هامش صافي الربح – تحليل ربحية الشركة وتحقيق النمو المالي
صافي هامش الربح “Net profit margin” هي النسبة اللي بيتم حسابها عشان نعرف الباقي من أرباح الشركة بعد خصم كل المصاريف التشغيلية وغير التشغيلية (واللي بيتسمى بصافي الربح) في فترة زمنية معينة زي الربع السنوي أو السنة، النسبة الصافية للربح بتكون عادةً بالنسبة المئوية، بس ممكن كمان تكون بأعداد عشرية.
الربح ده بيتم استغلاله وفقًا للحالة المالية للشركة ونموها، مثلا الشركات اللي عندها خطط للتوسع في المستقبل، ممكن يستخدموا صافي الربح عشان يوسعوا البنية التحتية بتاعتهم، والشركات اللي حالتها المالية مستقرة، ممكن يقرروا توزيع الأرباح على المستثمرين.
هامش الربح الصافي هو القياس النهائي للنجاح المالي للشركة. فهو بيظهر الدخل الباقي بعد سداد كل التكاليف والضرائب.
بيتر دراكر
إقرأ المزيد: هامش الربح الإجمالي – دليل المستثمر لقياس ربحية الشركة
أهم النقاط
- صافي هامش الربح هو نسبة الربحية اللي بتقّدر النسبة المئوية لأرباح الشركة المتبقية بعد خصم كل المصاريف التشغيلية وغير التشغيلية لربع أو سنة معينة.
- النسبة دي بتتحسب بقسمة صافي الربح على صافي مبيعات الشركة.
- لو صافي هامش الربح أقل من صافي المبيعات للشركة، المستثمرين ممكن يشككوا ويدوروا علي معلومات أكتر عن الشركة.
- لو صافي هامش الربح عالي، المستثمرين لازم يفحصوا تفاصيل إضافية عشان يفهموا ليه صافي هامش الربح قوي.
شرح هامش صافي الربح
هامش صافي الربح هي نسبة الربحية للمؤسسة أو الشركة اللي بتتحسب بعد خصم كل المصروفات، مهما كانت المصروفات المباشرة أو غير المباشرة. النسبة دي ممكن تتحسب على فترة زمنية زي شهر أو ربع سنة أو حتى سنة. لو تحليل هامش صافي الربح بيبين إن الإيرادات من مبيعات الشركة أعلى من هامش صافي الربح، كدا ده دليل إن الشركة بتصرف أكتر من اللي بتحققة كل وحدة.
المستثمرين ممكن يسألوا الشركة وإدارتها العليا بناءًا على النسبة دي، عشان كدا من المهم إن الشركات تحسب هامش صافي الربح قبل ما تبدأ في عرض المنتجات وتنظم مصاريف التسويق والتوزيع والمخزون بناءً على كدا. بالنسبة للأعمال الصغيرة، هامش صافي الربح بيكون بين 5% و 10% وتعتبر نسبة مهمة جدًا للتجارة.
معادلة هامش صافي الربح Net profit margin
هنفهم دلوقتي معادلة حساب نسبة هامش صافي الربح:
هامش صافي الربح = صافي الربح / صافي المبيعات * 100
خدنا “صافي الربح” كبسط عشان عايزين نركز على صافي الربح ونقسم صافي الربح على “صافي المبيعات” عشان نقارن نسبة صافي الربح إلى صافي المبيعات. مثلا لو كان عندنا صافي ربح 10 دولار وصافي المبيعات 100 دولار، فهامش صافي الربح = (10 دولار / 100 دولار * 100) = 10%.
عشان نعرف “صافي الربح” هيحتاج كل مستثمر يشوف قائمة دخل الشركة، في نهاية قائمة الدخل هيلاقي المستثمر “صافي الربح”. وعشان نعرف “صافي المبيعات” هتحتاج كمان تشوف قائمة الدخل لمعرفة “صافي المبيعات” هنحتاج لطرح أي خصم مبيعات أو مردودات مبيعات من إجمالي المبيعات.
ازاي بنحسب هامش صافي الربح؟
يلا نفهم ازاي بنحسب تحليل هامش صافي الربح باستخدام Excel:
أمثلة علي هامش صافي الربح
يلا نفهم مفهوم تحليل هامش صافي الربح وأهميته للصحة المالية للشركات بمساعدة بعض الأمثلة:
مثال رقم 1
شركة “Uno” عندها المعلومات دي:
- إجمالي المبيعات – 250,000 دولار.
- مردودات المبيعات – 5000 دولار.
- صافي الربح – 30,000 دولار.
احسب هامش صافي الربح لشركة “Uno”.
- صافي المبيعات = (إجمالي المبيعات – مردودات المبيعات).
- = (250,000 دولار – 5000 دولار).
- = 245,000 دولار.
باستخدام معادلة هامش صافي الربح هنعرف:
- معادلة هامش صافي الربح = صافي الربح / صافي المبيعات * 100
- هامش صافي الربح = 30،000 دولار / 245،000 دولار * 100
- = %12.25
من المثال ده هنلاقي إن هامش صافي الربح لشركة “Uno” هو 12.25% نفترض إننا عملنا مقارنة للهامش الصافي بالهامش الصافي لشركات في نفس المجال، في الحالة دي، هنقدر نفسّر إذا كان هامش صافي الربح لشركة “Uno” جيد ولا لأ.
مثال رقم 2
معانا صورة من قائمة الدخل لشركة “Colgate” من سنة 2007 لسنة 2015.
- بيتم احتساب هامش صافي الربح لشركة “Colgate” بقسمة صافي الربح على صافي المبيعات.
- هنلاحظ إن هامش صافي الربح لشركة “Colgate” كان في حدود 12.5% – 15%.
- بس في 2015 انخفضت بشكل كبير ووصلت لـ 8.6% بسبب تغييرات في القواعد المحاسبية للشركة.
أهمية هامش صافي الربح
هامش صافي الربح بيقدم معلومات مهمة لإدارة الشركة وكمان للمستثمرين عشان يفهموا استخدام الشركة للأموال وإمكانيتها للنمو.
- المستثمرين بيقدروا يفهموا قد ايه الشركة استفادت من إيراداتها من خلال الاستعانة بمعادلة هامش صافي الربح.
- لو هامش صافي الربح أقل من صافي مبيعات الشركة، فالمستثمرين هيسألوا عن السبب وهيدوروا على تفاصيل تانية مهمة عن الشركة.
- لو هامش صافي الربح عالي جدًا، المستثمرين لازم يفحصوا تفاصيل تانية عشان يعرفوا ليه النسبة الصافية دي ممكن تبقى مش حقيقية.
- عشان المستثمرين يعرفوا قد ايه صافي الربح اللي الشركة بتقدر تستخرجه من صافي الإيرادات.
- لو المستثمرين فكروا إن صافي الربح هيزيد بنسبة نسبية بمعدل زيادة صافي المبيعات، فالفكرة دي مش صح، عشان ممكن يكون في مصاريف طويلة الأجل هتخدم الشركة لفترة طويلة، ونتيجة لكدا المردود المادي هيتقل، عشان كدا من المهم إننا نشوف كل الأرقام قبل ما نحكم على أداء الشركة بس بصيغة واحدة.
الهدف في الأعمال هو زيادة هامش الربح الصافي. لو مكنتش قادر تحافظ على ربحيتك في النهاية، فمن الصعب تحقيق النجاح على المدى البعيد.
مايكل بورتر
النسبة الصافية للربح مقابل النسبة الإجمالية للربح؟
النسبة الصافية للربح هي نسبة ربحية بتقيس النسبة المئوية للإيرادات اللي بتبقى للشركة بعد خصم كل المصاريف، بما فيها تكلفة بضائع البيع والمصروفات التشغيلية والفوائد والضرائب والمصروفات الأخرى، أما النسبة الإجمالية للربح بتقيس النسبة المئوية للإيرادات اللي بتبقى للشركة بعد خصم تكلفة بضائع البيع بس.
الفرق بين النسبة الصافية للربح والنسبة التشغيلية للربح؟
النسبة التشغيلية للربح هي نسبة ربحية بتقيس النسبة المئوية للإيرادات اللي بتبقى للشركة بعد خصم المصروفات التشغيلية بس، زي الرواتب والإيجارات والمرافق، ولكن قبل خصم الفوائد والضرائب، أما النسبة الصافية للربح هي النسبة المئوية للإيرادات اللي بتبقى للشركة بعد خصم كل المصروفات، بما فيها المصروفات التشغيلية والفوائد والضرائب والمصروفات الأخرى.
مهم: النسبة المئوية لإجمالي الربح – استراتيجيات لزيادة العوائد
النسبة الصافية للربح مقابل النسبة المئوية للربح؟
النسبة الصافية للربح والنسبة المئوية للربح في الأساس هما نفس الحاجة، الأتنين بيعبروا عن ربحية الشركة كنسبة مئوية من الإيرادات، بس النسبة الصافية للربح بتاخد في الاعتبار كل المصروفات، أما النسبة المئوية للربح بتشير للنسبة المئوية للربح الإجمالي أو النسبة المئوية للربح الصافي.