ازاي تعمل مخططات Venn بالاكسل
المخططات البيانية زي مخططات “فين” مش سهلة، الشكل اللي بيتكون من حاجات كتيرة بيبقى مصدر للإحباط ومحتاج مساعدة، واللي بيفكر إن برنامج Excel مش مناسب لعمل المخططات دي، فده غلط، Excel بيعمل مخططات “فين” بكل سهولة، وده لأنه مش بس جدول بيانات عادي، فتعالوا نتعرف سوا على إزاي اكسل بيعمل المخططات دي.
إقرأ المزيد: إزاي نحسب الـ Z Score في Excel؟
عمل مخطط فين باستخدام SmartArt Shapes في Excel
خيار SmartArt بيساعدك تعبر عن بياناتك بطريقة بصرية، بتلاقيه تحت تبويب “Insert” وفيه اختيارات مختلفة للمخططات، فلو عندك ملف Excel مفتوح، امشي مع الخطوات الصحيحة دي عشان تعمل مخطط فين باستخدام SmartArt:
- اختار تبويب “Insert”، واضغط علي خيار “SmartArt” في قسم “illustrations”.
- من نافذة “Choose a SmartArt Graphic”، اضغط على “Relationships” عشان تلاقي أنواع مختلفة من مخططات “فين”.
- عشان تعمل مخطط فين بسيط، اختار “Basic Venn” ودوس على “OK”، وهيظهر المخطط في الصفحة اللي انت شغال عليها.
- عشان تكتب النص اللي تحبه في الدواير، اضغط على “Text” واكتب النص اللي انت عاوزه أو افتح الـ “text pane” بالضغط على السهم اللي جنب المخطط واكتب النص فيه.
- المخطط الأساسي لمخطط فين جاهز، بس تقدر تضيف نصوص أو دواير جديدة وتعدل المخطط عشان يناسب بياناتك، فالتعديل بيكون حسب البيانات اللي عندك ومش هيكون سهل تعدل مخطط فين، ولازم تبذل مجهود عشان تعدل المخطط.
–> وكمان تقدر تعدل شكل مخطط فين من خلال: ترتيب الدواير، تغيير التصميم، تطبيق نمط.
ترتيب الدواير:
- لو عاوز تضيف دايرة جديدة، اختار المخطط الاول وبعدين هتروح لتبويب “Design” تحت “SmartArt Tools” واضغط على “Add Shape”. كبديل، تقدر تضغط Enter في نافذة النص وهتتضاف الدايرة الجديدة.
- عشان تحذف دايرة، اختارها واضغط Delete.
- عشان تحرك دايرة، اضغط عليها وامسكها وحركها للمكان اللي انت عاوزه.
تغيير التصميم:
تحت تبويب “Design” في قسم “SmartArt Tools”، هتلاقي خيارات للـ layout.
لو حركت الماوس فوق أي خيار، هتشوف معاينة للتصميم، وبعد ما تراجع على الخيارات الموجودة، تقدر تضغط على الخيار اللي انت عاوزه.
تطبيق نمط:
بالضغط بزرار الفارة اليمين على الدواير، هتقدر تختار “Format Shape” وتبدأ في تخصيص مخططك، تقدر تغير الألوان والأشكال أو حتى تعدل الشفافية
حاجة تانية بتديك لمسة شيك، هي استخدام “SmartArt Styles” تحت تبويب “Design”، المجموعة دي بتقدملك مظاهر مختلفة وخيارات ألوان كتيرة، فتقدر تختار اللي يعجبك وتطبقه بمجرد الضغط عليه.
استخدام الأشكال العادية
علي الرغم إن ده مش سهل، إلا إنه ممكن تستخدم الأشكال الجاهزة عشان تعمل مخطط فين في Excel، خصوصًا لو معندكش خيار SmartArt، بس الفرق الوحيد هو إنك هتحتاج ترتب الدواير بنفسك بدل من الاختيار من قايمة جاهزة، بعد كده عملية التعديل والتنسيق تقريبًا نفس الأسلوب اللي بتعمل بيه مخططات SmartArt:
- دوّر على تبويب “Insert” واضغط على زرار “Shapes”.
- اختار شكل الدايرة المستديرة من الخيارات، وارسم العدد اللي محتاجه أو ارسم دايرة واحدة وانسخها.
- حط الدواير جنب بعضها عشان تكوّن مخطط فين، لكن لازم تعدل الشفافية لكل دايرة عشان تبرز المناطق المتداخلة.
- بمجرد ما تعمل المخطط، ممكن تستخدم تبويب “Format” عشان تعدل النصوص والألوان وتضيف التأثيرات اللي تحبها.
مهم: 20 سؤال في اكسل للمحللين الماليين لأي Interview
في الختام
عمل مخططات Venn في الاكسل ممكن يكون مفيد جدًا في توضيح العلاقات بين مجموعات مختلفة، وبتستخدم كتير في التحليل الإحصائي والعلوم والبحث العلمي، وده بيساعد في فهم أي بيانات أو معلومات بشكل أفضل وأدق، ومع الاكسل الموضوع بيكون بسيط جدًا ومتاح لأي حد بيشتغل في المجالات المختلفة، بس لازم تتدرب شوية على الاكسل وتستكشف كل الأدوات المتاحة فيها عشان تقدر تستفيد بالشكل الأمثل.