قواعد الفقر ال 15 التي يجب أن نتجنبها في هذه الحياة | والتي لا يعرفها الجميع

أفقر 20 % من أي مجتمع من حيث مستويات المعيشة بيعتبروا فقراء، وكذلك أغنى 20 % من نفس المجتمع يبعتبروا أغنياء والباقي في مستويات مختلفة من الطبقة المتوسطة. تعالى معانا نعرف ايه هى قواعد الفقر.

قواعد الفقر

دلوقتي هنعرفك علي قواعد الفقر بشكل تفصيلي وبسيط.

ايه هي قواعد الفقر ؟

1- نصف الفقر بسبب الظروف والنصف الآخر بسبب قبول الظروف دي.

2- انك تبقى مفلس وانك تبقى فقير يعتبروا حالتين مختلفين تماما.

3- استخدام الناس المتعلمة للناس الغير متعلمين.

4- لا يستطيع الآباء الفقراء تعليم أطفالهم كيف يكونون أغنياء.

5- أكثر الناس جدّية في العمل غالبا ما ينتهي بهم الأمر بالعيش في الفقر.

6- يتطلب الفقر الرفقة.

7- يتطلع الفقراء إلى الآخرين طلباً للمساعدة ولكن ليس لأنفسهم.

8- روابط الفقر تقيّدك أكثر مما تعتقد.

9- الحظ والفقر وجهان لعملة واحدة.

10- توفير الترفيه للفقراء يسمح للأغنياء بالمحافظة على القيادة.

11- المال يهرب من الأيدي التي لا تعمل من أجله.

12- الديون والاستهلاكية هي الوسائل الحديثة للعبودية.

13- الفقر أكثر شيء مكلف في الحياة.

14- أولئك الذين يقولون أن المال لا ينمو على الأشجار لم يزرعوا أي شيء.

15- الموت فقيرا هو خيار.

نصف الفقر بسبب الظروف والنصف الآخر بسبب قبول الظروف دي

بعض الناس شايفين ان مصيرهم بيتمثل فى المعاناة ومبيعملوش حاجه لتغييرها . بيتقبلوا الاوضاع زى ماهى وبيقبلوا فكرة ان حياتهم مفروض تكون زى ماهى ..

ممكن يكونوا حاولوا مرة واحدة وفشلوا وممكن الظروف دايما ضدهم فبقوا حاسيين ان مفيش حاجه حاجه يعملوها ..

لكن اللى ميعرفوش معظم الناس انك لو كنت يأس يبقى مفيش طريقة غير النهوض بنفسك ..

غير ظروفك عن طريق تغيير الطريقة اللى بتفكر بيها فى حياتك.

امشى بخطوات صغيرة وقريب هتشوف ان الحياة هتتحسن لما تحسن نفسك.

انك تبقى مفلس وانك تبقى فقير

ممكن تتعرض للافلاس اكتر من مرة فى حياتك، لكن انك تبقى فقير اعمق من انك تبقى مش معاك فلوس.

الفقراء معندهمش أمل .. وكمان معندهمش ثقة فى قدرتهم على تحسين مستقبلهم .

ممكن الانسان يهرب من الافلاس كذا مرة لكن لو انتهى بيه الحال للفقر فمش هيكون فى حاجه يعملها.

استخدام الناس المتعلمة للناس الغير متعلمين

الناس المتعلمة بيستخدموا الغير متعلمين بنفس الطريقة اللى بيستخدمها الاقوياء عشان يضطهدوا بيها الضعفاء طول الوقت وعلى وسائل التواصل .. كل الناس بتقول ان البقاء للاقوى.

والنهاردة من خلال قدرة الناس على استثمار الانترنت والتعلم منه فالفقراء مش فقراء لانهم معندهمش القدرة على الهروب من الفقر لكن هما ببساطة فقراء لانهم غير متعلمين ومعندهمش الادوات اللى تخليهم يقوموا بكدة .

هما بيفتقروا للفهم والأنظمة اللازمة لتطوير نفسهم ومجتمعهم.

لو بصيت لأقوى وأغنى الناس في العالم (بيل جيتس ، وارين بافيت ، أوبرا ، أنجيلا ميركل ، إيلون ماسك … ) هتفهم ان المتعلمين بيخلقوا الفرص للجميع، وان الحياة بتكافئ اللى بيخلقوا الفرص.

لا يستطيع الآباء الفقراء تعليم أطفالهم كيف يكونون أغنياء

لأنهم ببساطة ميعرفوش ازاى بيتم ده . فلو عرفوا، كانوا حققوا الغنى لنفسهم.

مع ذلك لسه الاباء عايزين يعلموا اطفالهم نفس الحاجات اللى اتعلموها ووصلتهم للى هما فيه.

وده اللى بيوصل لتوارث الفقر عبر الاجيال.

أكثر الناس جدّية في العمل غالبا ما ينتهي بهم الأمر الي الفقر

ودى حاجه من الحاجات اللى بيخطئ فيها الناس، بعض الناس شايفين ان كل اللى لازم تعمله عشان تهرب من الفقر انك تشتغل بجد.

لكن الحقيقة واضحة . العمل الشاق يقدر يأكلك لليوم ده لكن مش للهروب من الفقر . انت محتاج اكتر من كدة.

الحصول على الثروة بيجى من قدرتك على استخدام الأدوات المتوفرة عندك.

الفقر يتطلب وجود رفقة

لو كان فى قاعدة عالمية واحدة بتنطبق على كل شيء فهي أن الناس المتشابهين بينجذبوا لبعضهم. ولذلك بيشتركوا في نفس النضالات.

فالأعداء المشتركين والصعوبات المشتركة بتجمع الناس مع بعضها. وده صحيح لكل اللى نجحوا .

لذلك بيجتمع الأغنياء عشان يلاقوا طرق جديدة لجعل نفسهم اكتر غنى.

لكن الفقراء بيجتمعوا مع بعض عشان يبصوا على اللى افقر منهم .

يتطلع الفقراء الي الآخرين طلباً للمساعدة

الخروج من الفقر هو مزيج من شوية عوامل ومش هتقدر تقوم بكدة الا لو كانت عندك الفرصة تعمل المزيج ده.

الناس بتخرج من الفقر كل يوم، وبرغم كدة معظم الفقراء لسه بيتمنوا ان حد يخرجهم لما تكون فى فرصة.

انت محتاج للتركيز على الفرص المتاحة وماتسمحش ليها تفوتك .. توقف عن انتظار الآخرين.

روابط الفقر تقيّدك أكثر مما تعتقد

انت محتاج تحرر نفسك من كل الروابط اللى بتخليك فى الفقر لو كنت عايز تهرب منه .

اكتر الأسباب المنتشرة للفقر هي نصايح العائلة ونقص الإرشاد الأبوي والتعليم ونقص التوظيف المبكر والإدمان.

طالما لسه عندك سبب واحد يربطك يبقى مفيش طريقة هتخلصك من دايرة الفقر.

الحظ والفقر وجهان لعملة واحدة

معظم الفقراء بيعتقدوا أن الخروج من الفقر ليس الا مسألة حظ فقط. وعلى الرغم من أنهم ممكن ينتهى بيهم الامر للى هما فيه بسبب الحظ أو بسبب الافتقار إليه.

كذلك الفقراء عاوزين يكونوا اغنياء بدل مايبقوا مش عاوزين يكونوا فقراء لو مكانش بامكانهم يكونوا اغنياء ..

فهما بيفضلوا عدم المحاولة اطلاقا . وده السبب الرئيسى لبقائهم زى ماهما وانتظار الحظ زى الفوز باليانصيب أو ميراث قريب غنى وهكذا ..

كلهم عاوزين ينتقلوا من الصفر للمائة بسرعة ومن غير جهد لكن ده مستحيل يحصل للاسف .

توفير الترفيه للفقراء يسمح للأغنياء بالمحافظة على القيادة

بيعتقد الناس أن حياتهم ماشية طبيعى طالما بياكلوا وبيستمتعوا. ودى واحدة من اوهام السلطة وواحدة من اكبر القيود اللى بتوصل للفقر.

اديلهم الاكل والترفيه ومش هيثوروا عليك ابدا ..

كذلك الترفيه الفارغ هو شكل من أشكال الإدمان اللى بيستغرق سنوات من حياتك من غير ماتاخد بالك.

المال يهرب من الأيدي التي لا تعمل من أجله

هل لاحظت قبل كدة ازاى اللى بيتعاملوا مع المال بشكل سئ مش بيحتفظوا بيه ؟

حتى لو حالفهم الحظ، فمش هيستغرق الامر غير كام سنة عشان يرجعوا للمكان اللى بدأوا منه.

وده لان المال مبيحبش الناس اللى مبيشتغلوش عشانه. وده واحد من الاسباب الاساسية اللى بتخلى امتلاك المال ميخرجكش من دايرة الفقر .

كذلك ممكن المال يحل بعض المشاكل المالية لكن الفقر مش مشكلة مالية لان المال اللى هتملكة محدود دايما، لكن الفقر هو نتيجة التعامل السيء مع المال والفرص.

الديون والاستهلاكية هي الوسائل الحديثة للعبودية

بما أن العبودية غير قانونية، فإن المجتمعات بتدور على طرق تزود بيها الانتاجية من غير ماتعبر الحدود الممنوعة. لكن لابد انهم قربوا من كدة.

فالبقاء على قيد الحياة مبقاش حر في المجتمع الحديث. مفيش حد بيملك اى شئ فعلا . حتى الناس اللى عندهم القدرة الكاملة على سداد بيوتهم هما مش اصحابها بالكامل.

أصحاب السلطة بيحاولوا امتلاكك من خلال الديون ومعظم الناس بينتهي بيهم الأمر غرقانين فى ديون مبتنتهيش قبل مايكبروا كفاية. ومعظمهم بيقضوا باقى حياتهم بيحاولوا يسددوها .

الفقر أكثر شيء مكلف في الحياة

معظم الناس مش فاهمين قد ايه مكلف انك تكون فقير . فمصروف واحد مش متوقع ممكن يسحق عالمك تماما .

ناس هتقولى ازاى كونى فقير ده امر مكلف؟! خلينا نبصلها بالطريقة دى .

لو ضرسك بيوجعك ومعندكش المال لعلاجه عشان كده بتتجاهله فيبقى حالتة اسوأ وتضطر تعالجه باضعاف المبلغ اللى كنت هتصرفة لو كنت عالجته م البداية.

كذلك طبق ده على اى حاجه تانية .. لذلك الفقر حرفيا بيكلفك المال.

أولئك الذين يقولون أن المال لا ينمو على الأشجار لم يزرعوا أي شيء

الفاكهة هي نتيجة شخص زرع بذرة واعتنى بنمو شجرة. الفاكهة ليها قيمة مادية ومعنوية. لو كنت عاوز الفاكهة أو المال،فالأفضل أنك تبدأ في زراعة الأشجار.

بعض الناس بيعتقدوا أنها أموال مجانية. لكن هما ناسيين انك لما تلاقى البذرة المناسبة وتحفر الارض وتحطلها اسمدة وتسقيها كل يوم وتتاكد من سلامتها من الحشرات لحد ماتبقى شجرة قوية كفاية عشان تجمع ثمارها هو امر صعب جدا. محتاج العمل والوقت والاهتمام.

لذلك توقف عن توقع الثمار اللى انت مزرعتش بذورها . مفيش حاجة مجانية فى الحياة .