ملخص كتاب Unshakeable – توني روبنز
كتاب “Unshakeable” بيستخلص جوهر المستثمرين العالميين الكبار في 4 مبادئ أساسية لازم تتبعهم لما تستثمر، وبيديك قواعد بسيطة وخطوات عملية تتبعها عشان تتأكد إن أموالك هتزدهر. خلينا نتكلم عن الفلوس للحظة، الحرية المالية هدف سري بنتمناه كلنا، بس نسبة قليلة من الناس هيوصلوا ليها، لازم تعيش على 4% من ثروتك سنويًا عشان متقلش، لو بتصرف 80 ألف دولار في السنة؟ يبقى لازم يكون عندك 2 مليون دولار في البنك.
لو دفعت أكتر من اللزوم بنسبة 1% سنويًا، هتخسر مبلغ بيساوي 10 سنين من دخل التقاعد.
توني روبنز
إقرأ المزيد: فهم نظرية موجات إليوت: السر وراء حركة الأسعار في البورصة
في البداية
حتى لو كنت اقتصادي جامد وكنت بتوفر 50% من دخلك، هياخد ما بين 17-20 سنة عشان توصل للهدف ده، وده قبل ما تعرف حتى فين تحط فلوسك عشان تزودها، في التدوينة دي هعرفك حد يساعدك وهو “توني روبنز”، في كتابه الأخير باع أكتر من مليون نسخة في السنة الأولى، “المال: تسيطر على اللعبة” مكنش مشهور عشان “توني” بيعرف كتير في الامور المالية، لكن بسبب إنه خصص سنتين من حياته في مقابلة 50 من أفضل المستثمرين في العالم عشان يكتبه.
دلوقتي، هو لخص الدروس دي عشان يكونوا أفضل وأبسط وأسرع وأسهل للفهم، والنتيجة هي كتاب “Unshakeable”.
دي أهم تلات دروس مهمة تقدر تتعلمهم من الكتاب
- انسى مسألة المكسب الكبير وركز على تجنب الخسارة.
- استثمر في صفقات آمنة بنسبة مخاطرة منخفضة ونسبة مكافأة عالية.
- اتأكد إن جزئك العاطفي ميخليش استثماراتك في خطر.
يلا مع التفاصيل!
الدرس الأول: انسى مسألة المكسب الكبير وركز على تجنب الخسارة
“وارين بافيت” غالبًا ما بيتكلم عن قاعدتين في الاستثمار، القاعدة الأولى هي عدم التعرض للخسارة، والقاعدة التانية هي عدم نسيان القاعدة الأولى، وده ليه؟ الحسابات بسيطة بس مفاجئة، لو استثمرت 1,000 دولار، بتوقف المتعة من الخسارة عند 10% بس، اللي معناه إن الرصيد بيوصل لـ900 دولار، وده معناه لو الاستثمار زاد تاني 11%، وهي 99 دولار في الحالة دي، فانت هتوصل تقريبًا للرصيد الأول.
بس لو خسرت نص رصيدك، يعني من 1,000 دولار لـ500 دولار، هتحتاج تضاعف رصيدك بالظبط عشان ترجع للصفر تاني! فإنسى موضوع المكسب الكبير، محدش يعرف إيه اللي هيحصل في السوق بكره، وحتى أفضل المستثمرين زي “وارين بافيت” ميعرفوش، خليك على الصف الآمن في الاستثمارات اللي فيها خطر محدود، ومتخسرش فلوس.
الدرس التاني: استثمر في صفقات آمنة، بنسبة مخاطرة منخفضة ونسبة مكافأة عالية
- الاستثمارات منخفضة المخاطر وعالية المكافأة مش بس موجودة، دي كمان اللي لازم تدور عليها، قبل ما تسأل عن الاستثمارات الآمنة دي وهل هي موجودة فعلا؟ هقولك إنها موجودة، بس الأكيد مفيش استثمار 100% آمن، بس الفكرة إنك تقلل المخاطرة.
- في الحقيقة، كتير من المستثمرين الأذكياء، زي “بول تودور جونز”، بيدوروا على فرص بمكافأة عالية ومخاطر منخفضة عشان يستثمروا فيها، الحكاية دي بتتسمى بنسبة المخاطرة / المكافأة غير المتناسبة، ومعناها إن المكافأة بتكون أكبر بشكل مفرط من المخاطرة اللي بتتحملها، في حالة “جونز”، عنده قاعدة بتقول إنه بيستثمر في أي حاجة ممكن ترجعله 5 أضعاف رأس المال اللي هو بدأ بيه.
- وبمجرد ما يطبق القاعدة دي، ممكن يغلط في 4 استثمارات والخامسة يطلع متوازن، لو قام بشغلة الصح وكان على حق 3 مرات من 5، هيضاعف فلوسه أكتر من مرتين.
- بنفس الفكرة اللي فيها خطورة كبيرة مقابل مكسب كبير في الاستثمار، بيحصل كده في الصفقات لو كان في أزمة، مش مهم يكون سبب الأزمة عام أو خاص، وخصوصًا لو كانت الصفقة متداولة بأدنى قيمتها ف السوق، حصل كده مع بنك “دويتشه” السنة اللي فاتت، أسهمه وصلت لأقل سعر في تاريخهم وكان سعر السهم نزل عن 11 يورو، فاستغل “جونز” الفرصة وأشترى في أقل سعر وجاب 28% ربح في أقل من سنة.
الدرس التالت: اتأكد إن جزئك العاطفي ميخليش استثماراتك في خطر
- لازم تتحكم في حاسة الإحساس والعاطفة بتاعتك في قايمة تداول الأسهم، في أي نظام بيتضمن إنسان، النقطة الأكبر إنها تفشل دايمًا بسبب الناس اللي موجودة، السبب اللي بيخلي البرامج اللي بتستثمر من غير تدخل إنسان بتنتشر أكتر وأكتر، معظم الناس بيكونوا أحسن لو اتمنعوا من أخد قرارات غبية، أصول المشكلة بترجع للأساس البيولوجي.
- المواقف اللي بتخلينا نخسر فلوس بنستجيب ليها زي ما لو كانت بتهدد حياتنا، دماغنا بيدخل في وضع البقاء على قيد الحياة، وده بيخلينا نبيع كل أسهمنا الغالية في أسوأ وقت، واللي بيتحكم فينا في الحالة دي هو الجزء اللي بيتحكم في حركات الجسم والنجاة من الأخطار، زي ما كان بيعمل فينا لو لقينا نمر قدامنا من 2000 سنة.
- لما الكل يبقى في حالة خوف، الأفضل إنك تكون ذكي وتشتري، افتكر إن الأسعار اللي بتكون في أدنى مستوى ليها بتكون فرصة ممتازة للشراء، لو اتبعت النصايح دي واستثمرت في الأسهم ووقعت في مشكلة، متقلقش خالص، الحل الوحيد إنك تتبع مجموعة قواعد ثابتة في الاستثمار، وتتأكد إنك بتتبعها في كل مرة.
- لو عايز تتحكم في عقلك اللي بيتصرف بشكل غير منطقي، لازم يكون عندك مجموعة قواعد ثابتة للاستثمار وإنك تتبعها في كل مرة، قبل ما تضغط على الزرار، دور في قايمتك وعلّم كل نقطة فيها، وبالطريقة دي هتلاقي نفسك وحسابك بيتحددوا في وضع آمن.
في الخلاصة
الكتاب ده هو دليلنا الشامل للاستثمار الذكي وإدارة المال بطريقة صح ومضمونة، وبيشرح لينا طرق مبتكرة للوصول للحرية المالية، وبصراحة بعد ما تقرأ الكتاب ده وتطبق نصائحه، هتكون unshakeable ومبقاش عندك خوف من أي تقلبات في السوق، في الآخر الكتاب ده فعلا هيفرق في حياتك المالية، وهيساعدك تبدأ رحلة الاستثمار الذكي بثقة كاملة.
مهم: نقاط ضعف لازم تتخلص منها وقت التداول
ممكن يكون الكتاب مناسب للي عمره 18 سنة وبيتحمل مسئولية اختياراته المالية لأول مرة في حياته، وأي حد مقراش حاجة قبل كده عن الامور المالية الشخصية وازاي تقدر تدير فلوسك وتزودها وتحسّن جودة حياتك.