حيل محاسبية لضبط واكتشاف التلاعب المالي
![حيل محاسبية لضبط واكتشاف التلاعب المالي](https://bashmohasb.com/wp-content/uploads/2021/10/حيل-محاسبية-لضبط-واكتشاف-التلاعب-المالي-1024x683.jpg)
الـ Fraud او الغش هو أي تلاعب عن طريق أي حد بغرض انه ياخد حاجه مش من حقه زي السرقة مثلا!
والحقيقة ان الـ Fraud يعتبر صداع في راس أي Business وهنا بيظهر دور الـ Internal Auditor وأهميته
في انه يكتشف الـ Fraud اللي بيحصل من خلال حيل محاسبية لظبط واكتشاف التلاعب المالي.
مستويات الغش :
لما تجي تبص علي الـ Fraud هتلاقي ان ليه أكتر من Level:
- Low level Fraud :
- Executive level fraud :
1- Low level fraud :
دا الـ Fraud اللي بيحصل من الموظفين الصغيرين في الـ Business واللي دايما بيكون في شكل سرقة للمخزون او
الأصول أو لعب في الـ Petty Cash أو حتي ضرب حسابات في صالحهم زي ان بتاع الـ HR يعين في الشركة موظف وهمي او ان بتاع المشتريات يضرب فواتير بقيم مش حقيقية!
2- Executive level fraud :
وده بيكون الـ Fraud اللي بيساهم فيه المديرين و الـ Top Management وغالبا ما بيكون الـ Fraud ده هدفه
ان القوائم المالية تظهر بالشكل اللي هما عاوزينه ….
زي انهم يحاولوا يظهروا الأرباح أعلي من حقيقتها عشان يحافظوا علي سعر السهم في البورصة أو
لأن الـ Bonus بتاعهم معتمد علي الأرباح.
والسؤال هنا : ازاي ممكن نمسك الغش دا وندور عليه وهل ليه مؤشرات ولا لأ؟
اعتقد كلنا متفقين ان الـ Role الأصيل اللي المفروض تلعبه القوائم المالية هو مساعدة الـ Decision Makers
في ان هما ياخدوا قرارات أحسن بناءا علي معلومات سليمة.
بس تفتكر هل الـ Historical Cost أو التكلفة التاريخية واللي دايما بنستخدمها عشان نسجل الـ Assets
في الدفاتر بتاعتنا بتعكس الوضع المالي الحقيقي للشركة؟!
لأ طبعا مش بتعكس عشان انت ممكن تلاقي القيمة الدفترية لمبني اشتريناه من 5 سنين مثلا 3 مليون
وهو يساوي دلوقتي 15 مليون!
يعني كان الأولي ان احنا نقيس الأصول بمقياس تاني زي الـ Fair Value أو الـ Replacement cost.
أمال ليه بقي بيظهر بالـ Historical Cost؟
عشان الواقعية… المعلومة هنا هيا اللي هتاخد الـ Priority في حسابتنا.
مش فاهمك؟!
بمعني ان انت عشان تحدد الـ Fair Value بتاعت الأصل دلوقتي هيدخل فيها عامل الـ Estimation والـ Valuation
وده بيخلي الموضوع مبني شوية علي وجهة النظر بتاعت الادارة لكن الـ Historical Cost دي حاجه واضحة و مثبته بمستندات و فعلية.
طيب والمشكله دي بتتحل ازاي .. دايما الـ Disclosures بتكون هيا الحل وعشان كده هتلاقي ان معيار الأصول الثابتة
في أي معايير محاسبية بيطلب منك ان انت تعمل Disclosures كتير عشان تقدر تغطي احتياجات الـ Users المختلفة.
ذو صلة: