ملخص كتاب الأصول المشفرة – دليل المستثمر المبتكر للبيتكوين
هنتعرف النهارده على تاريخ وقيمة البيتكوين. هل فكرت قبل كده في إنك تتعلم عن البيتكوين؟ سواء كنت عايز تجرب حاجة جديدة في استثماراتك أو ببساطة عايز تزود من معرفتك الاقتصادية، فكتاب Cryptoassets (2017) هو الكتاب الصح ليك! ملخص كتاب الأصول المشفرة بيشرح تاريخ البيتكوين، قيمتها واستخدامها، وبالتالي هيقدملك دليل عملي للاستثمار في البيتكوين.
البيتكوين هي أكبر ابتكار في التاريخ المالي الحديث.
بيل غيتس
إقرأ المزيد: ملخص كتاب Fooled By Randomness – نسيم نيكولاس
مقدمة ملخص الكتاب
في حلقة من المسلسل الكوميدي الشهير “Superstore” على قناة NBC، حصلت سلسلة محلات كبيرة اسمها “Cloud 9” على تحديث بيسموه في المكتب الرئيسي “Cloud 9.0”. مع إنه المكتب الرئيسي مفسرش المقصود بالتحديث ده عمليًا، بس واضح إنهم عايزين يغيروا صورة المحلات قدام الناس على إنها مكان متطور ومتقدم تكنولوجيًا. الناس اللي شغالة في المحلات مش عارفين ايه المقصود بالظبط، وبيحاولوا يتوقعوا. واحد فيهم قال ممكن يدّوا كل العاملين جهاز للطيران الشخصي عشان يتنقلوا بيه بسرعة وهم بيشتغلوا. والتاني سأل لو ده معناه إنهم هياخدوا أجورهم بالبيتكوين.
في السياق ده، البيتكوين اتقالت في هزار بس، بس الفكرة لسه موجوده، ممكن منعرفش البيتكوين دي إيه بالظبط، بس علي طول بنفكر فيها علي إنها عملة المستقبل. عشان كده في الملخص ده، هنتكلم عن إيه هي البيتكوين وازاي بتُستخدم فعلا في الحقيقة، والجدل اللي بيحصل حواليها.
الفصل الأول: البيتكوين دي إيه؟
سواء كنت عارف حاجة عن البيتكوين أو توقعاتك مش أحسن من توقعات العاملين في Cloud 9، احنا شايفين إن الأفضل اننا نبدأ من البداية، وده معناه اننا نبدأ بتعريف البيتكوين. الاقتصادي جاك فرانكنفيلد وضع وصفه الخاص اللي بيقدر يساعدنا نفهم البيتكوين دي إيه بالظبط. وقال إن:
البيتكوين هي عملة رقمية تم اختراعها في يناير 2009 بعد أزمة السوق العقاري. بتتبع الأفكار اللي وضعتها ساتوشي ناكاموتو في ورقة بيضاء، واللي هو شخصية غامضة ومستعارة. هويّة الشخص أو الأشخاص اللي اخترعوا التكنولوجيا دي لسه غامضة. البيتكوين بتوعد برسوم تحويل أقل من الوسائل الإلكترونية التقليدية للدفع، وبتتشغل من خلال سلطة غير مركزية، مش زي العملات اللي الحكومات بتصدرها.
مفيش بيتكوين مادية، كل اللي موجود ده أرصدة بتتحفظ على سجل عام الكل بيقدر يشوفه بشكل شفاف، وده اللي بيتأكد من صحته (مع كل تعاملات البيتكوين) قوة حوسبة كبيرة جدًا. البيتكوين مابتتصدرش ومش مدعومة من أي بنوك أو حكومات، والبيتكوين الواحدة مش ليها قيمة زي أي سلعة. على الرغم من إنها مش عملة قانونية، البيتكوين شهرتها كبيرة جدًا، وأدت لإطلاق مئات العملات الافتراضية التانية اللي بنسميها “Altcoins“.
زي ما تقدر تشوف من التعريف ده إن البيتكوين مش نوع مادي من العملات زي فاتورة بمبلغ 5 دولار. ولإنها إلكترونية بس، فده معناه إن البيتكوين هي نوع بيٌعرف بـ “العملة المشفرة“. فك الكلمات الأصلية لكلمة “cryptocurrency” دي حاجة مشوقة جدًا! لإن الجزء الأول من الكلمة “crypto” معناه “مخفي” أو “سري”، وكلنا عارفين إن “currency” يعني عملة المقصود بيها يعني الفلوس. فبمعنى تاني البيتكوين هي فلوس مخفية أو سرية ممكن تصرفها.
في الحقيقة مش بالدرجة دي من السرية زي ما الاسم بيوحي. هي ببساطة شكل من أشكال العملة الإلكترونية اللي مش ممكن تحولها لنقدية أو تمسكها بإيدك، وعملية إنفاق البيتكوين مش صعبة زي ما ممكن تتوقع! فرانكنفيلد وصف العملية بشرح إن:
أرصدة البيتكوين بتتحفظ باستخدام مفاتيح عامة وخاصة، اللي هما سلاسل طويلة من الأرقام والحروف مرتبطة بالخوارزمية الرياضية اللي تم استخداماه لإنشائها. المفتاح العام (مشابه لرقم حساب بنكي) بيشتغل زي العنوان اللي بننشره للعالم واللي ممكن للناس يبعتوا بيتكوينات عليه. المفتاح الخاص (مشابه للرقم السري للصراف الآلي) مفروض يكون سري ويُستخدم بس لتفويض تحويلات البيتكوين. مفاتيح البيتكوين مش ممكن تتخلط مع محفظة البيتكوين، اللي هي جهاز مادي أو رقمي بيسّهل تداول البيتكوين وبيسمح للمستخدمين بتتبع ملكية العملات. كلمة “محفظة” شوية مضللة، عشان طبيعة البيتكوين غير مركزية يعني إنها مش بتتخزن في محفظة، لكن بدل من ده بتتخزن بشكل غير مركزي على سلسلة الكتل.
دلوقتي بعد ما عرفنا شوية عن البيتكوين وإزاي بتشتغل، خلينا نبدأ نتعمق أكتر في الموضوع. في الفصل الجاي، هنتكلم بالتفصيل عن مفهوم “Cryptoasset” ونعرف ليه البيتكوين بتقع تحت الفئة دي.
الفصل التاني: يعني إيه Cryptoasset؟
لو البيتكوين عبارة عن شكل مخفي من العملة الإلكترونية، هل ده معناه إنها في الأساس زي الفلوس؟ معظم فلوسنا دلوقتي بقت على الإنترنت. أجورنا بتوصل حساباتنا البنكية عن طريق التحويل الإلكتروني المباشر. بنتأكد من رصيدنا باستخدام تطبيقات البنك. بندفع الفواتير على الإنترنت. بنبعت فلوس لأصحابنا باستخدام تطبيقات زي Venmo أو PayPal. في كل الحالات دي مش بنمسك عملة مادية. ببساطة بنتحكم في الأرقام على الإنترنت، وبنشوف الأرقام بتزيد وبتقل على شاشات موبايلاتنا. يعني إيه اللي بيخلي البيتكوين مختلفة عن الفلوس اللي بنستخدمها في الحياة اليومية؟
عشان نفهم إيه اللي بيخلي العملة المشفرة مميزة، لازم نبدأ نتعرف علي بعض الفروق الأساسية اللي بتميز البيتكوين عن العملات التقليدية. الفرق الرئيسي هو إن مفيش شركات بتقبل البتكوين كعملة قانونية. مثلا خلينا نتخيل إنك دخلت ماكدونالدز وطلبت بيج ماك وبطاطس. المجموع بتاعك 5 دولار بالظبط. لو قلت: “عندي 5 دولار بيتكوين وعايز أدفع بالبيتكوين”، فده مش هينفعك! حتى لو كان عندك تطبيق بيتكوين على موبايلك ومفتاح خاص آمن وكل حاجة، مش هيفرق هما مش هيقبلوا فلوسك.
ده عشان البيتكوين مختلفة عن العملة النقدية. “العملة النقدية” هي الكلمة اللي بنستخدمها لأشكال الفلوس التقليدية اللي بنستخدمها في حياتنا اليومية. مثلا النقدية والفلوس اللي في حسابك البنكي كلها بتدخل تحت فئة “العملة النقدية”. العملة النقدية بتختلف عن العملات المشفرة زي البيتكوين عشان العملة النقدية بتتحكم فيها الحكومة. ببساطة الفلوس في جيوبنا والفلوس في حساباتنا البنكية بتكون ليها قيمة عشان الحكومة بتقول إنها ليها قيمة.
بس لإن البيتكوين مش واقفة على تنظيم الحكومة، فالحكومة كمان مش بتعترف بيها. الكاتب بيلاحظ إن ده مثال ممتاز على إزاي الحكومة بتستخدم سلطتها عشان تتحكم في فلوسنا وخياراتنا على مزاجها. لإنه لما تفكر فيها، العملات النقدية بتبقى ليها قيمة بس عشان الكل اعترف إنها ليها قيمة. في الحقيقة، الفلوس مش حاجة تانية غير قطعة ورق مطبوعة مجتمعنا اتفق إن ليها معنى. لو واقعنا اتغير وفجأة حكومتنا قالت إن فاصوليا البينتو بقت عملة قانونية، كلنا كنا هندفع بفاصوليا البينتو ونصدق إنها ليها قيمة! عشان كده بما إن الحكومة بتقدر تتحكم في واقعنا المالي عن طريق تحديد قيمة عشوائية لأنواع معينة من العملات، ممكن تشوف بسهولة ليه ليهم مصلحة في إجبارنا على الدفع بأنواع العملات اللي هم بيقبلوها بس.
البيتكوين بتمثل القوة اللامركزية، فهي بتسمح للناس السيطرة على أموالهم بدون تدخل من جهات خارجية.
أندريس أنتونوبولوس
بس العملات المشفرة زي البيتكوين مش بتعتمد على القنوات اللي بتتحكم فيها الحكومة. عشان كده ظهرت فكرة غلط شائعة إن البيتكوين دي بتكون غامضة أو غير آمنة. وللعدل صحيح غن بعض العمليات الغير قانونية ممكن تستفاد من توفر الأموال الغير قابلة للتتبع. عشان السبب ده البيتكوين مشهورة جدًا على الويب المظلم وممكن تُستخدم في أي عدد من الأنشطة غير القانونية زي الدعارة، تجارة المخدرات، وإنتاج وشراء الأفلام الإباحية للأطفال. لكن الكاتب بيلاحظ إن العملات النقدية كمان ممكن تُستخدم في كل الحاجات دي، والنشاط غير القانوني مش هو القلق الرئيسي للحكومة بخصوص البيتكوين. هما مهتمين إنه لو البيتكوين اشتهرت كنوع رئيسي من العملات، ممكن نظام البنوك اللي بنعرفه يبقى عفا عليه الزمن.
ولو رجعنا للخرافة اللي اتعممت واتقال فيها إن البيتكوين دي مثالية بس للأنشطة الغير قانونية بسبب عدم قابليتها للتتبع، من المهم توضيح إن البيتكوين مش مش ممكن تتتبع بالتعريف. مش ممكن تتتبعها بالطرق التقليدية المعتمدة من الحكومة. زي ما فرانكنفيلد ملاحظ إن البيتكوين هي خيار سيء نسبيًا لإجراء الأعمال غير القانونية على الإنترنت، لإن تحليل البيانات الجنائية للبلوكتشين الخاص بالبيتكوين ساعد السلطات على القبض على المجرمين ومحاكمتهم، ومن المستحيل بردو إخفاء أثرك المالي عن طريق استخدام البيتكوين لإن كل معاملة جديدة بتتسجل وبتبقى جزء من البلوكتشين اللي بيميز محفظتك البيتكوين.
وده بيودينا للفرق الرئيسي التاني اللي بيميز البيتكوين وهو طبيعتها الإلكترونية. خلينا نستكشف شوية تعريف ووظيفة العملات المشفرة. فرانكنفيلد بيعرف العملات المشفرة بإنها:
أنظمة بتسمح بالدفع الآمن على الإنترنت واللي بيتم تصنيفها بمعنى “رموز” افتراضية، اللي بتتمثل في مدخلات الدفاتر الداخلية للنظام. “الكريبتو” بيشير لمجموعة متنوعة من خوارزميات التشفير والتقنيات الرمزية اللي بتحمي المدخلات دي، زي التشفير البياني المستدير، أزواج المفاتيح العامة والخاصة، ووظائف التجزئة.
زي ما اتكلمنا في الفصل اللي فات، المستخدمين يقدروا يوصلوا لعملاتهم المشفرة باستخدام مفتاح خاص آمن معروف بس للمستخدم، وبعدين ممكن يستخدموا المفتاح ده في عمل العمليات المالية من غير الرسوم والسياسات الخاصة بالمؤسسات المالية التقليدية زي البنوك. يعني العملات المشفرة دي خاصة جدًا وآمنة جدًا.
وزي ما انت شايف من التعريف ده، العملات المشفرة زي البيتكوين مش بتخلى من إجراءات الحماية والتتبع بتاعتها. وعمل العمليات غير القانونية على الإنترنت مش سهلة زي ما انت متخيل. شبكة الأمان دي موجودة بسبب عمال المناجم البيتكوين. كلمة “عمال المناجم” ممكن تخليك تتخيل صورة غريبة في دماغك بسبب الفكرة اللي اتعملت عن البيتكوين إنها عملة المستقبل. فبالتالي ممكن تفكر في زحام البحث عن الدهب في كاليفورنيا، لما كان العمال بيروحوا للغرب بفؤوسهم وأوانيهم عشان يجمعوا غبار الدهب. لكن الكاتب بيلاحظ إن القياس ده فعلا مناسب جدًا لإن البحث عن البيتكوين بيكون مشابه جدًا. زي ما كان الناس بتأمل إن الدهب يكون عملة المستقبل، كتير من الناس بتأمل نفس الحاجة للبيتكوين، والبحث عن البيتكوين هو نفس العملية تقريبًا زي البحث عن الدهب. الفرق الوحيد إن العملية دلوقتي بقت رقمية! ودلوقتي بدل ما يكون البحث عن الدهب بيتعمل من خلال البشر، البحث عن البيتكوين بيتعمل من خلال الكمبيوترات العملاقة.
زي ما كان الناس بيغربلوا الصخور والطمي، على أمل إنهم يلاقوا شوية قطع دهب، دلوقتي الكمبيوترات العملاقة بتغربل كميات كبيرة من الأكواد الإلكترونية المعقدة عشان تلاقي تفاصيل عمليات البيتكوين. زي ما احنا كنا بنقول في الفصل ده، ضمان صحة البيتكوين بيتم لإن كل عملية جديدة (اللي بنسميها بردو “كتلة” من الكود) بتتضاف لسجل عام اسمه “سلسلة الكتل“. وعمال المناجم اللي بيشتغلوا في البيتكوين بيقوموا بدور مشابه للبنوك أو شركات البطاقات الائتمانية لما بيتأكدوا من صحة العملية عن طريق إضافتها لسلسلة الكتل. بمجرد ما العملية تكون جزء من سلسلة الكتل، انت وغيرك من مستخدمي البيتكوين ممكن تتأكدوا من السجل ده وتتأكدوا إن العملية كانت آمنة، محمية، وموثقة. ده بيمنع حاجة اسمها “الصرف المزدوج”، اللي بيحصل لما “كتلة” أو عملية بيتكوين بتتكرر.
علي الرغم إن مش عندنا المشكلة دي مع الفلوس النقدية أو الفلوس اللي في حساباتنا البنكية، لكن ممكن تتكرر تعاملات البيتكوين عشان في الأساس هما سلاسل من شفرات الكمبيوتر. لو قدرت تكرر البيتكوين بتاعك، يبقى ممكن تصرف فلوس وتمسك الأصل في نفس الوقت. طبعًا ده مش مثالي، عشان كده موجود عمال مناجم البيتكوين اللي بيتأكدوا من التعاملات وبيمنعوا التكرار. البيتكوين ممكن متكونش متنظمة من الحكومة، لكن عندها قواعد ولوائح وأمان مكانها عشان تحمي المستخدمين. وزي ما انت شايف من الأمثلة اللي قولنا عليها قبل كده، البيتكوين عندها مميزات وعيوب زي أي نوع تاني من العملات.
الفصل التالت: هل تستثمر في البيتكوين؟
لما تكون عرفت حاجات عن البيتكوين وإزاي بتشتغل، ممكن يكون السؤال ده بيدور في عقلك! لو البيتكوين فعلا هي عملة المستقبل، ممكن تفكر تدخل من البداية. لكن تعمل كده فعلا؟ الكاتب بيؤمن إنك لازم تعمل كده! هو بيدافع عن الفكرة إن البيتكوين هتكسب شعبية كفاية عشان تحل محل النظام المصرفي التقليدي وإن الانقلاب ده هيكون مربح جدًا للناس اللي استثمروا في البيتكوين من البداية. هو بيقارن مستقبل البيتكوين بإختراع الإنترنت، الإيميل، وشركات زي جوجل. كل دول كانوا جداد، مخوفين، ومش شعبيين في وقت من الأوقات! لكن بسرعة كبيرة بدأوا يسيطروا على السوق. ولما عملوا كده كل الناس كانت عايزه تستثمر فيهم. وكان الكل بيحسد الناس اللي شافوا الإمكانيات في الأفكار الجديدة دي قبل ما تكون معروفة.
لو مكنتش بتستثمر في البيتكوين، فأنت بتغفل عن أكبر فرصة استثمارية في القرن الحالي.
كاميرون وتايلور وينكلفوس
طب فين الطريقة اللي اقدر استثمر بيها؟ حاليا ممكن تشتري البيتكوين بالعملة الورقية. (مع العلم إن الاستثمار ده مش رخيص!) عشان كده الكاتب بينصحك تاخد وقتك وتفكر في اللي ناوي تعمله بالعملة الرقمية وتشوف لو الاستثمار يستحق ولا لأ. كمان بينصحك تراقب السوق شوية قبل ما تستثمر وتتعرف بنفسك كويس على الصعود والهبوط في سوق العملة الرقمية. بعد كل الكلام ده، هو كمان بيحذر إن البيتكوين بتيجي بنفس المخاطر زي أي نوع تاني من الاستثمارات المالية؛ دايمًا في فرصة إنك تخسر فلوسك وتفضل مش لاقي حاجة، وعشان كده مهم إنك تاخد وقتك وتتعرف على السوق قبل ما تستثمر أي فلوس من جيبك. لما تحس إنك مرتاح وعارف إنك فاهم اللي بتعمله، ممكن تستثمر بطريقتك وفي وقتك! ممكن تلاحظ إن الطبيعة المتعددة الاستخدامات للبيتكوين بتخليها مربحة جدًا ومرنة، وعشان كده هي مثالية للمستثمرين الجداد.
مهم: ملخص كتاب The Bitcoin Standard – سيف الدين عموص
الفصل الرابع: الخلاصة
العملات الرقمية زي البيتكوين بتُعتبر كتير إنها عملة المستقبل. بنفكر فيها مرتبطة بحاجات حديثة وعالية التقنية زي الجت باك والتحديثات التكنولوجية. لكن كتير من الناس مش عارفين التفاصيل بتاعة البيتكوين وإزاي بتشتغل. عشان كده مهم جدًا تتعرف على التاريخ، الأصل، ووظيفة البيتكوين. لما تمتلك المعلومات دي، بعدها ممكن تقرر لو عايز تستثمر في عملة المستقبل وتجيب بعض الأصول الرقمية الربحية لنفسك.