تحليل معادلة نسبة توزيع الأرباح في الشركات – خطوات حسابها واستخداماتها

نسبة توزيع الأرباح “Dividend Payout Ratio” هو الجزء اللي الشركة بتديه للناس اللي شاركوا فيها من الأرباح، وإحنا بنحسب نسبة توزيع الأرباح على أساس نسبة المبلغ اللي بيتوزع على المساهمين مقسوم على صافي الربح للسنة، النسبة دي بتساعد المستثمرين يقدروا يحددوا ربحية الشركة وصحتها المالية ونية الشركة في حماية مصلحة المساهمين.

معادلة توزيع الأرباح بتكشف عن استراتيجية الشركة في إدارة الأموال وتحقيق القيمة للمساهمين.

إقرأ المزيد: معادلة توزيع الأرباح – ازاي بنحسب نسبة المساهين في الشركة من الأرباح؟

معادلة نسبة توزيع الأرباح

نسبة توزيع الأرباح = توزيعات الأرباح / صافي النسبة

شرح معادلة نسبة توزيع الأرباح

بالنسبة للشركة، تقسيم الأرباح مش بيكون من الأولاويات، أولا بيتم اتخاذ قرار إنهم هيستثمروا كام جزء من الأرباح في الشركة عشان تكبر أكتر، والموضوع ده هدفه إن الشركة تضاعف فلوس المساهمين بدل ما تقسمها، طب ليه معادلة نسبة توزيع الأرباح مهمة؟

المعادلة بتقولنا قد ايه الشركة بتدفع من أرباحها للمساهمين، وكمان قد ايه الشركة بتستثمر في نفسها، وده اللي احنا بنسميه “أرباح محتجزة”.

أوقات الشركة مش بتدفع حاجة للمساهمين عشان بتحس إنها محتاجة تستثمر أرباحها عشان الشركة تكبر أسرع، وبكدا صافي الأرباح بيستخدم لهدفين بس، احنا نقدر نستنتج إن:

صافي الدخل = أرباح محتجزة + توزيع الأرباح

لو أي حاجة من اللي فوق كانت صفر (من بين أرباح محتجزة وتوزيع الأرباح)، كل الأرباح هتتوزع أو هيتم استثمارها في الحاجة التانية.

زي ما احنا شايفين، نسبة توزيع الأرباح لشركة “كولجيت” كانت 61.78% في الفترة من 2016 لـ 2017، بس عكس كدا شركات زي “أمازون” و”جوجل” و”بركشاير هاثاواي “مدفوعوش حاجة للمساهمين عن طريق توزيع الأرباح.

لو المستثمر شاف البيانات المالية للشركة، هيقدر يلاقي صافي الدخل للسنة، وفي الجدول المالي بتاعها هيلاقي الأرباح المحتجزة، فلو عايز يعرف ازاي الشركة حسبت الأرباح المحتجزة وتوزيع الأرباح، يقدر يشوف النقاط المهمة اللي في القوائم المالية.

مثال توضيحي علي نسبة توزيع الأرباح

شركة “Danny” اللي بتشتغل بقالها كام سنة، في الفترة الأخيرة بدأت في دفع أرباح المساهمين بقيمة 140 ألف دولار، وصل صافي دخل الشركة 420 ألف دولار في السنة اللي فاتت، عشان كدا قررت الشركة الاحتفاظ بالأرباح المحتجزة بنسبة 66.67%. احسب نسبة أرباح شركة “Danny” في السنة اللي فاتت، وهنا هنستخدم طريقتين عشان نحسب النسبة دي.

النسبة الأولى

أرباح الأسهم المدفوعة في السنة اللي فاتت كانت 140 ألف دولار، وكان صافي الربح 420 ألف دولار. باستخدام النسبة الأولى من معادلة توزيع الأرباح هنعرف إن:

• نسبة توزيع الأرباح = توزيعات الأرباح / صافي الدخل.
• = 140،000 دولار / 420،000 دولار.
• = 1 / 3
• = %33.33.

النسبة التانية

تم الاحتفاظ بـ 66.67% كأرباح محتجزة، وده معناه إن نسبة الاحتفاظ هو 66.67%.

باستخدام الطريقة التانية هيطلعلنا:

• نسبة توزيع الارباح = 1 – نسبة الاحتفاظ
• = 1 – %66.67
• = 1 – 2 / 3
• = 1 / 3
• = %33.33.

تطبيق حساب نسبة توزيع الأرباح

هنشوف مثال عملي عشان نفهم نسبة الأرباح بشكل أفضل على شركة “Apple”:

البنود	2012	2013	2014	2015	2016
توزيعات الأرباح (مليار دولار)	2.49	10.56	11.13	11.56	12.15
صافي الدخل (مليار دولار)	41.73	37.04	39.51	53.39	45.69
نسبة توزيعات الأرباح	5.97%	28.51%	28.17%	21.65%	26.59%

لحد سنة 2011، مدفعتش شركة “Apple” أي توزيعات أرباح للمستثمرين بتوعها، عشان كان عندهم اعتقاد إنهم لو أعادوا استثمار الأرباح، هيكونوا قادرين على تحقيق عوائد أفضل للمستثمرين، وهو ده اللي حصل في النهاية.

استخدامات نسبة توزيع الأرباح

لما المستثمر يفهم المعادلة بين الأرباح المحتجزة وتوزيع الأرباح هيقدر يفهم أهداف الشركة على المدى القصير والمدى البعيد، عشان فيه شركات كتير بتدفع أرباح 100%، واحنا كمان نقدر نستخدم معادلة بديلة لحساب نسبة توزيع الأرباح.

المعادلة البديلة هي:

نسبة توزيع الارباح = 1 – نسبة الاحتفاظ

• نسبة الاحتفاظ هي نسبة الأرباح اللي الشركة بتحتفظ بيها عشان تستثمرها تاني.
• لما نشوف معادلة توزيع الأرباح، المستثمر بيتأكد هياخد قد ايه في المستقبل القريب.

حساب نسبة توزيع الأرباح في Excel

دلوقتي هنعمل نفس المثال اللي فوق في Excel، هنحتاج لتوفير توزيعات الأرباح وصافي الدخل عشان نحسب النسبة.

النسبة الأولى:

النسبة التانية:

توزيع الأرباح مش مجرد عملية حسابية، لكن هو إشارة لقوة الشركة وقدرتها على تحقيق الأرباح المستدامة.

روبرت كيوساكي

أسئلة مهمة متكررة

كمان جمعنا ليكوا أهم الأسئلة المرتبطة بنسبة توزيع الأرباح.

ايه هي معادلة نسبة توزيع الأرباح؟

معادلة حساب نسبة توزيع الأرباح هي توزيع الأرباح على صافي النسبة وصافي النسبة بيتحسب بقسمة صافي الأرباح على إجمالي المبيعات ونضرب في 100، ونقدر نوصل ليها كمان بطريقة تانية وهي (1 – نسبة الاحتفاظ).

ازاي نفسر نسبة توزيع الأرباح؟

نسبة توزيع الأرباح بتساعد المستثمرين في اتخاذ قرارات في حاجات كتير زي نضج الشركة، إمكانيات إعادة الاستثمار، القدرة على الاحتفاظ بنسبة توزيع الأرباح سنة بعد سنة، والاتجاه المتزايد في الأرباح.

مهم: معدل نمو الأرباح – أهم الطرق لمعرفة معدل نمو أرباح أسهم الشركة

ايه هي اتجاهات نسبة توزيع الأرباح في الشركات؟

البنوك العالمية بتكون معروفة بنسبة توزيع الأرباح المستقرة بنسبة عالية، وشركات الإنترنت والتكنولوجيا مش بتدفع ارباح تقريبًا، ومعروف إن شركات النفط والغاز بيكون ليها نسبة توزيع أرباح منخفضة.