دروس ونصائح مالية من كتاب الأب الغني والأب الفقير

“الأب الغني والأب الفقير” بيحكي قصة ولد عنده أب غني وأب فقير، الكتاب ده بيساعدك تطور عقليتك ومعرفتك المالية اللي انت محتاجها عشان تبني حياة مليانة بالغني والحرية، الكتاب عنده شعبية كبيرة جدًا، وده مش رأينا الشخصي بس، ده رأي كتير من الناس اللي قرأت الكتاب، وعلى الرغم من إن في ناس بتنتقده، إلا إن الناس بتشتريه وبتقراه، والدليل إنه بيتباع بشكل كبير، إن مبيعاته وصلت لأكتر من 32 مليون نسخة، عشان كده هنتكلم عن أهم دروس ونصائح مالية من كتاب الأب الغني والأب الفقير.

حسب الإحصائيات، أكتر من 90% من الشعب الأمريكي بيعانوا من مشاكل مالية، والسبب الرئيسي إنهم بيتمسكوا بالمصروفات اللي عندهم بدل ما يفكروا في إستراتيجية النجاح والربح المالي.

روبرت كيوساكي

إقرأ المزيد: ازاي تدير فلوسك في الفوركس؟

ازاي تتخلص من القلق وتستثمر بثقة؟

ملخص الكتاب بيبتدي بفكرة، إن في ناس كتير بتخاف تبقى مختلفة وتطلع من دوامة الحياة العادية، وبيسمحوا للرغبة اللي جواهم في إنهم يحافظوا على الفلوس والخوف من الخسارة انها تسيطر على قراراتهم، وده اللي بيخلينا نتمسك بحاجات في حياتنا زي “روح المدرسة، روح الجامعة، خد وظيفة، حافظ على نفسك.”، وده شعار قديم ومنتهي الصلاحية، لأنه في الحقيقة، مفيش وظيفة مضمونة في الوقت الحالي.

عشان نوضح الفكرة أكتر خلينا ناخد مثال، لما المرتب بتاعك يزيد، الخيار الافضل ليك إنك تستثمر الفلوس الإضافية من مرتبك في حاجة تخلي فلوس أكتر زي الأسهم أو السندات، اللي فيهم خطر لما تشتريهم، لكن في نفس الوقت في فرص كتير، ممكن تلاقي صندوق استثماري فيه فرصة بنسبة 60% إنك تضاعف فلوسك خلال سنة، بس في نفس الوقت في نسبة 40% إنك تخسر كل حاجة، بس الخوف من الخسارة الكلية ممكن يمنعك من الاستثمار في الأساس.

أهمية التعليم والوعي في تحقيق الاستقرار المالي

لكن لو الطمع اتحكم فيك، ممكن تصرف الفلوس الإضافية على تحسين مستوى حياتك، زي مثلاً إنك تروح تشتري عربية جديدة وفخمة بالقسط، والأقساط دي بتأكل الفلوس، وبالطريقة دي ممكن تكون متأكد إنك هتخسر كل حاجة، ده بيديك فكرة عن مدى أهمية التعليم والوعي المالي، عشان إحنا مش بنتعلم أي حاجة عن الفلوس في المدرسة أو الجامعة، ودي حقيقي حاجة محزنة جدا، فالموضوع كله بيعتمد عليك انت، فلو بصيت حواليك هتلاقي ناس كتير في حياتك معندهمش فكرة عن الفلوس أو بمعني أصح جاهلين ماليًا.

نفس السبب اللي بيخلي 38% من الشعب الامريكي مبيدخِّروش حاجة للتقاعد بتاعهم، الحل الوحيد اللي تقدر تعمله هو إنك تبدأ دلوقتي، فكر في حساباتك كويس وشوف ايه اللي تقدر تشتريه وايه اللي متقدرش تشتريه، كده هتقدر تحدد أهداف مالية واقعية، حتى لو كانت بتتأجل شوية مثلاً لحد ما تقدر تجيب الحاجة اللي بتحلم بيها.

ازاي تتعلم حاجات جديدة وتستثمر بأمان عشان تكسب أكتر؟

الخطوة اللي بعد كده هي إنك تبني فكرة “اشتغل عشان تتعلم بدل من إنك تشتغل عشان تكسب”، اشتغل في وظيفة في مجال متعرفش عنه حاجة، زي المبيعات أو خدمة العملاء أو الاتصالات، وده عشان تطور مهارات جديدة ممكن تستفيد منها في مجالات تانية، وحط علي جنب 5% من دخلك كل شهر عشان تشتري كتب وتتدرب وتحضر ندوات بتتكلم عن المالية الشخصية، عشان تبدأ تزود معرفتك المالية.

أول خطوة عشان تبني ثروة هي إنك تفكر في إدارة المخاطر بدل ما تحاول تتجنّبها، كمان لازم تتعلم عن الإستثمارات وتفهم إنها أحسن من الخوف اللي عندك بسبب الفرص الكبيرة اللي بتفوّتك، ممكن متبدأش بمبلغ كبير، ابدأ بمبلغ صغير زي $100 أو $1,000 وإستثمرها في الأسهم، السندات، أو حتى شهادات ضريبية، واعتبر الفلوس دي راحت وش راجعة تاني، وده هيقلل من قلقك من خسارتها.

ازاي تحفز نفسك وتحدد أولوياتك المالية؟

لما تبتدي رحلتك عشان تكون غني، هتلاقي ان المشوار طويل، وعشان كده لازم تبقى متحمس، الكاتب كيوساكي بينصحك تعمل لستة، واحدة بتقول “أنا عايز” والتانية بتقول “أنا مش عايز”، اكتب في اللستة حاجات زي “أنا عايز أتقاعد في سن الخمسين” أو “مش عايز أكون زي عمي اللي الفقير”.

فكرة تانية هي إنك تخلّي أولويتك في الشهر إنك تدفع لنفسك الاول، خد جزء من المرتب اللي عايز تستثمره في الأسهم أو في تعليمك المالي، واستثمره، وبعدين ادفع الفواتير، الحاجة دي هتساعدك تحس بالضغط عشان تكوّن مبدع أكتر في إنك تكسب فلوس بطرق مختلفة.

استثمر فلوسك في شراء الأصول واحمي مستقبلك المالي

استخدم فلوسك عشان تشتري أصول بدل ما تجيبلك مصاريف زيادة، الأصول دي ممكن تكون عبارة عن أسهم، سندات، عقارات وتأجرها، وأي حاجة بتجيبلك فلوس وقيمتها بتزيد مع الوقت، أما المصاريف اللي اقصدها بتكون زي العربية أو البيت اللي بتدفعلهم أقساط كل شهر، أو أي ديون عليك، أي حاجة بتاخد فلوس من جيبك هي مصروف.

مفيش داعي للاستعجال، حافظ بس على شغلك الرئيسي و “حط في بالك شغلك الخاص”، في الحالة دي شغلك الرئيسي هو اللي هيدفع فواتيرك، وشغلك الخاص هو اللي هيخليك تبقي أغني يوم عن يوم، ابني مشروعك الخاص جنب الشغل، واستخدم الفلوس اللي بتيجي منه عشان تستثمر في الأصول حتى لو في النهاية الأصول دي هتبقى المصدر الرئيسي لدخلك، عشان تقدر تدفع ضرايب على المكسب بعد ما تستثمر، بدل ما تدفع ضرايب من فلوسك كموظف وتحاول تعيش على الباقي، أهم حاجة إنك تبدأ دلوقتي، انت أكبر أصل لنفسك، فالحاجة الأولى اللي تدفع فيها فلوس هي نفسك.

مهم: أسرار التداول الناجح في البورصة

ملخص الكتاب ده مفيد جداً للناس اللي عايزه تتعلم أكتر عن الفلوس والاستثمار، وخاصة الشباب اللي عايزين يحسّنوا مستقبلهم المالي ويحققوا الاستقلالية المالية، الكتاب فيه نصايح مهمة جداً للحرية المالية وإدارة الفلوس بطريقة كويسة، وكمان الكتاب مفيد للمبتدئين في مجال الاستثمار.