ملخص كتاب The 4 Minute Millionaire – الحرية المالية في 4 دقايق
![ملخص كتاب The 4 Minute Millionaire - الحرية المالية في 4 دقايق](https://bashmohasb.com/wp-content/uploads/2023/08/ملخص-كتاب-The-4-Minute-Millionaire-الحرية-المالية-في-4-دقايق-1024x688.jpg)
كتاب The 4 Minute Millionaire هو مجموعة من 44 درس قصير من أفضل كتب البيزنس، كل درس مرتبط بمهمة عملية بتساعدك توصل للحرية المالية في 4 دقايق بس في اليوم، الفكرة بتاعة الكتاب إنه مش لازم تقضي ساعات طويلة في الشغل عشان تكون مليونير. بالعكس ممكن تعمل مهمة صغيرة كل يوم لمدة 4 دقايق تخليك تبني ثروتك تدريجيًا وتوصل للحرية المالية.
أي تغيير هو مسئوليتك، لو كنت عايز تبقى غني أو تحافظ على لياقتك البدنية أو تلاقي الحب، مفيش حد غيرك هيعمل شغلك، واللي تقدر تعمله عشان تنجح هو إنك تستفيد من أي عوامل مساعدة متاحة ليك.
نيكلاس جوك
إقرأ المزيد: ملخص كتاب Principles للملياردير راي داليو
بداية كتاب The 4 Minute Millionaire
الكاتب بيقول لما كنت في المدرسة الثانوية مكنتش بتعلم حاجة عن البيزنس، وأول كتاب في البيزنس قريته كان “Rich Dad Poor Dad”، من أول صفحة في الكتاب، انا كنت منبهر، بعد كدا قريت كتب للبيزنس كتير، وفي 2021 قررت إني أكتب كتابي الخاص “The 4 Minute Millionaire” وهو الكتاب اللي كنت أتمنى أي حد يدهولي من زمان.
لو هتبتدي من الصفر، هتبدأ بأنهي دروس من كتب البيزنس وأي ترتيب ليها عشان توصل للحرية المالية؟ الكتاب ده هو إجابتي على السؤال ده، وبسبب تنسيقه السهل هتقدر تلاقي الفكرة اللي تناسبك في الوقت المناسب، بغض النظر عن المرحلة اللي انت فيها في رحلتك دلوقتي.
أهم 3 دروس من كتاب The 4 Minute Millionaire
- خليك فخور بالبدايات الصغيرة، حتى لو كنت بتبدأ بحاجات بسيطة.
- بدل ما تتجنب المخاطر وتخاف من الثروة، لازم تعرف تديرها.
- في 7 فئات جديدة من الأصول الاستثمارية واللي بتشجعك تهتم بالاستثمار.
جاهز تكون مستثمر أفضل؟ يلا بينا ندخل في تفاصيل الكتاب!
الدرس الأول: حتى لو كنت بتبدأ بمبلغ صغير، الأهم إنك تبدأ
لما بيجي الكلام عن تحقيق الحرية المالية فيه ناس بتهزم نفسها قبل ما تبدأ، لو انت بتفكر إن التعليم عن تجميع الثروة المالية والاستثمار مش هيفيدك إلا لو كان عندك فلوس كتير، ده هيكون طريقك إنك مش هتجمع أي حاجة وتفشل.
متقلقش من قدرتك إنك توفر وتستثمر، عشان الحياة هتجبرك تبدأ صغير، اللي بتعمله بفلوسك هو الأهم، أكتر من كميتها.
في كتاب “Playing With FIRE“، “سكوت ريكينز” استخدم مثال وبيقول فيه واحدة ست مش عارفه الطريق للتقاعد المبكر عشان هي وزوجها مش بيجمعوا أكتر من 50 ألف دولار في السنه، بعد كده لقوا طرق عشان يعيشوا على 65% بس من الراتب ده، وكدا قدروا يوفروا ويستثمروا 18 ألف دولار في السنة. ده عصر جديد، بـ 100 دولار هتقدر تشتري جزء من سهم أمازون، أو تاخد دورة تعليمية في المالية الشخصية، أو حتى جزء في حملة تمويل جماعي، حتى لو كانت فلوسك قليلة الاختيارات بتكون كتير.
متحسش بالذنب لما تبدأ بمبلغ صغير، افتخر بيه، الأهم إنك تبدأ، وهتلاقي نفسك على الطريق الصحيح.
الدرس التاني: بدل ما تتجنب المخاطر وتخاف من الثروة، لازم تعرف تديرها
في سنه من السنين “توم لي” من شركة “فندسترات” كان بيعاني ماليًا في الوقت ده بالمقارنة بالسنة اللي قبلها، وكان بيقول إن “البيتكوين” هي الحاجة اللي هتكون مكان الدهب وعمل توقع كبير لسعرها، والأسوأ إنه نصح عملائه إنهم يستثمروا ملايين الدولارات فيها. بعد كده السعر نزل بنسبة 75% لمدة 3 سنين كاملة، “توم لي” كان شكله غبي بس فجأة بقى عبقري، “البيتكوين” اتجاوزت أعلى سعر ليها في 2018 واتفوقت على توقعاته القديمة.
“المخاطرة” معناها إن الحاجة ممكن تزيد أو تنقص، بس معناها كمان إنها هتتحرك، بالعكس لو مش خاطرت هتبقى واقف مكانك ومش هتتحرك ولا تحرك فلوسك، “مفيش أي أصل من غير مخاطرة، فلو انت بتتجنب المخاطرة هتتجنب كمان بناء الثروة والحرية المالية.”
المخاطرة حاجة بيتم إدارتها بدل من تجنبها، في حالة “توم لي“، كان نصيحته لعملائه إنهم يحطوا جزء صغير بس من فلوسهم في “البيتكوين”، وكمان قدملهم نصيحة عشان يتخلصوا من خسايرهم، وهو ده فن إدارة المخاطر.
خلى المخاطر اللي ليك صغيرة عشان تقدر تتحملها، وبعدين استنى لحد لما تتحقق فرضياتك وتوقعاتك، ده اللي المستثمرين العظماء بيعملوه.
الدرس التالت: 7 فئات جديدة للاصول اللي ممكن تستثمر فيها لازم تعرفها
![ملخص كتاب The 4 Minute Millionaire - الحرية المالية في 4 دقايق](https://www.bashmohasb.com/wp-content/uploads/2023/08/7-فئات-جديدة-للاصول-اللي-ممكن-تستثمر-فيها-لازم-تعرفها.jpg)
أسهل طريقة عشان تستمر في حاجة هي إنك تستمتع بيها، فلو عايز تبني طريقة للاستثمار للمدى البعيد واللي مطلوب منها ترجعلك فلوسك، لازم تلاقي فئة من الاستثمارات اللي تشجعك. دلوقتي هقولك على 7 حاجات تقدر تستثمر فيها وتكون ممتعة في نفس الوقت:
- العملات الرقمية: ممكن تكون مجال كبير جدًا وفيها مصطلحات كتير، زي NFTs، Blockchain، store of value، بس لو اخترت حاجة معينة وعرفت أكتر عنها هتكون قادر تقّيم الحاجة دي على أساس معرفتك الشخصية.
- امتلك أجزاء من لوحات فنية: شركات زي “Masterworks” بتسمحلك تمتلك جزء صغير من لوحة فنية مشهورة زي لوحات بيكاسو و بانكسي.
- امتلك أسهم في شركات مبتدئة وقبل الاكتتاب في البورصة: لو مثلا كنت متأكد إن شركة “إير بي إن بي” هتكون إستثمار كويس في 2012 بس للأسف مكنتش تقدر تستثمر فيها، دلوقتي تقدر تستثمر في شركات كويسة قبل ما تتداول في البورصة زي شركة “EquityZen“.
- التمويلات المتداولة: هي من أهم رؤوس الأموال المغامر، يعني تقدر تستثمر في شركات ناشئة كويسه في نفس الوقت تستثمر فيها رأس المال المغامر، التمويلات المتداولة بتسمحلك بكده.
- التمويل الجماعي: لو عايز تستثمر في قناة يوتيوب مُفضلة عندك، ممكن تستثمر في حملة “Crowdcube“.
- الحقوق الموسيقية: لو عايز تاخد أجر لما تعزف “Jay-Z” على الراديو؟ منصات الحقوق الموسيقية زي “SongVest” بتسمحلك بالحاجة دي.
- صناديق المؤشر المجمعة: فيه تطبيقات كتير للأسهم زي “Trading 212“، عندها مميزات بتسمحلك تبني صندوق المؤشر الخاص بيك، لو عندك اعتقاد إنك قادر تتغلب على الشركات الكبيرة، دلوقتي فرصتك.
أحسن حاجة في الاستثمار ده إنه جديد، بشكل عام كل ما تكون أول واحد يستثمر فيه بيكون ليه توقعات عائدات أعلى، فالوقت المناسب للاستثمار دايمًا هو دلوقتي.
في الختام
الكتاب ده مش بس بيديك نصايح وفكر جديد بس ده بيوفرلك كمان مسار عملي مُفصّل عشان تبدأ تطبق الأفكار دي وتحقق الحرية المالية. بيقدم خطة تفصيلية وسهلة الاستخدام عشان توصل للثراء. الكاتب بيعرض فكرة مبتكرة جدًا لتحقيق الثراء السريع والحرية المالية بسهولة وفي أسرع وقت ممكن، وبيقول إنك لازم تستغل كل لحظة في حياتك وتعمل حاجة تجيبلك فلوس، مهما كانت صغيرة. وكمان لازم تكسب دخل من مصادر متعددة، زي الاستثمار في العقارات والأسهم والأعمال الحرة وحتى الهوايات.
مهم: ملخص كتاب Playing With FIRE – دليل تحقيق الاستقلال المالي
ملخص الكتاب مناسب للشاب اللي خلص المدرسة الثانوية وعايز يعرف ازاي يتعامل مع الفلوس بس تربيته وتعليمه مش أهلوه لكده، والشخص اللي بيسأل عن أفضل طريقة يعلم بيها أولاده الأمور المالية والتوفير، وأي حد عايز يحقق الحرية المالية بس مش عارف يبدأ منين.