نسب التغطية – تحليل شامل بأنواعها وطريقة حسابها
نسبة التغطية “Coverage Ratio” بتشير لقدرة الشركة على تلبية كل التزاماتها وديونها ومدفوعات الإيجار والأرباح الموزعة خلال فترة زمنية محددة، وبتشير النسبة المرتفعة إن الشركة في وضعية أقوى لسداد ديونها، بعض النسب الشهيرة بتشمل تغطية الديون والفوائد وتغطية الأصول والكاش.
نسبة التغطية بتساعد في متابعة الوضع المالي للشركة وبتساعد المستثمرين يعملوا قرارات استثمار ذكية، ولو النسبة بتقل مع مرور السنين المستثمرين بيعرفوا إن الشركة بتواجه مشاكل مالية.
النسبة الأساسية في الأعمال هي نسبة التغطية، لو مش قدرت تغطي تكاليفك، فمش هتقدر تستمر لفترة طويلة.
بيتر دراكر
إقرأ المزيد: تحليل النسبة المجمعة – مؤشر رئيسي لأداء شركات التأمين
النقاط الرئيسية
- نسبة التغطية هي قدرة الشركة على سداد التزاماتها وديونها ومدفوعات الإيجار والأرباح خلال فترة زمنية معينة.
- بتعكس مدى كفاية أرباح الشركة في تغطية التزاماتها، كل ما كانت النسبة مرتفعة زادت أرباح الشركة المتاحة لتغطية التزاماتها.
- بتضم أنواع مختلفة زي تغطية الفوائد وتغطية خدمة الديون وتغطية الأصول وتغطية الكاش.
- ممكن تخلق شعور بالاستجابة المالية في الشركة وتفتح آفاق جديدة للبيزنس.
شرح نسبة التغطية
نسب التغطية بتوضح قدرة الشركة على تسديد التزاماتها المالية من غير ما يأثر على سير البيزنس، الجهات المعنية سواء الخارجية أو الداخلية بتستخدم النسب دي عشان تعرف مدى قوة الشركة ماليًا وهل ممكن الوثوق فيها في الاستثمارات. ممكن استخدام النسب دي لتحليل اتجاهات الشركة على مدار فترة زمنية، الحسابات بتبين كيفية تغير قدرة الشركة على سداد الديون بمرور الوقت، لو كان الأداء بيتراجع، الشركة ممكن تراجع المشكلة وتحاول تصححها.
نسب التغطية ممكن يستخدمها المقرضين والدائنين قبل ما يوافقوا للشركة علي قرض معين، عشان يعرفوا إذا كانت الشركة قابلة للتمويل وبأي سعر فائدة ممكن يقدموا القرض، المحللين بيستخدموا النسب دي عشان يحددوا تصنيف الائتمان للشركة، لو كانت التصنيفات كويسة فالشركات بتاخد قروض بأسعار فائدة أقل.
أنواع نسب التغطية
ممكن كمان اشتقاق النسب دي بمصطلحات كتير، واللي بيتم تصنيفها لأنواع مختلفة، ودي بعض النسب اللي هنتكلم عنها:
1) نسبة تغطية الفائدة
بتحدد مدى قدرة الشركة على سداد فوائد الديون باستخدام أرباحها، والمعروفة كمان باسم نسبة الفائدة المكتسبة.
2) نسبة تغطية خدمة الديون
بتحدد النسبة دي موقف الشركة لسداد ديونها بالكامل من أرباحها، بتقيس النسبة دي قدرة الشركة على سداد أصل الدين بالكامل بالإضافة لالتزام الفائدة على المدى القريب، لو كانت النسبة دي أكتر من “1” فالشركة في وضع مريح لسداد القرض.
3) نسبة تغطية الأصول
النسبة دي مشابهة لنسبة خدمة الديون، بس بدل من السداد من الأرباح، هنشوف لو كان ممكن سداد الديون من أصول الشركة، لو كانت الشركة غير قادرة على توليد دخل كافي لسداد الديون، فممكن بيع أصول الشركة زي الأرض والآلات والمخزون وكدا، لإعادة مبلغ القرض، عادة لازم تكون النسبة دي أكتر من “2”.
4) نسبة تغطية النقدية
النسبة دي بتحدد لو كان الشركة قادرة تسدد مصروفات الفائدة من النقدية المتاحة، هي شبه نسبة تغطية الفائدة، بس بدل من الدخل، هنحلل النسبة دي بمقدار النقدية المتاحة للشركة، من الناحية المثالية لازم تكون النسبة دي أكبر من “1”.
معادلات نسب التغطية
بتختلف المعادلة بناءًا على أنواع النسب، في الحقيقة بيستخدم المحللين نسب التغطية عشان يحددوا موقف الشركة من التزامات ديونها بطرق مختلفة:
معادلة نسبة تغطية الفائدة
نسبة تغطية الفائدة = EBIT / مصاريف الفوائد
ملحوظة: الـ “EBIT” هي الأرباح قبل الفوائد والضرائب.
معادلة تغطية خدمة الديون
تغطية خدمة الدين = الدخل التشغيلي / إجمالي الديون
معادلة تغطية الأصول
تغطية الأصول = (الأصول الملموسة – الالتزامات قصيرة الأجل) / إجمالي الديون
معادلة التغطية النقدية
التغطية النقدية = (EBIT + المصاريف غير النقدية) / مصاريف الفوائد
أمثلة على نسب التغطية
دلوقتي هناخد أمثلة عملية علي نسب التغطية.
مثال رقم 1
هنفترض إن إجمالي الدخل التشغيلي للشركة (EBIT) للفترة المحددة هو 1,000,000 دولار، وإجمالي دينها الأساسي المستحق هو 700,000 دولار، وبتدفع الشركة فائدة بنسبة 6% على الدين.
- إجمالي مصاريف الفائدة للفترة المحددة = الديون * سعر الفائدة.
- = 700,000 * %6 = 42,000 دولار.
تغطية الفائدة
تغطية خدمة الديون
إجمالي الدين المستحق (أصل الدين + الفائدة).
تغطية الأصول
هنفترض إن الشركة بتمتلك 900 ألف دولار من الأصول الملموسة وخصومها قصيرة الأجل هي 100،000 دولار.
تغطية النقدية
المصروفات غير النقدية هي 100,000 دولار.
في الحالة دي، بيوضح تحليل النسبة إن الشركة في وضع مريح في الوقت الحالي لسداد ديونها باستخدام أرباحها أو أصولها.
مثال رقم 2
هناخد مثال عملي لشركة هندية عندها ديون كتيرة في ميزانيتها العمومية، شركة “Bharti Airtel” هي شركة اتصالات هندية كلها ديون بسبب متطلبات “CapEx” العالية في الصناعة دي.
ودي بعض البيانات الأساسية لـ “Bharti Airtel”:
بيمثل الرسم البياني اللي تحت اتجاه نسب التغطية لـ “Bharti Airtel”:
على حسب اللي شايفينه، النسب دي بتنخفض عشان ديون شركة “Bharti Airtel” زادت في السنين اللي فاتت، والأرباح التشغيلية انخفضت، السبب في كده هو الضغط على الأرباح ودخول شركة “Reliance Jio” السوق، لو الموضوع ده استمر في المستقبل، شركة “Bharti Airtel” ممكن تكون في وضع سيء وتضطر تبيع أصولها عشان تسدد الديون.
حدود استخدام نسب التغطية
- أوقات الشركات بتاخد ديون أكتر، بس أثرها بيبان على الفترات المستقبلية، وأوقات العوامل الموسمية بتلعب دور في إخفاء أو تحريف النسب دي.
- في شركات بتحتاج نفقات رأسمالية أكتر، فديونها بتكون أكبر من شركات تانية. ده بيحصل لما الشركات بتغير سياسات ومبادئ المحاسبة بتاعتها، وبسبب كده النسب دي ممكن تتأثر.
- المستخدمين مش بيستخدموا النسب دي بشكل منفرد، لما بيفحصوا صحة الشركة، لازم يحللوا نسب تانية زي السيولة والربحية، عشان ياخدوا قرار مناسب.
ايه هي نسب التغطية المختلفة؟
- نسبة تغطية الفائدة بتتحسب بتقسيم الربح قبل الفوائد والضرائب على دفعات الفوائد.
- تغطية خدمة الدين بتتحسب بتقسيم الدخل التشغيلي على إجمالي الديون.
- نسبة تغطية الأصول بتتحسب بطريقة الأصول الملموسة ناقص الالتزامات القصيرة الأجل، وبعدين الناتج تقسمه على إجمالي الديون.
- تغطية النقدية بتتحسب بطريقة (الربح قبل الفوائد والضرائب + المصروفات غير النقدية) مقسومة على مصاريف الفوائد.
ازاي ممكن تفسير نسب التغطية؟
بتحدد قدرة الشركة على سداد ديونها والتزاماتها، زي الديون والفوائد والمتطلبات النقدية وكدا، معنى النسبة الأعلى إن الشركة بتكسب جزء كبير من إيراداتها وتقدر تسدد ديونها والتزاماتها بكفاءة.
مهم: تحليل الحجم المشترك – التحليل المالي لعناصر الميزانية العمومية
ايه هي نسبة تغطية التدفق النقدي الجيد؟
لازم يكون هدف الشركات لمعدل تدفق نقدي ميقلش عن 1.5x ده معناه إن لكل 1 دولار في مدفوعات الفائدة، لازم يكون فيه ما لا يقل عن 1.50 دولار في التدفقات النقدية التشغيلية.