ملخص كتاب A Random Walk Down Wall Street – بورتون مالكيل
![ملخص كتاب A Random Walk Down Wall Street - بورتون مالكيل](https://bashmohasb.com/wp-content/uploads/2023/08/ملخص-كتاب-A-Random-Walk-Down-Wall-Street-بورتون-مالكيل-1024x512.png)
الكتاب بيتكلم عن ازاي المستثمر الفردي بيقدر يكسب فلوس في سوق الأسهم بطريقة سهلة جدًا، بس لازم يكون عنده صبر ويتعلم مفاهيم كتير عن الأسهم وازاي يحللها، كتاب A Random Walk Down Wall Street بيقول الاستثمار يُعتبر شغل صعب، وعشان تحقق نجاح مالي من الاستثمار في البورصة لازم تكون خبير في “وول ستريت” أو في السوق بشكل عام، الفكرة دي غلط وبتبعد الناس عن الاستثمار وبناء محافظ استثمارية قوية.
مش صعب تجيب فلوس من السوق، الصعب هو إنك تتفادى إغراءات التهور ورمي الفلوس في صفقات تكسبك فلوس سريعة، وده درس واضح بس الناس بتتجاهله كتير.
بورتون مالكيل
إقرأ المزيد: ملخص كتاب Make Money Trading Options – مايكل سنسير
بداية الملخص
كتاب “نزهة عشوائية في وول ستريت: الإستراتيجية التي تم اختبارها عبر الزمن للاستثمار الناجح” للكاتب “بورتون مالكيل” بيساعد الشخص العادي يبدأ مشواره المالي ويكتشف فرص كويسة للاستثمار والاستفادة منها بعد كدا، بشكل عام الاستراتيجية الناجحة بتشمل الاستثمار في صناديق الاستثمار المؤشرية اللي تكلفتها منخفضة والاستمرار فيها، مع كل مصدر دخل تقابله.
هنشوف ازاي الثروة بتتجمع مع الوقت من غير ما تتعرض لمخاطر عالية، بس لازم تكون صبور وتكون واثق إن السوق هيعمل دوره في الوقت المناسب، وممكن تحاول تختار أسهم فردية، بس دي هتعرضك لمخاطر استثمارية أكبر، بس لازم تتعلم بعض النقط الرئيسية المرتبطة بالموضوع ده.
أهم 3 دروس من كتاب A Random Walk Down Wall Street
- المخاطرة المعتدلة ممكن تفيد محفظتك الاستثمارية.
- مش هتقدر تهزم السوق.
- اتعلم تتحكم في العامل النفسي للاستثمار.
الموضوع ممكن يبان إن شكله سهل، صح؟ بس أول ما ندخل في تفاصيل الدروس دي، هتكتشف حاجات مهمة مكنتش تعرفها هتفيدك!
الدرس الأول: اتعلم تقبل المخاطرة كجزء طبيعي من استراتيجية الاستثمار وتطور محفظتك
![ملخص كتاب A Random Walk Down Wall Street - بورتون مالكيل](https://www.bashmohasb.com/wp-content/uploads/2023/08/اتعلم-تقبل-المخاطرة-كجزء-طبيعي-من-استراتيجية-الاستثمار-وتطور-محفظتك.jpg)
المخاطرة بتكون في كل حاجة، وكل ما كان المكسب المتوقع أكبر، كل ما كانت المخاطر أكتر، يعني لو اشتريت سهم في شركة معينة واتوقعت إنها هتنجح، برضو لازم تكون عارف إنك هتكون عرضة للخسارة لو حصل العكس، بس لو مشيت معاك التوقعات، هتكسب ربح كبير، لازم تقبل إن المخاطرة دي جزء من خطة الاستثمار بتاعتك ومتخافش من التقلبات لو جت في طريقك.
بس لازم تتحكم في الموضوع ده وتحاول تخفض المخاطر علي قد ما تقدر، يعني تشتري في شركات مستقرة وخلفيتها كويسة ومستقبلها مُبشر، وعشان تحمي فلوسك من الخساير، استخدم نظرية “المحفظة الحديثة“، النظرية بتقول إنك لازم تشتري في شركات أرباحها مترابطة عكس بعض، ده بيحمي فلوسك في كل حالة، مثلا في فترة كورونا، كنت تقدر تستثمر في شركات البيت وشركات السفر مع بعض عشان تحمي فلوسك، بس مش كل المخاطر بتقدم فرص عائد عالية.
لازم تحلل قيمة الاستثمارات كويس جدًا، يعني متشتريش أسهم عشوائي ولا على أساس توصيات غامضة، اعمل بحثك الخاص وخليه يكون جزء مهم من استراتيجية الاستثمار بتاعتك، وعشان تحمي محفظتك بشكل كامل، لازم تنّوعها، يعني متشتريش أسهم بس في شركات، لكن حاول تشتري كمان سندات وتحتفظ بكاش وتستثمر في أصول مالية تانية.
الدرس التاني: السوق بيساند اللي بيسانده
فيه طرق كتير للاستثمار، فيه ناس بيعتبروا نفسهم مستثمرين نشطين ورياديين، وبيعملوا بحوث مستمرة عن الأسهم اللي هيشتروها، وعن الحركات اللي بتحصل في البورصة، عشان يحاولوا يتغلبوا على السوق. بس انت هتقولي هو السوق عبارة عن إيه بالظبط؟ المستثمر بيعتبر صناديق الاستثمار المؤشرية (Index Funds) هي السوق، أو النقطة اللي بتحكم على استثماراته.
صناديق الاستثمار المؤشرية دي طريقة أكبر للاستثمار، عشان بيشملوا على عدد كبير من الشركات تحت نفس السعر، مثلا صندوق S&P 500 الشهير ده بيشمل أكبر 500 شركة في أمريكا، وعشان كده بيمثل السوق، الاستثمار فيه بيكون واحد من أسهل الطرق لبناء محفظة استثمارية.
بس المستثمرين النشطين بيحاولوا يتغلبوا على عوائد السوق، عشان بتكون قدامهم معظم الوقت منخفضة لو شفتها كل يوم بيوم، الناس اللي بتحب صناديق الاستثمار دي بتكون مستعدة تستثمر فيها لسنين المستقبل وتستفيد بالتدريج من عوائدها، الناس التانية بتحب تكون غنية أسرع، وبالتالي بيستخدموا التحليل الأساسي والفني عشان يحاولوا يتغلبوا على السوق، وفي ناس بتقدر تحقق نجاح فيه.
بالنسبة لأغلب الناس، دي عادةً بتبقى أكبر غلطة مالية في حياتهم، في البداية ممكن تكون الاختيارات اللي بيعملوها في الأسهم ناجحة، بس ممكن في أي وقت يجي تصحيح في السوق أو مجرد انخفاض في سعر السهم يبطل كل الأرباح اللي حققوها بتعب لأشهر أو سنين، فالكاتب بينصح بالاستثمار ببطء وتدريج في صناديق المؤشرات اللي تكلفتها قليلة عشان تضمنلك مستقبل مالي كويس.
الدرس التالت: عقلك ومشاعرك هي اللي بتتحكم في قراراتك في البورصة
على الرغم من إنك تقدر تقول إنك بتتحكم في عقلك وقراراتك لما تستثمر في البورصة، بس الدراسات المرتبطة بالسوق واللي اثبتت فعاليتها مع الوقت، بتدل على حاجة تانية، في الحقيقة، المستثمرين بيعملوا العكس من اللي عايزينه في معاملاتهم في السوق، وده بسبب 4 سلبيات موجودة فينا كمستثمرين: الثقة الزيادة في النفس، الحكم المتحيز، الانحياز للأغلبية، والميل للبعد عن الخسارة.
انحيازنا للأغلبية بيخلينا نفكر إننا على علم أكتر من أي حد تاني وعندنا صفات مميزة بتخلينا نتوقع سعر الأسهم في المستقبل، وبالتالي بنشتري أسهم من غير قيمة أساسية وبناخد قراراتنا بالثقة الزيادة والحكم المتحيز، الميل لاتباع الأغلبية بيدفعنا نشتري أسهم من غير ما نفكر صح، بسبب الضغط اللي بنتعرض ليه من مجموعات الناس اللي حوالينا.
في السوق، ده بيكون ضار جدًا لمصالحنا المالية، عشان بنحس إننا لازم نشتري الـ Hot stocks عشان نقدر نحافظ على النشاط. بس بمجرد ما ندخل في الموجة بيكون السعر مرتفع جدًا وبنخسر، وعشان كدا متشتريش أسهم بسبب مجرد اتباع شخص تاني، عشان بيكون محتمل إنك هتدخل في فقاعة اقتصادية ممكن تنفجر في أي لحظة، والميل لتفادي الخسارة بيخلينا منقدرش نبيع أسهم بخسارة، عشان كده لازم نكون عقلانيين ونسأل نفسنا دايمًا هل الاستثمار ده لسه يستحق إننا نحتفظ بيه؟
نهاية ملخص كتاب A Random Walk Down Wall Street
كتاب “نزهة عشوائية في شارع وول ستريت” بيقدم فكرة مهمة جدًا، وهي إننا مش لازم نجري ورا حركة السوق أو نتعب نفسنا في اختيار الأسهم الصح، الكتاب بيقول إننا ممكن نستثمر ببساطة في صناديق المؤشرات بتكلفة قليلة مع متابعة أداء السوق ككل. الحكاية إننا مش لازم نضيع وقتنا وجهدنا في توقع حركة السوق أو اختيار الشركات اللي هتكون ناجحة، بدل ده لازم نعتمد على استراتيجية استثمارية بسيطة ومتوازنة.
في النهاية، الهدف من الكتاب إننا نبني مستقبل مالي مريح ومضمون. لما نستثمر بتوازن وبطريقة منظمة، بندي لنفسنا فرصة نحقق أهدافنا المالية ونضمن استقرارنا المالي اللي بنحلم بيه.
مهم: ملخص كتاب Principles للملياردير راي داليو
الملخص ده هيكون مناسب للموظف اللي عمره 30 سنة وبيدور على طرق للاستثمار في دخله وعايز يبدأ محفظة استثمارية للتقاعد، والشاب اللي عمره 25 سنة وعايز يتعلم أكتر عن المجال ده، والشاب اللي عمره 22 سنة ومهتم بالمالية وعايز يبدأ في الاستثمار بدري ويكسب خبرة في المجال.