رأس المال المستخدم – مفتاح تقييم أداء الشركات ودوره في التخطيط المالي
رأس المال المستخدم “Capital Employed” بيعبر عن الاستثمار في البيزنس، القيمة الكلية للفلوس اللي استخدمتها الشركة في التوسع أو الشراء، والقيمة الكلية للأصول اللي خصصتها للبيزنس، وبيتحسب رأس المال المستخدم ده بطريقتين، إما بطرح الخصوم المتداولة من إجمالي الأصول، أو بجمع رأس المال العامل مع الأصول الثابتة.
الشركات الناجحة هي اللي بتعرف ازاي تدير رأس المال المستخدم بكفاءة.
وارين بافيت
إقرأ المزيد: إزاي تكون محلل أعمال ناجح في سوق العمل؟
شرح رأس المال المستخدم Capital Employed
ببساطة رأس المال المستخدم هو إجمالي الفلوس اللي بنستخدمها لتشغيل البيزنس عشان يجيب ربح، وفي العادة بنحسبه بطريقتين:
- الأولى: الأصول الكلية بنطرح منها الخصوم المتداولة.
- التانيه: جمع الأصول الثابتة ورأس المال العامل.
القيمة العالية لرأس المال المستخدم، خصوصًا لما يكون جزء كبير منه مش جاي من ملكية المساهمين، بتدل على مستوى أعلى من المخاطرة، مع إن المخاطرة العالية دي ممكن تخلي الناس تفكر مليون مرة قبل ما تستثمر في الشركة، بس كمان بتشير لخطط توسع أعمال شجاعة، واللي لو نجحت ممكن تجيب عوائد أعلى بكتير على الاستثمارات.
معادلات رأس المال المستخدم
هنوضح ليكوا المعادلتين اللي بنقدر من خلالهم نحسب رأس المال المستخدم.
معادلة رقم 1
رأس المال المستخدم = أجمالي الأصول – الالتزامات المتداولة.
- إجمالي الأصول بتشمل الأصول الثابتة بقيمتها الصافية، في ناس بتفضل تستخدم التكلفة الأصلية، بس في ناس تانية بتستخدم تكلفة الاستبدال بعد الاستهلاك.
- بيتضاف للأصول دي أي نقدية أو فلوس في البنك أو فواتير مستحقة للتحصيل والمخزون وأي حاجة تانية موجودت تحت بند الأصول.
- بعدين، بيتضاف لكل دول أي استثمارات رأسمالية في البيزنس اللي بتعمله، عشان نوصل لقيمة إجمالي الأصول في الحساب ده.
- بعد كدا، بيتخصم من القيمة اللي وصلنا ليها من إجمالي الأصول كل الالتزامات المتداولة.
معادلة رقم 2
رأس المال المستخدم = رأس المال العامل + الأصول الثابتة.
- الأصول الغير متداولة هي الحاجات اللي بتاخد وقت طويل عشان تستفيد منها بالكامل في السنة المالية الحالية، بيشمل عادة الأصول الثابتة والغير ملموسة، زي العلامات التجارية والملكية الفكرية، وفي المعادلة دي بتتضاف كمان أي استثمارات عملتها في شركات تانية.
- رأس المال العامل هو مقياس سريع لكفاءة الشركة التشغيلية وصحتها المالية العامة.
رأس المال العامل = الأصول المتداولة – الالتزامات المتداولة.
مثال على رأس المال المستخدم
بنستخدم البيانات اللي في الميزانية العمومية للشركة عشان نحسب قيمة رأس المال المستخدم.
استخدام المعادلة الأولى
- عشان نحسب ده لشركة “ABC” بالطريقة الأولى، بندور علي الرقم المكتوب تحت “إجمالي الأصول” في الميزانية العمومية، فلو فرضنا إنه 42 مليون دولار.
- بعدين بنلاقي الرقم المكتوب تحت “إجمالي الالتزامات المتداولة” في الميزانية، فلو فرضنا إن 25 مليون دولار.
وبعدين بنحسب بالطريقة دي:
- رأس المال المستخدم = إجمالي الأصول (42 مليون دولار) – الالتزامات المتداولة (25 مليون دولار) = 17 مليون دولار.
استخدام المعادلة التانية
الطريقة التانية بتحتاج نشوف المؤشرات دي في الميزانية العمومية لشركة “ABC”، الأصول الثابتة والالتزامات المتداولة، والأصول المتداولة، بنلاقي الأصول الثابتة والغير متداولة في قسم الأصول في الميزانية المالية، والالتزامات المتداولة في قسم الالتزامات، فلو فرضنا:
- الأصول الثابتة = 105 مليون دولار.
- الالتزامات المتداولة= 54 مليون دولار.
- الأصول المتداولة= 65 مليون دولار.
بعدين بنحسب بالطريقة التانية اللي هي:
- رأس المال المستخدم = الأصول الثابتة (105 مليون دولار) + رأس المال العامل (الأصول المتداولة (65 مليون دولار) – الالتزامات المتداولة (54 مليون دولار))
- = 105 مليون دولار + 11 مليون دولار = 116 مليون دولار.
الأهمية والاستخدام
عمومًا رأس المال المستخدم مهم عشان نقدر نحكم على استخدام الشركة لرأس المال في تحسين ربحيتها، وده بيتحقق عن طريق حساب نسبة عائد رأس المال المستخدم.
الربح التشغيلي “EBIT“، اللي بيُعرف كمان بالدخل التشغيلي، بيتقسم على رأس المال المستخدم عشان نطلع نسبة عائد رأس المال المستخدم “ROCE“، وده بيكون مفيد في مقارنة رأس المال المستخدم في الشركات اللي بتشتغل في صناعات مستهلكة لرأس المال.
عائد رأس المال المستخدم = الربح التشغيلي / رأس المال المستخدم.
رأس المال المستخدم في Excel
في الطريقة الأولى، لازم يكون متوفر قيمتين اللي هما إجمالي الأصول وإجمالي الالتزامات المتداولة، وفي الطريقة التانية، ضروري يكون متاح 3 قيم وهم الأصول الثابتة والالتزامات المتداولة والأصول المتداولة.
الطريقة الأولى
الطريقة التانية
إدارة رأس المال المستخدم بشكل صحيح هو سر النجاح المالي لأي شركة.
بنجامين فرانكلين
مهم: ازاي تعمل تقرير تحليل مالي لاول مرة؟
في النهاية
رأس المال المستخدم هو المفتاح الأساسي في تقييم أداء الشركات وليه دور مهم في التخطيط المالي. لإنه بيعكس قدرة الشركة على استخدام الموارد المالية المتاحة بكفاءة وفعالية في تحقيق أهدافها وتحقيق العوائد المرجوة. وفهم قيمة رأس المال المستخدم وتقديره بدقة بيساعد الشركات على اتخاذ القرارات المالية الصحيحة وتحسين أدائها المالي وبالتالي هيأدي لنجاح الشركات.