معادلة نسبة الربح – استخدامات هامش الربح (Markup – Margin)
![معادلة نسبة الربح – استخدامات هامش الربح (Markup - Margin)](https://bashmohasb.com/wp-content/uploads/2023/10/معادلة-نسبة-الربح-–-استخدامات-هامش-الربح-Markup-Margin.jpg)
معادلة نسبة الربح “Profit Percentage Formula” بتحسب الفوائد المالية الباقية مع الشركة بعد ما تدفع كل النفقات، بيتم التعبير عنها كنسبة مئوية من سعر التكلفة أو الإيرادات وبتساعد المؤسسات في حساب الربح اللي تم تحقيقه خلال فترة، سواء شهري أو ربع سنوي أو سنوي، وبناءًا على السعر اللي بيتحدد، نسبة الربح ممكن تكون من نوعين – هامش الربح المضاف “Markup” بنعبر عنها بنسبة مئوية من سعر التكلفة، وهامش الربح “Profit Margin” هو النسبة اللي بتتحسب بإستخدام سعر البيع.
نجاح الشركات بيعتمد على الفهم العميق لمعادلة نسبة الربح وكيفية تحسينها.
ستيف جوبز
إقرأ المزيد: هامش الربح (Profit Margin) – ازاي نقيم قدرة الشركة على تحقيق الربح من المبيعات؟
ايه هي معادلة نسبة الربح؟
![معادلة نسبة الربح – استخدامات هامش الربح (Markup - Margin)](https://www.bashmohasb.com/wp-content/uploads/2023/10/ايه-هي-معادلة-نسبة-الربح؟.webp)
معادلة نسبة الربح بتسمح للأفراد والشركات بحساب الأرباح المحققة من الأرباح الإجمالية أو على سعر التكلفة، في الوقت اللي البقال أو صاحب المحل بيشوف الفوائد المالية اللي حصل عليها على سعر التكلفة للمنتجات أو الخدمات اللي بيبيعها، الشركات كمان بتحسب الأرباح مقابل الإيرادات اللي تم تحقيقها لفترة معينة بعد ما تغطي الديون المستحقة والالتزامات المالية أو التكاليف.
بناءًا على مين اللي بيقوم بحساب الأرباح، بتختلف معادلة نسبة الربح، بيتم حساب معادلة النسبة المئوية للربح الإجمالي والصافي بالشكل ده:
- النسبة المئوية للربح (Markup) = (الربح / سعر التكلفة) * 100
- النسبة المئوية للربح (Margin) = (الربح / الإيرادات) * 100
أمثلة علي معادلة نسبة الربح
يلا نشوف بعض الأمثلة عشان نفهم تطبيق معادلة النسبة المئوية للربح الصافي أو الإجمالي.
مثال رقم 1
اشترى “يوسف” صاحب محل الأدوات المكتبية، 150 قطعة من الآلات الحاسبة العادية بسعر 35 دولار للقطعة الواحدة و80 قطعة من الآلات الحاسبة المالية بسعر 115 دولار للقطعة الواحدة. صرف مبلغ 2500 دولار على النقل والرسوم وسعر بيع الآلات الحاسبة العادية بـ 50 دولار والآلات الحاسبة المالية بـ 150 دولار، وقرر تقديم خصم بنسبة 5% على كل آلة حاسبة، ودلوقتي عايز يعرف نسبة الربح اللي حققها.
استخدم البيانات لحساب معادلة نسبة الربح في Excel:
كمية | سعر الكلفة | سعر البيع | الخصم | تكلفة النقل |
---|---|---|---|---|
150 | 35 | 50 | %5 | 2500 |
80 | 115 | 150 | %5 |
حساب الربح
![معادلة نسبة الربح – استخدامات هامش الربح (Markup - Margin)](https://www.bashmohasb.com/wp-content/uploads/2023/10/حساب-نسبة-الربح-في-مثال-رقم-1.png)
- الربح = 18,525 – 16,950
وهنا يكون الربح:
![معادلة نسبة الربح – استخدامات هامش الربح (Markup - Margin)](https://www.bashmohasb.com/wp-content/uploads/2023/10/حساب-نسبة-الربح-في-مثال-1.png)
- وبكدا الربح = 1,575 دولار.
حساب نسبة الربح
![معادلة نسبة الربح – استخدامات هامش الربح (Markup - Margin)](https://www.bashmohasb.com/wp-content/uploads/2023/10/حساب-النسبة-المئوية-للربح-في-مثال-رقم-1.png)
- = (1،575 / 16950) * 100
هتكون نسبة الربح:
![معادلة نسبة الربح – استخدامات هامش الربح (Markup - Margin)](https://www.bashmohasb.com/wp-content/uploads/2023/10/حساب-النسبة-المئوية-للربح-في-مثال-1.png)
مثال رقم 2
الإيرادات السنوية المحققة لشركة “Wayne” وهي شركة لتصنيع الأحذية 100,000 مليون دولار في العام السابق، الربح النقدي 1% من الإيرادات، ومبيعات الائتمان (غير موجودة في الإيرادات السنوية) 2,300 مليون دولار، والشركة بتعمل إهلاك سنوي بقيمة 800 مليون دولار على أصولها. إدارة شركة “Wayne” عايزة تعرف الأرباح الدفترية وحساب نسبة الربح الدفتري.
استخدم البيانات دي لحساب نسبة الربح:
- الإيرادات السنوية: 100,000 مليون دولار.
- الربح النقدي: 1%
- مبيعات الائتمان: 2,300 مليون دولار.
- الإهلاك: 800 مليون دولار.
حساب الربح النقدي
![معادلة نسبة الربح – استخدامات هامش الربح (Markup - Margin)](https://www.bashmohasb.com/wp-content/uploads/2023/10/حساب-الربح-النقدي-في-مثال-رقم-2.png)
- الربح النقدي = 100,000 * 1% = 1,000
حساب الربح الدفتري
![معادلة نسبة الربح – استخدامات هامش الربح (Markup - Margin)](https://www.bashmohasb.com/wp-content/uploads/2023/10/حساب-الربح-الدفتري-في-مثال-رقم-2.png)
- ربح الدفتر = 1,000 – 800 + 2,300
بكدا يكون الربح الدفتري:
![معادلة نسبة الربح – استخدامات هامش الربح (Markup - Margin)](https://www.bashmohasb.com/wp-content/uploads/2023/10/حساب-الربح-الدفتري-في-مثال-2.png)
- الربح الدفتري = 2500 دولار.
حساب نسبة الربح الدفتري
![معادلة نسبة الربح – استخدامات هامش الربح (Markup - Margin)](https://www.bashmohasb.com/wp-content/uploads/2023/10/حساب-النسبة-المئوية-للربح-الدفتري-في-مثال-رقم-2.png)
- = 2500 / (100،000 + 2300) * 100
بكدا هتكون نسبة الربح الدفتري:
![معادلة نسبة الربح – استخدامات هامش الربح (Markup - Margin)](https://www.bashmohasb.com/wp-content/uploads/2023/10/حساب-النسبة-المئوية-للربح-الدفتري-في-مثال-2.png)
مثال رقم 3
“Bruce Wayne” مستثمر مبتدئ وعايز يستثمر في شركة جديدة لتكنولوجيا المعلومات بناءًا على ربحية المشروع، ده معناه إن الفكرة اللي بتظهر نسبة ربح أعلى هتكون مؤهلة للإستثمار فيها. “Oracle” و “Adobe” شركتين قدموا أفكارهم مع تحقيق الإيرادات المتوقعة والتكاليف المرتبطة بيها.
بناءًا على التفاصيل، يحتاج “Bruce Wayne” لتحديد الشركة اللي لازم يختارها وفقًا للمعايير.
قائمة الدخل | Oracle | Adobe |
---|---|---|
الإيرادات | $1,000.00 | $2,250.00 |
تكلفة بيع البضائع (COGS) | $200.00 | $550.00 |
إجمالي الربح | $800.00 | $1,700.00 |
مصاريف التشغيل | $600.00 | $1,300.00 |
ربح التشغيل | $200.00 | $400.00 |
الضرائب بنسبة 30% | $60.00 | $120.00 |
صافي الربح | $140.00 | $280.00 |
نسبة ربح شركة Oracle
![معادلة نسبة الربح – استخدامات هامش الربح (Markup - Margin)](https://www.bashmohasb.com/wp-content/uploads/2023/10/نسبة-ربح-شركة-Oracle-في-مثال-رقم-3.png)
- = (140 / 1000) * 100
هتكون نسبة الربح لشركة “Oracle”:
![معادلة نسبة الربح – استخدامات هامش الربح (Markup - Margin)](https://www.bashmohasb.com/wp-content/uploads/2023/10/نسبة-ربح-شركة-Oracle-في-مثال-3.png)
نسبة ربح شركة Adobe
![معادلة نسبة الربح – استخدامات هامش الربح (Markup - Margin)](https://www.bashmohasb.com/wp-content/uploads/2023/10/نسبة-ربح-شركة-Adobe-في-مثال-رقم-3.png)
- = (280 / 2250) * 100
هتكون نسبة الربح لشركة “Adobe”:
![معادلة نسبة الربح – استخدامات هامش الربح (Markup - Margin)](https://www.bashmohasb.com/wp-content/uploads/2023/10/نسبة-ربح-شركة-Adobe-في-مثال-3.png)
“أدوبي” عندها إيرادات أعلى في قائمة الدخل بـ2,250,000 دولار وصافي أرباح أعلى بـ280,000 دولار، أما شركة “أوراكل” الإيرادات وصافي الأرباح بتاعتها 1,000,000 دولار و 140,000 دولار على التوالي، بس لما حسبنا نسبة الربح للشركتين، “أوراكل” طلعت أحسن من “أدوبي” نسبة الربح بتاعة “أوراكل” 14% و”أدوبي” 12%. عشان كده المستثمر “واين” لازم يختار “أوراكل” على أساس نسبة الربح لوضع الفلوس.
مثال رقم 4
هنفترض إن “بروس واين” كسب 10 مليون دولار في يانصيب من 5 سنين واستثمرهم في محفظة متنوعة بالشكل ده:
قائمة الدخل | التخصيص (%) | الكمية |
عقارات | 25% | 2500000 |
سوق حقوق الملكية أو الأسهم | 40% | 4000000 |
سندات حكومية أو صناديق دين | 20% | 2000000 |
الودائع الثابتة | 10% | 1000000 |
نقدا في حساب التوفير | 5% | 500000 |
المجموع | 100% | 10000000 |
![معادلة نسبة الربح – استخدامات هامش الربح (Markup - Margin)](https://www.bashmohasb.com/wp-content/uploads/2023/10/حساب-نسبة-الربح-في-مثال-رقم-4.png)
بعد 5 سنين عمل تقييم لكل أصوله واستثماراته في وقت قريب، حسب التقييم الحالي عايز يعرف نسبة صافي الربح لمدة 5 سنين. بيظهر التقييم الحالي لمحفظته بالشكل ده:
![معادلة نسبة الربح – استخدامات هامش الربح (Markup - Margin)](https://www.bashmohasb.com/wp-content/uploads/2023/10/حساب-نسبة-الربح-في-مثال-4.png)
حساب صافي الربح
![معادلة نسبة الربح – استخدامات هامش الربح (Markup - Margin)](https://www.bashmohasb.com/wp-content/uploads/2023/10/حساب-صافي-الربح-في-مثال-رقم-4.png)
- صافي الربح = 10،350،000 – 10،000،000
هيكون صافي الربح:
![معادلة نسبة الربح – استخدامات هامش الربح (Markup - Margin)](https://www.bashmohasb.com/wp-content/uploads/2023/10/حساب-صافي-الربح-في-مثال-4.png)
- صافي الربح = 350 ألف دولار.
حساب نسبة صافي الربح
![معادلة نسبة الربح – استخدامات هامش الربح (Markup - Margin)](https://www.bashmohasb.com/wp-content/uploads/2023/10/حساب-نسبة-صافي-الربح-في-مثال-رقم-4.png)
- = 350.000 / 10000.000 * 100
هتكون نسبة صافي الربح:
![معادلة نسبة الربح – استخدامات هامش الربح (Markup - Margin)](https://www.bashmohasb.com/wp-content/uploads/2023/10/حساب-نسبة-صافي-الربح-في-مثال-4.png)
“واين” حط أكبر جزء من فلوسه في سوق الأسهم، والنتيجة كانت عائدات سلبية بسبب الركود في الأسواق العالمية والمحلية، لكن بما إنه عمل تنويع لاستثماراته في أصول مختلفة، في النهاية خرج بنسبة ربح 3.5% وكسب 350,000 دولار على استثماره الكلي.
أهمية استخدام معادلة نسبة الربح
نسبة الربح هي أهم وأكتر الأدوات المستخدمة لقياس ربحية الشركة، بتقيس قدرة الشركة على تحويل المبيعات لأرباح، يعني لو النسبة 20% يبقى الشركة عملت ربح صافي 20 دولار على كل 100 دولار مبيعات.
وفي مميزات تانية لاستخدام وحساب المعادلة هي:
- مش بتقيس بس قدرة الإدارة على زيادة المبيعات والإيرادات، كمان بتاخد في الاعتبار قدرتها على تقليل التكاليف.
- المؤشر القياسي للربحية بيقول إن نسبة الربح بتتكون من جزئين – (المبيعات والمصروفات) و (معادلة نسبة الربح)، هنا معادلة نسبة الربح = (صافي المبيعات – المصروفات) / صافي المبيعات أو 1 – (المصروفات /صافي المبيعات)، يعني لو حد قدر يقلل نسبة المصروفات لصافي المبيعات هيقدر يحقق نسبة ربح أعلى، عشان كده أي حد يقدر يزود المبيعات أو يقلل التكاليف والمصروفات.
- المستثمرين والجهات الممولة زي رأس المال الاستثماري والأسهم الخاصة، بيقيموا دايمًا نسبة الربح للشركات الناشئة عشان يشوفوا إمكانية الخدمة أو المنتج.
- الشركات الكبيرة لازم تبين هامش الإيرادات المتوقعة، هيجيبوا الفلوس الإضافية دي من إصدار سندات الدين أو الأسهم أو الحصول على قرض، الشركات عمومًا بتقدم رقم متوقع لنسبة الربح في المستقبل للمستثمرين.
- نسبة الربح هي الأداة اللي بيستخدمها المحلليين عشان يقيموا الأسهم في السوق الأولي (IPOs) والسوق الثانوي.
نسبة الربح مش مجرد عدد أو نسبة مئوية، لكنها عمق فهمك لأعمالك.
ريتشارد برانسون
إيه هي معادلة نسبة الربح الإجمالي في المحاسبة؟
معادلة نسبة الربح الإجمالي هي نسبة الإيرادات اللي ممكن تحتفظ بيها من كل بيع بعد ما تخصم كل التكاليف.
ازاي احسب معادلة نسبة الربح الصافي؟
ممكن تحدد الربح الصافي عن طريق خصم كل مصروفات الشركة من الإيرادات الكلية، حساب نسبة الربح بيطلع في النهاية نسبة مئوية.
ازاي أفسر معادلة نسبة الربح الإجمالي؟
معادلة نسبة الربح الإجمالي، اللي هي نسبة الربح الإجمالي = (الإيرادات – تكلفة البضاعة المباعة) / الإيرادات * 100، بتبين نسبة الإيرادات المحتفظ بيها من كل بيع بعد ما تخصم كل التكاليف، وده بيدل على قدرة الشركة على تحقيق الإيرادات وفي نفس الوقت تحافظ على تكاليفها منخفضة.
مهم: هامش الربح المضاف (Markup) – ازاي تحدد سعر بيع المنتج؟
هل نسبة الربح هي نفسها هامش الربح؟
ممكن تحسب هامش الربح “Profit Margin” بسعر البيع، اللي بيتاخد كأساس مضروب في 100، بالإضافة لكده نسبة سعر البيع بتتحول لربح، في نفس الوقت نسبة الربح أو الـ”Markup” هي نسبة سعر التكلفة اللي بتتحصل عليها كربح على سعر التكلفة الأصلي.