ملخص كتاب Think And Grow Rich – نابليون هيل

الكتاب بيتكون من 13 عادة شائعة موجودين عند ناس غنية وناجحة، واللي تم تجميعها بعد دراسة اتعملت على أكتر من 500 واحد لمدة 20 سنة، لو كان كتاب “المستثمر الذكي” لـ “بنجامين غراهام” هو الكتاب المقدس للإستثمار، فـ “Think And Grow Rich“ هو الكتاب المقدس للناس الناجحة عمومًا، الكتاب ده هيجيبلك الغنى، بس مش بالضرورة بالاستثمار في الأسهم.

أساس أي إنجاز هو الرغبة، خلي الكلام ده متواصل في ذهنك. الرغبة الضعيفة هتجيب نتائج ضعيفة، زي النار الصغيرة اللي بتنتج حرارة قليلة.

نابليون هيل

إقرأ المزيد: قواعد الفقر الـ 15 التي لازم نتجنبها في الحياة

نبذة مختصرة عن كتاب Think And Grow Rich

الكتاب اتنشر سنة 1937 للكاتب “نابليون هيل“، ووصلت مبيعاته لـ 70 مليون نسخة لحد دلوقتي، يعني لو نقارن بينه وبين آخر كتاب في سلسلة هاري بوتر هنلاقي اتباع 50 مليون نسخة، “هيل” قضى معظم حياته في دراسة الناس الناجحين وعاداتهم، و13 من أكتر العادات انتشارًا هي اللي بيتكلم عنها في الكتاب.

أهم 3 دروس هنتكلم عنها في الكتاب

• استخدم التوقع الذاتي عشان تبني إيمان قوي في نفسك.
• خليك عنيد وإلتزم دايمًا بقراراتك.
• انضم لمجموعة “ماستر مايند” عشان تقلل وقت التعلّم.

جاهز تشرب تربية “هيل” العقلية؟ يلا بينا ندخل في التفاصيل!

الدرس الأول: التوقع الذاتي هي تقنية نفسية مشهورة ظهرت في بداية القرن العشرين

ببساطة، بيستخدم تأثير الدواء الوهمي يعني بيخلي أهدافك تتحقق لوحدها من خلال تثبيتها في العقل الباطن، “هيل” بيقول إن صفة مهمة أوي في كل الناس الناجحين هي الإيمان الرهيب اللي عندهم في نفسهم وفي أهدافهم، وتقدر تبني الإيمان ده في نفسك عن طريق تكرار أفكار إيجابية لنفسك بشكل مستمر،.

وتركز على إنه من الممكن تحقيق أهدافك وتحويل أحلامك لحقيقة، وكمان بإنك لازم تمشي في طريقك ومتسمحش لحد يتدخل فيه. بعد ما تكون واثق من نفسك وتكون واثق إنك قادر تحقق اللي بتحلم بيه، ممكن تستخدم الإيمان ده في حاجات تانية تساعدك في تحقيق أهدافك.

الدرس التاني: خليك عنيد والتزم بقراراتك

“هيل” قال إن أكتر سبب للفشل طويل الأجل هو عدم الإصرار، والمليونيرات بياخدوا قرارات سريعة وبيتمسكوا بيها بأي تمن، زي “هنري فورد” لما قرر إن “موديل تي” هو اللي هيبقى شغله الأساسي، هو كان عارف إن ده هياخد وقت وجهد كتير، رغم إن ناس كتير قالتله يعمل موديل تاني، بس رغم كده استمر في “موديل تي”، والإنتاج استمر لمدة 19 سنة، وتم إنتاج 15 مليون سيارة منه.

رأي الناس بيبقى رخيص، كل واحد بيقول رأيه والأغلبية بتدي رأيها بسهولة، واللي بيتسبب في إضافة تأثيرات سلبية على عقلك، فخلي بالك من مين اللي بيشارك أهدافك، وابقى شاركها مع ناس عندك ثقة فيهم، زي المستشارين والأصدقاء المقربين، أو لـ Mastermind group.

الدرس التالت: انضم لـ(Mastermind group) عشان تسرع من عملية التعلم

“نابليون هيل” هو اللي ابتكر فكرة المجموعات الداعمة (Mastermind group) زي ما هي معروفة النهاردة، الملايين بيستخدموها، ومع وجود الإنترنت، بقت ظاهرة عالمية، عشان بقت أسهل في الاجتماع مع ناس من كل حته في العالم.

تعريف هيل لـ Mastermind group: هو تنسيق المعرفة والجهود بين شخصين أو أكتر، بيشتغلوا مع بعض عشان يوصلوا لهدف محدد، بروح الفريق. ودلوقتي معظم المجموعات بتتكون من 4 أشخاص، اللي ممكن ميكونوش بيشتغلوا على نفس الهدف أو في نفس الشركة، بس بيشتغلوا في نفس المجال وبيواجهوا مشاكل مشتركة وعندهم نفس الصفات الشخصية.

طبعًا، المجموعات ممكن تكون بأي عدد، بس القاعدة الوحيدة إن كل جلسة لازم تتبع جدول أعمال معين (ده المستخدم في الماستر مايند)، أكبر فايدة إنه بيجمع قوة عقول شخصين أو أكتر لحل المشاكل، أنا بنصحك تبدأ، وتقدر تلاقي مجموعات كتير في فيسبوك وأونلاين، وبعدين تستخدم جوجل Hangout عشان تشغل الجلسات، وتعمل بروتوكول لكل اجتماع وتشاركه مع كل أعضاء المجموعة.

في نهاية كلامنا

ممكن نقول إنه من الصعب اختيار 3 دروس من الـ 13، خصوصًا إنهم كلهم مهمين، بس افتكر إننا شرحنا الـ 3 دروس دول كويس وهما من أهم الدروس اللي موجوده في الكتاب، وقت ما الكتاب نزل من 100 سنه، تخيل نفسك شغال في مصنع أو في منجم فحم سنة 1937، وبعدين تلاقي نسخة من الكتاب ده، النظريات دي كانت مفاجئة ومدهشة في الوقت ده.

تُعتبر فكرة كويسة إنك تقدر تقرأ الكتاب ده أو الملخص بتاعه وتعرف كل اللي تحتاجه عشان تنجح، بشرط إنك تبدأ تنفذ الأفكار علي طول، مش تستني حاجة تيجي تعطلك.

مهم: ازاي تكون غني | 10 حاجات تعملهم يخلوك واحد من الناس الأغنياء!

الملخص ده هيكون كويس جدًا للطالب اللي عنده 16 سنة، ومش بياخد تأكيد إيجابي في البيت وعايز يطور ثقته بنفسه، وكمان لراجل الأعمال اللي عنده 47 سنة، وبيدير شركة ناجحة بس مش عارف يثبت على القرارات، وكمان لأي حد مش شارك في جلسات الماستر مايند قبل كدا.