20 سؤال في Excel للخريجين الجدد لأي Interview

إنك تدور علي شغل وتتأهل لمنصب كويس في مجال المال صعب جدًا، ولو قلنا كمان إنك لسه خريج حديث كده هيكون الموضوع أصعب بكتير، ممكن يكون نفسك تبدأ في شركة جديدة، أو تبدأ شركة خاصة بنفسك، أو حتى تكون عاوز تبدأ كـ “متدرب” وتجّمع خبرة في برنامج التدريب، بغض النظر عن أحلامك وتطلعاتك، مش هيكفي إنك تكون حافظ ومتفوق ومجموعك الجامعي عالي عشان تقدر تشتغل في شركة في مجال المال، لو مفيش مقابلة شغل، المعلومات اللي جمعتها دي مش هتفيدك في حاجة، عشان كده جمعنالك أهم 20 سؤال في Excel للخريجين الجدد لأي Interview.

إقرأ المزيد: ازاي اعمل قائمة عملاء محتملين فعالة Lead List؟

في البداية

مرحلة المقابلة في عملية التوظيف بتكون شوية مخيفة وفيها مخاطر للخريجين الجدد، بس مهما كان المنصب اللي هتقدم عليه (محلل مالي، مستشار مالي، أو متدرب)، هيسألوك عن برنامج إكسيل، هيكونوا عايزين يشوفوا مدى معرفتك واتقانك لإستخدامه.

عشان كده هتلاقي 20 سؤال عن برنامج إكسيل اللي ممكن يتم طرحها في مقابلة شغلك، ولو كنت خريج حديث هتكون الأسئله دي مفيدة جدًا ليك لما تستعد لمقابلة الشغل لو كنت بتقدم على وظيفة في قطاع المال، هيتم سؤالك عن برنامج إكسيل، والسبب في كده هو ان الكل بيستخدم إكسيل في الشغل لمدة تقريبا ٣ عقود فاتت.

يلا بينا نشوف الأسئلة الأكتر شيوعًا في مقابلة العمل للخريجين الجدد عن برنامج إكسيل.

السؤال 1: ايه هو Excel؟

خلينا نبدأ بأول سؤال سهل، مش متعودين إنهم يبتدوا بالأسئلة عن pivot tables أو macros من البداية، ممكن يبتدوا بأسئلة سهلة وبسيطة عشان يريحوك ويخلوك مسترخي أكتر للأسئلة اللي جاية.

الإجابة المثالية للسؤال ده بتكون:

إكسيل هو برنامج جدول بيانات رقمي، وإستخدامه الرئيسي هو معالجة البيانات الأساسية، وكمان بتقدر تنسق البيانات وتحسبها باستخدام وظايف ودوال مختلفة.

السؤال 2: إيه هو جدول البيانات “Spreadsheet”؟

مفيش طرق كتيرة لتعريف جدول البيانات، فخلي الإجابة بسيطة وأساسية جدًا، الانترفيو مش مكان إنك تبان مغرور فيه، لو كان عندك معلومات أكتر من كافية عن المصطلح ده يبقي كويس! دايما حلو إنك تبهر اللي بيعمل معاك الانترفيو، بس خلي بالك من كلامك عشان المقابِل مش ياخد عنك فكرة إنك مغرور.

الإجابة المثالية لتعريف جدول البيانات بتكون:

هو دفتر حسابات رقمي، زي اكسيل اللي بيتكون من جدول واحد طويل تقريبا لا متناهي واللي بيقدر يتقّسم كمان على أوراق عمل مختلفة.

السؤال 3: ايه هي أكبر نقاط قوتك في رأيك؟

السؤال ده بيتكلم عن قوتك في الشغل، وممكن بعد كده يسألوك عن نقاط ضعفك، فالأفضل تحضّر عدد قليل من نقاط القوة والضعف بتاعتك، وعشان انت خريج جديد وخصوصًا لو كنت بتقدم لوظيفة تدريبية، هيتوقع منك إنك تعرف تشغل برامج معالجة البيانات زي Excel، فده ممكن يكون ميزة بالنسبالك في الإنترفيو عشان تخلي المقابِل مبسوط منك ويسجل إسمك، بس في نقطة مهمة، الأفضل تكون مختصر ومش تمدح نفسك كتير، عشان ده هيخليك تبان مغرور، بتتكلم عن نقطة معينة لقوتك ولو تقدر تبين إثباتات لقدراتك في المجال ده، كده هيبان إنك واثق في نفسك.

مثال على إجابة للسؤال:

أنا في رأيي إن واحدة من أكبر نقاط قوتي هي قدرتي على استخدام Excel وبرامج تانية زيه، بستخدم البرنامج من سنين وكنت بتعلم وبحسّن مهاراتي فيه وبتعلم دوال ووظايف جديدة، وكمان خدت كورس في Excel وعندي شهادة فيه، ورغم إني لسه بتعلم وبجرب معادلات ووظايف جديدة، بس أنا واثق في مهاراتي في البرنامج ده.

السؤال 4: ايه هي أكبر نقاط ضعفك؟

لو جهزت قواك الإيجابية ونقاط القوة، لازم تكون مستعد كمان للسلبيات ونقاط الضعف، دي أهم أسئلة الانترفيو، وأنت بتجاوب على السؤال ده لازم تعمل إجراء مُسبق وتفكر في إجابة مناسبة للسؤال.

متجاوبش بحاجة زي “أنا مش عارف إيه هي نقطة ضعفي” أو “أنا بحب الكمال ومفيش عيب فيا“، اللي المقابلة بتدور عليه هو الصراحة والإخلاص في الإجابة، ده معناه إنك تقدر تشوف إيه النقطة اللي فيها نقص وعيوب، من غير ما تظهر نفسك كأنك مش كويس في حاجة معينة.

ممكن تجاوب على السؤال بإجابة زي:

من الناحية الفنية، بعرف استخدم نص الوظايف الموجودة في برنامج Excel، بس أنا بشتغل على نفسي أكتر وبحاول أتعلم الوظايف الباقية واتأقلم معاها عشان أكون محترف فيها.

السؤال 5: إزاي تقلل حجم ملف Excel؟

طبعا في الأسئلة دي بيسألوا عشان يعرفوا مستوى معرفتك ببرنامج Excel وكمان عشان يشوفوا ازاي بتشتغل عليه، فمثلاً لو سألوك عن طريقة تقليل حجم الملف، هتقدر تقول:

عشان اقلل حجم الملف، هروح لأخر خلية في أخر صف وعمود فيها بيانات، بعدين هاخد كل الخلايا الفاضية الموجودة جنبها وتحتها وأحذفها، وبعدين أحفظ الملف بالطريقة دي.

السؤال 6: هل برنامج Excel برنامج كويس لحماية بياناتك؟

بالنسبالي، أنا هحفظ حساباتي الشخصية والكشوفات الخاصة بيا على إكسيل، وبنحميها كمان بكلمة سر، بس الطريقة دي مش تنفع لشركة أو مؤسسة تحفظ فيها بيانات حساسة في جداول إكسيل.

السؤال 7: إزاي تحمي بياناتك في Excel؟

بما انك ممكن تقول إن إكسيل ممتاز للبيانات الأساسية وغير السرية، فممكن انه يكون غير موثوق فيه شوية لما تيجي تخزن البيانات المهمة، ولكن ممكن حماية جداول البيانات الخاصة بكلمة مرور.

إجابة مثالية على حماية ملف إكسيل يمكن أن تكون:

في قسم المراجعة، اللي موجود في شريط الأدوات، فيه خيار ممكن عن طريقة حماية ملفات إكسيل الخاصة بكلمة مرور.

السؤال 8: لو كنت مدير مشروع، ايه الاحتياطات اللي هتاخدها للحفاظ على سرية البيانات في ملفات Excel الخاصة بموظفينك؟

الأسئلة اللي بيسألوها بتاعة “لو كنت…” بيسألوها عشان يختبروا قدرتك على القيادة والترقية والصعود في السلم الوظيفي، ومن المهم إنك تجاوب على الأسئلة دي بجواب مدروس كويس.

لو كنت أعرف إن كلمات المرور على ملفات إكسيل مش هتكفي كإجراء احترازي آمن، فأنا هنقل البيانات الحساسة لمنصة معالجة بيانات مختلفة، علشان من المستحيل على مدير المشروع انه يشوف تاريخ الملف ومعرفة ايه هي البيانات المنسوخة وفين تم نسخها، وكمان مين اللي عنده الصلاحية يشوف الملف اللي فيه المعلومات الحساسة.

السؤال 9: فين مكان الشريط “Ribbon” في Excel؟

من المتوقع إنك مش تحفظ كل التفاصيل الصغيرة عن برنامج إكسيل، وده مش متوقع من حد، بس إنت هتتعامل مع إكسيل كتير لو اشتغلت في مجال المالية، فمن الأفضل إنك مش بس تعرف ازاي تستخدم الوظايف والصيغ بتاعته، لكن كمان لازم تعرف كل حاجة عنها.

إجابة السؤال ممكن تكون:

الـ Ribbon هو الجزء العلوي من صفحة إكسيل، وفيه كل العناصر القايمة وشريط الأدوات نفسه، ده الجزء اللي بيُستخدم بشكل أكبر في البرنامج بالنسبة لتنسيق البيانات وتخصيصها ومعالجتها.

السؤال 10: إيه هي الدوال في Excel؟

لو انت خريج جديد، ممكن تكون مش متعود على بعض الدوال، وده تمام بالنسبالك، بس لازم تكون عارف إيه هي الدوال ومش لازم تعرفها كلها، الدوال هي أدوات إكسيل الأكتر استخداما، مش لازم تحفظ كل الدوال أو حتى بعضها، في الانترفيو كفاية تبين للمقابِل إنك عارف إيه هي الدوال وقادر تتعامل معاها مع شوية تدريب.

إجابة مثالية عن الدوال:

الدوال هي معادلة بيدخلها المستخدم، وهي بتوجه إكسيل نفسه عشان يكمل المهام تلقائيا بدل من المستخدم.

السؤال 11: ايه هي لغة Excel؟

لو استخدمت إكسيل بس في الشغل الشخصي أو المشاريع الجامعية، مش هتكون عارف الـ VBA، بس لو درست تخصصات زي المالية، الرياضيات، أو أي حاجة في الوسط، فممكن تكون استخدمت الـ VBA والماكرو، ولو عايز تشتغل في قطاع المالية، لازم تتعلم الـ VBA والماكروز اللي بيتبعها.

مثال عن الإجابة الممكنة:

لغة البرمجة اللي بتُستخدم في إكسيل هي الـ VBA، اللي هيا اختصار لـ Visual Basic for Applications، دول هما ‘نظام التشغيل’ الخاص بالدوال والماكرو.

السؤال 12: ايه هو ترتيب التسلسل لتقييم الدوال؟

الدوال والـ VBA والماكرو هتبقى مفيدة جدا لما تتوظف في الشركة، هتستخدمها كتير، فأحسن حاجة ليك إنك تبدأ تتعلم الوظايف المدمجة المهمة في إكسيل، النظام ده في ترتيب العمليات بيتذكر باختصار PEMDAS.

مثال عن الإجابة الممكنة:

الترتيب اللي بيُتبع في حساب الدوال هو بالترتيب: الأقواس، الأسس، الضرب والقسمة، الجمع والطرح على التوالي.

السؤال 13: إزاي بيتم استخدام الرسوم البيانية في Excel؟

بصريا عرض البيانات بتاعتك في الرسوم البيانية المُعدلة بتكون واحدة من أهم وظايف برنامج إكسيل.

إكسيل بيقدم ليك أنواع مُختلفة من الـ Charts عشان تقدر توضح البيانات اللي داخلة في شكل بصري مُفهوم.

السؤال 14: إزاي ممكن التمييز بين الخلايا في Excel؟

كل خلية في إكسيل ليها عنوان فريد، العنوان ده بيعتمد على الصف والعمود اللي الخلية دي فيه، فمثلا لو في الصف الأول والعمود الأول هيبقى عنوان الخلية A1 ولو في الصف التاني والعمود التالت هيبقى عنوان الخلية C2.

السؤال 15: هل ممكن استيراد البيانات من مصادر خارجية إلى جدول بيانات Excel؟

أه، تقدر تستورد بيانات من مصادر خارجية في إكسيل، بتقدر تستخدم خيار “Get External Data” اللي في تبويب البيانات في شريط الأدوات، وتختار المصدر اللي عايز تستورد منه.

السؤال 16: ايه هي أكتر الوظايف اللي تستخدمها؟

إكسل برنامج فيه مجموعة كبيرة من الدوال والوظايف، فممكن ميكونش من الضروري إننا نعرف كل الدوال اللي في البرنامج، ممكن ناخد بعض الأمثلة عن الدوال اللي بنستخدمها في استخدامنا الشخصي وفي المهام اللي بنعملها.

في تجربتي الخاصة، بستخدم دايما دوال الـ INDEX MATCH، و SUM و IF، بالإضافة لدوال جداول البيانات المحورية Pivot tables اللي بستخدمها كتير في تحليل البيانات وتنظيمها.

السؤال 17: اشرح وظيفة الجداول المحورية؟

من المؤكد إنه وقت الانترفيو هيتم سؤالك عن برنامج إكسيل، فلو حضرتك مستعد للإجابة عن بعض الأسئلة هيكون أفضل، فمثلا الإجابة عن سؤال حول جداول البيانات المحورية Pivot tables في إكسيل ممكن تكون:

جداول البيانات المحورية Pivot table دي وظيفة مُدمجة في برنامج إكسيل، وبتستخدم لترتيب وتلخيص كميات كبيرة من البيانات بطريقة سهلة ومنظمة.

السؤال 18: استخدمت Excel قبل كدا؟

في الإجابة على السؤال عن استخدام إكسيل، من الأفضل إننا نكون صادقين ونتكمل عن خبراتنا اللي استخدمنا فيها البرنامج، بالكلام عن استخداماتنا اللي قبل كده للبرنامج، ممكن المقابِل يوضح لينا إزاي هيتم استخدام إكسيل في حالة تعيينا، فمثلا ممكن تقول:

“قبل كده استخدمت إكسيل لمعالجة البيانات الأساسية، وتصميم نماذج مالية للشركات والاستثمارات الخاصة بيا، وكمان لتخصيص البيانات بشكل تفصيلي.

السؤال 19: استخدام برنامج Excel مهم لأي حد شغال في صناعة المال؟

إكسيل هو البرنامج الأساسي اللي بيتم استخدامه في عدد كبير جدًا من الشركات والأعمال والمؤسسات في قطاع المال، بيتم استخدامه في كل مكان بغض النظر عن القطاع وصناعة السوق، وده هو السبب، مش ممكن تستهين بقيمة إكسيل في الانترفيو الخاصة بيك.

وده جواب عن أهمية إكسيل ممكن يكون:

مهم جدا، موظف مش مستخدم إكسيل أو مش مهتم بتعليم وتحسين مهاراته مش هيكون ناجح في المجال ده، إكسيل هو قلب المالية والانتقال في البيانات.

السؤال 20: ايه هي أكبر نقاط ضعف Excel؟

ممكن تكون مستخدمتش إكسيل كتير عشان تقدر تعرف نقاط ضعفه، بس فيه بعض المفاهيم اللي لازم تعرفها واللي مفقودة في إكسيل، أهمها عدم توفر ميزة القدرة على التعاون بين أعضاء أي فريق، والنقطة التانية من اللي اتكلمنا عنها في الأسئلة اللي فاتت وهي الأمان.

الجواب ممكن يكون:

عاوز أشوف الأشخاص اللي بيحرروا أو يضيفوا بيانات جديدة لملف، بكدا ممكن أعضاء الفريق يتعاونوا ويحرروا البيانات بشكل مباشر مع بعضهم.

الغرض من الأسئلة

السبب الأساسي للأسئلة دي مش عشان نختبرك، المقابلة مش زي الاختبار المكتوب، ومش حتى زي المعرفة العامة في برنامج إكسيل، عشان المعرفة بتخليك تتعلم، وممكن يعلموك وتشتغل على الأجزاء اللي بتحس إنها محتاجة تتحسن، اللي هما بيدوروا عليه هو شخصيتك.

اللي بتعرفه مهم، محدش هيوظف حد مش عارف يتعامل مع إكسيل في حياته، بس أكتر من المعرفة اللي عندك، الأهم إزاي تقدر تعرض اللي عندك، لازم تبين إن عندك مهارات اجتماعية، قيادية، تحليلية بالإضافة للمهارات التقنية اللي عندك.

وظائف ودوال Excel اللي محتاج تعرفها كخريج جديد

• العمليات الحسابية الأساسية: دايما ممكن تستخدم إكسيل كآلة حاسبة، وظيفتها الأساسية هي معالجة وحساب البيانات، فالعمليات الحسابية الأساسية (الجمع، الطرح، الضرب، والقسمة) دايما ممكن تستخدمها في إكسيل.
• SUM: الدالة دي بتُستخدم لجمع البيانات على كل صف وعمود اخترتهم.
• COUNT: بتُستخدم لحساب عدد الخلايا اللي فيها أي نوع من الأرقام. كمان ممكن حساب قايمة من الأرقام.
• AVERAGE: تحسب الوظيفة دي متوسط بيانات خليتيْن (أو أكثر).
• MAX و MIN: دوال MAX وMIN بتعرف من خلالها الخلايا اللي فيها أكبر وأصغر قيمة للبيانات.
• DATE: الدالة دي بتعمل التاريخ، ممكن تضبط نوع التاريخ اللي عاوز تعمله، كمان بتشتغل على دمج تواريخ مختلفة.
• LEN: بتظهرلك الدالة دي عدد الحروف أو الأرقام في الخلية.
• COUNTA: الدالة دي بتحسب عدد الخلايا اللي بتضم بيانات وتعيد الرقم.
• ROUND: تُستخدم الدالة دي لتقريب رقم في الخلية.
• SUMPRODUCT: بتُستخدم لضرب البيانات في الخلايا اللي بتضم الأرقام.

نصائح للخريجين الجدد

تحسين إدارة البيانات الخاصة بيك:

مهم تخزين وإدارة بياناتك، سواء كانت بياناتك الشخصية أو بيانات الشركة اللي تشتغل فيها، هو مهم جدًا مهما كان خبرتك اللي قبل كده، الحفاظ على البيانات وتنظيمها وإدارتها بشكل صحيح مهم جدًا في أي مجال تشتغل فيه.

كبر مهاراتك البحثية:

في البداية وطول مسيرتك الوظيفية، هتحتاج تدور على كل حاجة وتبحث عنها عشان تتأكد إن البيانات اللي بتدّخلها صحيحة ومظبوطة.

سيب المخططات تتولى المسؤولية من وقت للتاني:

مش لازم تقضي وقت كتير على إنشاء الرسوم البيانية بدقة وعناية، في البرنامج بتاع الإكسيل في زرار “Recommended Charts” اللي بيعمللك شارت جاهز، ولو عاوز تعدله بعد كده، بتقدر تعدله بالشكل اللي يعجبك.

اتعلم تصدير واستيراد البيانات في Excel:

إكسيل هو البرنامج اللي بتستخدمه لإدخال البيانات وتحليلها، بس مش بيكون مناسب دايما عشان تقدم البيانات للمشرفين والمديرين، علشان كده هتحتاج تتعلم تصدير البيانات لملف باوربوينت أو وورد، ده هيسّهل عليك تقدم البيانات بشكل أكتر جاذبية واحترافية.

اتعود تتعامل مع كميات كبيرة من البيانات:

لو بتشتغل في مجال المالية، مش هتتعامل مع عدد قليل من الخلايا في إكسيل، علشان البرانامج بيقدر يضم أكتر من مليون خلية في ورقة بيانات واحدة، ده معناه إنه لازم تتعلم تتعامل مع ملفات إكسيل كتيرة بتضم اوراق بيانات كمان كتيرة.

حاجات مش لازم تكون عارفها كخريج جديد

مش هتحتاج تعرف كل الدوال والصيغ اللي في البرنامج، الدوال الأساسية اللي عرضناها ليك كفاية، البرنامج فيه أكتر من 400 دالة، ولا حتى زمايك الأكتر خبرة ممكن يكونوا خبراء في كل الدوال دي، اللي هتحتاج تعرفه هو إنك تقدر تعمل رسوم بيانية وجرافيكس على أساس البيانات اللي تم معالجتها، لأنه لو قدمت على تدريب صيفي أو وظيفة مبتدئة في شركة مالية، فانت هتكون الشخص اللي بيعمل الرسوم البيانية والجرافيكس للعروض.

واللي مش هتحتاج تعرفه هو كل التفاصيل الصغيرة لإنشاء الرسوم المذكورة، علامة “Recommended Charts” هتديك مجموعة كبيرة من الخيارات، وانت تقدر تجربها وتختار اللي عاوز تستخدمه، واللي هتحتاج تعرفه هو Pivot Tables، علشان هو من أهم الأدوات المدمجة في البرنامج، وممكن ينطلب منك إنك تعمل Pivot Table في مقابلة أو اختبار.

واللي مش هتحتاج تعرفه في Pivot Tables هو الـ Calculated Item function وغيرها من الوظايف الصعبة والمعقدة، يعني اتعلم إنك تعمل Pivot Tables واتعود على إنشائها، وابعد عن كل التفاصيل التانية المعقدة.

في النهاية

ممكن تكون متوتر قبل الانترفيو، حتى لو كنت عملت كتير منها، ده طبيعي جدًا، وممكن تنسى تجاوب على بعض الأسئلة حتى لو عارف الإجابة، المقابلين والاتش أر بيكونوا بيعرفوا إنك متوتر وهيحاولوا يهدوك، لازم تاخد مبادرة في الانترفيو، اعرض نفسك وخليهم يشوفوا ايه اللي أنت عايز تعمله في شركتهم، واحد من الأمور اللي لازم تعملها كمان هو إنك تسأل، لو في حاجة غامضة عن أي موضوع، لازم تسأل المقابلين عشان يوضحوا ليك.

 مهم: 20 سؤال في إكسل للمحللين الماليين لأي انترفيو

الغرور مش هينفع في أي مكان، مش بس في المقابلات الشخصية للوظيفة، لكن الثقة في النفس مطلوبة جدًا، خليك متوازن في كلامك وسلوكك عشان تبين ثقتك في نفسك وفي شغلك، زي ما اتكلمنا في بداية التدوينة، نتيجة الامتحانات اللي أديتها والمعدل اللي عندك والـ CV مش كفاية عشان تاخد الوظيفة، اللي بتعمله في الانترفيو هو واحد من العوامل الرئيسية عشان تبدأ تتقبل في الشغل.