أفضل 9 نماذج لجوجل شيتس Google Sheets

بتدور على نماذج أونلاين متينة لشغلك؟ محتاج ملفات مشتركة لفريقك؟ هنقدملك أفضل 9 نماذج لجوجل شيتس Google Sheets ممكن تستخدم نماذج جوجل شيتس واللي هتسّهل عليك الشغل بشكل كبير، وهتقدر تستخدم نماذج جاهزة بسهولة وتعدل عليها كمان على حسب احتياجاتك، ومع ميزة سهولة الاستخدام، فيه أسباب كتير مهمة تخليك تستخدم جوجل شيتس.

زي إنه بيوفرلك مساحة تخزين كبيرة وامكانية مشاركة الملفات، وبيخليك تشتغل على الملفات في الوقت الحقيقي مع فريقك، عشان كده إحنا جمعنالك أحسن نماذج جوجل شيتس عشان تساعدك في شغلك، كفاية بقي تضيع وقتك في تصميم النماذج المعقدة، واستفيد من نماذج جوجل شيتس الجاهزة.

إقرأ المزيد: إزاي نستخدم برنامج Excel لإدارة المشاريع؟

ايه هو جوجل شيتس؟

جوجل شيتس للي ميعرفش هو برنامج على الإنترنت تقدر تستخدمه عشان تعمل وتعدل جداول البيانات، واللي حلو فيه إنك تقدر تتعاون مع أي حد في نفس الجدول في نفس الوقت، وكمان تقدر تستخدمه على الموبايل من غير ما تحتاج تحمل برنامج، وتقدر ترفع الجداول بسهولة من جهاز الكمبيوتر أو الموبايل.

ليه نستخدم نماذج جوجل شيتس؟

فيه برامج كتير بتساعدك على إنشاء وتعديل جداول البيانات، زي مثلاً برنامج Microsoft Office الشهير، بس جوجل شيتس ممكن يكون الخيار المثالي لاحتياجاتك لأسباب كتير واللي منها انه:

• مجاني: مش محتاج ترخيص أو اشتراك شهري عشان تستخدم جوجل شيتس في شغلك، تقدر تفتح ملف جوجل شيتس من خلال حسابك على جوجل.
• مش محتاج أي برامج إضافية: مش محتاج تحمِّل أي برنامج إضافي غير المتصفّح اللي بتستخدمه.
• تقدر تشتغل مع أشخاص تانيين في نفس الوقت: دي ميزة كويسة في جوجل شيتس مقارنة ببرنامج إكسل، خاصية العمل مع أكتر من مستخدم في نفس الجدول في نفس الوقت، أو إرسال الملف للعملاء عشان يقدروا يعملوا تعديل عليه.، وأي مستخدم له صلاحية الوصول للملف يقدر يعدل فيه في أي وقت، وبتوضحلك جوجل شيتس التغييرات اللي حصلت ومين اللي عدّلها.
• التغييرات بتتحفظ تلقائي: زي ما بيحصل في جوجل دوك، التغييرات اللي بتعملها في جوجل شيتس بتتحفظ تلقائي، فمفيش داعي للقلق لو النت فصل أو الكهرباء قطعت فجأة، علشان التغييرات مش هتروح بسبب الميزة دي.
• ممكن تعدل على الملفات بتاعتك وأنت مش متصل بالإنترنت: بالرغم من إن جوجل شيتس برنامج مبني على الإنترنت: كل اللي عليك تفتح إعدادات جوجل درايف وتحدد “Create، open، and edit your recent Google Docs, Sheets, and Slides files on this device while offline“، وهيكون ممكن تعدل على ملفات جوجل شيتس الخاصة بيك وأنت مش متصل بالإنترنت.
• بالإضافة لكدا: ممكن توصل لملفاتك من أي جهاز تستخدمه، سواء كان جهازك الشخصي، أو تليفونك، أو حتى التابلت الخاص بيك.

أحسن 9 نماذج جوجل شيتس؟

هنقدملك دلوقتي أفضل النماذج اللي ممكن تستخدمها عشان تسّهل عليك شغلك وهي:

1- نموذج مصفوفة أولويات العمل (Action Priority Matrix)

لإيه: تحديد أولويات المهام وإنشاء قوايم “للعمل”
لمين: الفرق والأفراد.

->> أول حاجة، لازم نحدد أهمية المهام اللي عندنا، بس القرارات دي بتبقى الصعبة بالنسبالنا، مع قالب “Action Priority Matrix” في جوجل شيت، هتقدر تعرف تحدد أي مهمة هتبدأ فيها فورًا وأي مهمة هتأجلها لبعدين، هتحتاج تحدد مستوى الجهد والتأثير (منخفض أو عالي) للمهمة، والقالب هيحط المهمة في الخط الصحيح بشكل أوتوماتيكي.

2- نموذج مصفوفة تحديد المسؤوليات (Responsibility Assignment Matrix)

لإيه: تعيين المهام، إدارة المهام الخطية.
لمين: مدراء المشاريع، فرق العمل الخاصة agile teams.

->> التمبليت ده كويس جدًا لكل مدير فريق، بيظهر كل التكليفات في المشروع ودور كل عضو في الفريق، وبفضل الفلاتر والتصورات المختلفة، الموظفين والمديرين بيقدروا يتابعوا الجدول الزمني للمشروع بالتفصيل.

3- نموذج لوحة كانبان (Kanban Board)

لمين: مديري المشاريع، وagile teams.
لإيه: توزيع المهام وتتبعها، وإدارة المهام بطريقة لينة.

->> الـ”Kanban Board Google Sheets template” بيقدملك حل ممتاز لمديري agile teams واللى بيتبعوا الطريقة اللينة، اللى عاوزين ينظموا ويتابعوا العملية بتاعت المشروع بطريقة سهلة وبسيطة، زيادة على كده كمان بتقدر تفلتر وتعرض خطوات المشروع على الـ”Kanban Board”، والتيمبليت كمان فيها تقويم وdashboard عشان تتابع تقدم العمل بصورة بصرية.

4- نموذج مصفوفة إيزنهاور (Eisenhower Matrix)

لإيه: تحديد الأولويات للمهام، وعمل قايمة بالمهام المطلوبة.
لمين: الفِرَق والاستخدام الشخصي.

->> الـ”Eisenhower Matrix” بتقسم المهام حسب أهميتها، ولوكنت عاوز تشارك تحديد أولويات المهام مع فِريقك، أو تفتح المصفوفة على كل أجهزتك، فالتيمبليت دي هتكون أداة ممتازة ليك.

5- نموذج قائمة مهام الموظفين (Employee Task List)

لإيه: توزيع المهام وتتبعها، وعمل قوايم بالمهام المطلوبة.
طب لمين: مديري المشاريع، أصحاب الأعمال الصغيرة، مديري الموارد البشرية.

->> الـ”Employee Task List” هي أداة توزيع المهام وتتبعها، وبتقدم طريقة سهلة ونظيفة لإدارة المهام، ولو كنت عاوز تتابع مهام الموظفين حسب المواعيد النهائية والتقدم، فالتيمبليت دي ممكن تكون مثالية جدا ليك.

6- نموذج تتبع المشكلات (Issue Tracker)

لإيه: تتبع الأخطاء والمشاكل، واختبار المنتجات والمنصات.
لمين: أعضاء فريق دعم العملاء، المهندسين، مديري المشاريع، أصحاب الأعمال، أقسام البحث والتطوير.

->> لو كان عندك منتج أو منصة، ممكن تتبع المشاكل بكل سهولة باستخدام قالب “Issue Tracker” على جوجل شيت، بتقدر تحدد مستوى الأولوية للمشاكل، وتحدد مين اللي بدأ المشكلة والقسم المسؤول عنها، وبتقدر كمان تتابع الإجراءات لحل المشاكل.

7- نموذج تقويم المحتوى (Content Calendar)

لإيه: جدولة محتوى وسائل التواصل الاجتماعي، وتخطيط محتوى المحرر.
لمين: محرري المحتوى، مديري وسائل التواصل الاجتماعي، أقسام التسويق الرقمي.

->> يعني ببساطة، القالب ده هيساعدك تنظم منشورات صفحات التواصل الاجتماعي ويسهلك توزيع المحتوى على المحررين اللي مسؤولين عنه، ومش بس كده، القالب ده بيقدملك “كانبان” بورد وتقويم ولايحة مهام عشان تتمكن تتابع جدول المحتوى بشكل سهل ومبسط. حتى لو فريقك بيشتغل عن بعد، مش هتقع في أي مشاكل في تنظيم صفحات التواصل الاجتماعي مع قالب Content Calendar على Google Sheets.

8- نموذج تخطيط السبرنت (Sprint Planning)

لإيه: إدارة المشاريع الخفيفة، Scrum، الاجتماعات اليومية.
لمين: Scrum masters، أصحاب المنتجات، فرق العمل الخفيفة، مديري المشاريع، أصحاب الأعمال.

->> لو عايز تطبق إدارة مشاريع خفيفة على فريقك، النموذج ده ممكن يساعدك! تقدر تنظم اجتماعات الـ Scrum وsprints بشكل مريح، وتجهز تقييم لفترات العمل المنتهية.

9- نموذج متابعة العملاء (Customer Follow-Up)

لإيه: علاقات العملاء، قايمة العملاء المحتملين، متابعة العملاء.
لمين: فريق المبيعات، فريق التسويق، الشركات الناشئة، شركات البرامج كخدمة، أصحاب الأعمال.

->> النموذج ده بيتيح ليك تعمل اتصال دوري مع العملاء عشان تعرف رأيهم وتقدم المساعدة اللازمة، ممكن كمان تعمل قايمة بالعملاء، وتحدد تردد المتابعة، وترسل رسالة ترحيبية، وتعمل اتصال هاتفي عشان تتحقق من رضا العميل، وتبعت رسايل إلكترونية، وتقدم عروض خاصة للعملاء الدائمين.

مهم: استفيد صح من جوجل كروم ! | اشهر الـ Extensions اللي هتسّهل عليك شغلك

كلمة أخيرة عن أفضل قوالب جوجل شيتس: سواء كنت شغال لوحدك وعايز تتواصل مع العملاء، أو شغال مدير وعايز تسّهل الشغل مع فريقك، جوجل شيتس هيخلي شغلك أسهل وده من خلال أفضل النماذج اللي بتقدر تستخدمها من خلاله بكل سهولة.