النسبة المئوية لإجمالي الربح – استراتيجيات لزيادة العوائد

النسبة المئوية لإجمالي الربح “Gross Profit Percentage” هي النسبة اللي بتستخدمها الإدارة والمستثمرين والمحللين الماليين عشان يعرفوا الوضع المالي والاقتصادي وربحية الشركة بعد ما يحسبوا تكلفة المبيعات، وبيتم حسابها بقسمة إجمالي ربح الشركة على صافي المبيعات.

نسبة إجمالي الربح هي عبارة عن مؤشر حاسم لصحة أعمالك وقدرتك على تحقيق الاستدامة.

وارن بوفيت

إقرأ المزيد: أهم 15 تقنية في التحليل المالي – وأهميته للشركات

ايه هي النسبة المئوية لإجمالي الربح؟

نسبة إجمالي الربح هي مقياس للربحية بيحسب قد ايه فلوس بتبقى من الإيرادات بعد ما يتم دفع تكلفة البضاعة المباعة، بشكل تاني بتقيس كفاءة الشركة في استخدام تكاليف الإنتاج الخاصة بيها، زي المواد الخام والعمالة، عشان تنتج وتبيع منتجاتها بشكل مربح.

نسبة إجمالي الربح هي نسبة المبيعات اللي بتزيد عن التكاليف المباشرة المرتبطة بتصنيع المنتج كنسبة مئوية، التكاليف المباشرة أو تكلفة البضاعة المباعة بتتكون بشكل رئيسي من المواد الخام والعمالة المباشرة، فمعادلة حساب نسبة إجمالي الربح بتتم عن طريق قسمة إجمالي الربح على إجمالي المبيعات والتعبير عنها كنسبة مئوية.

أهم النقاط

• نسبة إجمالي الربح هي المعادلة اللي ممكن للإدارة والمستثمرين ومحللين المالية استخدامها عشان يفهموا الحالة الاقتصادية للشركة وربحيتها بعد ما يتم احتساب تكلفة المبيعات.
• باستخدام المعادلة دي ممكن للشخص حساب ربح الشركة عن طريق صافي المبيعات.
• نسبة المبيعات تتجاوز التكاليف المباشرة المرتبطة بإنتاج المنتج، والتكاليف المباشرة دي بتشمل المواد الخام والعمالة المباشرة، عشان كدا لازم الواحد ياخد في الاعتبار معادلة نسبة إجمالي الربح.

معادلة نسبة الربح الإجمالي Gross Profit Percentage

معادلة النسبة المئوية للربح الإجمالي هي:

معادلة النسبة المئوية لإجمالي الربح = إجمالي الربح / إجمالي المبيعات * 100%

وممكن نستخدم المعادلة دي:

معادلة النسبة المئوية لإجمالي الربح = (إجمالي المبيعات – تكلفة البضاعة المباعة) / إجمالي المبيعات * 100%

بعد حساب تكلفة البضاعة المباعة، هنستخدم الفلوس الباقية لدفع تكاليف التشغيل التانية زي تكاليف البيع والعمولة والتكاليف العمومية والإدارية والبحث والتطوير وتكاليف التسويق والفائدة المستحقة اللي بتظهر بعدين في قائمة الدخل، كل ما كان إجمالي الربح أعلى، كان أفضل للشركة في تسديد مصاريف التشغيل.

خطوات تحديد نسبة الربح الإجمالي

1. اكتب إجمالي مبيعات الشركة، وسهل توصله من قائمة الدخل.
2. اجمع تكلفة البضاعة المباعة للمنتجات اللي اتباعت بشكل مباشر، ممكن تجيبها من قائمة الدخل أو تحسبها بإضافة تكاليف التصنيع زي المواد الخام والأجور.
3. بيتم حساب إجمالي الربح عن طريق خصم تكلفة البضاعة المباعة من إجمالي المبيعات.
   
   إجمالي الربح = إجمالي المبيعات – تكلفة البضاعة المُباعة
   
4. تقدر تحسب نسبة إجمالي الربح بقسمة إجمالي الربح على إجمالي المبيعات وضرب الناتج في 100%.
   
   نسبة إجمالي الربح = (إجمالي المبيعات – تكلفة البضاعة المباعة) / إجمالي المبيعات * 100%

أمثلة علي النسبة المئوية لإجمالي الربح – استراتيجيات لزيادة العوائد

دي أمثلة توضيحية عشان يكون الشرح مفهوم أكتر.

مثال 1

شركة “XYZ” بتشتغل في مجال تصنيع أحذية التزلج على الجليد، في نهاية السنة المالية، حققت الشركة أرباح بقيمة 150.000 دولار من إجمالي المبيعات. بناءًا على المعلومات اللي تحت، هنحسب نسبة إجمالي الربح لشركة “XYZ”

هنستخدم البيانات لحساب تكلفة الضاعة المباعة (COGS).

• COGS = أجور العمالة + مصاريف المواد الخام + إيجار المصنع.
• = 50,000 دولار + 25,000 دولار + 5000 دولار.

تكلفة البضاعة المباعة = 80،000 دولار.

هنحسب إجمالي الربح باستخدام البيانات:

• إجمالي الربح = إجمالي المبيعات – تكلفة البضاعة المُباعة.
• = 150,000 دولار – 80,000 دولار.

إجمالي الربح = 70.000 دولار

هيكون حساب نسبة إجمالي الربح لشركة “XYZ” هو:

• معادلة نسبة الربح الإجمالي = إجمالي الربح / إجمالي المبيعات * 100%
• = 70,000 دولار / 150,000 دولار * 100%

نسبة الربح الإجمالي لشركة XYZ

نسبة إجمالي الربح لشركة “XYZ” هي 46.67%.

مثال 2

شركة “Apple” عايزة تحسب نسبة إجمالي الربح للسنة المالية 2016 و 2017 و 2018. حسب التقارير السنوية المعلومات المتوفرة وبناءًا على المعلومات، هنحسب إجمالي الربح لشركة “Apple” للسنين 2016 و 2017 و 2018.

حساب إجمالي الربح لشركة “Apple” لسنة 2016.

• إجمالي الربح لسنة 2016 = صافي المبيعات (2016) – تكلفة المبيعات (2016).
• = 215.639 دولار- 131.376 دولار.

• إجمالي الربح لسنة 2016 = 84.263 دولار

إجمالي الربح لسنة 2017 = 229،234 دولار – 141،048 دولار.

• إجمالي الربح لسنة 2017 = 88،186 دولار

إجمالي الربح لسنة 2018 = 265،595 دولار – 163،756 دولار

• إجمالي الربح لسنة 2018 = 101.839 دولار

حساب نسبة إجمالي الربح لشركة “Apple” لسنة 2016

• نسبة إجمالي الربح لسنة 2016 = إجمالي الربح (2016) / صافي المبيعات (2016) * 100%
• = 84,263 دولار/ 215,639 دولار* 100%

• نسبة إجمالي الربح لسنة 2016 = 39.08%

حساب نسبة إجمالي الربح لشركة “Apple” لسنة 2017

• نسبة إجمالي الربح لسنة 2017 = 88،186 دولار / 229،234 دولار * 100%

نسبة إجمالي الربح لسنة 2017 = 38.47%

حساب نسبة إجمالي الربح لشركة “Apple” لسنة 2018

• نسبة إجمالي الربح لسنة 2018 = 101.839 دولار / 265.595 دولار * 100%

• نسبة إجمالي الربح لسنة 2018 = 38.34%

بكدا يكون حساب نسبة إجمالي الربح لشركة “Apple” للسنين 2016 و 2017 و 2018 هي 39.08% و 38.47% و 38.34% على التوالي.

أهمية استخدام النسبة المئوية لإجمالي الربح

• فهم النسبة دي مهم جدًا للمستثمر عشان يعرف قد إيه الشركة كسبانة من نشاطها الأساسي من غير ما ياخد في الاعتبار التكاليف الغير مباشرة، المحلل بيقدر يستخدم النسبة عشان يقارن أداء الشركة مع منافسيها في نفس الصناعة، خصوصًا لما يكون معيار تقييم، والشركات بتستخدم النسبة عشان تبين الفوايد المالية والجدوى المالية لمنتج أو خدمة معينة.
• أي فلوس باقية بعد حساب تكلفة البضاعة المباعة بتُستخدم عشان تسدد بيها تكاليف التشغيل التانية، كل ما النسبة بتبقى أكبر، كل ما الشركة بتوفر أكتر، على كل جنيه بيتم من المبيعات بتدفع التكاليف التشغيلية والالتزامات التجارية الزيادة.
• لو الشركة قادرة تحافظ على نسبة ربحية أكبر من منافسيها، يبقى عندها عمليات أكتر كفاءة وأكتر فعالية، وده اللي بيخليها إستثمار آمن على المدى الطويل.
• لو الشركة مش بتقدر تحقق نسبة ربح كويسة، يبقى صعب عليها تدفع مصاريف التشغيل، فالنسبة الإجمالية للربح لازم تكون مستقرة لو متغيرش نموذج الأعمال بشكل كبير.

نسبة إجمالي الربح بتعكس فعالية إدارتك للموارد وقدرتك على الاستثمار بذكاء.

جيف بيزوس

ليه بتنخفض نسبة إجمالي الربح؟

ممكن تنخفض نسبة إجمالي الربح لأسباب كتير زي:

• ارتفاع تكلفة البضاعة المباعة.
• ضغط التسعير أو الخصومات.
• عدم كفاءة الإنتاج أو العمليات.
• تغيير في تكوين المنتجات.
• خطأ في التسعير أو التكلفة.
• العوامل الخارجية.

هل نسبة الربح الإجمالي المرتفعة جيدة؟

نسبة هامش الربح الإجمالي العالية معناها إن الشركة عندها قلوس كتير لتغطية مصاريف التشغيل زي الرواتب والمرافق والإيجار، وعشان النسبة بتحدد الأرباح من بيع المخزون، فهي تقدير كمان لنسبة الإيرادات اللي الشخص يقدر يستخدمها لتمويل أجزاء تانية في البيزنس.

ايه اللي بيسبب زيادة في نسبة إجمالي الربح؟

انخفاض تكلفة المبيعات ممكن إنه يسبب زيادة في هامش الربح الإجمالي والبحث عن موردين بأسعار منخفضة واستخدام مواد خام أقل تكلفة واستخدام تكنولوجيا توفير العمالة وتفويض الأعمال هي بعض الطرق لخفض تكلفة المبيعات.

مهم: أهم 4 أنواع تحليل مالي لتقييم الشركات

ايه هي نسبة الربح الإجمالي الممتازة؟

تُعتبر نسبة هامش الربح الإجمالي من 50 لـ 70% جيدة، وده هيكون للعديد من الأعمال زي تجار التجزئة والمطاعم والمصنعين ومنتجين السلع الأخرى.