العائد على متوسط الأصول (ROAA)

العائد على متوسط الأصول (ROAA) “Return on Average Assets” بيعمل على زيادة نسبة العائد على الأصول، بدل من إجمالي الأصول في نهاية الفترة، بياخد متوسط رصيد البداية والنهاية للأصول لفترة معينة، وبيتحسب عن طريق قسمة صافي الأرباح على متوسط إجمالي الأصول (نجمع أصول البداية والنهاية ونقسمهم على 2).

ROAA هو مؤشر على كيفية استغلال الشركة لأصولها لتحقيق الربحية.

إقرأ المزيد: العائد على الأصول (ROA) – عائد الاستثمار بالنسبة لأصول الشركة

معادلة العائد على متوسط الأصول

العائد على متوسط الأصول (ROAA) = صافي الأرباح / متوسط إجمالي الأصول

وهنا هنتكلم عن حاجتين في المعادلة:

• صافي الدخل: لو بصينا على قائمة الدخل للشركة، هنلاقي صافي الدخل واللي بيكون آخر حاجة في القائمة، لما بنطرح الضرائب من الربح قبل الضرائب (PBT) بنعرف الربح بعد الضرائب (PAT) أو صافي الدخل.
• متوسط إجمالي الأصول: عشان نعرف الأصول، لازم نبص على قائمة مالية تانية للشركة وهي الميزانية العمومية، هنلاقي الأصول المتداولة والأصول الثابتة، بنجمع إجمالي الأصول في البداية وإجمالي الأصول في النهاية وبعدين نقسم المجموع على 2 عشان نعرف المتوسط البسيط.

النقاط الرئيسية

• العائد على متوسط ​​الأصول هو مقياس بديل عن استخدام إجمالي ا​لأصول اللي الشركة بتستخدمها في نهاية السنة، بنستخدم الرصيد الختامي والافتتاحي للشركة عشان نحسب العائد على المتوسط ​​للأصول.
• المعادلة اللي بتُستخدم عشان تحسب العائد على متوسط ​​الأصول هي صافي الدخل مقسوم على مجموع الأصول المتوسطة للشركة وده بنحسبه عشان يوضح ربحية الشركة.
• لو العائد على متوسط ​​الأصول منخفض، يبقى الشركة بتستخدم أصول أكتر، والشركة اللي عندها زيادة في العائد على متوسط ​​الأصول معنى كده إنها بتستخدم أصول أقل.
• المحللين بيستخدموا النسبة عشان يقارنوا الشركات في صناعات مشابهة عشان يشوفوا ازاي بتنجح ماليًا وعشان يقيسوا جدارتها الائتمانية.

مثال علي العائد على متوسط الأصول (ROAA)

ناخد مثال بسيط لحساب معادلة “ROAA”، شركة “Eye Lash” عندها المعلومات دي:

• صافي الدخل – 150000 دولار.
• إجمالي الأصول في البداية – 500000 دولار.
• إجمالي الأصول النهائية – 400000 دولار.

أول حاجة هنحسب متوسط الأصول:

متوسط إجمالي الأصول = (500000 دولار + 400000 دولار) / 2 = 450.000 دولار.

باستخدام معادلة الـ”ROAA” هيطلعلنا:

• ROAA = صافي الدخل / متوسط إجمالي الأصول.
• = 150.000 دولار / 450.000 دولار = 1 / 3 = 33.33%

استخدامات معادلة ROAA

يلا نفهم تطبيق معادلة العائد على متوسط ​​الأصول:

• للمستثمرين، مهم جدًا يعرفوا إذا كانت الشركة قوية ماليًا ولا لأ، بيستخدموا معادلة العائد على الأصول عشان يشوفوا ازاي الشركة بتستغل أصولها.
• لو العائد على الأصول أقل، ببساطة ممكن نفهم من كده إن الشركة بتستخدم أصول أكتر، ولو العائد على المتوسط ​​للأصول أعلى، الشركة بتستخدم أصول أقل.
• المستثمرين لازم يشوفوا الصناعة قبل ما يترجموا النسبة، عشان أي صناعة بتستخدم أصول أكتر هتنتج عائد أقل على المتوسط ​​للأصول للشركة والعكس صحيح.
• للإدارة كمان، النسبة دي مهمة عشان ممكن توضح الكتير عن أداء الشركة، وبمقارنة النسبة مع شركات مشابهة لنفس الصناعة، الإدارة هتقدر تفهم ازاي الشركة بتشتغل.

العائد على متوسط الأصول في Excel

دلوقتي هنعمل نفس المثال اللي فوق في إكسل، هنحتاج القيمتين، صافي الدخل ومتوسط ​​إجمالي الأصول.

العائد على متوسط الأصول هو مقياس لقدرة الشركة على تحقيق أرباح من أصولها.

ايه النسبة الأفضل للعائد على متوسط الأصول؟

النسبة الأفضل هي 5% المحللين بيستخدموها عشان يقيسوا أداء الشركات ومصداقيتها عشان يفهموا أكتر إذا كانت الشركة بتستغل الأصول بطريقة صحية ولا لأ.

ايه العلاقة بين العائد على الاستثمار والعائد على الأصول؟

عائد الأصول هو جزء من عائد الاستثمارات عشان نفهم كفاءة الشركة بناءًا على إجمالي أصول الشركة.

مهم: نسبة النفقات العامة (Overhead Ratio) – أدوات التحكم في المصروفات العامة للشركة

ليه العائد على متوسط ​​الأصول مهم للبنوك التجارية؟

العائد على متوسط ​​الأصول مهم للبنوك عشان بيحدد الصعوبات اللي بتواجهها أثناء تحليل القوائم المالية للشركة، واللي بتدل على قيمة الأصول المستخدمة.