المحلل المالي الفاهم مين هو والهدف منه | بناء التقارير المالية
” المحلل المالي ” الهدف الأساسي من وجوده في الشركة هو مساعدة الادارة انها تاخد قرارات تحسن من وضع الشركة و كذلك الربحية بتاعتها عن طريق تحليله لأداء الشركة من خلال ال Data الكتير اللي بالفعل متجمعه عنده.
المحلل المالي
ودلوقتي هنتعرف علي عناصر مقالنا :
- مين هو المحلل المالي الفاهم و كذلك الهدف منه ؟
- ازاي بقدر استفيد من ال Data.
- بناء التقارير المالية.
مين هو المحلل المالي والهدف منه ؟
الهدف الأساسي من وجود المحلل المالي في الشركة هو :
مساعدة الادارة انها تاخد قرارات تحسن من وضع الشركة و الربحية بتاعتها عن طريق تحليله لأداء الشركة من خلال ال Data الكتير اللي بالفعل متجمعه عنده.
وعشان المنافسة بقت صعبة في السوق فالادارة بقت محتاجه ان هيا تبقي دايما متابعة الأرقام اللي بتحققها و كذلك بتدور علي أفضل الحلول المتاحة قدامها و عشان تقدر تعمل ده بدأت تدور علي المحلل المالي الفاهم.
مين هو المحلل المالي الفاهم ؟
المحلل المالي الفاهم مش مجرد حد بيحلل Data ويطلع تقارير لكن هو :
– فاهم ال business كويس و عارف أهداف الادارة بتاعته و بيشتغل بناءا عليها.
– بيقدر يستخدم ال budget بتاعة الشركة مش بس كأداة Control لأ بيقدر من خلالها ان هو يخلق روح جديدة في الشركة و كذلك بيستخدمها كمان كأداة تحفيز لكل الناس اللي حواليه في الاقسام المختلفة.
– بيدور علي الثغرات اللي موجوده في كل الادارات و الانشطة اللي الشركة بتعملها و اللي ممكن تأثر علي الربحية بتاعت الشركة مش عشان يطلع تقارير بشوية انحرافات لأ عشان يدور علي حلول للبيزنس تساعد الادارة في ان هيا تطور أدائها.
– بيلعب دور مهندس الصيانة لأداء الشركة و كل ال tools اللي هو محتاجها ال Knowledge و ال Data و ال Excel Sheets
ال Financial ratios ……….. او المؤشرات المالية
ازاي المحلل المالي يستفيد من ال Data ؟
أي Data عشان تقدر تستفيد منها لازم تحولها من مجرد Data لأداة تقدر من خلالها تاخد قرارات،
و تبني عليها Actions وعشان ال Data تقدر تلعب الدور ده لازم أي حد يقراها يقدر يعرف 3 حاجات :
- ايه اللي حصل فعلا بمعني ان اللي هيقرا ال Report يقدر من خلاله يفهم الاحداث اللي حصلت.
- اللي حصل ده حصل ليه ؟
- أخيرا لازم التقرير بتاعي يخلي اللي بيقراه يقدر يتوقع اللي هيحصل قدام.
بناء المحلل المالي للتقارير المالية
كلنا عندنا Sheets مليانه Data و أرقام و هي اللي بنستخدمها عشان نطّلع منها التقارير اللي بتبقي مطلوبة مننا.
سواء كانت يومية أو اسبوعية أو شهرية.
وعشان تكون التقارير اللي انت بتعملها تبقي مؤثرة في اتخاذ القرار و شغلك يبقي أحسن ويبان،
يبقي انت لازم تبني التقارير بتاعتك بناءا علي 3 قواعد.
قواعد بناء المحلل المالي للتقارير المالية
1- لو بصيت علي قائمة الدخل كمثال هتلاقي ان هيا بتوضحلك ايه اللي حصل في الشركة خلال فترة معينة و دي ( أول قاعدة ).
2 – بس عشان تبقي المعلومات دي قيمة بالنسبة للي بيقرا القوائم المالية لازم نعمله ايضاحات تقوله هيا ال data دي جت منين أو محسوبه كده ليه ودي ( القاعدة ال2 ).
3 – مطلوب منك دايما ان انت تقدم قائمة الدخل بتاعت الفترة دي و الفترة اللي قبلها، و ده بيخلي قارئ القوائم المالية قادر ان هو يتوقع ايه اللي هيحصل قدام ودي ( القاعدة ال3 ).
و عشان كده أي Reporting system عشان يتصنف انه فعال لازم يكون ملتزم بال3 قواعد.
مطلوب منك بقي ان انت تروح تراجع التقارير اللي انت بتعملها عشان تتأكد من ان هيا ملتزمة بال3 قواعد.
كمان لو حابب تعرف معلومات أكتر عن التحليل المالي بص علي قسم :
لو محتاج ملف Excel لتحليل القوائم المالية اضغط علي لينك التحميل من هنا :