ملخص كتاب The Wealthy Gardener – جون سوفوريك
كتاب “البستاني الثري”هو مجموعة قصص بتتحكي من وجهة نظر شخص غني كبير في السن، بيشارك الخبرات المالية اللي عرفها خلال سنين عمره مع الناس، وبيعرض عليهم ازاي يبنوا ثروتهم خطوة بخطوة من خلال قصص قصيرة ومعبرة، فكرة الكتاب إنك تزرع حياتك وتعمل على تطوير نفسك بالطرق الصح وتستثمر في المعرفة والعمل الجاد، عشان تجني ثمار نجاحك المالي.
المجهود المستمر، مش القوة ولا الذكاء، هو اللي بيفتح الباب عشان نستفيد من قدراتنا.
جون سوفوريك
إقرأ المزيد: ملخص كتاب The Psychology of Money – مورغان هوسل
بداية ملخص كتاب The Wealthy Gardener
وصلنا للقرن الـ21 ولسه في ناس بيعتبروا الفلوس مش مهمة وممنوع الكلام عنها، بس الأكيد الفلوس جزء كبير من حياتنا وبتأثر على كل حاجة فينا سواء في طريقة المعيشة والأماكن اللي بنقدر نوصلها وكل حاجة في الدنيا اللي مبقاش فيها حاجة ببلاش، الفلوس جزء من تعليمنا أو المفروض تكون كدا،
كتاب “البستاني الثري: دروس الحياة في الرخاء بين الأب والابن” بيتكلم بوضوح عن الموضوع المهم ده.
الكاتب “جون سوفوريك” اللي وصل للاستقلال المالي عن طريق شركة عقارات، كتب الكتاب عشان ينقل حكمته لابنه، الكتاب بيقسم كل فصل لقصة قصيرة خيالية، ورأي “سوفوريك” الشخصي في الدرس المستفاد من كل قصة، الكتاب مليان بالحكمة المالية والحكمة الحقيقية في الحياة.
3 دروس مهمة من كتاب The Wealthy Gardener
- الحياة بتتغير زي فصول السنة، والأفضل إننا نستمتع بكل فصل ونعيشه بالكامل.
- عاداتنا المالية أهم من كسب الفلوس لتجميع الثروة.
- معظم الأحلام بتاخد “خطة الخمس السنين” عشان نحققها.
أهم حاجة إننا نفهم الدروس دي عشان نطور مستقبلنا المالي وحياتنا الشخصية.
الدرس الأول: الحياة بتتغير زي فصول السنة، والأفضل إننا نستمتع بكل فصل ونعيشه بالكامل
الحياة فيها تناغم حلو والواحد بيقف وبيتأمل، زي الطبيعة مثلا، الانسان كمان بيمر بفصول مختلفة ودي حاجة لاحظها البستاني الثري في حياته. أحسن نصيحة قدمها البستاني لابنه هي إنه الواحد بيمر بفصول مختلفة، ولازم يستمتع بكل فصل لوحده. بالنسبة للكاتب بيقسم العمر لـ 3 فصول:
- الفصل الأول مدته 30 سنة وده الفصل اللي بنتعلم فيه عن الفلوس.
- والـ 30 سنة اللي بعدها بنقدر نوصل للفلوس.
- والـ 30 الأخيرة بنصرف فيها الفلوس.
الدرس ده مهم جدًا، عشان الناس اللي في العشرينات وبيسعوا جامد عشان يوصلوا للفلوس وبيخافوا إنهم يكونوا اتأخروا في الحياة، زي ابن البستاني اللي عمل كده.
فترة العشرينات زي فصل الربيع وقت زرع بذور نجاحنا المالي، ممكن معرفة النقطة دي تساعدك توقف عن الاستعجال والمقارنة وانتقاد نفسك، خد لحظة عشان تلاحظ الطبيعة اللي بتتغير من غير استعجال، وانت كمان مش لازم تستعجل.
الدرس التاني: عاداتنا المالية أهم من كسب الفلوس لتجميع الثروة
الفلوس هي الخطوة الأولى لتحقيق النجاح المالي، بس بعد كده اللي بيفرق حقيقي بين الأغنياء والفقراء هو ازاي بيتصرفوا في فلوسهم. الكتاب بيوصف الشخص الغنى إنه حد بيكون عنده فلوس زيادة عن اللي بيحتاجه عشان يصرفها، لو انت بتقدر تجيب كل الحاجات اللى عايزها وكمان عندك فلوس زيادة، يبقى انت كدا كويس.
الخطوة المهمة في جمع الثروة هي إنك تعيش تحت مستوى دخلك، ده معناه إنك بتصرف بشكل بسيط وتغطي نفقاتك وتوفر الفلوس الزيادة.
التوفير هو الأداة الأقوى اللي هتساعدك تحقق الغنى.
جون سوفوريك
الثروة بتيجي لما تجمع فلوس خلال وقت كبير، مش لما تخلص طاقتك وتتعب أكتر وتشيل الهم بدري، وبعد كل ده تخلص الشهر من غير ما توفر جنيه واحد. يعني خليك على مسار الاستقلال المالي وابدأ وفر بعد ما تغطي نفقاتك، لو عرفت تعمل كده تقدر تقول إنك بقيت ثري.
الدرس التالت: معظم الأحلام بتاخد “خطة الخمس السنين” عشان نحققها
الكاتب نصح ابنه بنصيحة مهمة جدًا: “في الحياة بنعمل أسوأ الحاجات اللي ممكن نتحملها”، وعشان تتغلب على الظروف الصعبة لازم ترفضها وتشد حيلك عشان تحقق حلمك، ده درس معقد، لازم ناخد الأمور خطوة خطوة.
مش بنصرف غير اللي يقدر يتحمله وضعنا المالي، يعني بنقبل الظروف اللي بتتفرض علينا، لو مديرك بيدفعلك أقل من اللي تستحقه وانت بتقبل بالحال ده، بكدا لازم تمشي نفسك على دخلك اللي جاي، ولو بتشتغل في حاجة بتكرهها بردو هيبقى نفس الحال. الاعتماد على الرغبة مش هيوصلك للمكان اللي عايز توصله، ورفض الوضع الحالي ممكن يحقق ده.
اللي هيوصلك للهدف ده هو “خطة الخمس السنين”، زي ما قال المؤلف، خد وقت لنفسك عشان تحقق الأهداف اللي عايز تحققها، وحدد خطة لتحقيقها، سواء خلال 3 سنين أو 5 أو 10، بالتخطيط والانضباط، هتوصل للي عايزه، ولو عايز تخلص من الديون أو تبني مشروع ناجح أو تحسّن وضعك لازم يكون عندك خطة طويلة، ليه؟ عشان زي ما قال المؤلف:
المفتاح للنجاح في أي مجال سواء كان له علاقه بالفلوس أو لأ، هو العمل المستمر.
جون سوفوريك
مش الذكاء ولا القوة، المجهود المتواصل بس، لو بتمشي على خطوات صغيرة كل يوم هتوصل لبعيد، خلي الفكرة دي في بالك لما تبدأ خطتك.
في نهاية كتاب The Wealthy Gardener
الكتاب بيقدم نظرة عملية للفلوس وازاي تحقق النجاح المالي من خلال الدروس الكويسة اللي بيشاركها الأب مع ابنه. الكتاب بيتكلم في موضوعات زي مراحل الحياة وتجميع الثروة وأهمية بناء عادات صحية وغيرها من الموضوعات المفيدة لأي شخص عايز يرفع مستوى علاقته بالفلوس. قراءة الكتاب ده هتديك الشعور إنه في حد أبوي بيشرف عليك في رحلتك المالية وبيوجهك في كل خطوة وده اللي بيخلي الدروس دي ممتعة في القراءة. لو عجبك كتاب “Rich Dad Poor Dad”، فهتحب الكتاب ده كمان.
مهم: ازاي تكون غني: ملخص كتاب I Will Teach You To Be Rich
اللي ممكن يستفيد من الكتاب ده هو الخريج اللي حاسس إنه مش عارف يبدأ رحلته المالية في الحياة، واللي مش حاسس بالراحة في حياته المهنية ومش عارف يرجّع السنين اللي ضيعها في اختياراته المالية الغلط، وأي حد عايز يحسّن علاقته بالفلوس.