إزاي تدخل معركة الفوركس وأنت مطمئن؟ نصائح هتفيدك
الفوركس بقى من أكتر الأسواق اللي الناس بتتداول فيها وبتكسب فيها فلوس في الوقت ده، والفوركس ده بيتعامل زي أي مشروع تاني، فيه أرباح وخساير، وبيخضع لقوانين معينة لإدارة المال، والفكرة إنك تكسب أو تخسر بتعتمد على فهمك بكل حاجة في السوق وثغراته، وكمان خبرتك والاستراتيجية اللي بتتبعها، وكمان بيتعامل مع خوفك وطمعك، فلو انت بتخاف من الخسارة هتخسر، ولو انت طماع هتخسر.
والتداول في العملات بيكون نشاط ممتع ومريح لو كنت جاهز ومستعد بشكل كويس ليه.
إقرأ المزيد: إزاي تتغلب على خسارتك في سوق البورصة
ودي شوية نصائح لازم تكون فاهمها قبل ما تبدأ في التداول:
النصيحة الأولى: إفهم أصول التداول
أغلب اللي بيدخلوا البورصة على انها حاجة سهلة، الحقيقة البورصة مش كده، لازم تكون متعلم وعارف كتير عنها، البورصة بتتغير بسرعة كبيرة وبتتأثر بمؤشرات اقتصادية كتير، فلازم المتداول يفهم كل العوامل اللي بتأثر على البورصة ويعرف يراقبها كويس.
النصيحة التانيه: جرب التداول على حساب تجريبي في الأول
لو أنت مبتدئ في سوق العملات، مش تخاطر وتدخل في التداول على الحساب الحقيقي من غير ما تجرب على حساب تجريبي في الأول.
الفوركس بيحتاج إنك تتعلم فن التعامل مع برنامج التداول، وتفهم عناصر ومؤشرات عالم التداول زي الرافعة المالية وأنواع الأوامر والأسبريد وايه هي مواعيد السوق اللي بتكون نشيطة، المتداول لازم يكون متقن لأدوات التداول قبل ما يدخل عالم الفوركس.
النصيحة التالته: لازم تكون عارف حجم استثماراتك
قبل ما تبدأ في التداول، لازم تحدد مبلغ الفلوس اللي تقدر تدخل بيه في السوق وتحدد كمان قد إيه انت مستعد تتحمل المخاطره، وده بيعتمد على قدرتك على تحمل الخسارة. ومن المهم جداً إن الفلوس اللي هتستخدمها في التداول تكون زيادة عن الحاجة اللي عندك، يعني مش معاشك أو دخلك الأساسي اللي بتعيش منه.
النصيحة الرابعة: إختار وسيط مناسب
لو بدأت تداول في سوق العملات، لازم تختار وسيط مناسب عشان تضمن نجاحك، مش تستعجل في اختيار الوسيط، وخصوصًا إن فيه عدد كبير من الوسطاء في السوق، وكل وسيط فيه نقاط قوة ونقاط ضعف خاصة بيه، فاختيار الوسيط الصح له معايير كتير منها:
- التراخيص اللي الشركة بتمتلكها والجهاز الرقابي اللي بتخضع ليه.
- الوسيط بيقدم منصة تداول سريعة ومستقرة.
- نوع الوسيط اللي هتتعامل معاه هل هو Market Maker أو STP أو ECN.
- فروق الأسعار والرافعة المالية اللي بتملكها الشركة وحسابات من غير فوايد.
- يكون فيه خدمة عملاء كويسة عشان تقدر تساعدك وتجاوب على استفساراتك.
النصيحة الخامسة: معرفة أفضل طرق التداول المناسب
المتداول لازم يختار طريقة تداول تناسب شخصيته وفلوسه وتساعده يدير مخاطره، والطريقة اللي هيختارها لازم تديله الفرصة يكسب فلوس كتير بس مش توصل لمستوى المخاطرة اللي هو حدده، غير كده لازم يعمل باك تيست للطريقة، ولو ثبت نجاحها يقدر يجربها على حساب تجريبي قبل ما يستخدمها على حسابه الحقيقي في وقت تاني.
مهم: 8 حاجات تهمك عشان تنجح في تداول الفوركس
النصيحة السادسة: السيطرة على عواطفك في وقت التداول
لما تبدأ تداول فوركس، لازم تفكر إنك زي سمكة صغيرة في محيط كبير، لو عملت أرباح كتير، مش تبقى مغرور ولا تفكر نفسك حد كبير، ولو خسرت، مش تيأس وتُحبط ومش تفقد الأمل، حاول تسيطر على خوفك ومش تطمع لما تعمل أرباح.
عشان تنضموا لينا علي مواقع التواصل الاجتماعي زوروا صفحة باش محاسب.