معادلة أيام المخزون – ازاي نعرف عدد الأيام لتحويل المخزون لمبيعات؟
تُعتبر معادلة أيام المخزون “Days in Inventory Formula” أداة مهمة لقياس كفاءة إدارة المخزون في الشركات، وفهم ازاي تحسب عدد أيام المخزون وتحليل المؤشر ده بيساعد الشركات على تحسين عملياتها وتقليل تكاليف المخزون، وكمان المعادلة دي بتعكس الفترة الزمنية اللي بيحتاجها المخزون للتحول لمبيعات معينة.
أيام المخزون مش بس أيام، دي نقود مستخبية في الدروج والرفوف.
إقرأ المزيد: إزاي أتابع المخزون عن طريق Excel
معادلة أيام المخزون – Days in Inventory Formula
أيام المخزون بتعرفنا عدد الأيام اللي بتحتاجها الشركة لتحويل مخزونها لمبيعات، وهنشوف دلوقتي صيغة المعادلة وهي:
معادلة أيام المخزون = 365 / دوران المخزون
هنحتاج نعرف معدل دوران المخزون قبل ما نحسب أيام المخزون، وهي دي معادلة دوران المخزون:
معدل دوران المخزون = تكلفة البضاعة المباعة / متوسط المخزون
مثال على أيام المخزون
“عمر” عايز يعرف عدد أيام مخزون شركته، ودي بعض التفاصيل:
- رصيد بداية ونهاية مخزون السنة: 40,000 دولار ، 60,000 دولار.
- تكلفة البضاعة المباعة 300,000 دولار.
- السنة بتتكون من 365 يوم.
أولا: هنحتاج نحسب متوسط المخزون:
متوسط مخزون السنة = (مخزون البداية + المخزون الختامي) / 2
- متوسط مخزون السنة = (40,000 دولار + 60,000 دولار) / 2
- = 100,000 دولار / 2
- = 50,000 دولار.
دلوقتي هنحسب معدل دوران المخزون:
- معدل دوران المخزون = تكلفة البضاعة المباعة / متوسط المخزون
- = 300,000 دولار / 50,000 دولار
- = 6 مرة
بكدا هتكون عدد أيام المخزون = 365 / 6 = 61 يوم.
شرح معادلة أيام المخزون
بيتم استخدامها لمعرفة المدة اللي بتحتاجها الشركة لتحويل المخزون الخام لمخزون تام الصنع، وعشان جزء كبير من “معادلة أيام المخزون” فيها معدل دوران المخزون، فإحنا محتاجين نفهم معدل دوران المخزون عشان نفهم معنى معادلة أيام المخزون.
معدل دوران المخزون بيساعدنا على فهم كفاءة الشركة في التعامل مع المخزون، وبيوضح مدى جودة الشركة في تقليل المصاريف الزيادة على المخزون وقدرة الشركة على تحويل المخزون لمخزون منتهي.
فمثلا لو كان معدل دوران مخزون الشركة “10” ، فهي بتحول المخزون لمخزون نهائي 10 مرات في السنة، وهنا تيجي قيمة معادلة أيام المخزون. لو اعتبرنا في 365 يوم في السنة، فنقدر نشوف الأيام اللي بتحتاجها الشركة لتحويل المخزون لمخزون منتهي، كل اللي علينا نعمله هو إننا نقسم عدد الأيام في السنة على معدل دوران المخزون.
لو هنكمل المثال اللي فوق، النتيجة = (365 يوم / 10 مرات) = 36,5 يوم في المخزون لتحويل المخزون لمخزون منتهي.
استخدامات معادلة أيام المخزون
- ممكن نعرف معادلة أيام المخزون من خلال قسمة عدد أيام السنة على معدل دوران المخزون.
- لو عايز تعرف في أي وقت عن كفاءة إدارة المخزون لشركة معينة، فلازم تشوف الاتنين دول، معدل دوران المخزون وأيام المخزون.
- ممكن تستخدم المعادلة عشان تعرف الوقت اللي بتحتاجه الشركة لإدارة مخزونها وتحويله.
إدارة المخزون مش بس إدارة مواد، دي إدارة لوقتك وفلوسك وفرصك.
جون هاريسون
عدد أيام المخزون في Excel
يلا نشوف نفس المثال اللي فوق في “Excel”. الموضوع سهل جدًا، هنحتاج بس نعرف متوسط المخزون العام، وبعد كدا هنعرف معدل دوران المخزون، وبسهولة هنقدر نشوف أيام المخزون.
حساب متوسط المخزون
متوسط مخزون السنة = (مخزون البداية + المخزون الختامي) / 2
معدل دوران المخزون
معدل دوران المخزون = تكلفة البضاعة المباعة / متوسط المخزون
أيام المخزون
معادلة أيام المخزون = 365 / دوران المخزون
مهم: معدل دوران رأس المال – تحليل الأداء المالي للشركات
الخلاصة
بالمختصر المفيد، المعادلة دي بتساعدك تحسب عدد الايام اللي هتاخدها عشان تحول بضاعتك في المخزن لفلوس نقدية. وبالتالي، تقدر تتحكم في إدارة المخزون بشكل أفضل وتخطط للبيع بطريقة ممتازة وفعالة.