إزاي تحول العملات في إكسل؟
![إزاي تحول العملات في إكسل؟](https://bashmohasb.com/wp-content/uploads/2023/04/إزاي-تحول-العملات-في-إكسل؟.jpg)
مش بالضرورة إن إكسل يكون فيه وظيفة مُدمجة لتحويل العملات، بس ممكن تستفيد من بعض وظايف إكسل عشان تحول العملات بطريقتك الخاصة، وده بيحصل بطريقتين: إما إنك تدّخل البيانات العددية وإكسل يحسب التحويل، أو إن إكسل ياخد أحدث سعر صرف من مصادر الويب ويحول العملات باستخدام البيانات دي.
خلينا نبدأ ونشوف بالتفصيل كل طريقة فيهم، يلا بينا!
تحويل العملات في إكسل بواسطة الدالة: تحويل بسيط للعملة
تحويل العملات ببساطة بيتم من خلال ضرب المبلغ في سعر صرف العملة الحالي، وعشان تعمل كده فيه صيغة ضرب ممكن تستخدمها في إكسل عشان تحول العملات.
مثلاً، لو كنت عايز تحول من اليورو للدولار، هتكتب المبلغ باليورو في خلية فاضية، وفي الخلية التانية هتدّخل سعر الصرف الحالي اللي محتاجه للتحويل. اعمل الصيغة بضرب الخليتين وهيطلعلك المبلغ بالدولار، وممكن بعد كده تطبق الصيغة على مجموعة من الخلايا.
لو كان عندك أكتر من نوع من العملات اللي عايز تحولها، يبقى الحكاية هتتعقد شوية، وفي الحالة دي، في صيغة خاصة في إكسل بتضرب القيم المرتبطة بالعملات وبتحسب المبلغ الناتج “دالة VLOOKUP”.
ايه هي الدالة VLOOKUP ؟
دي دالة بنستخدمها عشان ندور على بيانات في جدول في الصفوف في تحويل العملات، بنستخدمها عشان ندور على العملات اللي عايزين نحول منها ونلاقي القيم المناسبة للتحويل.
في الورقة في إكسل، غير المبالغ اللي هتتحول، لازم يكون في جدولين منفصلين ولكل واحد فيهم عمودين.
المبلغ اللي هيتحول هو العمود التاني في الجدول، والسعر المعياري هو العمود التاني في الجدول التاني، والاتنين بيكون عندهم أنواع العملات في العمود الأول.
كل اللي بتعمله دالة “VLOOKUP” إنها بتدور في الجدول التاني عن العملات وتلاقي القيم المناسبة للتحويل، وبعدين بتضرب القيم دي في المبالغ اللي انت اديتهالها.
صيغة الدالة VLOOKUP لتحويل العملات
ودي الصيغة الأساسية للدالة:
=VLOOKUP (currency, xtable, column, 0) * amount
وكمان دي المصطلحات المستخدمة في الصيغة عشان تفهمها كويس:
- العملة currency: العملة اللي عايز تدور عليها.
- جدول الأسعار xtable: جدول فيه سعر الصرف المعياري للعملات.
- العمود column: العمود اللي فيه سعر الصرف في الجدول.
- 0: بحث عن قيمة مطابقة تمامًا.
- المبلغ amount: المبلغ اللي عايز تحوله.
ازاي تحول العملات باستخدم دالة VLOOKUP
تقدر تمشي مع الخطوات دي عشان تحول العملات من خلال VLOOKUP:
- اعمل البيانات اللازمة على ورقة إكسل: من المبالغ، العملات وجدول الأسعار.
- اضغط على أول خلية فاضية تحت عمود “المبلغ” ودّخل الصيغة بالشكل المثالي، وليكن مثلًا:
“VLOOKUP (D2, G2:H5, 2, 0) * B2”. - طبق الصيغة على الخلايا واحسب كل المبالغ اللي عايز تحولها.
إقرأ المزيد: إزاي نحسب الـ Z Score في اكسل؟
تحويل العملات باستخدام إضافة في إكسل: EUROTOOL.XLAM
شرحنا طريقة تحويل العملات باستخدام وظايف إكسل البسيطة، ودلوقتي جايبلكم أداة جديدة إسمها “EUROTOOL.XLAM”.
الأداة دي بتحول بالاستناد على اليورو، وبتحول اليورو والعملات الأعضاء في الاتحاد الأوروبي باستخدام اليورو كوسيط، وبتستخدم أحدث أسعار الصرف من قبل الاتحاد الأوروبي.
صيغة أداة العملات الأوروبية هي:
=EUROCONVERT(number,source,target,full_precision,triangulation_precision)
- الرقم number: القيمة اللي عايز تحولها.
- المصدر source: رمز ISO المكون من 3 حروف للعملة اللي المبلغ فيها وهتحولها.
- الهدف target: رمز ISO اللي بيتكون من 3 حروف للعملة اللي عايز تحول ليها.
- الدقة الكاملة full_precision: إما صح (TRUE) أو خطأ (FALSE)، لما تكون صح، بيعرض كل الأرقام اللي معنوية ولما تكون خطأ بيعرض نتيجة بتناسب قواعد التقريب الخاصة بالعملة، الخيار الافتراضي خطأ (FALSE)، يعني لو ما حطيتش حاجة هيكون بشكل تلقائي خطأ.
- دقة التثليث triangulation_precision: عدد يساوي أو يزيد عن 3 بيُستخدم لحساب قيمة اليورو الوسيطة عند التحويل بين عملتين.
زي أي إضافة عادية، لازم تتأكد إنك حملت إضافة EUROTOOL.XLAM عشان تقدر تستخدمها، بعد كدا تقدر تلاقيها في قايمة الصيغ في علامة التبويب “الصيغ”.
ازاي استخدم اضافة EUROTOOL.XLAM؟
عشان تقدر تحمل وتستخدم EUROTOOL.XLAM تابع الخطوات دي:
1- افتح برنامج الإكسل واضغط على علامة “الملف”.
2- اختر “الخيارات” ويعدين “الإضافات”.
3- اتأكد أن “الإضافات في إكسل” متحددة في الخيارات.
4- اضغط على “أدوات العملة الأوروبية” من قايمة الإضافات وبعدها اضغط على “موافق” عشان تثبت الأداة.
5- بعد تثبيت الأداة، روح لعلامة “الصيغ” واضغط على “إدراج وظيفة”.
6- حدد “EUROCONVERT” من قايمة الوظايف واضغط على “موافق”.
7- هتظهر نافذة “نوافذ الوظيفة”. دّخل المعاملات المطلوبة (المبلغ، العملة المصدر، العملة الهدف، وباقي المعاملات).
8- وأخيرًا هيتم تحويل العملات الخاصة بيك.
مهم: التحليل المالي بإستخدام النسب المالية – تحليل القوائم المالية
ازاي أقدر أجيب أحدث أسعار صرف العملات؟
![إزاي تحول العملات في إكسل؟](https://www.bashmohasb.com/wp-content/uploads/2023/04/ازاي-أقدر-أجيب-أحدث-أسعار-صرف-العملات؟.jpg)
أصعب حاجة في عملية تحويل العملات هي إنك تتدخل أسعار الصرف في الورقة، لأنها بتأخد وقت ومجهود، وفي بعض الأحيان ممكن مش تتطلعلك آخر أسعار الصرف، لأنها بتتغير بشكل مستمر.
فالحل إنك تستخدم مصدر بيانات خارجي عشان تجيب آخر أسعار الصرف بشكل متزامن، بالطريقة دي، هتقدر تعرف الأسعار الحديثة دايمًا من غير ما تدخلها بشكل يدويًا، الإكسل هيعمل كل ده ليك بمجرد ما تعدل إعدادات الأسعار في الورقة.
أول حاجة لازم تدور على موقع ويب يديك أحدث أسعار صرف العملات بشكل مفتوح وبتنسيق إكس أم إل، زي موقع FloatRates أو مواقع تانية زيه، بعد كدة، لازم تستخدم الإكسل عشان يجيب الأسعار الجديدة ويحدثها كل شوية، والأفضل تبقى متصل بالإنترنت وإلا مش هتنجح العملية.
خطوات الحصول علي اخر اسعار صرف العملات في ملف اكسل
وهنا تفاصيل الخطوات اللي هتساعدك تجيب آخر أسعار الصرف:
- أول حاجة تفتح ملف إكسل جديد
- وتدوس بالترتيب على
Data > Get External Data > From Other Sources > From XML Data Import
(في الإصدارات الجديدة ممكن تدوس على Data > Get Data > From File > From XML). - انسخ رابط الموقع اللي انت بتجيب منه أسعار الصرف (زي FloatRates)، والصقه في المربع اللي فيه اسم الملف في نافذة Import Data.
- الإكسل هيسألك فين عايزه يعمل حفظ للبيانات، هتختار “ورقة جديدة”، وممكن تشيك علي الخيارات اللي في النافذة وتعدل اسم الورقة وكده، وبعدين تضغط موافق.
- لو عاوز تحدث البيانات يدوي، دوس بس على “Refresh All” في التاب فوق.
وبكده تكون جبت آخر أسعار الصرف على ملف الإكسل، وتقدر تعمل تحويلات بسيطة اما بالضرب أو بالدالة VLOOKUP.
مع نهاية التدوينة
أحب أقولك ان تحويل العملات ميزة من الميزات الكتير اللي في برنامج الإكسل، ده بغض النظر إذا كنت بتدّخل البيانات يدوي أو بتخلي إكسل يجيب البيانات من الإنترنت، في النهاية هتلاقي طريقة مناسبة لتحويل العملات.
الدوال، الصيغ، والإضافات كلها اتكلمنا عنها في المقال وموجودة هنا، اختار اللي تحتاجه وابدأ دلوقتي تحويل العملات باستخدام برنامج إكسل بكل سهولة.
متنساش تنضم لصفحة باش محاسب علي الفيس بوك.