صحيح إن رواد الأعمال مش بيخافوا من التحديات والمخاطر، بس أكيد فيه حاجات معينة بيحتاجوا ياخدوها في الاعتبار قبل ما يبدأوا في مشاريع مخاطرة، عشان دايمًا إستثمارات المخاطرة بتكون زي رحلة صعبة وكلها تحديات، وعشان كدا الإعداد الصح والتخطيط المسبق بيكونوا عامل أساسي في نجاح العملية كلها، في التدوينة دي هنتكلم عن الاستثمار المخاطر ونصائح مهمة وحاجات ممكن تساعد رواد الأعمال على تحقيق النجاح في مشاريعهم.
الاستثمار المخاطر مش مجرد لعبة، ده فن محتاج للشجاعة والحكمة.
وارن بافيت
إقرأ المزيد: إدارة المخاطر في البورصة: الخروج من الصفقة ووضع حدود للخسارة
يعني ايه رائد الأعمال؟
رائد الأعمال هو الشخص اللي بيبتكر فكرة جديدة وبيحاول ينفذها من خلال بداية مشروع خاص بيه، وده بيحتاج لشغف وتحدي وازاي ياخد القرارات في الاوقات الصعبة، عشان يحقق نجاح في مشروعه وينميه وينمي نفسه في نفس الوقت. الرائد بيقدر يبقى رائد في أي مجال، ممكن يكون رائد في مجال التقنية والإبتكار أو رائد في مجال الصناعات الغذائية أو حتى في مجال الخدمات، في النهاية الرائد هو الشخص اللي بيشوف الفرص وبيحاول يستغلها عشان يطور نفسه ويطور المجتمع من حواليه.
يعني ايه الاستثمار المخاطر؟
يعني لما تدخل في مشروع أو فكرة تجارية مش مضمون نجاحها، وبتحتاج لوقت وجهد كبير عشان تحقق من خلالها أرباح مرتفعة، وفي الوقت نفسه ممكن تخسر فلوسك كلها لو منجحش المشروع.
شركات الاستثمار المخاطر
شركات الاستثمار المخاطر بتدعم رواد الأعمال بأي حاجة محتاجينها، وبيشيلوا عنهم ضغوط التمويل، وبيقدموا فلوس للشركات اللي لسه جديدة، أصحاب شركات الاستثمار بيحاولوا يقللوا المخاطر، بيدرسوا المشاريع اللي بيتقدموا بيها رواد الأعمال، وبيحددوا المصادر اللي هتجيبلهم فلوس، والناس اللي هتشتري المنتجات، والتفاصيل اللي ممكن تحصل، كل ده قبل ما يدخلوا في أي مشروع.
أهم النصايح لأي رائد أعمال
- خليك مختلف عن الناس: الافكار الجديدة هي اللي بتحرك الناس وبتجذب الاستثمار.
- الخطة الصح مهمة أوي: مش تنسى إنك بتصرف فلوسك في حاجة مش بتكون مضمونة، خطط كويس لمشروعك وخلي فيه أهداف ومهام محددة.
- الخبرة التقنية مش كل حاجة: متفكرش إن المعرفة التقنية بس كفاية للنجاح، لازم تكون عارف السوق والمنتج ويكون عندك علاقات كويسة.
- إسأل كتير: وخصوصًا رواد الأعمال اللي عندهم خبرة في السوق، وبيتعاملوا مع الناس اللي بيستثمروا في المشاريع.
- إتعلم أكتر: حاول تتعلم دايما عشان تبقى متابع للتطورات وتكون مستعد لأي مفاجآت تحصل.
مهم: زيادة الأرباح وعلاقتها بنسبة العائد على المخاطر
نصيحة أخيرة
أهم حاجة لو بتفكر تستثمر وتدخل مجال الأعمال، لازم تكون عارف إنه الاستثمار مش لعبة، لإن الاستثمار بيبقى فيه خطر واضح، اللي بيدخل يستثمر لازم يكون عنده رؤية وخطة محكمة ومدروسة، ولازم تستشير أهل الخبرة والمتخصصين، واعمل بنصايحهم، هما اللي عندهم الخبرة والمعرفة، وبيقدروا يوجهوك صح ويقولولك إزاي تتعامل مع المخاطر اللي ممكن تواجهك.، ومتخليش الكبرياء يقف قدامك وتتكبر وتقول “أنا عارف كل حاجة”. لأ، مفيش حد عارف كل حاجة.
