ملخص كتاب The Almanack of Naval Ravikant – رائد الأعمال نافال رافيكانت
![ملخص كتاب The Almanack of Naval Ravikant - رائد الأعمال نافال رافيكانت](https://bashmohasb.com/wp-content/uploads/2023/08/ملخص-كتاب-The-Almanack-of-Naval-Ravikant-رائد-الأعمال-نافال-رافيكانت-1024x768.jpg)
كتاب The Almanack of Naval Ravikant بيجمع دروس قيمة من رائد الأعمال “نافال رافيكانت” واللي بيعلم الناس ازاي يبنوا ثروات ويحققوا السعادة على المدى البعيد، من خلال معرفة بعض المهارات الأساسية، وبيكشف كمان عن أسرار الحياة السعيدة من خلال تجاربه الشخصية، وبيشاركنا بأفكاره ونصائحه القيّمة في مجالات زي الاستثمار والتكنولوجيا والصحة والعلاقات الشخصية.
الرغبة هي عقد بتوقعه مع نفسك إنك هتكون مش سعيد لغاية ما تحقق اللي انت عايزه.
نافال رافيكانت
إقرأ المزيد: ملخص كتاب The Wealthy Gardener – جون سوفوريك
بداية ملخص الكتاب
“نافال رافيكانت” هو رائد أعمال ناجح من الهند اتربى في الولايات المتحدة، وقدر يبني ثروته من خلال الاستثمارات ومصادر دخل كتير، وكمان اهتم بنفسه عشان يكتشف أسرار الحياة السعيدة. كتاب “Almanack of Naval Ravikant” بيضم أفكار “نافال” الأفضل، واللي عرضهم “إيريك جورجنسون“.
في عالم الفرص الكتير واللي بنلاقي الإنترنت بيوصل لكل واحد وكل مكان، وفيه ناس كتير بنقابلهم في حياتنا، وشغل ووظائف بنقدر نجربها، وأماكن بنقدر نروحلها، ممكن يبقى صعب إننا نلاقي الطريق اللي بندور عليه ونقدر نتميز فيه، بس عشان نعرف نحقق النجاح لازم نعرف نفسنا كويس عشان نعرف منين وازاي نبدأ.
أهم 3 دروس من كتاب Almanack of Naval Ravikant
- استخدم “قانون التراكم” عشان تبني الحياة اللي نفسك فيها.
- الحالة المالية الكويسة ممكن تساعدك تحقق مستويات حرية أعلى.
- عشان تكون سعيد، لازم تتعلم ازاي تبقى هادي.
الدرس الأول: استخدم “قانون التراكم” عشان تبني الحياة اللي نفسك فيها
قانون التراكم معناه ازاي فلوسك بتزيد بسبب الفوايد اللي بتتجمع، يعني لو دخلت فلوسك في البورصة بـ10,000 دولار والفوايد بتاعتها 10% في السنة، وبعدين اشتريت بـ11,000 دولار في السنة اللي بعدها، الفلوس دي هتكون 12,100 دولار السنة اللي بعدها وهكذا. “ألبرت أينشتاين” قال مرة إن قانون التراكم هو تامن عجائب الدنيا، فالموضوع ده مفيد أوي، يعني ممكن تستثمر في البورصة وتجيب ربح، طالما انت بتدير المخاطر بحرص، وبتستثمر الأرباح تاني عشان تزودها بشكل مضاعف.
وممكن تطبق الفكرة دي على العلاقات الشخصية، هيكون في نتائج مرضية أكتر كمان. الأشخاص الناجحين في العالم بيتم اعتبارهم إنهم موثوق فيهم، ولما يهتموا بحد معين قيمتهم بتزيد، وبتزيد دايرة معارفهم وبيستخدموا القاعدة التراكمية دي عشان يبنوا سمعتهم ونزاهتهم بين الناس.
الدرس التاني: الفلوس هي طريق الوصول للحرية
![ملخص كتاب The Almanack of Naval Ravikant - رائد الأعمال نافال رافيكانت](https://www.bashmohasb.com/wp-content/uploads/2023/08/الفلوس-هي-طريق-الوصول-للحرية.jpg)
متكونش الشخص اللي بيقول إن الفلوس هي أساس الشر، وإنك مش محتاج فلوس عشان تكون سعيد، ولا إنك مش مهتم بالثروة، الحقيقة إن الفلوس حاجة كويسة أوي لو عرفت ازاي تستخدمها. عشان تغير الفكرة دي، لازم تقبل إن الفلوس حاجة ممكن تديك حرية أكتر في حياتك، يعني هي الأداة اللي بتشتري بيها الوقت، الفلوس هي اللي بتساعدك تعيش المعنى الحقيقي للحياة، بس لو هدفك الأساسي هو إنك تبني ثروة كبيرة، الفلوس مش هتوصلك للأهداف اللي انت عايزها.
لو عايز تحقق حريتك وتقضي أكتر وقت مع عيلتك، وتساعد الناس اللي بتحتاج المساعدة وتفرح أكتر، فالطريقة الصح عشان تلعب اللعبة دي هي إنك تعرف تستخدم الفلوس بطريقة صح، الخوف من خسارة الفلوس وعدم رضاك على اللي عندك ده منطق غير صحي.
بدل ما تقعد فاضي ومبتعملش أي حاجة مفيدة، اسمع فيديوهات تعليمية ودور علي طرق عشان تبني ثروتك وفي نفس الوقت تعيش حياة ليها معنى، بس في نفس الوقت فكر في المستقبل، والمهم مترفعش مستوى حياتك وتصرف فلوس زيادة عشان مرتبك كبير. وفر واستثمر فلوسك عشان تبني مستقبل كويس وتبعد عن المشاكل المستقبلية.
الدرس التالت: عشان تكون سعيد، لازم تتعلم ازاي تبقى هادي
على عكس الفكرة المعروفة للكل إن عشان تكون سعيد محتاج حاجات كتير، بالعكس شوف الأطفال لما بيلعبوا وهما سعداء مش بيفكروا في المستقبل ولا الماضي بس بيعيشوا اللحظة دي وبيستمتعوا باللي بيعملوه فيها، لو اتحكمنا في قدرتنا البشرية على التعليقات والكلام اللي مش مهم، هنلاقي طريقنا للسعادة.
فكر في الشجرة مثلا، الشجرة مش بتفهم الصح ولا الغلط، بس بتحس بالريح والشمس وأي حاجة تانية بتحصل في الطبيعة، انت كمان لازم تكون زي الشجرة، إنك تحكم على اللحظة الحالية اللي عايشها، سواء كان احساسك صح أو غلط، واللي بيخلي الجزء اللاواعي اللي فينا يقارنها بأحداث تانية في حياتنا أو حياة حد تاني، بدل ما تعمل كدا الأفضل إنك تسيب اللحظة تمشي، اعترف بكل لحظة بتحصل بس مش تُقف عليها كتير.
نهاية الملخص
الكتاب كويس بيتكلم عن مواضيع ممكن نقول عليها متناقضة شوية اللي هما يكون عندك فلوس وإنك تعيش حياة سعيدة بحرية، بس في الحقيقة الاتنين عندهم حاجات كتير مشتركة، الكاتب بيدينا نصايح عن ازاي نبني فلوس، والأهم برضو ازاي نستخدمها بالطريقة الصح، وبيشدد على الغاية الأساسية اللي هي إنك تعيش حياة كويسة وبحرية، ومساعدة الناس اللي حوالينا.
مهم: ملخص كتاب The Automatic Millionaire – ديفيد باش
الكتاب ده حاجة كويسة للشخص اللي عايز يتقدم في حياته المهنية من غير ما يضيع جزء من شخصيته الحقيقية، ورائد الأعمال اللي محتاج يعمل توازن بين شغله والحاجات اللي بتهمه في حياته الشخصية، واللي نفسه يوسع معرفته في المجال ده ويقدم نصائح أفضل.