ملخص كتاب I Will Teach You To Be Rich
ملخص كتاب I Will Teach You To Be Rich بيساعدك توفر فلوس بطريقة تلقائية، وفي نفس الوقت تقدر تصرف على الحاجات اللي بتحبها من غير ما تحس بالذنب، راميت سيثي، هو طفل هندي مهووس بالتقنية وبقى واحد من أهم الخبراء في المالية الشخصية في القرن الحالي، واللي بدأ كمدونة في 2004، وبقت إمبراطورية بملايين الدولارات، بيبيع فيها كورسات ودروس بعشرات الآلاف من الدولارات عن طريق الإيميل.
المهم في البداية إنك تجرب وتتعلم، مهما كان مستواك، بدل ما تستنى تحترف وتكون خبير في الحاجة وبعدين تبدأ.
راميت سيثي
إقرأ المزيد: ملخص كتاب الخطة المالية من صفحة واحدة
أهم 3 دروس من كتاب I Will Teach You To Be Rich
- انت المسئول الوحيد عن مشاكلك المالية.
- اعرف الفلوس اللي جايه ليك، وحدد وجهتها بطريقة تلقائية.
- ابدأ الاستثمار النهاردة حتى لو بدولار واحد.
يلا بينا نبدأ نشرح كل درس لوحدi!
الدرس الأول: ابدأ اتحمل مسئوليتك عن فلوسك
الكتاب بيبدأ بتذكير ضروري إنك لازم تقبل إنك انت اللي بتتحكم في فلوسك، أغلب الناس بيوافقوا إنهم لازم يمارسوا رياضة أكتر أو لازم يقللوا الأكل الدسم، حتى لو معرفوش يحققوا التغيير ده، على الأقل فكرة وجودها في راسهم كفايه، بس هل سمعت قبل كده حد بيقول، أنا حقيقي محتاج أتعلم إزاي أتعامل مع فلوسي بطريقة أفضل؟ نادر أوي.
عشان محدش بيحب يعترف إنه مش بيعرف يتعامل مع فلوسه صح، ورغم كده فيه ناس كتير بيعانوا من المشكلة دي، طبعًا فيه ناس كتير وعوامل ممكن نحملهم المسئولية عن حالتنا، زي وسائل الإعلام اللي بتخوفنا بتضارب المعلومات اللي بتعرضها، أو نظام التعليم اللي معلمناش ازاي نصرف فلوسنا، ولا حتى ندخرها أو نستثمرها، بس الاعذار هتفضل اعذار، مهما كان صحتها.
حفظ واستثمار الفلوس بيخوف، وممكن تخسر فلوس، بس الأفضل تخسرها دلوقتي بدل من بكرة، كل ما كنت صغير في السن، كل ما كان ممكن تتحمل المخاطرة أكتر، وممكن تكسب فلوس، وعلى الرغم من إن هياخد وقت عشان تشوف النتائج، لو كنت مش قادر تستثمر كمية كبيرة من الفلوس، اعمل الاستثمار التدريجي، عشان بيقوى مع قوة الفايدة المركبة، إطلع من دايرة الأعذار وابدأ اتحمل مسئوليتك عن مالك الشخصي، دي هي أول خطوة عشان تكون غني.
الدرس التاني: احسب دخلك الشهري واصرفه بطريقة تلقائية على أهدافك
اقعد كل شهر وأحسب الفلوس اللي هتصرفها، ده اللي بيقول عليه راميت بـ“خطة الإنفاق الواعية”، يعني حدد نسبة معينة من فلوسك واصرفها بتلقائية على الحاجات الصحيحة، مثلا ادفع 60% من دخلك على المصاريف الثابتة زي الإيجار والمصاريف اليومية والفواتير الخاصة بيك، بعد كده استثمر 10% منهم في الأسهم مثلا، ووفر 10% تانية للرحلات السياحية والهدايا والمصاريف اللي مش متوقعة،
وليك 20% من فلوسك، اللي تقدر تصرفها على أي حاجة عشان متحسش بالذنب. حرك العمليات دي والمدفوعات بشكل تلقائي، مثلا أنا بوفر 50 دولار في الشهر، اللي بيتخصم تلقائي من حسابي في البنك في اليوم الأول، ده بيضمن إني على الأقل هوفر 600 دولار في السنة، ومفيش فرصة إني أصرف الفلوس دي.
الدرس التالت: ابدأ الاستثمار دلوقتي
ده مش هزار، الاستثمار صعب، لازم تقرأ كتب وتتكلم مع ناس وتتعلم، وصدقني هتندم على كل يوم فات وانت مستنى تبدأ لما تكبر، ليه الكلام ده؟ لقيت مثال حلو أوي بيوضح الموضوع ده بالأرقام. لو استثمرت 5000 دولار كل سنة (يعني 417 دولار في الشهر) لمدة 10 سنين، من سن 25 لسن 35 وبعدين مش هتستثمر تاني، هيكون عندك فلوس كويسه للتقاعد>
أحسن من واحد بيبدأ في سن الـ35 وبيستثمر 5000 دولار كل سنة لحد ما يتقاعد، اللي بيبدأ في الـ25 بيستثمر 55,000 دولار وبينتهي بـ 615,000 دولار (بعد العائد السنوي اللي بيكون مثلا 8%، اللي بيقرب من المعدل السنوي للسوق المالية)، واللي بيبدأ في الـ35 بيستثمر 130,000 دولار وينتهي بـ 431,000 دولار.
طب إيه السبب؟ انت تقدر تستثمر أقل من النص، وتنتهي بمبلغ مرة ونصف أكتر بس لما تبدأ 10 سنين بدري، يعني أحسن ليك تبدأ النهاردة مش تستني لبكرة.
خلاصة التدوينة
كتاب “Rich Dad Poor Dad” بيعلمك ازاي تفكر زي المستثمر، لما تكون مستعد للإستثمار، أما كتابنا “I Will Teach You To Be Rich” بيعلم الناس اللي مش جاهزين للإستثمار لحد دلوقتي، الكتاب ده فيه نقاط بداية كويسه للناس اللي معندهمش أي فكرة عن التوفير، ولا الإستثمار، الكتاب بيسمحلك بالصرف على الحاجات اللي بتستمتع بيها، وبيقلل الإغراءات ببساطة من خلال الصرف التلقائي.
مهم: نصائح مالية من كتاب الأب الغني والأب الفقير
لو عايزين تتعلموا إزاي تديروا فلوسكم صح، الكتاب ده فيه أدوات ونصايح عملية بتساعدكم تستفيدوا من فلوسكم وتحققوا أهدافكم المالية بسهولة، متضيعش الوقت في القلق على الفلوس، اتبع النصائح والأدوات اللي جاية في الكتاب، واشتغل على تحسين وضعك المالي.