عائد السهم (EPS) – الدليل النهائي لفهم ربحية السهم وتقييم الشركات

عائد السهم “Earnings Per Share” هو مقياس مالي بيتم حسابه عن طريق قسمة صافي الدخل على إجمالي عدد الأسهم العادية المتداولة، بيستخدم المستثمرين نسبة الربح للسهم لتقييم أداء وربحية الشركة قبل الاستثمار، نسبة العائد العالية معناها إن الشركة أكتر ربحية، وده هنوضحه ليكوا بالأمثلة التوضيحية.

EPS هو عبارة عن قصة مصغرة عن كيفية أداء الشركة في تحقيق أرباحها.
بيتر لينش

معادلة عائد السهم (EPS)

عائد السهم (EPS) – الدليل النهائي لفهم ربحية السهم وتقييم الشركات — معادلة عائد السهم (EPS)

ممكن حساب الـ”EPS” باستخدام المعادلة دي:

معادلة عائد السهم = (صافي الدخل – توزيعات الأرباح الممتازة) / المتوسط المرجح لعدد الأسهم القائمة

توزيعات الأرباح الممتازة بيتم طرحها من صافي الدخل عشان الـ”EPS” بيشير للأرباح المتاحة للمساهمين العاديين، بكدا مش بيتم طرح أرباح الأسهم العادية من صافي الدخل.

وعشان عدد الأسهم العادية المتداولة ممكن يتغير خلال السنة بيتم حساب المتوسط المرجح لـ”EPS”، المتوسط المرجح لعدد الأسهم العادية هو عدد الأسهم المتداولة خلال السنة، عشان كدا بيحتاج المحللين لإيجاد العدد المرجح للأسهم المتداولة بالكامل للسنة.

3 خطوات لحساب المتوسط المرجح لعدد الأسهم العادية المتداولة:

عشان تحدد رصيد بداية الأسهم العادية والتغيرات في الأسهم العادية خلال العام.

الخطوة 1 – حساب عدد الأسهم المتداولة بعد كل تغيير في الأسهم العادية، بيأدي إصدار الأسهم الجديدة لزيادة عدد الأسهم المتداولة، وإعادة شراء الأسهم بيقلل من عدد الأسهم المتداولة.
الخطوة 2 – اوزن الأسهم المتداولة حسب الجزء من السنة بين التغيير ده والتغيير اللي بعده: الوزن بيساوي: الأيام المتبقية / 365 = الشهور القائمة / 12.
الخطوة 3 – اجمع لحساب المتوسط المرجح للأسهم العادية المتداولة.

أمثلة على حساب عائد السهم

هناخد مثال عملي لتوضيح معادلة عائد السهم.

مثال 1

عند شركة “Hit” المعلومات دي:

صافي الدخل لنهاية سنة 2017 = 450.000 دولار.
توزيعات الأرباح الممتازة المدفوعة سنة 2017 = 30 ألف دولار.
في بداية سنة 2017، كانت الأسهم العادية القائمة 50،000 سهم.
في نص السنة أصدرت الشركة 40,000 سهم عادي.

عايزين نحسب عائد السهم لشركة “Hit”. في المثال، معانا صافي الدخل والأرباح الممتازة، ده معناه إننا نعرف كل المعلومات المطلوبة للبسط في المعادلة، بس احنا منعرفش المتوسط المرجح للأسهم العادية المتداولة، بكدا محتاجين نحسب متوسط الأسهم العادية.

يلا نحسب المتوسط المرجح لعدد الأسهم العادية المتداولة الأول

في بداية السنة كان عند الشركة 50,000 سهم عادي، وفي نص السنة تم إصدار 40 ألف سهم عادي جديد، بكدا معانا 50,000 سهم للسنة كلها و40.000 سهم لـ6 شهور الماضية.

المتوسط المرجح لعدد الأسهم العادية = (50،000 * 1) + (40،000 * 0.5)
= 50،000 + 20،000
= 70،000 سهم.

دلوقتي نقدر نحسب الـ”EPS”:

معادلة EPS = (صافي الدخل – توزيعات الأرباح الممتازة) / المتوسط المرجح لعدد الأسهم العادية.
EPS = (450.000 دولار – 30.000 دولار) / 70.000
عائد السهم = 420،000 دولار / 70،000
= 6 دولار لكل سهم.

مثال 2

ناخد مثال شركة “كولجيت”، صافي الدخل (2013) للمساهمين العاديين هو 2،241 مليون دولار، والأسهم العادية المتداولة هي 930.8 مليون، حساب الـ”EPS” لشركة “كولجيت” لسنة (2014) 2241 دولار/ 930.8 دولار = 2.41 دولار.

مثال 3

شركة “الباتروس” سنة 2007، صافي الدخل بتاعها = 1،000،000 دولار، والبيانات الإضافية المقدمة هي:

100,000 سهم من الفئة “A” أسهم تراكمية ممتازة، توزيع أرباح يساوي 2.00 دولار للسهم.
50,000 سهم من الفئة “B” أسهم غير تراكمية ممتازة، توزيع أرباح يساوي 1.50 دولار للسهم.
مش تم الإعلان عن توزيعات أرباح في السنة دي.

ايه هو قيمة البسط في معادلة الـ”EPS” لشركة “الباتروس”؟

بسط EPS = صافي الدخل – توزيعات الأرباح الممتازة

حساب المتوسط المرجح لعدد الأسهم:

بيتم احتساب المتوسط المرجح لعدد الأسهم على الشكل ده:

تأثير توزيعات أرباح الأسهم على عائد السهم

لما المحللين بيحسبوا عدد الأسهم المتوسطة المرجحة، الرقم المناسب للأسهم بيتغير في وحدات القياس، ومش بيتغير بملكية الأرباح، يعني لو في توزيع أرباح أو تجزئة في الأسهم، المساهمين اللي عندهم أسهم بيتغير عندهم عدد الأسهم بس، والأرباح اللي بيمتلكوها بتفضل زي ما هي.

لما بيحسبوا العدد المرجح المتوسط للأسهم، بيحتاجوا يعملوا إعادة حساب للأسهم المتداولة قبل التوزيع أو التجزئة، يعني بيعملوا تعديل للأرقام اللي بتمثل عدد الأسهم قبل التوزيع، وبيحسبوا العدد المرجح بناءًا على الأرقام المعدلة.

قبل ما يبدأوا في الخطوات التلاتة لحساب العدد المرجح المتوسط، بيتم إعادة النظر في الأرقام دي عشان تعكس تأثيرات التوزيع أو التجزئة في الأسهم:

رصيد الأسهم المتداولة في بداية الفترة.
كل إصدارات الأسهم أو عمليات الشراء قبل التوزيع.
مفيش تعديل بيتم للأسهم اللي تم إصدارها أو شرائها بعد تاريخ التوزيع.

لو في توزيع أرباح بيحصل بعد نهاية السنة، بس قبل ما يتم إصدار القوائم المالية لازم يتم إعادة حساب العدد المرجح المتوسط للأسهم المتداولة خلال السنة (وأي سنوات تانية موجودة في القوائم المالية المقارنة).

مثال توضيحي

احسب المتوسط المرجح لعدد الأسهم:

بيتم حساب المتوسط المرجح لعدد الأسهم على بالشكل ده:

توزيعات أرباح أسهم شركة “كولجيت” وعائد السهم:

نتيجة لسنة 2013، تم تعديل كل البيانات التاريخية لكل سهم وأعداد الأسهم القائمة بأثر رجعي، في سنة 2012 وصل عدد الأسهم القائمة 476.1 مليون سهم، واتضاعفت عشان توصل لـ 930.8 مليون بسبب تجزئة سهمين مقابل سهم واحد.

الفرق بين هيكل رأس المال البسيط وهيكل رأس المال المعقد

إذا كان هيكل رأس المال لشركة معينة بسيط، فده معناه إنها بتتكون من الأسهم العادية ومش بتشمل أي أوراق مالية محتملة للأسهم العادية، الشركات اللي ليها هياكل مالية بسيطة بتحتاج بس لتقرير معادلة الأرباح الأساسية للسهم.

لو كان للشركة هيكل مالي معقد، فهو بيشمل أوراق مالية ممكن يكون ليها تأثير مخفف على ربحية السهم العادي. خلينا نشوف أرباح السهم في شركة “كولجيت”، هنلاحظ إن في نوعين، أرباح السهم الأساسية وأرباح السهم المخففة في “كولجيت”، هنلاحظ كمان إن خيارات الأسهم ووحدات الأسهم المقيدة بتأثر على إجمالي عدد الأسهم المتداولة.

كولجيت ليها هيكل مالي معقد، عشان فيه خيارات أسهم ووحدات أسهم بتزود عدد الأسهم المتداولة، لما يزيد عدد الأسهم المتداولة، بتنقص الأرباح للسهم الواحد، وبملاحظة في حالة “كولجيت” عدد الأسهم اللي بيزيد بسبب خيارات الأسهم ووحدات الأسهم كان 9.1 مليون سهم في سنة 2014.

الـEPS هو واحد من عوامل كتير لازم تراعيها عند تقييم الاستثمار في أسهم الشركات. لازم كمان تراعي الجوانب المالية والاقتصادية والصناعية التانية.
وارن بافيت

وبعد ما شرحنا كل حاجة في مقالنا عائد السهم (EPS) – الدليل النهائي لفهم ربحية السهم وتقييم الشركات هنجاوب علي سؤال أخير وهو:

ازاي عائد السهم بيأثر على تقييم الأسهم؟

عوائد الأسهم بتمثل ربح الشركة وتُعتبر المؤشر الأهم للصحة المالية للشركة، الشركات المُدرجة في البورصة بتعمل تقرير الأرباح 4 مرات في السنة، هنلاحظ إن المحللين والمستثمرين بيتابعوا الموسم ده من تقارير الأرباح، زيادة أرباح السهم هو مؤشر على أداء الشركة الجيد ومؤشر على عوائد المستثمر.

مهم: فهم الفرق بين EPS الأساسية و EPS المخفف – تحليل تأثيرها على اتخاذ قرارات الاستثمار

بيتم متابعة الـ”EPS” مباشرة في أسواق الأسهم من خلال مضاعفة الربحية “PE”، كل ما كانت نسبة مضاعفة الربحية “PE” أقل من المتوسط كل ما كان الاستثمار والتقييم أفضل، بتتفاعل أسعار الأسهم بشكل كبير مع تقارير الأرباح التفصيلية بسبب الترابط المباشر.