ملخص كتاب Rich Dad Poor Dad
الكتاب ده بيساعدك تطور عقليتك ومعرفتك المالية وتبني حياة غنية وحرة، الكتاب ده معروف في المالية الشخصية وهو من كتبنا المفضلة، علي الرغم من إنه تعرض للانتقادات بس ناس كتير بتعتبره مهم جدًا إنك تقراه لأنه هيساعدك تطور من تفكيرك ومعرفتك المالية، الكتاب بيحكي عن قصة ولد عنده أب غني وأب فقير، والاتنين كانوا مختلفين في التعامل مع الفلوس، من خلال القصة دي هتتعلم أكتر وتغير من طريقتك في التعامل مع الفلوس.
متشتغلش عشان الفلوس، خلي الفلوس تشتغل عشانك.
روبرت كيوساكي
إقرأ المزيد: ازاي تكون غني: ملخص كتاب I Will Teach You To Be Rich
بداية ملخص كتاب Rich Dad Poor Dad
- الكتاب بيقول إنك مش لازم تخاف ولا هتبقي غريب لما تخرج من الدايرة المحيطة بيك وتحقق الغني والحرية المالية، وبيحكي إننا بنتعامل مع الفلوس بالخوف والطمع، عشان كدا بنلزم نفسنا بالعقيدة القديمة “روح المدرسة، روح الكلية، دور على وظيفة، خليك حذر” في وقت اللي الواقع اللي عايشينه مفيهوش وظيفة آمنة.
- لما يزيد مرتبك في الشغل، افضل حاجة تعملها هي إنك تستثمر الفلوس في حاجة تبني ثروتك زي الاسهم أو السندات، واللي بيكون فيها فرصة كبيرة للمكسب مع وجود مخاطر للاستثمار، زي مثلا لو لقيت استثمار كويس بيديك فرصة 60% تضاعف الفلوس خلال سنة واحدة و40% تخسره كله، احتمال كبير إن خوفك من خسارة الفلوس كلها، يمنعك تعمل الاستثمار ده.
- ولو طمعك اكبر، هتستخدم الفلوس الزيادة في تحسين المعيشة وشراء عربية جديدة، ولو هتستخدم الفلوس دي كلها في الاقساط، يبقى هتخسر كل الفلوس دي، وده بيوضح أهمية التعلم المالي، وخصوصًا إن محدش بيتعلمه في المدرسة أو الكلية، يعني كله بيعتمد على نفسه في التعلم، ولو بصيت حواليك هتلاقي ناس كتير مش عندهم فكرة عن الفلوس.
حسب الإحصائيات، أكتر من 90% من الشعب الأمريكي بيعانوا من مشاكل مالية، والسبب الرئيسي إنهم بيتمسكوا بالمصروفات اللي عندهم بدل ما يفكروا في إستراتيجية النجاح والربح المالي.
روبرت كيوساكي
- 38% من الناس بيعيشوا من غير أي توفير للتقاعد، فالطريقة الوحيدة إنك تتصدى للموضوع ده، هي إنك تبدأ دلوقتي، اليوم ده هو أصغر سن ليك، وشوف ايه اللي ممكن تقدر تشتريه وايه اللي ممكن متعرفشي تشتريه، بكدا هتساعد نفسك علي تحديد أهداف مالية واقعية.
- بعد كده، خليك متخصص في “الشغل عشان تتعلم” بدل من “الشغل عشان تكسب”، خد وظيفة في مجال مش عارفه، زي المبيعات، خدمة العملاء أو الاتصالات، عشان تطور مهارات جديدة ليك ممكن تفيدك في المستقبل، ووفر 5% من دخلك كل شهر عشان تشتري كتب، وتذاكر دورات وتحضر ندوات في المالية الشخصية عشان تبدأ في تطوير ذكائك المالي.
أول خطوة في بناء الثروة هي إدارة المخاطر بدل من تجنبها
اتعلم عن الاستثمارات عشان تفهم إن اللعب الآمن مش أفضل حل، عشان بيحرمك من الفرص الكبيرة، متبدأش بمبالغ كبيرة، ابدأ بمبلغ صغير زي $1000 أو حتى 100$، واستثمره في الأسهم أو السندات، أو حتى شهادات ضريبية، وعامل الفلوس دي زي ما هي راحت، وخليك مستعد إنك ممكن تخسرها، أول ما تبدأ رحلتك للثروة، هتلاقي إنها طويلة أوي، وبكدا هي بتخليك متحفز.
الكاتب بيقترح إنك تعمل قايمة اسمها “عايز” وقائمة تانية اسمها “مش عايز”، بتتضمن فيهم أحلامك المالية زي “عايز أتقاعد في سن الـ50” أو “مش عايز أكون زي عمي الفقير مثلا”.
نظم مرتبك في أول كل شهر
- خد جزء من مرتبك اللي عايز تصرفه على الأسهم أو تطوير ذاتك المالية واستثمره، وبعدين ادفع الفواتير والمصروفات، هتعمل ضغط على نفسك عشان تكون مبدع في كسب الفلوس، وهتعرف ميزانيتك بالظبط.
- استخدم فلوسك عشان توفر الأصول بدل من الخصوم والديون، الأصول هي الأسهم، السندات، العقارات اللي ممكن تأجرها، وأي حاجة تولد ليك دخل وتزيد قيمته مع الوقت، الخصوم هي العربيات اللي بالقسط، البيت بالتمويل العقاري، وأكيد الديون، أي حاجة بتسحب فلوس من جيبك كل شهر هي خصوم.
- مفيش داعي تتسرع، بس خليك في شغلك الرئيسي و”اهتم بنفسك”، ودي الطريقة اللي هتخليك تكون غنى، اعمل شغلك الخاص جنب شغلك الرئيسي واستخدمه للاستثمار في الأصول، لحد ما يبقى الدخل اللي بتحصله من الأصول هو الدخل الرئيسي.
- أهم حاجة هي إنك تبدأ دلوقتي، انت أكبر أصل لنفسك، فأول حاجة تقدر تدفع فيها هي نفسك، الفلوس بتعلم، فعلم ودرب نفسك، وابدأ في الاستثمار وإدارة المخاطر، الكتاب ده ممكن يساعدك في بداية الطريق.
الكتاب ده كان ومازال ملهم لناس كتير ومن أهم الكتب في مجال التمويل الشخصي، بالرغم من إن فيه انتقادات كتير وفيه أجزاء من القصة اللي في الكتاب ممكن تكون مش صح، بس النصايح المالية اللي فيه مفيدة وهتساعدك في بداية الطريق عشان تبني ثروتك.
مهم: 5 عادات مشتركة لكل الأغنياء فى العالم ! حسب مجلة فوربس
الخلاصة
باختصار، الكتاب ده بيحكي لينا عن قصة حقيقية عن راجلين كانوا مختلفين في طريقة تفكيرهم وتعاملهم مع الفلوس، بمجرد ما تتعرف على الطريقة الصحيحة للتفكير زي الراجل الغني وتتعامل مع الفلوس بشكل أفضل، هتقدر تحقق أهدافك المالية بطريقة سهلة وبسيطة، يعني متضيعش الفرصة واستفيد من الكتاب ده عشان تتعلَّم إزاي تحقق أهدافك المالية وتبدأ في أول خطواتك إنك تكون غني.