ملخص كتاب Blue Ocean Strategy – دبليو تشان كيم

كتاب “استراتيجية المحيط الأزرق” بيقدم فكرة جديدة جدًا عن إزاي نقدر نجيب فلوس وننجح في الأعمال التجارية بطريقة مبتكرة. بدل ما ننافس مع المنافسين في نفس المجال. ملخص الكتاب ده هيعلمنا إزاي نكون مميزين ونبتكر أعمال جديدة ونكسر القيود التقليدية. كمان الكتاب بيشرحلنا الخطوات اللي لازم نعملها عشان نعمل تغيير حقيقي ونحقق نجاح ملموس. يعني فيه فرصة حقيقية لينا نحقق النجاح بطريقة مختلفة ومبتكرة.

ابـتـكـــر، لا تــنــافـــس.

دبليو تشان كيم

إقرأ المزيد: ملخص كتاب The 100-Year Life – ليندا غراتون

بداية ملخص الكتاب

لو حبينا نوصف عالم البيزنس النهاردة بكلمة واحدة، الكلمة هتكون “تنافس”، الشركات زادت أوي، وعالم الـ”Start-ups” ملوش نهاية، والتكنولوجيا ساعدت الناس يفتحوا شركات بتكاليف صفر، وكمان السوشيال ميديا سهلت الموضوع. والسؤال هنا، ايه اللي متبقاش لأي رائد اعمال عايز يبتدي شركته أو يكبر شغله أو حتى يستمر في السوق، الإجابة هنعرفها من الكتاب ده، واللي ممكن نلخصة في كلمتين “ابتكر، لا تنافس”.

إنشاء منتجات جديدة ومبتكرة هو أفضل حل يتنفذ في سوق شبعان، بدل ما تركز على هزيمة المنافسة، ليه مبتركزش على إنك تلاقي فرص جديدة لنفسك؟ الـ “Blue Ocean Strategy” لـ “W. Chan Kim” ممكن يكون فيه الحل اللي بتدور عليه لو كنت بتدور على الإبتكار.

دروس مهمة من كتاب Blue Ocean Strategy

• الشركة لازم تغير تركيزها من المحيط الأحمر للمحيط الأزرق.
• استراتيجية الـ “Business Canvas” بتعرف بيها شركتك وتركز على نقاط القوة الأساسية بتاعتك.
• الأهم في الـ “Blue Ocean Strategy” هو إنك تخلي المنافسة مش مهمة مقارنة بالابتكارات اللي بتقدمها.

الدرس الأول: بدل ما تتنافس في المحيط الأحمر، اتعلم تغوص في المحيط الأزرق

الكتاب بيقدم نوعين من الأسواق وهما المحيط الأحمر والمحيط الأزرق:

المحيط الأحمر هو الميدان اللي بيتصارع فيه البيزنس والمكان اللي بيمارسوا فيه أنشطتهم التشغيلية وبيبحثوا عن مصادر جديدة عشان يكون عندهم ميزة تنافسية، وبيدافعوا عن نفسهم من المنافسين. السوق ده بيبقى عصبي شوية، عشان غالبًا بتتصارع مع المنافسين، وبتدور دايمًا علي مساحات جديدة تقدر تستولي عليها، ودايمًا بتشوف ازاي المنافسين بيعملوا نفس اللي انت بتعمله، ده المكان اللي الشركات الصغيرة والمتوسطة والكبيرة بتتصارع فيه وبتحاول تفوز بالمستهلكين.

المحيط الأزرق هو ميدان جديد، ومساحة مش بيتعامل معاها كتير من الشركات، ليه؟ عشان التعامل مع المحيط الأزرق معناه إن مديرين الشركة دي بيضيفوا وقت للابتكار وإنتاج منتجات أو خدمات جديدة ممكن تتنافس مع اللي موجود في السوق بالفعل.

في المحيط الأحمر بيبقى من الصعب البحث عن مصادر دخل جديدة ومبتكرة. أما في المحيط الأزرق، بيكون هدفك الأساسي إنك تاخد الوقت الكافي للمنافسة وبتركز بالكامل على الابتكار والابداع، لو نجحت، ممكن تفوز من غير ما تحارب، وساعتها المستهلكين هيميلوا ناحية الاتجاه الجديد اللي انت حطيته.

الدرس التاني: استراتيجية الـ “Business Canvas”

كل مشروع في المحيط الأحمر بيتصارع مهما كانت صناعته، المنافسة جزء طبيعي من بيئة أي شركة ونموها، بس المسؤولية بتكون على المديرين اللي بيكون عندهم إبداعات تقلل التنافسية وتركز على الابتكار، بمعنى تعوم في المحيط الأحمر لحد ما توصل للمحيط الأزرق. واحدة من الطرق اللي بتساعد على الوصول للمحيط الأزرق هي استخدام استراتيجية الـ “Business Canvas” اللي اقترحها الكتاب.

الـ “Canvas”ده بيضم 4 أسئلة أساسية لازم تسألهم لنفسك قبل ما تقفز للمحيط الأزرق:

1. ايه هي العوامل اللي موجودة في الصناعة بتاعتك ولازم تتخلص منها عشان مشروعك؟
2. والعوامل اللي ممكن تخفضها تحت مستوى الصناعة؟
3. وايه العوامل اللي ممكن تزيد من مستواها فوق مستوى الصناعة؟
4. والعوامل اللي ممكن تبتكرها ومفيش حد في السوق عملها قبل كده؟

شرح أسئلة الـ “Business Canvas”

السؤال الأول بيحاول يفتح مجال للشركات إنها تقيّم الخدمات أو المنتجات اللي بتقدمها والعملاء مبيهتموش بيها، وده اللي لازم تحذفه عشان تزود الربح وتركز على الابتكار. مثال على كده، شركات الطيران اللي بتقدم تذاكر رخيصة اتجهوا لحذف صالات الانتظار في المطارات وزيادة عدد الرحلات بدل ما يحتفظوا بالصالات اللي مش بتهم كتير من الناس، وبكدا زادت إيراداتهم ودعموا العملاء اللي عايزين رحلات أكتر بدل ما يهتموا بالصالات.

السؤال التاني شبه الأول بس بيسأل ازاي تقدر تركز على جانب واحد وتقلل الاهتمام بالجوانب التانية؟، عشان تحافظ علي الحد الأدنى، لازم تخليك الأفضل في مجالك ومش لازم تكون الأفضل في كل مجالات. وده بيوصلنا للسؤال التالت: فين مجال نجاحك أكتر؟ ركز عليه وطوره. وأخيرًا، السؤال الرابع مرتبط بالابتكار، أو المحيط الأزرق.

الدرس التالت: خلي المنافسة مش مهمة مقارنة بالابتكارات اللي بتقدمها

الوصول للمحيط الأزرق خطوة كبيرة لأي شركة، عشان بيضمن ليها البقاء في السوق ونمو العمل بنجاح على المدى القصير على الأقل، الابتكار هو الحجر الأساسي لأي عمل أو صناعة أو تقدم في مجال معين. الابتكار مهم جدًا عشان بيساعد على تحسين العالم، وكمان العملاء بيدوروا دايمًا علي منتجات وخدمات أفضل، فاللي يقدم ابتكار جديد ولامع وأكتر إثارة لاهتمام المستهلكين هو اللي هياخد انتباه الجماهير.

عشان تبتدي تعمل كده، لازم تستثمر موارد كبيرة والبحث والتطوير وتحويل تركيزك من المنافسة دلوقتي لمنتجاتك المستقبلية، وتعمل كده بالابتكار الذكي اللي هو فكرة بتقدم قفزة في القيمة لعملائك، لما تعمل كده بتفتح أراضي جديدة لعملائك تستكشفها. تقدر تزود قيمة المنتجات الحالية اللي عندك عن طريق التحسين، وده كويس جدًا، بس مش هيخلي شركتك بارزة ومعروفة أكتر، الطريقة التانية إنك تحسّن حياة العملاء وتقدم منتجات جديدة ومحسّنة، شركة قوية بتركز على الطريقتين دول عشان تفوز بعملائها.

في نهاية ملخص كتاب Blue Ocean Strategy

ممكن نقول علي الكتاب إنه كتاب ثوري بيقدم فكرة إنه دايمًا في محيط أزرق حوالينا، ودايمًا في فرص جديدة للنجاح في أسواق البيزنس التقليدية. المفهوم الرئيسي إنك مش مجبر تتغلب على منافسيك، عشان في دايمًا صناعات تانية تقدر تفوز بيها. الكتاب ده بيقدم نقطة انطلاق كويسة لأي شركة صغيرة بتدور تفهم ازاي تتعامل مع السوق بشكل مختلف عشان تفوز وتخلق المحيط الأزرق الخاص بيها.

مهم: ملخص كتاب The Intelligent Investor

الملخص هيكون مناسب أكتر للرئيس التنفيذي اللي عايز يتعلم أكتر عن إستراتيجيات البيزنس وازاي يخلق سوق جديد في شركته، وصاحب المشروع الجديد اللي محتاج يتعلم ازاي يتنقل في ساحة المنافسة في البيزنس، وطالب الماجستير في الأعمال اللي عايز يتعلم خبرات عملية عن عالم البيزنس.