوايد المثل الأعلي ده :
– تجنب الأخطاء اللي وقع فيها المثل الأعلي في حياتهم المهنية.
– التشجيع والتحفيز خصوصا في الأوقات الصعبة.
– المساعدة في تكوين العلاقات وإيصالهم بالأشخاص المناسبين لمساعدتهم في حياتهم المهنية.
5 صفات مشتركة لكل الأغنياء فى العالم منها لا تراجع ولا استسلام
5- لا تراجع ولا استسلام
مفيش استسلام , مفيش حاجة اسمها حظ عندهم , مفيش شماعة بيعلقوا عليها أخطائم , زي الظروف و المعيشة الصعبة و البلد !
كذلك موجود موضوعات اكتر عن البيزنس ممكن تتعرف عليها من خلال قسمنا :
ومتنسوش تتابعونا عبر صفحتنا علي الفيسبوك عشان تتعرفوا علي موضوعاتنا الجديدة أولًا بأول: