الاستثمار الأخلاقي – ايه معنى الاستثمار المسؤول اجتماعيا؟
الاستثمار الأخلاقي (Ethical Investing) هو نوع من عمليات الاستثمار اللي بتاخد في الاعتبار القيم الشخصية للمستثمر (سواء كانت القيم الاجتماعية أو الأخلاقية أو الدينية أو السياسية أو البيئية) قبل اتخاذ قرارات الاستثمار. الاستثمار الأخلاقي بيسمح للمستثمرين يتوافقوا في قرارات الاستثمار مع مبادئهم وقيمهم، وبيشجع على وجود تأثيرات إيجابية على المجتمع والبيئة، وده بيكون عامل رفض للاستثمار في صناعات مش متوافقة مع المعايير الأخلاقية.
فممكن للسياسة مثلا إنها تأثر على تصورات المستثمرين للاقتصاد وخياراتهم الاستثمارية، لما يكون حزبهم السياسي المفضل في السلطة، المستثمرين بيكون عندهم ثقة أعلى ومخاطر أقل، وده بيأدي لزيادة الاستثمارات.
الاستثمار الأخلاقي هو مفهوم بيجمع بين الربحية المالية والمسؤولية الاجتماعية.
إقرأ المزيد: استثمار ESG – الاستثمار البيئي والاجتماعي والحوكمة
ايه هي طرق الاستثمار الأخلاقي؟
في طريقتين ممكن من خلالهم القيام بالاستثمار الأخلاقي:
- التأثير الإيجابي: اختيار صناعات أو قطاعات أو شركات بتتوافق قيمها مع قيم المستثمر، مثلا لو كان المستثمر من منطقة معينة، فمن المرجح إنه يشتري منتجات مناسبة لمنطقته والاستثمار فيها، الأشخاص من القرى والريف ممكن يكونوا أكتر عرضة للاستثمار في الزراعة والصناعات المرتبطة بيها.
- التأثير السلبي: تجنب الاستثمار في الصناعات أو القطاعات أو الشركات اللي بتختلف قيمها عن قيم المستثمر، مثلا لو كان المستثمر عنده اعتقاد إن عملية إنتاج معينة لشركة بتضر المجتمع والبيئة، المستثمر هيتجنب استثمار أسهم الشركة.
أنواع الاستثمار الأخلاقي مع الأمثلة
الأنواع المختلفة للاستثمار الأخلاقي هي اللي بتتم على أساس قيم مختلفة زي القيم الاجتماعية والأخلاقية والدينية والبيئية، يلا نناقش كل واحد بالتفصيل:
1 – الاستثمارات القائمة على القيم الاجتماعية
القوانين والعادات الاجتماعية بتحدد ايه اللي مقبول وايه اللي مش مقبول في المجتمع، العادات بتكون مغروسة في مجتمعات مختلفة ومقبولة جدًا في المجتمع ده، لما المستثمر بيفكر يستثمر، بياخد في اعتباره القيم الاجتماعية واللي ممكن تكون مفيدة للمجتمع ككل قبل ما ياخد قرار الاستثمار.
مثال: المجتمع التعاوني هو أفضل مثال للاستثمارات القائمة على القيم المجتمعية، أعضاء في مجتمع معين بيشكلوا جمعية تعاونية وبيستثمروا فيها، ولما عضو في المجتمع بيحتاج فلوس، الجمعية التعاونية بتقدم فلوس للعضو ده بالتحديد، في الحالة دي الاستثمار بيتم عن طريق أعضاء المجتمع بمراعاة رفاهية المجتمع كله – بما فيه كل أعضائه.
2 – الاستثمارات القائمة على القيم الأخلاقية
الاستثمار ده بيتحسب تحت تصنيف “التأثير السلبي” المستثمر مش هيستثمر في أي صناعة أو شركة مش متوافقة مع القيم الأخلاقية بتاعته.
مثال: المستثمرين مش هيميلوا للاستثمار في شركات إنتاج التبغ أو المشروبات الكحولية لو عندهم قناعات قوية إن الصناعات دي ضد قيمهم الأخلاقية.
3 – الاستثمارات القائمة على القيم الدينية
كل ديانة ليها عباداتها ومعتقداتها وثقافتها، المقبول في مجتمع معين ممكن يكون غير مقبول في مجتمع تاني، أعضاء في ديانة أو ثقافة معينة بيكونوا أكتر تعرض للاستثمار في صناعات أو شركات بتفيدهم وتصنع منتجات مقبولة لديانتهم أو لثقافتهم.
مثال: المستثمرين في الشرق الأوسط هم أكتر تعرض للاستثمار في شركات إنتاج الحجاب والعبايات عشان في طلب كبير عليها وهو مقبول في المجتمع ده، المستثمرين اللي من الديانة اليهودية أكتر تعرض للاستثمار في شركات بتتبع قوانين ديانتهم – زي طعام الكوشر.
4 – الاستثمارات القائمة على القيم السياسية
المناخ السياسي بيأثر على الشكل اللي المستثمرين بيشوفوا فيه حالة الاقتصاد وبيأثر بشكل طبيعي على أنماط استثمارهم، وبيميل المستثمرين لزيادة الاستثمار وبيفتكروا إن المخاطر بتكون أقل لما يكون حزبهم السياسي في السلطة، وبيحتفظ المستثمرين بالأسهم والاستثمار في الأوراق المالية طويلة الأجل خلال الفترات دي، في المقابل المستثمرين بيقل اهتمامهم بالاستثمار لما حزب سياسي مختلف يكون في الحكم، وبيكونوا أكتر تعرض للاستثمار في أسهم قصيرة الأجل وبيتداولوا كتير.
مثال: مشجع للحزب الديمقراطي هيكون أكتر تعرض للاستثمار في سوق الأسهم لما الحزب الديمقراطي يكون في الحكم وهيستثمر في صناعات بتخدم قيم الحزب ده.
5 – الاستثمارات القائمة على القيم البيئية (الاستثمارات الخضراء)
في ظل الوضع البيئي الحالي، الاستثمارات الخضراء بتكسب أهمية كبيرة في الوقت الحالي، في النوع ده من الاستثمار، الاستثمارات بتتعمل في شركات بتنتج منتجات صديقة للبيئة أو عمليات إنتاجهم تحترم البيئة، كان في أمثلة كتير في العقود القليلة الماضية على شركات كبيرة بتسبب تلوث كبير للهواء والمياه، الأمور دي بتأثر بشكل كبير على البيئة.
الاستثمار الأخضر بيركز على الاستثمار في شركات مش بتضر البيئة في عمليات الإنتاج والمنتج النهائي بيكون صديق للبيئة، ومش كفاية إن العمليات تكون صديقة للبيئة لو المنتج النهائي هيكون ضار – زي البلاستيك اللي بيُستخدم مرة واحدة. الاستثمار الأخضر بيركز كمان على شركات بيكون ليها أهداف صديقة للبيئة زي:
- الحفاظ على الموارد الطبيعية الموجودة.
- اكتشاف وإنتاج مصادر الطاقة البديلة.
- إعادة التدوير.
- تنظيف المسطحات المائية .
- وسائل نقل صديقة للبيئة.
- الحد من الهدر.
الايجابيات
معانا بعض مزايا الاستثمار الأخلاقي:
- الاستثمار الأخلاقي بيضمن إن الفلوس بتستثمر بطريقة تتناسب مع قيم المستثمر.
- مع زيادة عدد الناس اللي بتختار تستثمر بشكل أخلاقي، بيكون ليه تأثير إيجابي على المجتمع والبيئة، لإنه بيشجع على عدم دعم صناعات تتعارض مع القيم الأخلاقية.
- العوائد من الاستثمارات دي مش بس نقدية، لكن ليها تأثير شامل على المستثمر وكمان على الكوكب.
السلبيات
على الرغم من إن الاستثمار الأخلاقي نظريًا حاجة كويسة، إلا إنه بيواجه بعض العيوب:
- الاستثمار الأخلاقي ممكن مايحققش نفس العوائد النقدية زي الصناعات التانية، عوائد الشركات أو الصناعات الأخلاقية بتكون أقل من الشركات الغير أخلاقية، وكمان المدة اللي بتتاخد عشان تحقق أي عوائد ممكن تكون أطول.
- في حالات ممكن تكون فيها شركات بتزعم إنها بتحترم البيئة والقيم الأخلاقية، بس في الواقع ممكن مايكونش حقيقة.
- الاستثمار الأخلاقي بيعتمد على كل مستثمر بشكل خاص، القيم المقبولة للبعض ممكن ما تكونش مقبولة للآخرين، القضية دي فيها توجه شخصي كبير.
اختيار الاستثمار الأخلاقي يعني الاستثمار في مشروعات بتدعم الأخلاق والقيم اللي بتؤمن بيها.
هل الاستثمار الأخلاقي بيحقق ربح؟
الاستثمار الأخلاقي بيكون ليه تأثير إيجابي على العالم وممكن يحقق ربح مالي في نفس الوقت، لما تستثمر في شركات بتتوافق مع مبادئك وقيمك، بتقدر تكسب فلوس وفي نفس الوقت تدعم قضايا بتؤمن بيها، ده بيبين إن الربح والاعتبارات الأخلاقية مش متناقضين في عالم الاستثمار.
ايه الفرق بين ESG والاستثمار الأخلاقي؟
استثمار ESG (البيئي والاجتماعي والحوكمة) بيشدد على الشركات اللي بتهتم بالاستدامة والمسؤولية الاجتماعية وممارسات الحوكمة الجيدة، وبياخد في الاعتبار الأداء المالي للشركات بناءًا على تأثيرها البيئي والاجتماعي، بالمقابل الاستثمار الأخلاقي بيكون ليه تركيز أقوى على القيم والقرارات الأخلاقية بدل من الأداء المالي وحده.
هل الاستثمار الأخلاقي في زيادة؟
الاستثمار الأخلاقي وطرق الاستثمار المسؤولة زي ESG وصناديق التأثير زادوا بشكل ملحوظ في السنين الأخيرة، في زيادة واضحة في الطلب من المستثمرين على استثمارات تتوافق مع قيمهم وتدعم نتائج اجتماعية وبيئية إيجابية.
مهم: تحليل أسباب الخسارة في التداول باستخدام أنظمة التداول
في النهاية
الاستثمار الأخلاقي هو ممارسة كويسة في الأوقات الحالية عشان نضمن إن الشركات بتتبع القيم الاجتماعية والأخلاقية والبيئية والثقافية، عمليات التصنيع الضارة أو اللي مش بتحترم القيم دي ضرت المجتمع والكوكب لفترة طويلة، عشان كده ده الوقت عشان ناخد موقف، مع إنها فيها عيوب، بس لو تم ممارستها بشكل جيد وكانت مقبولة من الكل، الاستثمار الأخلاقي هيبقى آلية استثمار مفيدة.