أيام مبيعات المخزون (DSI) – أفضل الطرق لمعرفة عدد أيام تحول المخزون لمبيعات

أيام مبيعات المخزون “Days Sales in Inventory” هي قيَّمة لتقدير الوقت اللي بتاخده للشركة عشان تحوّل مخزونها لمبيعات، والقيمة الصغيرة لأيام مبيعات المخزون أفضل عشان معناها إن المخزون بيتحول بسرعة لمبيعات، بس القيمة المثالية لـ”DSI” بتبقى مختلفة على حسب الشركة ونشاطها.

أيام مبيعات المخزون “DSI” بتساعد المستثمرين والدائنين يقدروا يتوقعوا تدفق النقدية والقيمة والسيولة المرتبطة بالمخزون، المخزون القديم والمتهالك بيبقى أقل قيمة من المخزون الجديد، قيمة الـ”DSI” بتبين لأي مدى مخزون الشركة بيتحرك بسرعة، لما يكون في مخزون أقل معلق، بتبقى الشركة قادرة تبيع المخزون بنقدية أسرع.

من خلال قياس أيام مبيعات المخزون، يمكن للشركات تحديد وقت استجابتها لاحتياجات السوق وتحسين عمليات الإمداد والتوزيع.

النقاط الرئيسية

أيام مبيعات المخزون (DSI) بيدينا فكرة عن عدد الأيام اللي بتحتاجها الشركة عشان تحوّل المخزون بتاعها لمبيعات، دي طريقة لقياس إدارة المخزون.
عشان تحسب الـ”DSI” بنستخدم المعادلة دي: DSI = (متوسط المخزون / تكلفة البضاعة المباعة) × 365. في نهاية الفترة المحاسبية المخزون بيمثل قيمة السلع اللي لسه في المخزون ومتاحة للشراء.
القيمة العالية لـ”DSI” معناها إن الشركة عانت في تحويل المخزون لإيرادات، وقيمة الـ”DSI” المنخفضة معناها كفاءة الشركة في تحويل المخزون لمبيعات.

شرح أيام مبيعات المخزون

أيام مبيعات المخزون (DSI) بيعرض لينا متوسط عدد الأيام اللي بتحتاجها الشركة عشان تنهي المخزون بالبيع، فإيجاد متوسط أيام مبيعات المخزون هو طريقة لقياس إدارة المخزون، مثلا قيمة الـ”DSI” المنخفضة للشركة معناها حاجات كتير، إن الشركة استخدمت المخزون بكفاءة ومعناها كمان تحسن في رأس المال العامل، أما زيادة قيمة الـ”DSI” معناه تراجع ومن ناحية تانية القيمة العالية لـ”DSI” بتبين إن الشركة واجهت صعوبة في تحويل المخزون لإيرادات.

فوائد أيام مبيعات المخزون (DSI)

إدارة وتحسين المخزون: قرارات شراء المخزون بتتحدد بناءًا على قرب الأعمال التجارية للمعايير الخاصة بيها.
تحسين تدفق النقدية: ممكن تحقيق زيادة في تدفق النقدية عن طريق تحديد طرق لتقليل قيمة الـ”DSI”، ده بيساعد في تحرير الفلوس، وبكدا بيفتح خيارات للاستثمار في مجالات تانية من البيزنس.
استخدام استراتيجيات جديدة: متابعة قيمة الـ”DSI” بتشير لضرورة اتخاذ قرارات جديدة في التسعير والتسويق، مثلا لو كانت قيمة الـ”DSI” أعلى من المطلوب، ممكن للشركات تقديم مجموعة منتجات وتخفيضات وكوبونات أو حوافز تانية لتشجيع وجذب المشتريات.
تقليل خطر التلف: لو كان فيه سلع موسمية أو سلع فاسدة، من المهم الحفاظ على قيمة الـ”DSI” منخفضة عشان فترة الصلاحية الطويلة بتزود من احتمالية حدوث تلف في المخزون.
وضع خطط للمستقبل: معرفة قيمة الـ”DSI” وتغيرها خلال الفترات بسبب المبيعات الموسمية والفرص التانية بيساعد الشركة في عمل توقع دقيق للمخزون.

معادلة أيام مبيعات المخزون (DSI)

أيام مبيعات المخزون (DSI) – أفضل الطرق لمعرفة عدد أيام تحول المخزون لمبيعات — أيام مبيعات المخزون (DSI)

معادلة أيام مبيعات المخزون هي:

أيام مبيعات المخزون = (متوسط المخزون / تكلفة البضاعة المباعة) × 365

المخزون هو عدد المنتجات اللي سابتها الشركة في نهاية السنة.
تكلفة البضاعة المباعة (COGS) هي تكاليف الإنتاج المباشرة لمخزون الشركة، بتشير تكلفة البضاعة المباعة للعمالة والمواد والمصروفات التانية المرتبطة مباشرة بتصنيع منتجات الشركة.

مثال علي أيام مبيعات المخزون (DSI)

“دانيال” صاحب محل شموع، وعايز يقيم المبيعات اليومية في المخزون لنشاطه التجاري للسنة اللي فاتت، وفقًا لسجلات الشركة، قيمة المخزون غير المباع (المخزون النهائي) 20,000 دولار، وتكلفة البضاعة المباعة 125,000 دولار.

DSI = (متوسط المخزون / تكلفة البضاعة المباعة) × 365.
= 20000 دولار / 125000 دولار * 365.
= 58.4 يوم.

بكدا أيام مبيعات المخزون هي 58.4، وده بيوضح إن الشركة بتقوم بتحويل مخزونها لنقدية خلال 58 يوم (تقريبًا).

الفرق بين أيام مبيعات المخزون ومعدل دوران المخزون

معدل دوران المخزون بيقيس عدد المرات اللي بيتباع فيها المخزون واللي بيتم استخدامه خلال فترة زمنية محددة ممكن سنة مثلا. معدل دوران المخزون هو مؤشر رئيسي للتعامل مع المخزون في الشركة، لو نسبة دوران المخزون كبيرة، ده معناه إن الشركة بتتعامل بشكل كويس مع المخزون والبضاعة مش قديمة، وبكدا بتقلل تكاليف التخزين.
من ناحية تانية، لو نسبة دوران المخزون صغيرة، ده معناه إن بضاعة الشركة بتتحرك ببطيء أو مش عليها طلب كبير في السوق، وده معناه زيادة في تكاليف التخزين واحتمالية إن البضاعة تتلف، وبالتالي انخفاض في الأرباح.
أما أيام مبيعات المخزون بتبين الفترة أو عدد الأيام اللي الشركة بتحتاجها عشان تحوّل المخزون لمبيعات، فبالتالي، مفهوم معدل دوران المخزون وأيام مبيعات المخزون مرتبطين ببعض.

أيام مبيعات المخزون (DSI)	معدل دوران المخزون
متوسط عدد الأيام المطلوبة لتحويل المخزون لمبيعات	عدد مرات بيع المخزون أو استخدامه خلال فترة زمنية معينة
متوسط المخزون / تكلفة البضاعة المباعة	تكلفة البضاعة المباعة / متوسط المخزون
بشكل عام، يفضل استخدام قيمة منخفضة من “DSI”	بشكل عام، يفضل معدل دوران المخزون المرتفع

ليه تعتبر نسبة أيام مبيعات المخزون مهمة؟

حساب قيمة أيام مبيعات المخزون مهمة للشركات وأصحاب المصلحة عشان بتوفر معلومات عن كفاءة إدارة المخزون وأداء الشركة، مثلا قيمة أيام مبيعات المخزون بتكشف عن مدى سرعة بيع الشركة للمخزون، يعني متوسط الوقت اللي بتحتاجه لتصفية المخزون من خلال المبيعات.

ايه هي نسبة أيام مبيعات المخزون المناسبة؟

نسبة أيام مبيعات المخزون المناسبة عمومًا بتكون عدد أيام معقولة، وبيتم حسابها لإدارة المخزون بكفاءة وإيجاد توازن بين وجود مخزون كفاية وميكونش موجود مخزون متخزن من فترة كبيرة، بشكل عام يفضل قيمة أيام مبيعات المخزون المنخفضة عشان بتشير للتحويل الذكي للمخزون، في الوضع المثالي نسبة أيام مبيعات المخزون المناسبة هي من 30 لـ 60 يوم (على حسب حجم الشركة ونوع الصناعة).

مهم: الأيام المستحقة الدفع (DPO) – ازاي نحسب الوقت اللي بتاخده الشركة لسداد الدائنين؟

هل نسبة أيام مبيعات المخزون العالية جيدة؟

قيمة أيام مبيعات المخزون المنخفضة بتشير إن الشركة أكتر فاعلية في تصفية المخزون، في المقابل قيمة أيام مبيعات المخزون العالية بتوضح إن الشركة اشترت مخزون زيادة أو ممكن يكون عندها مخزون قديم في المخزن، وبكدا قيمة أيام مبيعات المخزون العالية مش كويسة.