درجة الرافعة التشغيلية (DOL) – تأثير الدخل التشغيلي على التغير في المبيعات
درجة الرافعة التشغيلية “Degree of Operating Leverage” بتقيس تأثير صافي دخل الشركة التشغيلي للتغيرات في المبيعات، درجة الرافعة التشغيلية العالية معناها وجود نسبة عالية من التكاليف الثابتة في عمليات البيزنس، أما درجة الرافعة التشغيلية المنخفضة معناها وجود استثمار أقل في التكاليف الثابتة لتشغيل البيزنس.
درجة الرافعة التشغيلية هي مقياس لقوة الشركة في التكيف مع التغيرات في المبيعات.
وارن بوفيت
إقرأ المزيد: شرح معادلة درجة الرافعة المالية – طريقة حسابها مع أمثلة عملية
معادلة درجة الرافعة التشغيلية (DOL)
تُستخدم المعادلة لتحديد تأثير التغيير في مبيعات الشركة على الدخل التشغيلي للشركة.
- الشركة اللي عندها نسبة أعلى من التكاليف الثابتة عندها “DOL” أعلى من الشركة اللي عندها نسبة أعلى من التكاليف المتغيرة.
- لو كانت الـ DOL مرتفعة، فالأرباح قبل الفوائد والضرائب “EBIT” هتكون أكتر تأثير للنسبة المئوية للتغير في المبيعات، وهتفضل كل المتغيرات التانية زي ما هي والعكس صحيح.
- بيتم اشتقاق معادلة درجة الرافعة التشغيلية “DOL” بقسمة النسبة المئوية للتغير في العائد قبل احتساب الفائدة والضريبة على النسبة المئوية للتغير في المبيعات، وبيتم تمثيلها بالشكل ده:
معادلة DOL = النسبة المئوية للتغير في الأرباح قبل الفوائد والضرائب / النسبة المئوية للتغير في المبيعات
على العكس ممكن كمان اشتقاق معادلة “DOL” بقسمة هامش المساهمة على الأرباح قبل الفوائد والضرائب “EBIT” للشركة، واللي بيتم تمثيلها رياضيًا على إنها:
معادلة DOL = هامش المساهمة / الأرباح قبل الفوائد والضرائب EBIT
ممكن كمان تكون المعادلة بالتفاصيل دي:
معادلة DOL = (المبيعات – التكلفة المتغيرة) / (المبيعات – التكلفة الثابتة – التكلفة المتغيرة)
طريقة حساب درجة الرافعة التشغيلية
هنحسب درجة الرافعة التشغيلية باتباع الخطوات التلاتة دي:
- في الأول حدد الدخل التشغيلي “EBIT” للعامين الحالي والسابق، بعد كدا احسب النسبة المئوية للتغير في العائد قبل احتساب الفوائد والضرائب عن طريق طرح العائد قبل احتساب الفوائد والضرائب للسنة السابقة من العام الحالي، بعد كدا اقسم الناتج على العائد قبل احتساب الفوائد والضرائب للعام السابق.
النسبة المئوية للتغيير في EBIT = (EBIT للعام الحالي – EBIT للعام السابق) / EBIT للعام السابق * 100٪
- تاني حاجة ، تحديد المبيعات خلال العام الحالي والعام السابق، بعد كدا احسب النسبة المئوية للتغير في المبيعات عن طريق خصم مبيعات العام السابق من مبيعات العام الحالي، واقسم الناتج على مبيعات العام السابق.
النسبة المئوية للتغير في المبيعات = (مبيعات العام الحالي – مبيعات العام السابق) / مبيعات العام السابق*100%
- أما الخطوة الاخيرة، ممكن تحسب المعادلة بقسمة القيمة في الخطوة “1” على قيمة الخطوة “2”.
أمثلة علي درجة الرافعة التشغيلية
هنشوف دلوقتي أمثلة هتوضح أكتر درجة الرافعة التشغيلية.
مثال رقم 1
الشركة “أ” سجلت مبيعات قدرها 800.000 دولار في السنة الأولى واللي زادت لمليون دولار في السنة التانية، في السنة الأولى نفقات التشغيل 450.000 دولار، أما في السنة التانية ارتفع المبلغ نفسه لـ 550.000 دولار، احسب الـ”DOL” لشركة “أ”.
بيانات الشركة لحساب درجة الرافعة التشغيلية “DOL“:
| التفاصيل | السنة الأولى | السنة التانية |
|---|---|---|
| المبيعات | $800,000 | $1,000,000 |
| مصاريف التشغيل | $450,000 | $550,000 |
العائد قبل الفائدة والضريبة في السنة الأولى
- العائد قبل الفائدة والضريبة في السنة 1 = المبيعات في السنة 1 – مصاريف التشغيل في السنة 1
- = 800,000 دولار – 450 ألف دولار.
- = 350 ألف دولار.
العائد قبل الفائدة والضريبة في السنة الثانية
- العائد قبل الفائدة والضريبة في السنة 2 = المبيعات في السنة 2 – مصاريف التشغيل في السنة 2
- = 1،000،000 – 550،000 دولار.
- = 450 ألف دولارز
التغير في EBIT
التغير في EBIT = EBIT في السنة 2 – EBIT في السنة 1
= 450 ألف دولار – 350 ألف دولار.
= 100،000 دولار.
النسبة المئوية للتغير في العائد قبل الفائدة والضريبة
- النسبة المئوية للتغير في EBIT = التغير في EBIT / EBIT في السنة 1 * 100%
- = 100،000 دولار / 350،000 دولار * 100%
- = %28.57
التغير في المبيعات
- التغير في المبيعات = المبيعات في السنة 2 – المبيعات في السنة 1
- = 1,000,000 – 800,000 دولار.
- = 200,000 دولار.
النسبة المئوية للتغير في المبيعات
- النسبة المئوية للتغير في المبيعات = التغير في المبيعات / المبيعات في السنة 1 * 100%
- = 200,000 دولار / 800,000 دولار * 100%
- = %25.00
حساب درجة الرافعة التشغيلية
- درجة الرافعة التشغيلية = النسبة المئوية للتغير في EBIT / النسبة المئوية للتغير في المبيعات.
- = %28.57 / %25.00
- = 1.14
بكدا نسبة الـ”DOL” للشركة “أ” هو 1.14
مثال رقم 2
احسب درجة الرافعة التشغيلية للشركة “ب”، الشركة بتشتغل في مجال تصنيع الشوكولاتة وفي العام الحالي حققت كمية مبيعات 18,000 قطعة بمتوسط سعر مبيعات 50 دولار للقطعة، هيكل التكلفة الإجمالية للشركة هو التكلفة الثابتة 100,000 دولار والتكلفة المتغيرة هي 25 دولار للقطعة الواحدة.
استخدم البيانات التالية لحساب درجة الرافعة التشغيلية:
| كمية المبيعات | 18,000 |
| متوسط سعر البيع للقطعة | $50 |
| التكلفة المتغيرة للقطعة الواحدة | $25 |
| التكلفة الثابتة | $1,00,000 |
| مبيعات | $9,00,000 |
| التكلفة المتغيرة | $4,50,000 |
- المبيعات = كمية المبيعات * متوسط سعر البيع للقطعة.
- = 18,000 * 50 دولار.
- = 900,000 دولار.
- التكلفة المتغيرة = كمية المبيعات * التكلفة المتغيرة للقطعة.
- = 18,000 * 25 دولار.
- = 450 ألف دولار.
هامش المساهمة
- هامش المساهمة = المبيعات – التكلفة المتغيرة.
- = 900,000 دولار – 450 ألف دولار.
- = 450 ألف دولار.
الـ EBIT هيساوي
- EBIT = المبيعات – التكلفة المتغيرة – التكلفة الثابتة.
- = 900,000 دولار – 450 ألف دولار – 100 ألف دولار.
- = 350 ألف دولار.
الناتج هيكون
- DOL = هامش المساهمة / EBIT.
- = 450.000 دولار / 350.000 دولار.
- = 1.29
بكدا الـ”DOL” للشركة “B” هو 1.29
استخدامات درجة الرافعة التشغيلية
مهم جدًا نفهم فكرة درجة الرافعة التشغيلية، عشان الشركة تقدر تعرف تأثير الرافعة التشغيلية على أرباحها المتوقعة، درجة الرافعة التشغيلية هي نسبة مهمة جدًا للشركة عشان تحدد مستوى مناسب للرافعة التشغيلية عشان تجيب أقصى فايدة من دخلها التشغيلي.
لو الشركة عندها رافعة تشغيلية عالية، يبقى ده معناه إن جزء كبير من تكلفتها الإجمالية هي تكاليف ثابتة وبكدا الشركة دي هتشوف تغيرات كبيرة في الأرباح مع زيادة صغيرة في المبيعات، ولو الشركة عندها رافعة تشغيلية منخفضة يبقى ده معناه إن التكاليف المتغيرة هي اللي بتساهم في جزء كبير من تكلفتها الإجمالية والشركة دي مش محتاجة بشكل ضروري تزود المبيعات عشان تغطي تكاليفها الثابتة القليلة، بس بتحقق أرباح أقل على كل صفقة بيع زيادة.
هل ممكن تكون درجة الرافعة المالية سالبة؟
مستحيل درجة الرافعة التشغيلية تكون سالبة، الرافعة التشغيلية بتكون نسبة بين رقمين إيجابيين، يعني المبيعات والدخل التشغيلي، بكدا الرافعة التشغيلية السالبة مش ممكنة ومش متوافقة مع التعريف التقليدي للرافعة التشغيلية.
ايه هي درجة الرافعة التشغيلية الأفضل؟
درجة الرافعة التشغيلية الأفضل هي العالية، بتسمح للشركات إنها تحقق أرباح كبيرة بكل زيادة في المبيعات، أما الشركات اللي عندها رافعة تشغيلية منخفضة بيكون سهل تحقق أرباح وهي بتاجر بمستوى مبيعات أقل.
مهم: نسبة الفاصل الدفاعي (DIR) – مقارنة أصول الشركة بمصاريفها التشغيلية
ازاي ممكن تكون درجة عالية من الرافعة المالية خطر بالنسبة للشركة؟
درجة الرافعة التشغيلية العالية ممكن تكون خطر على الشركة بطرق كتيرة، منها الحد من المرونة وتكبير تأثيرات التغيرات في الإيرادات والمخاطر المالية والمخاطر الاستراتيجية.