شرح معني السيولة المالية – ازاي تحافظ على تدفق النقدية في الشركة؟

شرح معني السيولة المالية “Liquidity” هي القدرة على تحويل الأصول أو الأوراق المالية لنقدية بسهولة، الشركات بتحتفظ بنسبة من الفلوس الجاهزة زي الكاش والفلوس اللي في البنك والأوراق المالية اللي بتتباع بسهولة وكمان أدوات السوق المالية، وده بيبين كفاءة الشركة في التشغيل.

لما الشركة تحول الأوراق المالية والأصول اللي عندها لنقدية، بتعمل ده بسعر عادل في السوق وقبل ما تستثمر مبالغ كبيرة في أي استثمار، الشركة لازم تتأكد إن عندها مبالغ كافية من الكاش اللي تقدر تستخدمه في تغطية مصاريف التشغيل.

السيولة هي القدرة على تحويل الاستثمارات لفلوس، نقدية بسرعة وبأقل قيمة تتحملها.

بيتر لينش

إقرأ المزيد: الأداء المالي: أهم مؤشرات الأداء المالي وكيفية قياسها

أهم النقاط

• السيولة هي طريقة لتقييم قدرة الشركة على تسديد التزاماتها قصيرة الأجل باستخدام النقدية الناتجة من بيع أصولها المتداولة بسعر سوق عادل.
• السيولة بتقيس النسبة النقدية والنسبة السريعة والنسبة الحالية ونسب الفاصل الدفاعي والصحة المالية للشركة.
• الشركات اللي عندها أصول سائلة أكتر بتكون ليها مصداقية أفضل، الشركات دي بتمتلك رأس مال عامل كافي واحتياطيات نقدية، وبكدا بتكون في وضع أفضل لنمو البيزنس والتوسع.

شرح معني السيولة المالية

معنى مصطلح السيولة بيتغير بناءًا على الاستخدام، في سوق المال السيولة بتشير لإمكانية تحويل الأوراق المالية والأصول لنقدية بسرعة من غير التفاوض في السعر، الاستثمارات قصيرة الأجل بتشمل النقدية والعملات الأجنبية والأسهم والسلع وشهادات الاستثمار الحكومية، وفي المحاسبة السيولة بتشير لقدرة الشركة على تحقيق التزاماتها المالية قصيرة الأجل.

المستثمرين وأصحاب الشركات ومقدمين الائتمان بيقيموا الشركة بناءًا على درجة السيولة اللي عندها قبل الاستثمار، الأصول السائلة متاحة بسهولة في النقدية وما يعادلها والديون المستحقة، أما الأصول الثابتة والشهرة والعلامة التجارية مش بتعتبر سائلة، الأصول السائلة لازم تكون متوازنة، وجود كمية زيادة من النقدية أو الأصول المتداولة ممكن يأدي لوجود فائض في السيولة أكتر من رأس المال الحر المطلوب في البيزنس، الفلوس الزيادة مش بتستثمر ومش بتحقق أي دخل أو فوائد إضافية.

ايه هي نسب السيولة المالية؟

فيه أنواع مختلفة من النسب المالية منهم:

1) النسبة الحالية – Current Ratio

النسبة الحالية هي مقياس مالي لإمكانية الشركة للوفاء بالتزاماتها الحالية خلال سنة من أصولها المتداولة، المعادلة هي:

بتشمل الأصول المتداولة على النقدية وما يعادلها والمخزون وحسابات القبض والأوراق المالية القابلة للتداول وأدوات سوق المال والأصول اللي ممكن تحويلها بسهولة لنقدية، والخصوم المتداولة بتشمل الديون قصيرة الأجل والرواتب والأجور ومصاريف الكهرباء والإيجار والضرائب وأقساط الديون طويلة الأجل.

تقريبا نسبة 2 : 1 بتحدد مركز رأس المال العامل السليم، وبتختلف النسبة من صناعة للتانية.

2) النسبة السريعة – Quick Ratio

النسبة السريعة أو نسبة اختبار الحمض هي مقياس سيولة يحلل قدرة الشركات على السداد على المدى القصير من النقدية وما يعادلها والمخزون والفلوس المستحقة القبض، والمعادلة هي:

نسبة اختبار الحمض المثالية هي 1 : 1 ممكن صرف الأصول السريعة أو السائلة خلال 90 يوم – زي النقدية وما يعادلها والأوراق المالية القابلة للتداول وحسابات القبض.

3) النسبة النقدية – Cash Ratio

بتشير النسبة النقدية أو نسبة السيولة المطلقة للتقييم المالي لقدرة الشركة على السداد الفوري للوفاء بالالتزامات المتداولة، والمعادلة هي:

تعتبر النسبة النقدية جيدة لو كانت (0.5 : 1) أو أكتر، بتوضح إن الشركة عندها كاش جاهز وكافي لتغطية مش اقل من نص التزاماتها قصيرة الأجل.

4) نسبة الفاصل الدفاعي – Defensive Interval Ratio

نسبة أو فترة الفاصل الدفاعي هي عدد الأيام اللي ممكن للشركة إنها تعيش فيها على أصولها السائلة ومصاريف التشغيل الواضحة.

أو

وده بيشير للتدفق النقدي التشغيلي للشركة.

مثال علي شرح معني السيولة المالية

شركة “MNC” عندها مصاريف التشغيل السنوية 200,000 دولار وكانت المصروفات غير النقدية 17,500 دولار، بناءًا على الميزانية العمومية للشركة للسنة المنتهية في ديسمبر 2021، احسب سيولة الشركة.

الحل:

نسبة النقدية = النقدية وما يعادلها / الخصوم المتداولة = (45,000 + 35,000) / 40,000 = 1 : 2

النسبة السريعة = (النقدية وما يعادلها + الأوراق المالية القابلة للتداول+ الذمم المدينة) / الخصوم المتداولة = (45,000 + 35,000 + 15,000 + 20,000) / 40,000 = 1 : 2.875

النسبة الحالية = الأصول المتداولة / الخصوم المتداولة.

النسبة الحالية = (45,000 + 35,000 + 15,000 + 10,000 + 20,000) / (15,000 + 25,000) = 125,000 / 40,000 = 1 : 3.125

نسبة الفاصل الدفاعي = الأصول المتداولة / مصاريف التشغيل اليومية.

مصاريف التشغيل اليومية = (مصاريف التشغيل السنوية – الرسوم غير النقدية) / 365 = (200,000 – 17,500) / 365 = 500 دولار.

نسبة الفاصل الدفاعي = 125,000 / 500 = 250 يوم.

تفسير نسب السيولة المالية

1. النسبة النقدية لشركة “MNC” هي (2 : 1) وده معناه إن النقدية وما يعادلها للشركة هو ضعف الخصوم المتداولة، بكدا ممكن للشركة بسهولة سداد الالتزامات.
2. النسبة السريعة (2.875 : 1) دليل على صحة البيانات المالية على المدى القصير، وبتحتفظ الشركة بكميات كافية من الأصول السائلة.
3. النسبة الحالية (3.125 : 1) معناها ان الأصول الحالية للشركة 3 أضعاف الخصوم المتداولة وده بيدل على كفاءة التدفق النقدي.
4. فترة الفاصل الدفاعي هي 250 يوم، كويسة والشغل بيكون سهل.

أهمية السيولة المالية

• تعكس الصحة المالية: وجود الأصول السائلة الكافية بيعكس كفاءة الشركة.
• ضمان توفير الفلوس الكافية: الشركات اللي عندها نقدية وأصول متداولة كافية بتقدر تسدد التزاماتها المالية الفورية بسهولة، كمان بيدل على وجود احتياطيات نقدية للطوارئ.
• تحسين المصداقية: لما الشركة تحتاج فلوس لمشاريعها المستقبلية، سواءً من خلال إصدار الأسهم أو القروض، المستثمرين والممولين بيدرسوا بدقة توفر الأصول السائلة، بالنسبة للمستثمرين ده معناه تقليل مستويات المخاطر.
• التوسع: بما إن الشركات اللي عندها رأس مال عامل واحتياطيات نقدية كافية ليها مصداقية أكبر، فهي في موقع أفضل لنمو البيزنس أو التوسع.

إدارة السيولة في البيزنس

خطر السيولة هو سيناريو الحالة الأسوأ يعني الشركة مش تقدر تعمل تسوية لاتزاماتها قصيرة الأجل باستخدام النقدية المتاحة والأصول السائلة، ده بيبين إن الشركة بتواجه صعوبة في تسديد التزاماتها المالية، والأسباب ممكن تكون كُتر الديون أو عدم القدرة على تحويل مبيعات الائتمان لكاش.

كل الجهات زي البنوك والحكومات والشركات بتواجه خطر نقص السيولة، وده بسبب اللوائح الصارمة والديون الضخمة اللي ممكن تكون موجودة، فبتحتاج كل جهة لإدارة السيولة بتاعتها عشان تضمن مواصلة عملياتها.

في أمريكا تم تفويض البنوك بالحفاظ على الأصول السائلة الزائدة، وده بناءًا على قانون “Dodd-Frank” لإصلاح وحماية “وول ستريت” اللي تم الموافقة عليه في 2010، في المدى القصير الشركات بتستخدم أدوات وتقنيات مختلفة عشان تحدد احتياجاتها النقدية، زي نمذجة التدفق النقدي والتنبؤ بالنقد وتركيز النقد والتجميع النظري، عشان يديروا كمية الفلوس اللي عندهم، المديرين بيهتموا بتكاليف التحويل والوقت المطلوب للتحويل وتقلبات أسعار الأصول أو الأوراق المالية.

السيولة هي الدم الناقل للأعمال التجارية والاقتصاد، وعدم وجودها ممكن يكون قاتل.

وارن بافيت

ايه هي السيولة؟

السيولة هي قدرة الشركة على دفع ديونها قصيرة المدى، باستخدام فلوس وأصول معاها وبيكون من السهل تحويلها لنقدية من غير ما يتأثر سعرها في السوق، الأصول السائلة بتشمل النقدية والحسابات البنكية والأوراق المالية اللي ممكن تبيعها بسهولة وأدوات السوق النقدية والمستحقات والمخزون والمعادن الثمينة.

ايه هي مخاطر السيولة؟

الخطر اللي بيحصل في السيولة هو لما الشركة ميكونش عندها كاش ولا أصول سائلة، ولو حصل كدا مش هتقدر تسدد التزاماتها المالية.

مهم: النسبة النقدية: مقياس السيولة النقدية في الشركات

نسب السيولة بتقيس ايه؟

النسب دي هي مقاييس مالية بتُستخدم لفهم الكفاءة التشغيلية، بتحلل وجود النقدية للشركة ووضع الحساب الجاري والنسب الحالية والنسب النقدية والنسب السريعة ونسب الفاصل الدفاعي، وبكدا نكون عرفنا كل حاجة عن شرح معني السيولة المالية – ازاي تحافظ على تدفق النقدية في الشركة؟.