ملخص كتاب The Wisdom Of Finance – ميهير ديساي
كتاب “الحكمة المالية” مثير للاهتمام بيشرح الفروق والتشابهات بين عالم المال وتجارب الحياة زي العلاقات الأسرية، وبيوضح ازاي مبادئ كل حاجة منهم بيقدروا يستفيدوا من بعض، لما كنت صغير، كنت بفكر إن الفلوس شر، كنت خايف إن لو عاوز فلوس أكتر، دا يبقي دليل على إني شخص مش كويس. الحمد لله دلوقتي بتعلم أحسن، بس عالم المال لسه عنده سمعة مش كويسة في العالم كله.
لازم نجرب كل حاجة إلى أقصى حد ممكن، زي شركات التأمين، عشان نقدر ناخد قرارات صح ونفهم العالم بطريقة صحيحة بناءً على الاحتمالات الصحيحة.
ميهير ديساي
الركود الاقتصادي الكبير سنة 2008 مساعدش على الوضع ده، وقت الانهيار الناس خسروا وظايفهم وفي شهور قليلة حياتهم اتدمرت، بقى عادي اننا نفكر في النظام المالي الجشع ده كسبب أساسي للمشاكل اللي زي دي. بعض الشركات الكبيرة بتتصرف بطريقة أنانية والرؤية السلبية بتاعتنا تستحق الاحتجاج، بس إحنا بنضيع فرصة كبيرة نشوف الجانب ده من القضية بس، ومن غير ما نشوف الجوانب التانية اللي بتعلمنا مبادئ مهمة في الحياة الخاصة.
الحقيقة في جوانب كتير من المال وعالم البيزنس، بنفترض إنها بسيطة، بس في الحقيقة منها حاجات كتير بتعلمنا دروس تانية عن الحياة، الجانب المالي فيه أمور كتير بتعلمنا حاجات مهمة جدًا عن باقي جوانب الحياة الاجتماعيةK ,التشابه بين الفلوس والحياة هي موضوع كتابنا النهارده “The Wisdom of Finance: Discovering Humanity in the World of Risk and Return” لـ “ميهير ديساي“.
إقرأ المزيد: ملخص كتاب The Intelligent Investor
أكتر تلات دروس غريبة من كتاب The Wisdom of Finance
- التنويع مهم في الاستثمار وفي كل جوانب الحياة.
- دروس من الاندماج المالي ممكن تساعد في العلاقات الإنسانية.
- ممكن تكون الديون كويسه، سواء كانت لشركة أو لشخص.
خلينا نتعلم أكتر ونشوف قد ايه الدروس دي ممكن تفيدنا!
الدرس الأول: المستثمرين عارفين إن التنويع في استثمارهم مهم، وانت لازم تفكر ازاي تنوع في حياتك وهتستفيد
آخر مرة قالولك إنك متحطش كل البيض في سلة واحدة؟ سمعت ده قبل كدا بخصوص مصادر دخلك وكمان لما بدأت تستثمر في الأسهم. النصيحة دي معقولة، عشان لو كانت كل مدخرات حياتك موجودة في استثمار واحد وبيخسر، هتبقى بائس، في المقابل، تنويع الاستثمارات في الأسهم بيزود الأمان، بس هل فكرت إن التنويع ممكن يكون مبدأ يقدر يفيد حياتك؟ فكر في تنويع تجاربك التعليمية وصداقاتك وخططك.
التعليم، مثلا، حاجة كنا بنفكر فيها في مبدأ التنويع في المال، يعني فكر ازاي لو كنت عاوز تدرس التاريخ، ممكن يفيدك تاخد درس في الاقتصاد وتعرف ليه التجار الأوائل قدروا قيمة بضاعتهم، ممكن مش عارف إيه الدروس اللي هتكون مفيدة بعد التخرج، فحاول تنوع تجاربك التعليمية على قد ما تقدر، تنويع أنواع الناس اللي بتتعامل معاهم بيكون له أثر كبير على نجاحك.
–> المستثمرين بيشوفوا 3 أنواع من الأصول بيقدروا يصنفوا بيهم الناس وهي الاصول اللي ليها مخاطر:
- عالية: بتكون فيها فرصة عالية للربح، زي زميل ليك في الشغل.
- منخفضة: مش بتكون فيها فرص كبيرة، بس بتحافظ على درجة الأمان، زي اصحابك المقربين.
- سلبية: زي الدهب، مش بتزود قيمتك بس بتحافظ على قيمتك في الأزمات، زي عيلتك كده.
الدرس التاني: دروس من الاندماج المالي ممكن تساعد في العلاقات الإنسانية
لما اندمجت شركة “AOL” وشركة “Time Warner” سنة 2001، قال رجال الأعمال إنها كانت “أكتر حدث تحولي” في تاريخ الأعمال في الولايات المتحدة، بس في سنة 2009، وبعد سنوات من الإحباط، انفصلوا رسميًا، وعلى الرغم من إنك ممكن متفكرش فيه الموضوع ده، بس في دروس مخفية من الحادثة دي ممكن تفيد علاقاتك.
- أول حاجة هو إنك لازم تدرس الشركاء المحتملين للشراكة قبل ما تدخل فيها، كان في فساد في حسابات “AOL” و “Time Warner” مش عارفين حاجة عنه، لأنهم مش دوروا بشكل كافي قبل الدمج.
- في علاقاتك في الحياة، لازم تحفر بعمق قبل ما تتأكد إنه مفيش حاجة هتبقى عائق بينكم في المستقبل، فكر في مسألة إنك تبقى عاوز تجيب أولاد، أو إنك هتستمتع إنكوا تعيشوا مع بعض من غير خلفه، مثلا.
- كمان، مش تدور على العلاقة عشان تملى فراغ في حياتك، “Time Warner” كانوا بيدمجوا مع “AOL” عشان كانوا متأخرين في التكنولوجيا، لو انت كمان حاولت تلاقي حد عشان يسد النقص اللي فيك، ممكن توصل لكارثة.
- أخر حاجة، اتأكد إن شراكتك اتبنت على أساس المساواة من البداية، جزء من الصعوبة اللي واجهت “AOL” و “Time Warner” كان ان “Time Warner” كانت بتهيمن على الدمج وبتفرض ممارساتها التجارية.
- العلاقة بينك وبين شريك حياتك، لو واحد بيتحكم في التاني بأنانية، الوقت ده لازم تتحركوا قبل ما الأمور تسوء أكتر.
الدرس التالت: ممكن تكون الديون كويسه، سواء كانت لشركة أو لشخص
الشركات لازم تتحمل خطر الديون عشان تنموا، ونفس الحاجة ممكن تطبقها على حياتك، النصيحة المنتشرة لما تبدأ شركة هي إنك لازم يكون عندك رأس مال مستثمر عشان تكبر الشركة، لازم تشتري أسهم، تعين موظفين، وتدفع تكاليف كتير، لو ما كنتش جاي من أسرة غنية، هتحتاج لمساعدة مالية، فيه شركات كتير ممكن متبدأش من غير ما تدخل في ديون، وفي جوانب من الحياة محتاجه ديون غير مالية، مثلا تقدر تقترض مبالغ كبيرة عشان تتعلم، وتتمنى إن الاستثمار ده يرجعلك في يوم من الأيام في شغل كويس.
جوانب تانية في الحياة بتشمل أشكال من الديون غير المالية، مثلا إنجاب الأولاد محتاج شغل كتير بدون مكافأة كبيرة في البداية، يعني وجود طفل بيبقى جميل، بس النوم في الليل بيكون متعب، ولازم تستنى فترة عشان تشوف ثمار اللي تعبت فيه، بس بعد التضحية الأولى، الأهل بيقدروا يعيشوا الحياة من خلال عيون ولادهم، مع الوقت وتقدم العمر، بيكون عندهم صداقة أكبر مع أولادهم، وتبقى العلاقة بينهم مليانة بالإحساس والمشاعر.
في ختام الملخص
كتاب “The Wisdom of Finance” للكاتب ميهير ديساي هو كتاب مهم جدًا لكل الناس اللي بتحب تعرف أكتر عن الفلوس والمصطلحات المالية. الكتاب بيشرح بأسلوب بسيط وممتع إزاي نقدر نفهم المال ونستغله في حياتنا، في النهاية، الكتاب بيعلمنا إن مش كل حاجة في الدنيا مرتبطة بالفلوس، وإن الأهم هو إننا نحدد أهدافنا ونشتغل عليها بكل قوتنا.
أنا استمتعت بالكتاب، بس مش كنت موافق على كل حاجة فيه، دايمًا كنت بحب الأمثلة التشبيهية، بس مش فاكر إنه ممكن إني أستخدم التشابهات دي في مجال المال، بتوقع إن أي حد ممكن يستفيد من الكتاب ده ويحسّن حياته، حتى لو ما كانش عارف حاجة عن الاقتصاد.
مهم: ازاي تكون غني: ملخص كتاب I Will Teach You To Be Rich
الملخص ده هيفيد الشاب اللي عنده 21 سنة وبيفكر يدرس مجال المالية، والراجل اللي عنده 48 سنة وبيحب المناقشات الفلسفية، وأي حد عاوز يشوف إزاي الفلوس تقدر تعلمنا حاجات عن حياة اجتماعية أفضل.